教育王國

標題: 評估一問！！！！ [打印本頁]

作者: ashleylovebb 時間: 14-6-13 11:59 標題: 評估一問！！！！

想問問大家其實點解當初會帶小朋友去做評估呀？我都安排緊去做評估但我99好反對覺得我噤做係多如無需要！！佢話我人比人比死人個個小朋友性格唔同 !!我仔語言能力好差 2歲半只係講到2個疊字，同埋佢走來走去5聽指令我講十句佢先聽一句冇耐性容易發脾氣，n班面試間間5收所以我先搵評估佢做咋！！

作者: wan_sosin 時間: 14-6-14 18:00

本帖最後由 wan_sosin 於 14-6-14 18:00 編輯

回覆 ashleylovebb 的帖子

唔洗介意,無需介意任何人的睇法!
你認為要評估就去吧,是你自己的小朋友,他們不需為你小朋友的人生負責任,當然睇得輕鬆!

評估又唔等於個小朋友就一定有事!只係買個保險!當然都希望小朋友只係發展上有點小差異,而不是大問題!

但如果真的發現小朋友有地方需要跟進,其實首先是好事,因為及早發現!但也要有心理準備,會有很多不同的人,會同你講好多嘢,好多唔同意見,有善意的,當然會有多事的!連做評估嘅專家,職員得都可能會講d使你為難的說話!

最近我先比精神科個姑娘以為我打個仔,我仔手臂上有兩條好細紅色痕,就認為我用騰條打佢,但又唔向我求證,攪到個心理學家話我親子關係有問題,我一頭霧水,最後先問我係唔係打仔!其實一早就要問咗先啦!點解唔問清楚?就係心入面判斷我!好動嘅小朋友身上有點傷痕有幾出奇!連學校都唔會問,都明白細路仔好易周身傷!

所以唔好理,最緊要自己知道做緊個點樣嘅呀媽!自己係唔係對得住個小朋友!最緊要你去做評估,都因為你愛個小朋友!

作者: mango_cafe 時間: 14-6-21 16:20 標題: 回覆：ashleylovebb 的帖子

當時做評估都是幼稚園老師或興趣班老是建議，評估出來若有問題就解決問題，若無問題就可以定心D

作者: jolalee 時間: 14-6-24 10:06

"我仔語言能力好差 2歲半只係講到2個疊字"
Does he watch TV or use iPhone / iPads? Kids who are exposed to electronics a lot tend to have speech delay.

"同埋佢走來走去5聽指令我講十句佢先聽一句冇耐性容易發脾氣"
我個仔嗰陣都係，after therapy he's much better. 佢係感統

歡迎光臨教育王國 (/)