教育王國

標題: 小小分享，終於明白大熱同大冷小學的分別 [打印本頁]

作者: chunchungirl 時間: 14-6-4 13:51 標題: 小小分享，終於明白大熱同大冷小學的分別

家住將軍澳，好多人都說將軍澳區小學質素已好好，當初以為就算入唔到區內熱門，如黃永樹丶宣基丶將天等，入其他也可能ok, 但最近一班朋友媽咪分享，先明白原來真係好大分別，大家同是資助小學，大熱同大冷無論在課程上丶功課上丶老師校長處理問題上丶師資上或校風上都有好大的差別，所以終於明白上年在派位學校門口見到有家長收到派位企在校門喊或傷心的樣子，但點都好，大家都要績極面對，祝大家派到心儀小學

作者: agaperamy 時間: 14-6-4 14:14 標題: 回覆：小小分享，終於明白大熱同大冷小學的分別

可否分享你所知的派位結果？如將循、宣基...

作者: chunchungirl 時間: 14-6-4 14:23 標題: 回覆：agaperamy 的帖子

唔好意思，你的意思是

作者: agaperamy 時間: 14-6-4 14:28 標題: 回覆：小小分享，終於明白大熱同大冷小學的分別

Sorry,剛理解錯了你的分享。你覺得大熱和大冷學校最大分別是什麼？

作者: anntx3 時間: 14-6-4 14:37

佢最初好似想安慰人，但結果是刺激人。

作者: longlokma 時間: 14-6-4 14:40 標題: 引用：家住將軍澳，好多人都說將軍澳區小學質素已

原帖由 chunchungirl 於 14-06-04 發表
家住將軍澳，好多人都說將軍澳區小學質素已好好，當初以為就算入唔到區內熱門，如黃永樹丶宣基丶將天等，入 ...

其實你想表達什麼呢？

作者: nillnill 時間: 14-6-4 14:51 標題: 回覆：chunchungirl 的帖子

心儀未必適合小朋友其實更慘
而且派位制度下，無人心儀的小學也必然有人派到。樓主是否叫我們面對現實，欣然接受呢？

作者: 王家爸爸 時間: 14-6-4 14:51

chunchungirl 發表於 14-6-4 13:51
家住將軍澳，好多人都說將軍澳區小學質素已好好，當初以為就算入唔到區內熱門，如黃永樹丶宣基丶將天等，入 ...

這就是為什麼很多人爭取入名校的原因，差別
可以很大。

作者: kinder.bb 時間: 14-6-4 15:21

其實，我覺得就算大冷既學校，都有好多有心既老師！

作者: tantanmama 時間: 14-6-4 16:06

樓主, 你子女派咗邊間?

作者: chunchungirl 時間: 14-6-4 16:07 標題: 回覆：anntx3 的帖子

如果大家誤會了，對不起，我再不在此分享或討論，但如果真的有興趣分享的家長可send message 比我，我會分享我知的，只希望幫到大家，因為身邊真的有朋友遇到不同經歷，只想給大家一個參考

作者: hkpapa852 時間: 14-6-4 18:03

大熱和大冷, 主要分別係大熱一般過去的學生升中表現較理想 (如有超過50%入英中), 大冷就升中成績不太理想(可能少於20%可升英中)
這並不代大熱的學校在課程上丶功課上丶老師校長處理問題上丶師資上或校風上都一定較好.
選學校沒有所謂最好或最差,只有合適或不合適(是對小朋友,不是對家長)

作者: spmok1999 時間: 14-6-5 00:12

校風不好或升中派位不好的學校通常都會被家長列為不合適的學校, 至於是否適合你的小朋友?你可以試下比你小朋友讀, 讀完話返個結果比我地知, 好作日後參考之用.謝謝!

作者: waikinluk 時間: 14-6-5 01:56

回覆 chunchungirl 的帖子

請問您是如何瞭解到他們各方面的差別呢？而且是客觀的評價，聯絡認識在讀學生家長還是實地考察？望指教分享

作者: lauwingtai 時間: 14-6-5 04:35

chunchungirl 發表於 14-6-4 13:51
家住將軍澳，好多人都說將軍澳區小學質素已好好，當初以為就算入唔到區內熱門，如黃永樹丶宣基丶將天等，入 ...

