教育王國

標題: 普教中及廣教中,該如何決擇? [打印本頁]

作者: angela1229    時間: 14-6-9 22:29     標題: 普教中及廣教中,該如何決擇?

普教中及廣教中,該如何決擇?




作者: monsterparentss    時間: 14-6-9 23:01

在於我,普教中或廣教中不是選校主因。

學校校風好,成績好,普教中或廣教中都不成問題。
作者: angela1229    時間: 14-6-9 23:06     標題: 引用:在於我,普教中或廣教中不是選校主因。學校

原帖由 monsterparentss 於 14-06-09 發表
在於我,普教中或廣教中不是選校主因。

學校校風好,成績好,普教中或廣教中都不成問題。 ...
其實是兒子明年小二開始要選,這2日要回覆學校意願。母語好處是他學習會上手D,普通話會對寫作及說話標準有幫助,煩惱中




作者: monsterparentss    時間: 14-6-10 00:00

我囝囝係小二生,是普教中,學習上完全沒有問題。小朋友學嘢好快,不用太擔心。

但你話對寫作有幫助,依家仲未睇到。

倒是講到一口流利嘅普通話,聽講都沒大問題。我當佢學多一種語言。
作者: angela1229    時間: 14-6-10 00:11     標題: 引用:我囝囝係小二生,是普教中,學習上完全沒有

原帖由 monsterparentss 於 14-06-10 發表
我囝囝係小二生,是普教中,學習上完全沒有問題。小朋友學嘢好快,不用太擔心。

但你話對寫作有幫助,依家 ...
那在家是否需要配合,因家人普通話真係半桶水




作者: monsterparentss    時間: 14-6-10 00:18

沒有,我的普通話都係半桶水,佢成日話我讀得難聽同唔準。

温默書我讀廣東話,叫佢讀番普通話給我聽就算。
作者: angela1229    時間: 14-6-10 00:24     標題: 引用:沒有,我的普通話都係半桶水,佢成日話我讀

原帖由 monsterparentss 於 14-06-10 發表
沒有,我的普通話都係半桶水,佢成日話我讀得難聽同唔準。

温默書我讀廣東話,叫佢讀番普通話給我聽就算。 ...
其實爸爸好想佢入普教中,仔仔自己想廣教中,仔仔應該自己有D擔心,但其實佢普通話也不錯的,所以要唸下點消除佢嘅疑慮。




作者: 小凝`    時間: 14-6-10 01:52     標題: 回覆:普教中及廣教中,該如何決擇?

其實仔仔意願都要考慮
最怕冇心機讀
普通話同廣東話字詞 即使係同詞義
書面語上既字眼都各有分別
如果只係為作文好啲 睇多啲書 儲多啲字眼亦可以有進步
兩種語言都可以好文雅,都可以好粗俗
都要睇仔仔接受啲咩
如果依家諗用咩語言教
敢就要諗埋中學用咩教啦
個個轉折位會點呢?
你簡得普教中就一定要確保仔仔對廣教中有充足認知
唔係就會比人考起某字詞廣東話既書面語係咩

其實以上所講既 係香港電台曾經播放既節目有提及過既問題之一
留返比家長自己考慮了




作者: MrBeast    時間: 14-6-10 05:59

不如問下高年班的家長,你校實際情況是怎樣。
作者: vicky_hin    時間: 14-6-10 08:28     標題: 回覆:普教中及廣教中,該如何決擇?

我仔都是二年級要揀,我仔話鐘意普中,也問了老師意見,都說普中好,所以我們都揀了普中,但4班只有2班是普中,到時就要睇成績才知入唔入到




作者: angela1229    時間: 14-6-10 08:40     標題: 引用:我仔都是二年級要揀,我仔話鐘意普中,也問

原帖由 vicky_hin 於 14-06-10 發表
我仔都是二年級要揀,我仔話鐘意普中,也問了老師意見,都說普中好,所以我們都揀了普中,但4班只有2班是普 ...
仔仔現在同工人和普通話老師會用普通話溝通,當然中間夾雜咗英文和港式普通話,是否小孩會很容易適應,真係好怕做錯決定!




作者: ANChan59    時間: 14-6-10 09:00

本帖最後由 ANChan59 於 14-6-10 09:02 編輯
angela1229 發表於 14-6-9 22:29
普教中及廣教中,該如何決擇?

我都覺得兩者都可以,我較傾向廣教中,只是個人取向,我喜歡保留廣東話及嶺南文化。

我會在普通活拼音及會話作一些額外補充,在小五小六期間。十二年過去,都幾滿意!

