教育王國

標題: 好擔心！個仔比老師鬧到狂喊 [打印本頁]

作者: muimui321 時間: 14-5-28 23:32 標題: 好擔心！個仔比老師鬧到狂喊

今日接放學老師要同我單獨傾咗先比個仔見我。因為佢話呀仔成日好曳，所以抱起佢十五分鐘當佢BB咁抱，等其他同學都知佢曳，老師自己話我知呀仔覺得好醜狂喊。
見到個仔時佢已經止喊但仲係成面紅腫，老師要佢講比我聽佢曳乜嘢如果唔係就唔比走。

呀仔N班到K1都未試過狂喊到咁，校服都濕曬要換咗佢，依家老師代課兩個星期就咁樣！仲有另一個男仔，唔知做咩嘢全班最慢，就被罰最後一個放學。

老師咁樣係咪有問題？？？我驚係我自己心痛得滯，變成怪獸家長！但我個心非常唔安樂。好擔心仲有個幾月先暑假，個仔點算，又驚同校長講會累到個仔！有冇媽咪可以教吓我點做好？？

作者: Greenhouse009 時間: 14-5-28 23:53 標題: 引用：今日接放學老師要同我單獨傾咗先比個仔見我

原帖由 muimui321 於 14-05-28 發表
今日接放學老師要同我單獨傾咗先比個仔見我。因為佢話呀仔成日好曳，所以抱起佢十五分鐘當佢BB咁抱，等其他 ...

仔仔做咗咩曳野先?

作者: Lingfung813 時間: 14-5-28 23:57

Which school? can u pm me?

作者: JKLM 時間: 14-5-29 00:10 標題: 回覆：好擔心！個仔比老師鬧到狂喊

Pls tell us which school

作者: Jane1983 時間: 14-5-29 00:13

Greenhouse009 發表於 14-5-28 23:53
仔仔做咗咩曳野先?

講多少少。初步聽，有點over咗。
另外個小朋友做嘢慢，就罰佢最遲放學，咁label小朋友，真系上一代的教學方法。

作者: kittyland06 時間: 14-5-29 00:23 標題: 回覆：好擔心！個仔比老師鬧到狂喊

我唔知你個仔點曳，但如果係打人，狂跑，狂尖叫..等，我會認同老師做法。老師抱起你個仔十五分鐘我相信係冇辨法之中嘅唯一方法，我亦覺得你個仔點都有廿幾磅，我而家都唔係幾想抱自己個女十五分鐘。還有另一個男仔慢要留當，我就不予置評，話哂我地唔係佢老師佢父母，知嘅好有限。

作者: muimui321 時間: 14-5-29 01:05

佢食茶點成日同人傾偈同埋老師叫佢安靜佢就扮獅子叫。呀仔喺屋企都係咁玩嘢。從來未有屋企人以外閙到佢咁犀利⋯⋯

作者: muimui321 時間: 14-5-29 01:06

回覆 kittyland06 的帖子

三樣都唔係，我應該慶幸定更擔心？？

作者: twllc 時間: 14-5-29 04:17 標題: 回覆：muimui321 的帖子

老師抱住你個仔既事我覺得唔大問題，老師要對住咁多學生，有一個唔跟規矩做，老師提醒都唔聽仲扮獅子叫，我覺得幾唔專重老師（個人意見，不喜勿插）

好似我大仔果班，上堂唔專心或講其他語言，就會俾老師罰企10分鐘，我大仔前果排每天被人罰一次，佢有同學一天被罰6次添。我同佢分析了，佢依家每天努力唔俾人罰。其實被人罰企都算係俾人標籤，但我反而開心有人管下個仔。另細女只係pn班，佢都試過因唔聽老師話而被罰坐埋一邊冇得上佢最鍾意的堂10分鐘。得果2歲人仔都被人標籤，但被罰完佢變得聽話左又繼續喜歡老師，視乎家長点樣開解姐。

你個仔响屋企都咁做，係你地接受佢唔禮貌，唔代表人地都要接受，尤其你仔响學校咁做會令其他小朋友有樣學樣，一定要制止。我覺得抱住你個仔係罰老師多d囉。

至於做事好慢被罰最後一個離開，你係指佢離開課室時排條隊最後一個，還是明明所有小朋友ready晒，家長排前面接小朋友時都要等其他人走晒先接到？

作者: lauwingtai 時間: 14-5-29 04:57

muimui321 發表於 14-5-28 23:32
今日接放學老師要同我單獨傾咗先比個仔見我。因為佢話呀仔成日好曳，所以抱起佢十五分鐘當佢BB咁抱，等其他 ...