我見樓主你舊年發的帖，話有個朋友批評你個仔間學校，所以好唔開心，覺得學校唔應該用黎比較。好奇一問，點解你今日又將一些熱門冷門學校黎比較呢？

你舊年的Post：
http://www.edu-kingdom.com/forum.php?mod=viewthread&tid=2602201

作者: chunchungirl 時間: 14-6-5 07:35 標題: 回覆：lauwingtai 的帖子

本來我唔想再在此回答，因已有家長send message 問，我已解釋了，但可能我講得唔清楚令你們誤會，其實我是真心分享給大家，我選的也是區內熱門，但因最近與一班幼稚園同學家長聚舊，大家小朋友派了不同小學，大家都說出依家小朋友讀緊既情況，發覺真係有好大差別，而且有位家長好後悔除了叩了第一志願但唔收而沒有再叩其他，但小朋友派了最後的一間，一班只有15人，之前因為覺得將軍澳小學一般都ok只是出名與否的分別，點知入到去才知大大不同，同這班來自不同小學家長傾談完，我先出這個post提示大家選校小心叩門很重要，不過昨天可能在搭地鐡時寫，表達得唔好，請見諒

作者: Rachelmummy2008 時間: 14-6-5 08:18

Thanks for your sharing.

作者: nillnill 時間: 14-6-5 08:29 標題: 回覆：chunchungirl 的帖子

在派位遊戲及叩門機制下
根本派到乙部第一志願都要周街叩門
最後都講實力
派位係名存實亡的玩意
放心叩門

作者: Keroleen 時間: 14-6-5 08:30 標題: 回覆：小小分享，終於明白大熱同大冷小學的分別

路過講句。其實區區都有大熱同唔熱既分別啦。重有其實在一些大熱既學校都有好多不公平既事件，無heart 既老師架啦。

作者: Biscaya 時間: 14-6-5 09:10

本人認為無論在派位選校或叩門前都應該親身到區内有機會入讀的學校，親身了解及觀察有關學校的實際情況，避免人云亦云。因為每位學生及家長與每所學校的遭遇都不一樣，小班教學也並非不好，老師會有較多時間及資源去照顧每位學生，每所學校都有其特色及差異，分別在於能否佩合每位不同學生需要而已。

作者: 喜樂果子 時間: 14-6-5 09:24

在91網既熱門學校同冷門學校既分別就係去到統一派位時, 熱門的只有40-50個位, 冷門的就有120個位以上

作者: ha8mo 時間: 14-6-5 09:54

提示: 作者被禁止或刪除內容自動屏蔽

作者: ha8mo 時間: 14-6-5 10:02

提示: 作者被禁止或刪除內容自動屏蔽

作者: Biscaya 時間: 14-6-5 10:20

ha8mo 發表於 14-6-5 09:54
如何能「親身了解及觀察有關學校的實際情況」？

硬件還能看看，但課堂操作就不易見到吧

其實並不困難，很多學校都歡迎家長親身到學校參觀及樂意當面解釋家長的問題。例如教學模式，課程內容及其他對學校各式各樣的疑問。還可透過學校裡的壁報版内展示出來的習作去了解學校的教學水平。放學時間更可觀察到學生的背景及操行畧知一二。

作者: ha8mo 時間: 14-6-5 11:54

提示: 作者被禁止或刪除內容自動屏蔽

作者: bubuG 時間: 14-6-5 11:56 標題: 引用：Quote:Biscaya+發表於+14-6-5+10:20+其實並

原帖由 ha8mo 於 14-06-05 發表
吹水是天下無敵，但係咪有心有力就要實際上堂至知

作者: kyleebc 時間: 14-6-5 12:16

將軍澳區的學校, 與全港學校比較，TKO區認真麻麻，以馮晴為例，區內大熱，學生表現好的來來去去都喺果班，老師大部分都冇心教。

作者: mcl203 時間: 14-6-5 12:25

ha8mo 發表於 14-6-5 11:54
吹水是天下無敵，但係咪有心有力就要實際上堂至知

現在太多學校用商業模式去營運學校...包括私小/直資d市場推廣...愛心/遠景無限大 ~~~

作者: Angelafyfy 時間: 14-6-5 19:55 標題: 引用：將軍澳區的學校,+與全港學校比較，TKO區認

原帖由 kyleebc 於 14-06-05 發表
將軍澳區的學校, 與全港學校比較，TKO區認真麻麻，以馮晴為例，區內大熱，學生表現好的來來去去都喺果班， ...