作者: chanwendy    時間: 14-6-10 10:50

angela1229 發表於 14-6-10 00:24
其實爸爸好想佢入普教中,仔仔自己想廣教中,仔仔應該自己有D擔心,但其實佢普通話也不錯的,所以要唸下點 ...
而家係你仔仔讀書, 唔係爸爸讀, 既然仔仔已明確表示想廣教, 為何要逆佢意呢? 將來帶來的反效果, 你係咪承受得到?
作者: sugarnana    時間: 14-6-10 11:05     標題: 回覆:普教中及廣教中,該如何決擇?

普教中的一班,算是精英班嗎?




作者: angela1229    時間: 14-6-10 11:07     標題: 引用:普教中的一班,算是精英班嗎? +

原帖由 sugarnana 於 14-06-10 發表
普教中的一班,算是精英班嗎?
普教中及廣教中各有一班精英班




作者: angela1229    時間: 14-6-10 11:12     標題: 引用:Quote:angela1229+發表於+14-6-10+00:24+其

原帖由 chanwendy 於 14-06-10 發表
而家係你仔仔讀書, 唔係爸爸讀, 既然仔仔已明確表示想廣教, 為何要逆佢意呢? 將來帶來的反效果, 你係咪承受 ...
所以希望將2者的好處和不好處,分析給他聽,然後由他自己揀




作者: sugarnana    時間: 14-6-10 11:42     標題: 引用:Quote:原帖由+sugarnana+於+14-06-10+發表

原帖由 angela1229 於 14-06-10 發表
普教中及廣教中各有一班精英班
咁幾好幾公平喎!我知有啲學校普教中=精英班!




作者: little_yolky    時間: 14-6-10 12:22

angela1229 發表於 14-6-9 23:06
其實是兒子明年小二開始要選,這2日要回覆學校意願。母語好處是他學習會上手D,普通話會對寫作及說話標準有 ...
唔會對寫作有幫助, 但會學多一種口語就真。如果額外有普通話課, 普通話班又唔係精英班, 我會揀廣教中。

作者: little_yolky    時間: 14-6-10 12:26

monsterparentss 發表於 14-6-10 00:18
沒有,我的普通話都係半桶水,佢成日話我讀得難聽同唔準。

温默書我讀廣東話,叫佢讀番普通話給我聽就算。 ...
囡囡普教中, 爸爸同佢溫中默, 佢叫爸爸唔好讀普通話:你啲普通話好難聽。爸爸的心在淌淚。

作者: vicky_hin    時間: 14-6-10 14:01     標題: 回覆:angela1229 的帖子

其他都有少少擔心揀錯,但識好多人都話普中好,所以就放擔一博,我自己的普通話就只係半桶水




作者: monsterparentss    時間: 14-6-10 15:11

回覆 little_yolky 的帖子

叫爸爸唔駛淌淚,呢一代嘅小朋友學語文,發音比我們果代精準好多,都係一件好事!

我囝囝都話我啲英文讀得難聽,真係想樁佢個頭。

作者: little_yolky    時間: 14-6-10 16:11

monsterparentss 發表於 14-6-10 15:11
回覆 little_yolky 的帖子

叫爸爸唔駛淌淚,呢一代嘅小朋友學語文,發音比我們果代精準好多,都係 ...
阿囡同爸爸講:爸爸, 你普通話又難聽、英文又難聽, 我自己讀得喇, 唔駛你教我喇。爸爸好傷心。佢哋可能有NET 所以英文好聽過我哋果代人好多。

作者: little_yolky    時間: 14-6-10 16:55

sonkhl  嘩,發達啦,唔駛教,應該開心唔係傷心。  發表於 1 分鐘前

爸爸好錫佢, 所以好難過。我都有教佢, 雖然係事實, 但都唔好講出嚟, 爸爸好難過的。
作者: 王家爸爸    時間: 14-6-10 17:11

little_yolky 發表於 14-6-10 16:11
阿囡同爸爸講:爸爸, 你普通話又難聽、英文又難聽, 我自己讀得喇, 唔駛你教我喇。爸爸好傷心。佢哋可 ...
很多年前,我仔都講我普通話和英文發音不正確,但我覺得開心。
作者: little_yolky    時間: 14-6-10 17:16

王家爸爸 發表於 14-6-10 17:11
很多年前,我仔都講我普通話和英文發音不正確,但我覺得開心。
因為阿囝比爸爸叻, 所以爸爸好開心。

囝囝係爸爸的伙伴, 但囡囡卻是爸爸的情人, 不一樣的。


作者: sora2013    時間: 14-6-10 22:51

廣中又好,普中又好...

