教育王國

標題: 18網（南區）派位如何。 [打印本頁]

作者: LingLongMami 時間: 14-6-9 14:04 標題: 18網（南區）派位如何。

小囡2015 升小一，想睇下升小一情況。
謝謝。

作者: LingLongMami 時間: 14-6-9 18:24 標題: 回覆：LingLongMami 的帖子

有無料可報下？

作者: Maria 時間: 14-6-9 22:48 標題: 回覆：LingLongMami 的帖子

我都想知。

作者: LingLongMami 時間: 14-6-10 14:37 標題: 回覆：18網（南區）派位如何。

請在南jm 報料

作者: misstsangivy 時間: 14-6-10 15:10

18區, 身邊有好多都派到第一志願入海寶, 田始........
而我本人第一選南官入唔到, 有一個朋友又係入唔到~之後, 就跌到好後志願~~~
南官同海寶其實都多世襲, 小位,  如果選擇他們做第一, 那第二志願盡量選多位的學校, 如果唔係多數要跌到好後, 因為比人選曬,
而置始放第三志願都已經入唔到..........大家出年排位要小心啦!!

作者: LingLongMami 時間: 14-6-10 17:38 標題: 回覆：misstsangivy 的帖子

多謝𧶽教。

作者: poodlema 時間: 14-6-10 18:02 標題: 回覆：misstsangivy 的帖子

How about香港仔聖伯多祿？

作者: Siugy25 時間: 14-6-10 18:41

本帖最後由 Siugy25 於 14-6-11 07:10 編輯

我甲部全部選晒跨區, 唔中. 派咗乙部第一志願田灣始南

作者: LingLongMami 時間: 14-6-10 21:04 標題: 引用：我甲部全部選晒誇區,+唔中.+派咗乙部第一志

原帖由 Siugy25 於 14-06-10 發表
我甲部全部選晒誇區, 唔中. 派咗乙部第一志願田灣始南

下年，到我這個八無分既都想行你一樣。

作者: poodlema 時間: 14-6-11 11:01

田始排乙二有無機? 因心儀海寶但驚入唔到

作者: szefly 時間: 14-6-11 14:22 標題: 回覆：18網（南區）派位如何。

甲一選了跨區，衰左。乙一置始成功了。海寶今年好熱門，但我有朋友甲一入了。

作者: ericawong213816 時間: 14-6-11 14:40 標題: 回覆：18網（南區）派位如何。

下年到我，諗排位諗到傻

作者: ericawong213816 時間: 14-6-11 14:41 標題: 回覆：18網（南區）派位如何。

有冇朋友跨區成功呀？

作者: kidkit 時間: 14-6-11 16:08

我都識得朋友派咗乙部第一志願田灣始南~

作者: LingLongMami 時間: 14-6-11 17:02 標題: 引用：我都識得朋友派咗乙部第一志願田灣始南~

原帖由 kidkit 於 14-06-11 發表
我都識得朋友派咗乙部第一志願田灣始南~

下年到我，諗緊跨區。

作者: 凌太 時間: 14-6-13 01:57

我囡囡第一派到南官，自己都係揀南官做第一，身邊有朋友揀海寶第一志願，入左。但亦有揀南官但派了第五香港仔聖伯多祿，有一位朋友首位就入左置始。但有最少六七位家長都入唔到頭三。

作者: LingLongMami 時間: 14-6-13 07:23 標題: 引用：我囡囡第一派到南官，自己都係揀南官做第一

原帖由凌太於 14-06-13 發表
我囡囡第一派到南官，自己都係揀南官做第一，身邊有朋友揀海寶第一志願，入左。但亦有揀南官但派了第五香港 ...

咁好唔太樂觀。

作者: bobo101^*^ 時間: 14-6-13 08:54 標題: 回覆：18網（南區）派位如何。

我朋友入左第2志願置富始南。

作者: 童の部屋 時間: 14-6-13 12:23 標題: 回覆：18網（南區）派位如何。

自行填南官（十五分）失敗。

派位甲部跨區失敗。乙部排位：南官、田始、海寶、置始、培德，首五全部失敗，派咗十一志願香島。

扣門扣返首五再加聖伯多祿，面試後田始、海寶、置始、培德全部取錄，南官同聖伯多祿要六月尾七月先通知結果，選擇唔等揀咗田始。

作者: JP2004 時間: 14-6-13 13:15

田始快靚正

作者: YiuSin 時間: 14-6-13 14:17

回覆童の部屋的帖子

面試後田始、海寶、置始、培德全部取錄! May I know when school call you? Your kid so lucky, got all schools offer. What's kindergarten of your kid? I'm still waiting for 田始、海寶、置始.....

