教育王國

標題: 動物衫，節日服，民族服是必須嗎？ [打印本頁]

作者: helenmail421 時間: 14-6-4 19:26 標題: 動物衫，節日服，民族服是必須嗎？

實在好有壓力，每到咩節咩表演，都要家長準備服裝，中國衫/草裙/到今次動物衫，每次都要花錢花心思為小孩預備，擔心小孩會被比下去，唔開心。但今次實在唔想為上台一陣，就買件無法再著的動物衫，請學校幫手轉第二款現有的出街衫代替，佢都話唔得，我大熱天時，抽時間行咗幾轉花園街都揾唔到合心水的衫，你而家用小孩會因為人人有動物衫佢無，小孩會唔開心來大我，我好嬲！

申完。

作者: jason1978 時間: 14-6-4 19:33 標題: 回覆：helenmail421 的帖子

行埋灣仔街巿，可能有新發現

作者: Rickylama 時間: 14-6-4 19:46 標題: 回覆：jason1978 的帖子

唔洗咁嬲，我知唔想買可以租。

作者: Jane1983 時間: 14-6-4 20:58

係幾老土。

我都好怕買d只著一次的衫，又晒錢又要搵地方放。

作者: Smartbubu 時間: 14-6-4 21:36 標題: 引用：實在好有壓力，每到咩節咩表演，都要家長準

原帖由 helenmail421 於 14-06-04 發表
實在好有壓力，每到咩節咩表演，都要家長準備服裝，中國衫/草裙/到今次動物衫，每次都要花錢花心思為小孩預 ...

唔可以著便服咩？我囡學校都有 lee d 環節，但係 optional, 可以著便服！另外，你有無睇個陶寶？好多兒童服，又平好多

作者: helenmail421 時間: 14-6-4 21:59 標題: 回覆：動物衫，節日服，民族服是必須嗎？

我只係唔想浪費，好似件中國衫，因為新年中秋哈老畏都著得，咁fine,我買。件民族服係草裙，我買卷尼龍繩，平平地自己編條裙，但動物衫，我剛好無果隻色的衫，行咗街留意好耐都揾唔啱，又實在唔想只著一次唔著，好浪費，過唔到自己個關，實在無曬計。估唔到學校咁無彈性，唔比轉。

都唔明學校點解成日用衣服來讓小孩了解習俗，我地細個都無咁著咪又識尼d節日

好彩讀埋尼個月就轉校，真係無法同學校溝通

作者: sweethoho 時間: 14-6-4 23:53 標題: 引用：我只係唔想浪費，好似件中國衫，因為新年中

原帖由 helenmail421 於 14-06-04 發表
我只係唔想浪費，好似件中國衫，因為新年中秋哈老畏都著得，咁fine,我買。件民族服係草裙，我買卷尼龍繩， ...

通常D學校的主題學習或節慶都任你穿不穿“指定服飾”, 係可以穿便服架, 亦不會投訴或岐視小朋友!!! 當然集體演出例外啦, 咁你呢間就… …

作者: vanessayan1107 時間: 14-6-5 09:40 標題: 回覆：動物衫，節日服，民族服是必須嗎？

哈，我諗緊我同你係咪同一間學校，我女上星期又係民族衫，下星期又要交套大象衫

作者: vanessayan1107 時間: 14-6-5 09:42 標題: 回覆：動物衫，節日服，民族服是必須嗎？

我都喺淘寶淘左套大象，你試下搵下

作者: KittySano 時間: 14-6-5 09:46

You can try Pottinger Street. They have lots of shop selling animal clothes. I also bought from there. Around $250.

作者: monkitkit 時間: 14-6-5 11:24 標題: 回覆：動物衫，節日服，民族服是必須嗎？

我又幾鐘意呢d主題日，小朋友著下特別服飾返學，佢好開心。其實都係幼稚園呢幾年先有呢d機會，呢d童年回憶都幾好呀

作者: AJH 時間: 14-6-5 11:49 標題: 回覆：動物衫，節日服，民族服是必須嗎？

我反而覺得，如果我有能力有時間，咪盡量配合囉，呢個係出於家長自願性質，我個囡學校都有呢類，但不是compulsory. 至於小朋友想法就應該家長自己調教，不能總要人有我有嘛。唔通將來佢見同學有好多靚嘢，父母明明負擔唔到都要夾硬俾小朋友嚟令佢開心咩？

作者: dbchu 時間: 14-6-5 11:50 標題: 引用：我又幾鐘意呢d主題日，小朋友著下特別服飾

原帖由 monkitkit 於 14-06-05 發表
我又幾鐘意呢d主題日，小朋友著下特別服飾返學，佢好開心。其實都係幼稚園呢幾年先有呢d機會，呢d童年回憶 ...

Agree!!! 我都反而鐘意依啲活動，開心好多無咁悶，其實係咪一定要著曬成套？如果只係小小同主題有關服飾得唔得？例如動物頭cool之類.....

作者: yubaba 時間: 14-6-5 11:51

monkitkit 發表於 14-6-5 11:24
我又幾鐘意呢d主題日，小朋友著下特別服飾返學，佢好開心。其實都係幼稚園呢幾年先有呢d機會，呢d童年回憶 ...

同意! 我自己在幼稚園的回憶大部分都是特別活動, 所以我都好珍惜個女學校的特別活動。可能在找服飾時有點煩, 又要花時間, 但想起個女開心同期待的樣子, 點都值得! 現在找服飾已經簡單, 將來要做PROJECT去找資料、影相、field trip仲煩, 但這就是學習的一部分!

