教育王國

標題: 有冇一D初小成績一般, 但高小突飛猛進的例子? [打印本頁]

作者: joykenleung 時間: 14-6-10 23:06 標題: 有冇一D初小成績一般, 但高小突飛猛進的例子?

囡小二成績一般, 有點擔心愈高班愈差

有冇一D初小成績一般, 但高小突飛猛進的例子?

作者: Jane1983 時間: 14-6-10 23:29

大把啦！不過在高小突飛猛進的小朋友，多數都係愛閱讀、肯思考和讀書得其法的，成功無僥倖。

作者: hadwinboy 時間: 14-6-10 23:59 標題: 回覆：有冇一D初小成績一般, 但高小突飛猛進的例子?

要視乎小二成績唔好的原因，例如數學只是不小心，那麼上到高小是可以突飛猛進的。但如是語文唔好而又不下功夫，個底弱，上到高小很難改變，只會越來越差。

作者: longlokma 時間: 14-6-11 08:31 標題: 引用：囡小二成績一般,+有點擔心愈高班愈差有冇一

原帖由 joykenleung 於 14-06-10 發表
囡小二成績一般, 有點擔心愈高班愈差

有冇一D初小成績一般, 但高小突飛猛進的例子?

中学不出奇，因为高中会分科，但小学比較難，因小一至小六都係同样科目、同样学習模式。除非问題是源於孩子学習態度，孩子由消極变成積極，这样才有突破的可能

作者: sonkhl 時間: 14-6-11 08:50

回覆 Jane1983 的帖子

真係唔小,我相信間間學校都有,較明顯會發生在小學上中學.

作者: papaof2 時間: 14-6-11 09:33

提示: 作者被禁止或刪除內容自動屏蔽

作者: IloveJJ 時間: 14-6-11 10:15 標題: 引用：囡小二成績一般,+有點擔心愈高班愈差有冇一

提示: 作者被禁止或刪除內容自動屏蔽

作者: hoihoima 時間: 14-6-11 12:51

papaof2 發表於 14-6-11 09:33
我覺除成績外，努力上進愛讀書才可長遠。紙上成績不代表一切尤其現今社會。 ...

紙上成績固然不代表一切，不過如果連紙上成績都無，條路就會難行好多了。

作者: Yanamami 時間: 14-6-11 13:01

本帖最後由 Yanamami 於 14-6-11 13:05 編輯

禁要知點解會成績唔好，對症下藥，坐喺度唔做野，喺唔會特飛猛進的。

都同意樓上講，多見于小升中。其實讀書同答卷方法唔同曬，有人會進步，亦有人因家長再幫唔到，而自己又未摸到讀書、答卷方法，會退步。所以相信要有好的學習態度同方法先得。

作者: papaof2 時間: 14-6-11 13:08

提示: 作者被禁止或刪除內容自動屏蔽

作者: 洋蔥頭媽咪 時間: 14-6-11 13:14 標題: 引用：囡小二成績一般,+有點擔心愈高班愈差有冇一

原帖由 joykenleung 於 14-06-10 發表
囡小二成績一般, 有點擔心愈高班愈差

有冇一D初小成績一般, 但高小突飛猛進的例子?

我仔可以算係，小一，二考試7x,8x左右，初小我不太介意分數，反而重點培養佢有問題主動學習，自律，學習態度，多看課外書等等…… 教識佢自己温習，小三起我已大部份放手，測考都係佢自己温，呢兩年都考到全级30名內，今年小四剛考完試成績比之前再好。的確閱讀對小朋友幫助不少。

作者: JC_mami 時間: 14-6-11 13:23

回覆 joykenleung 的帖子

我有個做醫生的朋友，小學成績麻麻，中學band3，初中突然發奮圖強，預科去左港島一間神校，跟住入左醫學院。所以這個世界沒有不可能發生的事，尤其男仔，只要肯發奮，很多都能突飛猛進。
加油！

作者: sonkhl 時間: 14-6-11 13:35

回覆 JC_mami 的帖子

主因是成熟了,更而且開竅.所以不要放棄,大把時間在中學追.