作者: LingLongMami 時間: 14-6-13 14:51 標題: 引用：自行填南官（十五分）失敗。派位甲部跨區

原帖由 童の部屋 於 14-06-13 發表
自行填南官（十五分）失敗。

派位甲部跨區失敗。乙部排位：南官、田始、海寶、置始、培德，首五全部失敗， ...

貴子女一定標青，扣門咁多間都收。到我個囡就擔心了。你既扣門結果，真令人鼓舞！

作者: 童の部屋 時間: 14-6-13 15:14 標題: 回覆：YiuSin 的帖子

置始尋日一早打黎，田始中午，海寶下晝。阿女讀聖瑪加利大，佢中英都係弱項😰淨係數學比較好，不過佢性格外向好動啲，所以比較大膽。今個星期六，三間都有入學簡介會，所以如果有同我一樣有幾間offer嘅都應該會陸續哩一兩日放返啲位出黎，仲有機會的，加油！Good luck!

作者: poodlema 時間: 14-6-13 15:17

回覆 YiuSin 的帖子

好勁呀, 有乜秘訣? 可否分享下你點排位? THX!!

作者: ericawong213816 時間: 14-6-13 15:18 標題: 回覆：18網（南區）派位如何。

想問問如果跨區收咗，咁弟妹係咪都必收？定係要同區？

作者: poodlema 時間: 14-6-13 15:18

回覆童の部屋的帖子

好勁呀, 有乜秘訣? 可否分享下你點排位? THX!!

作者: 童の部屋 時間: 14-6-13 15:26 標題: 引用：Quote:原帖由+童の部屋+於+14-06-13+發表自

原帖由 LingLongMami 於 14-06-13 發表
貴子女一定標青，扣門咁多間都收。到我個囡就擔心了。你既扣門結果，真令人鼓舞！

...

其實佢一D都唔標青，不過性格外向同比較主動。
田始、置始扣門面試淨係in小朋友，問少少簡單嘅中英數常識題，田始就分組幾個小朋友一組舉手搶答，置始逐個小朋友問。我教我個女，唔識答就照直同老師講唔識，千祈唔好唔出聲，最重要有禮貌，識答嘅大聲小小答出黎，表現得有自信D就可以。
海寶會同埋家長一齊in，我地都由得佢自己答老師問題，只作少量補充，個人覺得家長唔好爭住搶答或者糾正小朋友嘅答案。
有信心一定得，加油！當然自行或派位抽位抽中就最好

作者: 童の部屋 時間: 14-6-13 15:32 標題: 回覆：poodlema 的帖子

其實我自行分配同派位都衰曬，全部自己扣門，我都想知應該點排先抽得中。

作者: LingLongMami 時間: 14-6-13 15:48 標題: 回覆：童の部屋的帖子

我囡都係聖大幼稚園下低班，出年到佢了。我都想甲跨區，乙而家諗點排。睇完你分享，我要訓練阿囡主動啲，等佢有多啲機會。我囡對外比較怕羞，對屋企人個口唔收得。我都驚佢面試唔知點。

作者: 童の部屋 時間: 14-6-13 19:19 標題: 引用：我囡都係聖大幼稚園下低班，出年到佢了。我

原帖由 LingLongMami 於 14-06-13 發表
我囡都係聖大幼稚園下低班，出年到佢了。我都想甲跨區，乙而家諗點排。睇完你分享，我要訓練阿囡主動啲，等 ...

我知今年有同學仔甲一跨區入咗St. Paul，聖大好多時都有專題研習，小朋友揸咪講嘢同分享資料搜集嘅機會多，小朋友係學校都會有好多訓練。扣門可以請校長同神父寫推薦信，加油啊！

作者: LingLongMami 時間: 14-6-13 19:37 標題: 回覆：童の部屋的帖子

多謝𧶽教，我想出年都要請校長寫推薦信了。

作者: poodlema 時間: 14-6-17 14:24

有朋友今年揀南官首選跌咗入鶴山, 不過佢有私校OFFER, 睇嚟今年都幾競爭激烈

歡迎光臨教育王國 (/)