教育王國

標題: 分享兩年前的派位經歷 [打印本頁]

作者: maggieddie 時間: 14-6-2 11:00 標題: 分享兩年前的派位經歷

我都好明白各位家長嘅緊張憂慮無覺好訓嘅心情但記住最緊要無諗結果係點唔好影響到小朋友情緒因為佢有可能就要喺果間學校讀六年
兩年前我叫左爸爸照顧仔仔我一個人去睇結果結果仔仔啲同學仔全部入晒第一志願我地唔好彩派到十四我打俾老公已經忍唔住狂喊即刻飛的去頭四志願交表叩門（一早帶定晒文件同profo 影印晒各五份準備隨時叩門）
攪掂晒平靜返心情先笑住返去揾仔仔仔仔當然好緊張第一句就問：有無學校收我呀？（因為我一直只係俾個concept佢我去睇下有無學校收佢有無書讀）我就話：放心啦！因為你乖有努力讀書已經有一間小學收入你一定有書讀喇！
但佢聽到個學校名唔係自己心儀果間就有啲失望我就話：唔緊要啦！有學校收已經好叻仔喇！最多我再幫你報多次果間小學我地去面試睇下有無機會收返啦！
如是者好煎熬咁去左四間學校面試未有結果都要去派到果間註冊但就唔買校服書簿住一蚊都無交再寫求位信去頭兩志願表達我嘅誠意乜都無買就為左等佢地收等左一個月我喊足一個月
七月頭第三志願收左七月十幾號第一二志願打黎話有後補俾我地一時間有三間可以選擇我地俾返仔仔自己揀依家我地喺第一志願讀得好開心準備升小三了
喺度祝大家好運一派即中唔洗好似我地咁辛苦開開心心升學去

作者: wwn 時間: 14-6-2 11:08 標題: 回覆：maggieddie 的帖子

謝謝你的分享

作者: MASAYA 時間: 14-6-2 11:19

謝謝分享

btw, 我好似上年睇過 LOL

作者: angelwing868 時間: 14-6-2 11:26 標題: 回覆：wwn 的帖子

多謝分享

作者: maggieddie 時間: 14-6-2 11:33 標題: 引用：我都好明白各位家長嘅緊張+憂慮+無覺好訓嘅

原帖由 maggieddie 於 14-06-02 發表
我都好明白各位家長嘅緊張憂慮無覺好訓嘅心情但記住最緊要無諗結果係點唔好影響到小朋友情緒因為佢有 ...

仲唔記得講我當日仲要扮開心帶左仔仔去冒險樂園玩同佢慶祝有學校收哈哈真係有苦自己知

作者: ch-cheung 時間: 14-6-2 11:46 標題: 回覆：分享兩年前的派位經歷

提示: 作者被禁止或刪除內容自動屏蔽

作者: joey1001_1001 時間: 14-6-2 11:46

回覆 maggieddie 的帖子

想請問是否即是再寫多封求位信? 可唔可以講下大概內容係點?

作者: maggieddie 時間: 14-6-2 12:36 標題: 引用：回覆+maggieddie+的帖子想請問是否即是再

原帖由 joey1001_1001 於 14-06-02 發表
回覆 maggieddie 的帖子

想請問是否即是再寫多封求位信? 可唔可以講下大概內容係點? ...

知道第一輪面試結果無份後就寫一份信以表誠意講間學校點適合自己小朋友點解揀依間點解咁鐘意如果讀到自己會點配合學校協助小朋友學習封信一定要好發自內心唔可以抄襲
結果第一二志願收到信都覆返電話俾我話會將我仔仔放喺優先後補之後有人放棄學位即刻俾左我地

作者: joey1001_1001 時間: 14-6-2 12:50

回覆 maggieddie 的帖子

謝謝你的回覆, 咁你即係第一次先寫叩門信, 之後再寫多一次比第一同第二志願間學校?

作者: bowling68 時間: 14-6-2 15:00 標題: 回覆：maggieddie 的帖子

因為七月頭有的派左既家長唔讀放位，我地當年都係咁，阿囡而家中二。同事係天水圍去年係七月中先收到 call 添。最緊要去考左先同交情信

作者: maggieddie 時間: 14-6-2 15:56 標題: 引用：因為七月頭有的派左既家長唔讀放位，我地當

原帖由 bowling68 於 14-06-02 發表
因為七月頭有的派左既家長唔讀放位，我地當年都係咁，阿囡而家中二。同事係天水圍去年係七月中先收到 call ...

我19/7先收到第一志願電話

作者: kmmum 時間: 14-6-2 16:24

回覆 maggieddie 的帖子

唉,很明白你的心情. 還有數天放榜,心情很難過.
自己當年A-LEVEL, 會考,聯招,都從未驚過, 現在反而擔心小學.

作者: sandra28 時間: 14-6-2 16:34 標題: 回覆：分享兩年前的派位經歷

謝謝分享！而家心情己好緊張！

作者: maggieddie 時間: 14-6-2 16:58 標題: 引用：回覆+maggieddie+的帖子唉,很明白你的心

原帖由 kmmum 於 14-06-02 發表
回覆 maggieddie 的帖子

唉,很明白你的心情. 還有數天放榜,心情很難過.

agree 我都係咁話

作者: Mommy-Maggie 時間: 14-6-2 23:10 標題: 回覆：分享兩年前的派位經歷

謝謝樓主分享！
想請問你囝囝有無經過叩門面試？
如有，我猜除了那些真心真意的信件外，面試表現也應該很卓越。

作者: cherrieshum 時間: 14-6-2 23:12 標題: 引用：回覆+maggieddie+的帖子唉,很明白你的心

原帖由 kmmum 於 14-06-02 發表
回覆 maggieddie 的帖子

唉,很明白你的心情. 還有數天放榜,心情很難過.