真的嗎?

我仲target 馮晴㖭，咁一定要跨區出去讀?

宣基又如何?

作者: 熹熹媽 時間: 14-6-5 20:56

我人仔仔今年已於自行收生時進入了一間頗知名的小學，仁由於仔仔個性自我，未夠成熟，因為本人決定為仔仔轉讀一些二線學校,希望小班教學更適合他

作者: 宏心 時間: 14-6-5 23:12

提示: 作者被禁止或刪除內容自動屏蔽

作者: jkj 時間: 14-6-6 08:25 標題: 引用：Quote:Biscaya+發表於+14-6-5+10:20+其實並

原帖由宏心於 14-06-05 發表
賣花讚花香，間間學校、個個家長都話自己學校好㗎啦。我認為掌握最多資料的，係每個區內著名的小學補習社 ...

你講得冇錯，因為我表姐係將軍澳開補習社的，所以她有講比我知唔同小學既學生表現

作者: roccolamar 時間: 14-6-6 09:18

jkj 發表於 14-6-6 08:25
你講得冇錯，因為我表姐係將軍澳開補習社的，所以她有講比我知唔同小學既學生表現

...

咁你可唔可以分享小小，大家交流交流。就我所知梁x德是1x人一班，只有2班左右，雙班主任。雖然人小d，但我覺得老師可以多d時間照顧有需要的同學，我覺得是一個優點。至於馮x，是區內大熱。據親戚匯報，校長及學校比較老派傳統，如果小朋友比較活躍將會比較慘，比較適合文靜乖巧的小朋友，而且資源都會比較集中精英班。這是我親戚的感想，他有1個仔是精英班，另一個成績中等比較活躍。

作者: jkj 時間: 14-6-6 09:41 標題: 引用：Quote:jkj+發表於+14-6-6+08:25+你講得冇錯

原帖由 roccolamar 於 14-06-06 發表
咁你可唔可以分享小小，大家交流交流。就我所知梁x德是1x人一班，只有2班左右，雙班主任。雖然人小d，但我 ...

我表姐開左補習社好耐好了解各小學，但我都想分享給大家，但怕開名比人鬧，見到有樓主只是想提下大家就比人咁話，不如都係私下send message 問好吧

作者: ckcchy 時間: 14-6-6 10:05 標題: 回覆：jkj 的帖子

可否分享俾我知各小學小朋友嘅差別？來緊9月大仔要揀小學，好頭痛

作者: arlokmama 時間: 14-6-6 11:08

我就試過放學時間, 去2間心儀學校問過5,6個高年級的學生，佢哋話而家好多功課，初小時比較快樂. 其實我估間間小學差唔多3,4 年級就開始谷, 愉快同不快就睇吓家長同小朋友點樣安排時間

作者: arlokmama 時間: 14-6-6 11:10

今年9月到亞女揀小學, 不過都係等明年6月先有結果... 有排等

作者: MC媽 時間: 14-6-6 12:02 標題: 回覆：小小分享，終於明白大熱同大冷小學的分別

切勿以成績分數評論自己孩子or一間學校。

作者: kyleebc 時間: 14-6-6 15:16

回覆 Angelafyfy 的帖子

宣基算區內最好

作者: nillnill 時間: 14-6-6 16:04 標題: 回覆：MC媽的帖子

如果派得唔好要叩門
我諗住講：
政府一定提供一間小學給你
只係我認為不適合你
所以要去逐家考試，當試試及了解其他學校

作者: roccolamar 時間: 14-6-6 16:14

jkj 發表於 14-6-6 09:41
我表姐開左補習社好耐好了解各小學，但我都想分享給大家，但怕開名比人鬧，見到有樓主只是想提下大家就比人 ...

唔開名，得過字頭咪可以囉！私下收 message 可以，但就不能分享給其他有需要的家長參考！我小朋友今年小二，讀緊直資，暫時我覺得好ok，但都要去到高小才可以睇多少，但不用呈分，壓力較小！

歡迎光臨教育王國 (/)