作者: longlokma 時間: 14-6-11 13:42 標題: 引用：回覆+joykenleung+的帖子我有個做醫生的

原帖由 JC_mami 於 14-06-11 發表
回覆 joykenleung 的帖子

我有個做醫生的朋友，小學成績麻麻，中學band3，初中突然發奮圖強，預科去左港島 ...

所以，中学出現突破不奇，特別是男女校，不少男孩中三开始在理科中表現脱胎换骨

作者: Isaacmommy 時間: 14-6-11 14:29 標題: 回覆：joykenleung 的帖子

有，但小朋友一定要肯努力發奮或本身資質高。小學時有個男同學成績平平，但最後入到医學院。其實有好多猛人(尤其男仔)小學時不太認真温習或不理會小節而令到成績一般，到了中學認真起來就成績特飛猛進。

作者: naughtybj 時間: 14-6-13 12:15 標題: 回覆：有冇一D初小成績一般, 但高小突飛猛進的例子?

提示: 作者被禁止或刪除內容自動屏蔽

作者: naughtybj 時間: 14-6-13 12:23 標題: 回覆：有冇一D初小成績一般, 但高小突飛猛進的例子?

提示: 作者被禁止或刪除內容自動屏蔽

作者: dontaskme 時間: 14-6-13 12:41 標題: 回覆：longlokma 的帖子

我自己也是這樣，初中在面臨給淘汰的邊緣，然後怕中四冇書讀，要出黎做野，之後就發力考好那中三淘汰試。最後總算順利升上大學。

作者: cheuklokmom 時間: 14-6-13 13:47

回覆洋蔥頭媽咪的帖子

男孩子升小四有什麼中英文書藉可推介呢?

作者: fion6406 時間: 14-6-13 13:57

我識一個，初小成績麻麻，小三上小四後，就神速進步，小六時全級十名內。佢唔睇課外書的（因佢課外知識好差，例如唔知有三國演義、水滸傳這些書，以為包青天係作出來的人名），但佢學習態度真係好好，上堂唔明唔怕醜一定問老師問到明為止，非常緊張測考範圍呀、分數上落個D呀咁、追住成績好同學請教如何溫書。我估這就是所謂「開竅」吧。

作者: Angelafyfy 時間: 14-6-13 16:28 標題: 引用：囡小二成績一般,+有點擔心愈高班愈差有冇一

原帖由 joykenleung 於 14-06-10 發表
囡小二成績一般, 有點擔心愈高班愈差

有冇一D初小成績一般, 但高小突飛猛進的例子?

突飛猛進多數係三升四年級。特別數學科會較明顯。但中英文個底差，比較難突然好。

作者: joykenleung 時間: 14-6-13 20:40

多謝你們的回應

囡囡喜歡閱讀, 英文可以 (九十多)
中文比英文弱, 但因多看書, 進步中 (八十多)

考試時基本知識都懂, 但常錯大小楷, 漏標點, 抄錯字等大意錯誤

數學最差, 做得慢
考試遇上不懂的題目便只顧一直思考, 跟著幾頁留空 (可以不合格)

所以名次低
擔心她以後都跟不上

這次長post 出來想看看有冇過來人分享, 希望令我不要灰心

作者: 洋蔥頭媽咪 時間: 14-6-15 19:41 標題: 引用：多謝你們的回應囡囡喜歡閱讀,+英文可以+(九

本帖最後由洋蔥頭媽咪於 14-6-15 21:49 編輯

原帖由 joykenleung 於 14-06-13 發表
多謝你們的回應

囡囡喜歡閱讀, 英文可以 (九十多)

唔駛太擔心嘅，如果你要求不太高，囡囡成績已算ok,當然可以有進步空間，如果佢學習態度良好，其實已經唔錯，多些鼓勵小朋友吧！既然你已知道囡囡問題所在，就要教囡囡處理方法，數學考試遇上不懂的就教佢先跳過做下一題，抄字都粗心抄錯就要教佢覆卷等等 … 慢慢黎啦，小朋友會慢慢進步的。加油！

作者: 洋蔥頭媽咪 時間: 14-6-15 21:46

本帖最後由洋蔥頭媽咪於 14-6-15 21:48 編輯

cheuklokmom 發表於 14-6-13 13:47
回覆洋蔥頭媽咪的帖子

男孩子升小四有什麼中英文書藉可推介呢?