可憐天下父母心

作者: cherrieshum 時間: 14-6-2 23:13 標題: 引用：Quote:原帖由+bowling68+於+14-06-02+發表

原帖由 maggieddie 於 14-06-02 發表
我19/7先收到第一志願電話

要那麼久才知結果，太折騰了!

pity:

作者: mybabycullen 時間: 14-6-2 23:21 標題: 回覆：分享兩年前的派位經歷

作者: kmmum 時間: 14-6-2 23:23

回覆 cherrieshum 的帖子

有朋友舊年7月中收番第一志願, 8月中收到一條龍OFFER. 8月尾再收到之前叩門的OFFER
真的人都癲.

作者: vic6 時間: 14-6-2 23:50

我都在等待 6月7日大抽獎, 都好擔心, 緊張......若我學到maggieddie的平常心處理得咁好就好了!!! 希望派得好啦!!! thanks for sharing.

作者: maggieddie 時間: 14-6-2 23:52 標題: 引用：謝謝樓主分享！想請問你囝囝有無經過叩門

原帖由 Mommy-Maggie 於 14-06-02 發表
謝謝樓主分享！
想請問你囝囝有無經過叩門面試？
如有，我猜除了那些真心真意的信件外，面試表現也應該很卓 ...

當然有叩門面試我諗面試表現比一切都重要但都無特別train佢免得佢有壓力做返自己就好了

作者: maggieddie 時間: 14-6-3 00:04 標題: 引用：我都在等待+6月7日大抽獎,+都好擔心,+緊張.

原帖由 vic6 於 14-06-02 發表
我都在等待 6月7日大抽獎, 都好擔心, 緊張......若我學到maggieddie的平常心處理得咁好就好了!!! 希望派得 ...

我自己都唔夠平常心會躲起流淚知道自己小朋友係有能力讀到書點會想佢去一間又殘舊又差啲殺校之前只開得一班嘅學校呢
我只係提醒自己無論點都唔可以影響到仔仔所以喺佢面前扮無嘢到後黎見叩門無消息都準備接受派到果間學校就嘗試揾佢啲優點講俾仔仔聽等佢都慢慢愛上間學校點知到佢接受左時先收到幾間學校結果又要再同仔仔傾分析四間邊間好啲叫佢揀當時真係覺得派唔到又煩有咁多間有得揀時又係煩好彩無揀錯依家讀得唔錯

作者: ee_121 時間: 14-6-3 00:17

Thx for sharing

作者: vic6 時間: 14-6-3 00:46

maggieddie，你的回應～我都覺得係我想能夠做到既！但真的知易行難，希望我會記住你個case.
hope i can do it!!!
all the best!!! 　

作者: maggieddie 時間: 14-6-3 00:56 標題: 引用：maggieddie，你的回應～我都覺得係我想能夠

原帖由 vic6 於 14-06-03 發表
maggieddie，你的回應～我都覺得係我想能夠做到既！但真的知易行難，希望我會記住你個case.
hope i can do ...

各位都要加油呀！支持你地！good luck!

作者: Mommy-Maggie 時間: 14-6-3 08:07 標題: 回覆：分享兩年前的派位經歷

真心戥你們開心！

作者: lily233242 時間: 14-6-3 14:34

回覆 maggieddie 的帖子

我都好驚囡囡被派到十幾志願

想請教當日你填表時係咪進取地把熱門學校填晒係乙部前面位置?

作者: cmir 時間: 14-6-3 16:01 標題: 回覆：分享兩年前的派位經歷

記住the best is yet to come...唔好咁快放棄，舊年我都係8月30日先收到電話叫我个仔第二日interview，最後收左。用左一日買書，校服，揾保母車。

作者: sissysze 時間: 14-6-3 16:56 標題: 回覆：分享兩年前的派位經歷

二年前派位少甘多人，個遊戲易玩好多，今年比舊年都多幾千..... 叩門位一定爭崩頭

作者: iluvchun 時間: 14-6-3 18:29 標題: 回覆：分享兩年前的派位經歷

我都成日提自己唔好把派位結果睇得咁重，但而家香港既讀書環境越來越嚇人，要搵一間近屋企，理念相若，校風好既學校真係非常之難，而家連揀定叩門學校都唔容易，唉

作者: maggieddie 時間: 14-6-3 20:44 標題: 引用：回覆+maggieddie+的帖子我都好驚囡囡被派

原帖由 lily233242 於 14-06-03 發表
回覆 maggieddie 的帖子

我都好驚囡囡被派到十幾志願想請教當日你填表時係咪進取地把熱門學校填 ...

其實我第二志願已經係一間唔算太好但可以接受嘅學校可能地理位置好又有附屬中學所以多人㨂第四志願已經係一間好麻麻嘅學校我諗最主要係個攪珠號碼太後

作者: wwn 時間: 14-6-4 20:45 標題: 回覆：分享兩年前的派位經歷

樓主保守型選校都咁……真係好驚囉！

作者: 思思baby 時間: 14-6-5 12:46

多謝分享, 希望我可以學到樓主咁冷靜去面對.

歡迎光臨教育王國 (/)