教育王國

標題: 精英班 [打印本頁]

作者: rainbowcov 時間: 14-5-29 15:12 標題: 精英班

當選校時, 大家會否揀一間有精英班的學校入讀? 還是選無精英班的?

因有時聽到人講, 學校只會投放資源落精英班, 其他班就得過且過。大家點睇呢?

作者: CALVEN 時間: 14-5-29 18:33

我仔學校以前有,前2年取消左,

我選校時無考慮此因素,

雖然我仔成績全級十名內,不過我贊成無精英班.

作者: 小曳人 時間: 14-5-29 18:36 標題: 引用：我仔學校以前有,前2年取消左,我選校時無考

原帖由 CALVEN 於 14-05-29 發表
我仔學校以前有,前2年取消左,

同意，無需精英班！
有增潤課程就好！
所以我都無理有無精英班

作者: Charlotte_mom 時間: 14-5-29 19:08 標題: 回覆：精英班

拔尖原意係好，但唔應該冷落左其他學生，補底都一樣需要

作者: hadwinboy 時間: 14-5-29 22:15 標題: 引用：當選校時,+大家會否揀一間有精英班的學校入

原帖由 rainbowcov 於 14-05-29 發表
當選校時, 大家會否揀一間有精英班的學校入讀? 還是選無精英班的?

因有時聽到人講, 學校只會投放資源落精 ...

我唔會揀有精英班的小學，但中學有不抗拒

作者: nillnill 時間: 14-5-29 23:42 標題: 回覆：小曳人的帖子

精英班入了又如何?如果中途或第二年踢出精英班，小朋友的心會如何想呢？
我怕小朋友受不了自殺咋。畢竟小學生已經有能力自行結束自己生命。
都係無精英班好，大班人，落後有得追。

作者: CALVEN 時間: 14-5-30 06:35

nillnill 發表於 14-5-29 23:42
精英班入了又如何?如果中途或第二年踢出精英班，小朋友的心會如何想呢？
我怕小朋友受不了自殺咋。畢竟小學 ...

係lor,成績唔達標要踢出黎,唔係每個小朋友性格都受得起.

作者: 小曳人 時間: 14-5-30 07:00

nillnill 發表於 14-5-29 23:42
精英班入了又如何?如果中途或第二年踢出精英班，小朋友的心會如何想呢？
我怕小朋友受不了自殺咋。畢竟小學 ...

我相信咁緊張嘅小朋友唔多，如果家長唔緊張，而小朋友自己咁極端，要早d帶佢去見專家！
我見過對自己要求咁高嘅，如果唔係家人壓力，就係小朋友本身係資優，唔衰得！

作者: yyy8182 時間: 14-5-30 08:14 標題: 引用：Quote:nillnill+發表於+14-5-29+23:42+精英

原帖由 小曳人 於 14-05-30 發表
我相信咁緊張嘅小朋友唔多，如果家長唔緊張，而小朋友自己咁極端，要早d帶佢去見專家！
我見過對自己要求咁 ...

我都相信小朋友壓力大多源於家長

作者: MrBeast 時間: 14-5-30 08:15

我也pro 冇精英，始終學校裏同學之間有什麼說話家長未必一定完全清楚，那些邊緣人可能好大壓力的

作者: Charlotte_mom 時間: 14-5-30 08:31 標題: 引用：Quote:nillnill+發表於+14-5-29+23:42+精英

原帖由 CALVEN 於 14-05-30 發表
係lor,成績唔達標要踢出黎,唔係每個小朋友性格都受得起.

我有朋友個仔，讀地區名校，小5入精英班，讀得辛苦，小6入唔到反而一身鬆晒。咁當然我認同家長點反應亦有好大影響

作者: Argyle 時間: 14-5-30 09:04 標題: 引用：Quote:原帖由+CALVEN+於+14-05-30+發表係lo

原帖由 Charlotte_mom 於 14-05-30 發表
我有朋友個仔，讀地區名校，小5入精英班，讀得辛苦，小6入唔到反而一身鬆晒。咁當然我認同家長點反應亦有好 ...

