教育王國

標題: 冤枉!以為我打仔! [打印本頁]

作者: wan_sosin 時間: 14-6-14 18:23 標題: 冤枉!以為我打仔!

係兒童精神科上小一預備班!

個姑娘以為我打個仔,我仔手臂上有兩條好細紅色痕,就認為我用騰條打佢,但當日又唔向我求證,到下一個星期去,攪到個心理學家話我親子關係有問題,我一頭霧水,又話見我對個仔態度唔好(只係見到我接同送嗰幾分鍾)
最後完咗先問我係唔係打仔!其實一早就要問咗先啦!點解唔問清楚?就係心入面判斷我!好動嘅小朋友身上有點傷痕有幾出奇!連學校都唔會問,都明白細路仔好易周身傷!佢哋係專業,有懷疑係正常,但都要問清楚先啦!唔問就咁話我!

我真係好唔開心,觀察幾分鍾就話我對個仔唔好!我平時成日咁長,做咗幾多嘢,30幾度仲同個仔去公園玩一齊玩!佢哋唔去諗下,為乜份工都唔做湊個仔!佢哋又有無問下我個仔,點睇我?我個仔自己識講架!我真係對佢唔好,細路仔唔會識掩飾!

我老公聽完我講都好嬲,叫我下次唔好去,我話算啦,都最後一次!同埋日後仲要去覆診!又唔可以唔去,都仲未攪清楚我個仔嘅情況!希望只係偶然事件啦!

多謝jm們聽我呻!

作者: lillymarie 時間: 14-6-14 21:31

可考慮寫返封信向有關人士反映這件事和表達妳的感受。

作者: wan_sosin 時間: 14-6-14 22:53

lillymarie 發表於 14-6-14 21:31
可考慮寫返封信向有關人士反映這件事和表達妳的感受。

你嘅意見值得考慮,不過話我嗰個,係好高級嗰個心理學博士,真係有D失望,之前嗰個調咗職,反而好D,都好體諒家長嘅難處!

作者: HaYi 時間: 14-6-20 10:42

會不會是你阿仔同佢地說?

不過ADHD 的細路好易作古仔, 我個試過P1時有犯錯, 告訴班主任佢阿爸打佢, 佢班主任打電話來了解, 我說我先生成日去trip, 根本人不在港, 點打佢. 氣死我, 另外識個小朋友, 一見人家要求佢做好些, 就推給家人又哭又啼, 都是ADHD加ODD的.

後來了解ADHD 的小朋友因為有障, 習慣推一些責任給它人, 又不肯認錯, 所以有好多時會失實

作者: 麥兜MaMa 時間: 14-6-25 10:21

我爸爸朋友個孫. 試過無啦啦, 悶掛, 在家打電話報警, 說嘛嘛打佢.
警察上門, 嘛嘛O哂, 好彩佢甘岩有朋友在家, 做證根本冇人掂個細路.

作者: chowqv 時間: 14-7-1 23:42 標題: 回覆：wan_sosin 的帖子

呢樣野，我個仔自細我受左唔少。

作者: wan_sosin 時間: 14-7-2 00:22

HaYi 發表於 14-6-20 10:42
會不會是你阿仔同佢地說?

不過ADHD 的細路好易作古仔, 我個試過P1時有犯錯, 告訴班主任佢阿爸打佢, 佢班 ...

我個仔唔會咁做!加上我仔唔知乜叫騰條,但D姑娘話我係用騰條!我仔好維護我,如果佢認為有人對我唔好,佢都會去"尋仇"!所以佢唔會講我壞話.
我又點會唔知我仔係乜嘢性格,佢有無講大話我一定知!

作者: wan_sosin 時間: 14-7-2 00:33

chowqv 發表於 14-7-1 23:42
呢樣野，我個仔自細我受左唔少。

我好記得你講過!同你情況好似!
但比精神科懷疑我,嗰道話晒都係政府部門!萬一佢真係以為我虐兒,就好大件事!
我仔係領養,如果通知埋社署,隨時會帶我個仔走!佢係難教,但我唔想無咗個仔!
我同佢感情好好!激c咗我都仍然好愛佢!

歡迎光臨教育王國 (/)