作者: hoihoima 時間: 14-6-5 13:04

回覆 helenmail421 的帖子

我孩子幼稚園都有一日（係四年中有一日）要著動物衫。陶寶係平，幾十蚊套，但係我好怕多毛污糟，著完放係屋企又無用。我孩子都話著便服算，所以我無買。過咗一排我睇番學校當日影D相，又見到我孩子著咗套動物衫。可能係老師好體貼咁提供比D著便服的小朋友。

作者: twllc 時間: 14-6-5 14:16 標題: 回覆：動物衫，節日服，民族服是必須嗎？

我囡果間都係可著可唔著，我覺得幾好，叫做試多d唔同野… 上次佢地扮廚師，我去石板街春園街睇，好貴（$250），後來上淘寶買平靚正，我女果日超興奮，係咁話好靚

後來睇番d相，佢果班得3個同學著左廚師服，其他都係便服

作者: teambuilder 時間: 14-6-5 15:40

要玩要開當然要付出代價，當你睇番d相就會覺得值得！只要能夠令女兒開心，冇野係浪費架！

作者: bbcarrot 時間: 14-6-5 15:48 標題: 回覆：動物衫，節日服，民族服是必須嗎？

我個女啲特別服飾好多都是家姐或家姐同事比佢，佢小朋友著完再比我，既環保，小朋友有得著又開心
其實問下身邊啲有相近年紀的孩子的親戚朋友，可能佢哋都有衫揾人送，咁就唔使浪費

作者: kkym 時間: 14-6-5 23:17 標題: 回覆：vanessayan1107 的帖子

我個囡又係扮象，你係唔係火炭區？

作者: shing128 時間: 14-6-6 00:04 標題: 回覆：動物衫，節日服，民族服是必須嗎？

完全同意，我個女又是扮大🐘，waste $$ to buy ....

作者: vanessayan1107 時間: 14-6-6 09:34 標題: 引用：我個囡又係扮象，你係唔係火炭區？ +

原帖由 kkym 於 14-06-05 發表
我個囡又係扮象，你係唔係火炭區？

係呀，我女喺火炭區架

作者: lewisfung 時間: 14-6-6 12:06 標題: 回覆：動物衫，節日服，民族服是必須嗎？

我本人就幾鐘意玩吓呢d活動，小朋友真的會非常投入這些活動，而且可以俾多些幻想同創作空間給他們，好似你扮獅子時你會點扮呀？等佢地去諗個過程都可以學到D嘢。
另外套衫你可以用係好多情況，好似我個仔咁，生日會時咪攪cosplay party,萬聖節又可以攞嚟玩，溜冰扮嘢比賽又用，喺屋企玩親子遊戲時又用，其實幾十元一套玩到咁多場合都幾扺玩。
最重要反而係家長願唔願意同小朋友安排。

作者: jannychan 時間: 14-6-6 13:21 標題: 回覆：動物衫，節日服，民族服是必須嗎？

提示: 作者被禁止或刪除內容自動屏蔽

作者: 小曳人 時間: 14-6-6 13:34

我細仔今日係party wear / sportswear / 中國服
我又覺得有教育意義

我係一個好hea嘅媽媽，我唔會因為小朋友會唔開心，而做d自己唔認同嘅嘢，我仔今日被編排穿sportswear，我諗過如泳衣，柔道衫之類，但諗起都熱，所以著咗學校PE衫！
其實，真係唔駛咁緊張！點解一定要俾小朋友"人有我有"呢？可以俾到幾時？我小朋友好慘，經常"人有我無"！但呢d就係我家長大嘅小朋友要經歷嘅嘢~
我認係一個唔太合作嘅家長

作者: miumiu611 時間: 14-6-6 14:23

To be fair, school also suggest those who hardly find the costume to wear same color tone , if elephant, you can wear grey outfit. It is a drama show not a party..it would be better to follow the color tone.

作者: JeanTUNG 時間: 14-6-6 19:07 標題: 回覆：vanessayan1107 的帖子

我哋好可能係同一集團的幼稚園。上星期係文俗服，用他現有的衣服：穿牛仔褲及格子衫加帽做牛仔。二星期後扮鳥或parrot, 我係淘寶買動物服只須$75元。其實可以留起來與朋友的子女交換用，可環保及省💰

作者: poodlema 時間: 14-6-17 10:38

去淘啦, 乜都有, 我覺得小朋友扮得幾開心架喎, 係父母就煩D

作者: fabsum 時間: 14-6-17 11:31

本帖最後由 fabsum 於 14-6-17 13:26 編輯

其實我覺得本意是好的 ,你令我想起上幾個禮拜前無意之中同阿女睇不知是pearl or world 的educational 英文卡通講萬勝節 , 小朋友一個扮演spider , 一個扮batman and pumpkin 之類 ,

跟首個卡通老師就逐樣講spider 係咩, cobwed 係咩 … 阿女就係到問問問!

遊戲中學習的教法其實永遠快靚正!

但忙碌的都市人可能就會覺得吾環保 , 浪費時間及金錢搵衫等等

凡事有好有吾好 , 看好的一面law

作者: torunpoland 時間: 14-6-18 18:27 標題: 回覆：helenmail421 的帖子

我兒學校可讓孩子穿或不穿。而我亦從來不會因此購買不能平時穿著的衣服。有，小朋友開心，又學到。冇，小朋友一樣開心，一樣學到。

作者: ^GGmami^ 時間: 14-6-18 22:10 標題: 回覆：動物衫，節日服，民族服是必須嗎？

但其實見到小朋友好比心機練歌, 好努力準備個表演, 我覺得好開心

講真, 我好慶幸個女入咗間透明度咁高嘅學校, 每搞一次呢d表演, 老師都準備好多野, 我好欣賞佢地嘅熱誠

歡迎光臨教育王國 (/)