教育王國

標題: [報料]屯門小一派位淪陷! [打印本頁]

作者: kelly707 時間: 14-6-13 22:16 標題: [報料]屯門小一派位淪陷!

今年教統局逼屯門接收九百多個跨境學童，

令屯門各比較熱門小學立即變相可以「吊高嚟賣」！

最近個個家長都幫小朋友周圍叩門，

我都唔例外。

咁我自己揀學校首先希望方便自己住的地方，

同埋因為屋企係道教，

所以就首選咗道教青松小學(山景個間)。

係一開始填自行派位表之前，

我仲特意去咗學校聽講座，

咁個校長想當日首先承諾「我地一定係只會俾揀我地學校做 1 1 1的小朋友面試先」「我地絕對唔贊成筆試嚟揀學生」

可能今年佢覺得多人爭佢學校就嚟一招講一套做一套！！！

首先，

我尋日收到電話的時候佢係通知我「我地會星期五2-3點同小朋友進行筆試⋯⋯」

係，我無聽錯，佢確實同我講係筆試，筆試過後先再安排睇下會唔會面試！！！

跟住，同小朋友同校的同學有好多都唔係1 1 1揀佢都有得去筆試！！！

我真係好想梁校長解釋下點解當初咁實牙實齒講唔筆試同一定只揀1 1 1 的小朋友先囉！！！

學校多人叩門就立即「吊高嚟賣」「講一套做一套」，

誠信都無學咩人辦學吖？？

係未因為跨境學童就令原有的風起敗壞？？

聽返小朋友講，

今日的筆試一共有4頁紙，

老師只係讀下題目之下要小朋友自己完成，

其中仲有係睇完段英文根據內容畫返圖畫添！

如果就憑小朋友咁樣筆試就決定個小朋友讀唔讀到書，

咁即係呢間學校都好懶，

無打算幫小朋友發揮潛能，

純屬「死讀書」！

我而家超級後悔揀咗一間咁既學校做1 1 1！！！！！！

大家下年點揀？？真係首先要揀一間有誠信的學校先吖！！！！

作者: patsyko1437 時間: 14-6-15 02:21 標題: 回覆：[報料]屯門小一派位淪陷!

咁你最後入到嗎？

作者: ac917 時間: 14-6-15 08:21 標題: 回覆：[報料]屯門小一派位淪陷!

樓主，雖然我都好明白你嘅心情，但其實呢個係社會現實嘅！我係九龍區所見嘅都係一模一樣，到叩門階段，津貼學校先有收生自主權，對於嗰剩餘10個8個位，甚至更少，學校必定要收精英，甚麼3條1的誠意，唔足以確保收到最想要嘅學生，而且呢個階段並非政府小一派位管核範圍，以你呢間連我九龍人都知並非輕鬆小學，面試要考卷一d都唔出奇，你而家憤怒，不如速速去好好為小朋友裝備，都係嗰句，社會係現實，機會只會留俾有準備嘅人，加油！

作者: nillnill 時間: 14-6-15 08:31 標題: 回覆：ac917 的帖子

樓主
今年好多學校放榜後都轉左口風
以北區的小學為主
好多以往，甚至9月自行失敗，校長都出信予家長叫家長繼續111，便會積極考慮約見。
結果，根本不講111，上水大部份小學即玩筆試及第一輪面試。111最優惠只係一定提供第一輪面試咋。
又例如粉嶺某小學，如之前所說叫家長111，結果叩門，好多家長111都無得見，反而排第8都有得見。好明顯係看成績及履歷篩選左先。
因為好多都設筆試或者設第一輪面試，考中英數，所有推薦信根本無用，小朋友始終要靠實力去爭取下一輪的機會。

作者: kenwong888 時間: 14-6-15 08:37

nillnill 發表於 14-6-15 08:31
樓主
今年好多學校放榜後都轉左口風
以北區的小學為主

Exactly true!

作者: emily21921 時間: 14-6-15 08:41 標題: 回覆：[報料]屯門小一派位淪陷!

小朋友有實力，我唔信學校會不收，反而去收個d1-1-1.
比你1-1-1入到，最後又讀唔上，到時家長和小朋友又要另找學校，咁又咪苦了大家。

作者: lovebb2 時間: 14-6-15 08:41 標題: 回覆：[報料]屯門小一派位淪陷!

唉！校長都無誠信，無言。

作者: MrBeast 時間: 14-6-15 08:59

天下烏鴉

作者: sissysze 時間: 14-6-15 10:16 標題: 回覆：[報料]屯門小一派位淪陷!

有權揀就梗係揀嗰叻架啦，間間都係甘，唔收只能怪自己小朋友技不如人

作者: CALVEN 時間: 14-6-15 10:33

家長想揀好學校

學校何嘗唔想揀叻學生

作者: dannyyau302 時間: 14-6-15 10:35 標題: 回覆：[報料]屯門小一派位淪陷!

單純參與統一派位，有苦自己受！趁私校有位執番個吧！

歡迎光臨教育王國 (/)