想問精英班是大家默認該班係，定係學校openly names it as 精英班？

作者: rainbowcov 時間: 14-5-30 09:10

Argyle 發表於 14-5-30 09:04
想問精英班是大家默認該班係，定係學校openly names it as 精英班？

通常係學校自己定那班是精英班。

作者: rainbowcov 時間: 14-5-30 09:14

本帖最後由 rainbowcov 於 14-5-30 09:21 編輯

Charlotte_mom 發表於 14-5-30 08:31
我有朋友個仔，讀地區名校，小5入精英班，讀得辛苦，小6入唔到反而一身鬆晒。咁當然我認同家長點反應亦有好 ...

我都識得有個朋友個女, 小二入了精英班, 比其他班多功課、練習, 所以她自己小二個年考試差D (連老師都話：其實她讀到書, 只是特登考得差, 而不入精英班), 小三入唔到精英班, 即時小了很多功課, 無咁谷, 而身邊的同學比較懶散, 也弄得她讀書心散, 家長也很頭痛。

作者: CALVEN 時間: 14-5-30 10:16

Argyle 發表於 14-5-30 09:04
想問精英班是大家默認該班係，定係學校openly names it as 精英班？

我仔學校以前有精英班年代是以考試名次劃分

我仔有同學家姐因為當年有入左精英班,舊年成績不達標,要轉出普通班.

作者: 麥兜MaMa 時間: 14-5-30 11:28

我小學的經驗係, 做阿二舒服輕鬆甘學開心D. 亦起勁入腦Ｄ.

作者: 麥兜MaMa 時間: 14-5-30 11:32

我入過出過再入過D尖子班. 當年即使是同樣教材,D要求真是高好多,.
出左果班後, 果年的老師曾經話過我肯努力, 會叻過尖果班好多人.
佢既鼓勵, 我又好心機讀. 點知又轉番入去. 但比我選, 我情願留在正常班, 有好老師喜歡激勵學生的班.要不是很谷的班.

作者: HaYi 時間: 14-5-30 13:55

我覺得精英班的競爭氣氛其實不太好, 我較讚成自己同自己比, 不要同人比, 雖然以前我小學時都是全級首名, 但學校是沒有精英班, 大家只會有自己的目標, 現在阿仔的都是冇, 學校更每年安排不同班給不同的同學, 旨在識得多些同學, 同學間較熟其實一齊學習更開心.

作者: Argyle 時間: 14-5-30 20:00 標題: 回覆：HaYi 的帖子

其實我諗精英班原意都係本着因才施教啫？叻嗰啲咪教深啲囉？

作者: rainbowcov 時間: 14-5-30 20:53

有很多比較出名的津小都有精英班，相信主因是因為他們收生是大抽獎，而非面試，有潛質同無潛質的學生都收，才有此一著分班。

作者: hadwinboy 時間: 14-5-30 23:45 標題: 引用：有很多比較出名的津小都有精英班，相信主因

原帖由 rainbowcov 於 14-05-30 發表
有很多比較出名的津小都有精英班，相信主因是因為他們收生是大抽獎，而非面試，有潛質同無潛質的學生都收， ...

官小也大多有精英班。

作者: whywhywhywhy 時間: 14-5-31 19:36 標題: 回覆：精英班

好多時學校真係會俾多啲資源精英班學生，所以點解咁多家長想仔女入精英班真係有原因

作者: 王家爸爸 時間: 14-5-31 20:30

rainbowcov 發表於 14-5-30 20:53
有很多比較出名的津小都有精英班，相信主因是因為他們收生是大抽獎，而非面試，有潛質同無潛質的學生都收， ...

競爭熱化，集中資源，為校爭光，無可厚非。

作者: 王家爸爸 時間: 14-5-31 20:38

rainbowcov 發表於 14-5-30 09:14
我都識得有個朋友個女, 小二入了精英班, 比其他班多功課、練習, 所以她自己小二個年考試差D (連老師都話： ...

小二分精英班是有點過早，我認為小四或小五先分會更合適。

作者: Argyle 時間: 14-5-31 21:03 標題: 回覆：MrBeast 的帖子

如果唔係喺小學而係中學行精英班，大家又會唔會冇咁抗拒呢？

歡迎光臨教育王國 (/)