教育王國

標題: 對學校的評價 [打印本頁]

作者: amybaby 時間: 14-6-3 14:46 標題: 對學校的評價

見無咩人comment，讀緊小朋友家長可否給我意見呢？我知環境好似無九龍塘分校好, 但想知老師是否有愛心嗎？係咪轉咗學卷而深咗呢？小朋友開心學習嗎？

作者: yanyanangle 時間: 14-6-4 15:39

本帖最後由 yanyanangle 於 14-6-4 15:40 編輯

回覆 amybaby 的帖子

本人有朋友係迦南教嘅，自從迦南無學卷後，課程越嚟越深，特別高班就等於小一課程，小朋友都幾吃力，如果小朋友係唔鍾意讀書或抗拒被人逼，就唔好去讀。

作者: D800E 時間: 14-6-8 22:47

回覆 yanyanangle 的帖子

請問你係指所有迦南分校定只係呢間? Thanks.

作者: SYMAMA2010 時間: 14-6-9 16:13

回覆 amybaby 的帖子

Hello,

我女讀緊K1, 我覺得老師有愛心, 每次打去學校問女兒學習情況都會詳細回答, 校長亦緊張學生。我女早前搭校巴撞到少少眼角都無瘀, 校長都親自打俾我話阿女無事。老師又會有時讓學生多掉動位置, 以認識不同的同學。我這年是沒有學劵的, 覺得比起有學劵時的書本深(因我同事個仔都讀迦南(九龍塘)無學劵時期)。每月都有延展學習冊, 幾生活化又多程度深的中文句式, 當中有故事又有日常生活課題。英文有一本是OXFORD TREE 的Level 1至level 2左右 (Kipper's story), 但個人認為數學比較淺。功課方面每日做一頁寫字及一頁配對, 星期五就有double份量功課, 現階段一定應付到。希望幫到你。

作者: amybaby 時間: 14-6-10 14:33

唔該晒各位

作者: yanyanangle 時間: 14-6-10 20:53

回覆 D800E 的帖子

應該所有迦南呢！

作者: kitty323 時間: 14-6-16 23:24

回覆 amybaby 的帖子

你好!我兩個仔都係迦林邊道迦南畢業生，我覺得本校好好，雖然校社細，而校長、老師和姐姐好細心，在畢業當日，我個細仔同我講，媽媽可唔可以唔畢業呀？我唔捨得學校和各位老師同校長，當時我覺得本校係我的兒子心裡面留下深刻印象，我不知不覺地眼淚勇出來，其實我都唔捨得兩個仔離開母校，但無辦法，人身要去另一個階段，要去學習另一種人身道理，到咗放暑假期間，仔又問我: 媽咪我好想返迦南呀？我又回答他，我地一有時間可以返幼稚園探望校長和各位老師或者寫信都可以。

作者: amybaby 時間: 14-6-24 10:20

回覆 kitty323 的帖子

睇到你個post, 話老師校長都咁nice, 同你小朋友咁鍾意返學, 真係好放心比囝囝入去讀呀！

歡迎光臨教育王國 (/)