呢度其實都有唔少爸媽推介, 你可以參考吓
http://www.edu-kingdom.com/forum.php?mod=viewthread&tid=2821987&extra=&page=1

我本人其實好少要求/規定孩子要睇邊類型課外書 , 只要能誘發小朋友興趣 , 孩子自然會自己選擇

作者: lui 時間: 14-6-16 07:26 標題: 引用：回覆+joykenleung+的帖子我有個做醫生的

原帖由 JC_mami 於 14-06-11 發表
回覆 joykenleung 的帖子

我有個做醫生的朋友，小學成績麻麻，中學band3，初中突然發奮圖強，預科去左港島 ...

我老爺小二留班，之後做左精算系教授。at Mary 校長對家長說，小朋友小一二如是考得差，請你轉校，佢冇見過初小差的之後會讀得好。你信嗎？

作者: lui 時間: 14-6-16 07:33 標題: 引用：囡小二成績一般,+有點擔心愈高班愈差有冇一

原帖由 joykenleung 於 14-06-10 發表
囡小二成績一般, 有點擔心愈高班愈差

有冇一D初小成績一般, 但高小突飛猛進的例子?

我99小學陪叔仔讀書，佢考第二，上到中學即死，大學都入唔到。我老公冇人理，中七發力，入左大學，攞全獎學金讀碩士，讀MBA又攞dean list .所以小朋友要自己有目標。

作者: Yanamami 時間: 14-6-16 08:42

joykenleung 發表於 14-6-13 20:40
多謝你們的回應

囡囡喜歡閱讀, 英文可以 (九十多)

知道喺邊道有問題就喺果度如手啦。上到高小，好多同學追上都喺因為科數。語文要浸，需時。但數可以操，可在短時間內有改善。要喺低小打番好個底，唔喺好追~~加油。

作者: 978212 時間: 14-6-16 14:00

小學數可以操，上到中學現晒型

作者: 978212 時間: 14-6-16 14:08

讀書真係馬拉松，自己都讀過，唔想仔咁早開竅，我想佢中學先發力，可惜佢好似唔係沿着呢條軌跡走，最怕佢讀到中學有心無力。

作者: Olympian 時間: 14-6-16 14:24 標題: 回覆：978212 的帖子

同意。其實中四的數會突然深好多，如A maths，另外physic又係比初中深好多的科目。所以，呢兩科可以將同學能力分高下，有些會突然跑出就係咁解。

作者: muimui812 時間: 14-6-17 11:52

本帖最後由 muimui812 於 14-6-17 11:53 編輯

joykenleung 發表於 14-6-13 20:40
多謝你們的回應

囡囡喜歡閱讀, 英文可以 (九十多)

身同感受。

剛派了試卷，小朋友小二，情況和你一樣。英文9X，中文8X。

數學因為做唔切，不合格，改正可以自己做返唔使問人，即唔係唔識，只係做得慢。數已經是用最多時間預備的一科，所以我無話佢，同佢講做到的部分已對了8X%，比去年因為唔識失分有進步。

見到你地話數學易追，個心都好過啲，雖然都係好擔心……只是想找個位呻下，講完。

作者: Bengylum 時間: 14-6-17 13:54

回覆 joykenleung 的帖子

我相信, 操練絕對幫到你囡囡的數學. 如, 在考試前一至兩星期, 每天按不同的 topic 限時完成一定數量的題目.
我自己不讚成操練的, 怕令小朋友失去計數的興趣. Suppose 數學是 logical thinking, should be fun! 但, 有時都要向現實妥協一下.

歡迎光臨教育王國 (/)