讀到先係重點...
作者: vincher    時間: 14-6-10 23:20

本帖最後由 vincher 於 14-6-10 23:22 編輯

回覆 angela229 的帖子

普教中不能提升寫作能力,研究報告也有談及!另外,小儿小一至中二普教中,
寫作……吾不欲观之!<至多文筆流暢,句子冇口語>
还有,試想想国內來港那批莘莘學子……
如果係咁,佢地普通話頂呱呱,
理应寫作非常好!
非也!在乎有否配合阅讀……
仍是老生常談果句:
多讀、多寫吧!

如果任我选,小四可跳船的話,
我buy初小揀普教中,
高小揀广教中!


作者: hadwinboy    時間: 14-6-11 00:08     標題: 回覆:普教中及廣教中,該如何決擇?

我仔是普教中,暫時未見對造句有任何幫助!但已見一弊病,便是他很抗拒用廣東話讀課文,說不流暢不好聽,但其實當中好多字不懂廣東音。將來他真的不需要講廣東話嗎?




作者: 小凝`    時間: 14-6-11 02:18

hadwinboy 發表於 14-6-11 00:08
我仔是普教中,暫時未見對造句有任何幫助!但已見一弊病,便是他很抗拒用廣東話讀課文,說不流暢不好聽,但 ...
同意! 雖然普通話係愈黎愈普遍, 但始終用得著的地方有限.最簡單一樣野...係香港人但唔識講廣東話...真的是香港人?如果係去外國讀書n年, 返到黎hk, 講廣東話唔流暢, 都能體諒...
但依家身在香港學習, 竟然廣東話學不好......

識講流暢廣東話係香港人最基本的事!
(我中學時的NET teacher 來香港頭兩年,已學會一口十分流利的廣東話.
試問香港人又怎能沒一口流利的廣東話)

普通話有普通話堂,
英語有英文堂,
請問屬於香港人的廣東話中文堂應唔應該有呢?
有冇必要為學多種語言而減少他們接觸廣東話的機會?



到時子女只會跟自己說普通話,而自己就跟他們說廣東話? (感覺很怪?!)


作者: angela1229    時間: 14-6-11 07:11     標題: 回覆:小凝` 的帖子

多謝大家嘅意見,經過同老師,老公討論及兒子的意願后,決定以小兒學得最舒服,最安心的母語學習,畢竟是孩子讀書,只要他開心學習便是了。普通話另外學吧!




作者: chanwendy    時間: 14-6-11 11:09

angela1229 發表於 14-6-11 07:11
多謝大家嘅意見,經過同老師,老公討論及兒子的意願后,決定以小兒學得最舒服,最安心的母語學習,畢竟是孩 ...
點解要出去學普通話? 學校本身冇普通話堂的嗎? 有的話, 其實讀完六年應該都講得好架喎.
作者: jojoplanet    時間: 14-6-11 12:13

angela1229 發表於 14-6-9 22:29
普教中及廣教中,該如何決擇?
當然是普教中啦...
作者: Silverhawk    時間: 14-6-12 00:15

普通話好對寫作未必有幫助, 眼見兒子同學從小已請私人教授普通話, 幼稚園時已能說得非常流利, 小學亦是普教中, 但他的中文成績卻不理想, 中作亦很差, 能說不一定能寫。
作者: awah112    時間: 14-6-12 00:20     標題: 引用:Quote:王家爸爸+發表於+14-6-10+17:11+很多

提示: 作者被禁止或刪除 內容自動屏蔽
作者: Obiepapa    時間: 14-6-12 18:06     標題: 引用:Quote:王家爸爸+發表於+14-6-10+17:11+很多

原帖由 little_yolky 於 14-06-10 發表
因為阿囝比爸爸叻, 所以爸爸好開心。

囝囝係爸爸的伙伴, 但囡囡卻是爸爸的情人, 不一樣的。





作者: Cheeselover    時間: 14-6-12 18:21     標題: 回覆:普教中及廣教中,該如何決擇?

老早指出中文好不好跟普教或廣教沒有關係,不如讓小孩快樂學習,效果更佳。




作者: Vickymouse    時間: 14-6-19 22:37     標題: 回覆:普教中及廣教中,該如何決擇?

我仔都可選普教中定廣教中,升小四,成績中上上上先可入普教中,但我憂慮選咗普教中,成績會下跌,要默書、聆聽、中文課都普教...,但排全級名次時都與廣教中一起排,驚跌得多,因冇家人識講普通話。5、6年班跌出band 1組別!!?可能憂慮太早、但唔想選錯!! 學校有亞乜太太話之前全級第一名個位師兄在廣教中班。又想學得流利普通話。你哋會點選?








歡迎光臨 教育王國 (/) Powered by Discuz! X1.5