教育王國

標題: 英藝-前台接待員的質數，越來越差 [打印本頁]

作者: Yuki_licenza 時間: 14-6-14 11:07 標題: 英藝-前台接待員的質數，越來越差

喺英藝哩三年，一向比本人嘅感覺中等，老師嘅質數唔錯，尤其，K3嘅班主任，值得一讚。
今日，原本心情好好，仔仔終於行畢業禮。學校通告，叫家長8：00am帶小朋友返學校，準備下午嘅畢業禮。婆婆已經一早帶仔仔返學。到8：10am，學校打比我，話我個仔未到，我同學校講，佢哋已經出咗門口，然後立即打比婆婆，無奈，無人接聽。
發生咁嘅事，相信每個媽媽都擔心，一個係自己媽咪，一個係自己個仔。我再打比學校，問清楚情況，嗰位前台服務員真係「好」，一開始已經問我邊位家長，咩事！咁我當然照直同佢講，佢話「頭先，應該係班主任打比我，叫Miss覆我，最搞笑係，我已經話係學生媽咪，佢竟然叫爸爸😡😡」。
過咗5-10分鐘左右，我見學校未覆，又揾唔到婆婆，人始終會開始擔心，再打比學校，嗰位同事嘅態度係「推得就推」，最叻係佢唔hold條線，比我聽到佢哋嘅對話，然後，比咗另一位老師聽，哩位老師仲絕，只係同我講，我個仔已經喺學校，無事。收線唔夠廿秒，我仔仔個班主任打比我，詳細講我知究竟發生咩事。原來，我個仔準時返到學校，因表演關係，佢分嗰組由另一位老師負責，佢哋搞錯咗，以為我個仔未返。而佢哋喺未搞清楚嘅時候，前台就打比我，件事就發展成咁。
老實講，畢業禮，只比兩位家長出席（當然要額外比錢），我同其他家長已經不滿，買多一兩張飛都話唔得，仲話就算有，都要分開坐。今日，仲要發生件咁嘅事。好彩，已經係最後一年，返多一個月就bye bye。如果唔係，我會即刻同個仔轉校。

作者: Mandykenji 時間: 14-6-17 12:48 標題: 回覆：Yuki_licenza 的帖子

我bb讀這學校PG ...我必須跟住一起上堂，好多時間見到教跳舞個位講吾正廣東話老師！教學生跳舞全完沒有愛心！好悪咁，同學仔一吾記得舞蹈就好大力咁拉佢隻手咪自己位，話到D學生喊，所以我不會再比bb study on this school

作者: queenie1985 時間: 14-6-23 10:32

Mandykenji 發表於 14-6-17 12:48
我bb讀這學校PG ...我必須跟住一起上堂，好多時間見到教跳舞個位講吾正廣東話老師！教學生跳舞全完沒有愛心 ...

阿仔之前都上過呢間PG....我都見到教跳舞個老師! 好大聲好惡...d語氣好差 "你企好d 啦! 唔係企呢邊呀!" 跟住一手好大力咁扯個小朋友埋去.

同埋佢個PG 真係好廢....個NET 完全係hea 時間. 佢講完故事就收工, d小朋友走嚟走去完全唔理佢, 佢都無反應! 我好懷疑係唔係n 都係咁.

作者: homommy 時間: 14-7-13 23:04

pg廢到。。。一個人都開group,咩叫group 呀？嬲得我！！！

歡迎光臨教育王國 (/)