我覺得可以先觀察多陣，幼稚園罰下鬧下，未必唔係好事，可能真係會對個仔好D，但當然亦有可能係老師處理不當。

咁到底個老師既處理合唔合適呢？好簡單，觀察多十日八日，每日小朋友放學後，同佢傾下計，問下佢：「今日返學有冇乖呀？有冇聽老師話呢？老師今日教左咩呀？鍾唔鍾意返學呀？」諸如此類。

若果個仔一聽到就眼濕濕，唔想談及學校和老師，對上學興趣大減，咁可能老師真係有問題，絕對要搵校長傾。

反之，若果個仔依然鍾意返學，亦常談及那位老師，能夠興奮地訴說學校生活，咁可能老師真係做得啱喎！佢搵到方法教乖你個仔，咁就無需杞人憂天了。

所以我覺得觀察多十日八日吧！有時嚴都未必唔好，英國都有好多寄宿名校，嚴到軍訓一樣，個個爭住讀。

作者: macmate 時間: 14-5-29 07:50 標題: 回覆：好擔心！個仔比老師鬧到狂喊

我覺得你要放手俾人治吓個仔。作為家長都冇好好教好自己個仔啲基本禮貌同尊重他人，難得有人幫手教仲埋怨人罰佢?！如果真係接受唔到一啲比較傳統嘅處理手法，不如考慮轉國際學校，唔係話IS唔教禮貌，而係IS教法比傳統唔一樣。

我自己個女都成日唔聽教，我都不知幾鍾意老師罰吓佢再解釋番佢知自己錯乜，正所謂老師講一句好過自己講一百句。

作者: jannychan 時間: 14-5-29 08:16 標題: 引用：我覺得你要放手俾人治吓個仔。作為家長都冇

提示: 作者被禁止或刪除內容自動屏蔽

作者: picture 時間: 14-5-29 08:31 標題: 引用：今日接放學老師要同我單獨傾咗先比個仔見我

原帖由 muimui321 於 14-05-28 發表
今日接放學老師要同我單獨傾咗先比個仔見我。因為佢話呀仔成日好曳，所以抱起佢十五分鐘當佢BB咁抱，等其他 ...

老師用shame，來給小孩壓力！唔对路！

大陸做法

作者: mybabycullen 時間: 14-5-29 08:59 標題: 回覆：好擔心！個仔比老師鬧到狂喊

could u pls pm yr sch to me? btw..老師好有問題！咁細个比多少少耐性得吾得？小孩好多時未必明白自己做錯咩，老師應該針对行為同你倾占幫佢！你焗佢講？就算小孩知都吾会即卡認錯，人人都要面，小孩同样。。吾講自己錯咩吾比走？從字面上完全感覺吾到佢有愛心！審犯？

作者: Argyle 時間: 14-5-29 09:03 標題: 引用：Quote:原帖由+muimui321+於+14-05-28+發表

原帖由 picture 於 14-05-29 發表
老師用shame，來給小孩壓力！唔对路！

大陸做法

冇係大6讀過，唔知係咪unique to 大6。可能日本韓國仲嚴。平心論，如果老師一開始就出呢招，可能唔係太好，但如果老師出晒其他辦法，家長應該配合。最慘你家長俾小孩睇穿，佢覺得可以arbitrage, 將問題延續……

作者: picture 時間: 14-5-29 09:25 標題: 引用：Quote:原帖由+picture+於+14-05-29+發表老

原帖由 Argyle 於 14-05-29 發表
冇係大6讀過，唔知係咪unique to 大6。可能日本韓國仲嚴。平心論，如果老師一開始就出呢招，可能唔係太好， ...

我可以接受罰 time out. 或some chores 例如食茶點不守規矩就要幫手抹枱。

但佢個句「我要全班睇佢有幾醜」就是shaming. 用羣眾壓力逼佢就範……不是教佢規矩，只是打壓。

嚴厲執行規矩是應該的，但罰則不應有侮辱或欺壓的成份

作者: picture 時間: 14-5-29 09:33 標題: 引用：Quote:原帖由+picture+於+14-05-29+發表老

原帖由 Argyle 於 14-05-29 發表
冇係大6讀過，唔知係咪unique to 大6。可能日本韓國仲嚴。平心論，如果老師一開始就出呢招，可能唔係太好， ...

冇錯，日本應有用shaming. 所以日本人都好容易被洗腦……習慣性的為conform to society而委曲自我本身意向。當然壞事或犯法事不能做。但日本我經常suppress自己所以佢地的文化有些地方超奇怪。

仲有好多曰本人不知二次world war 時的事實，不知日軍的變態行為。

作者: picture 時間: 14-5-29 09:45 標題: 引用：Quote:原帖由+picture+於+14-05-29+發表老

原帖由 Argyle 於 14-05-29 發表
冇係大6讀過，唔知係咪unique to 大6。可能日本韓國仲嚴。平心論，如果老師一開始就出呢招，可能唔係太好， ...

No offence. 不是撩交鬧。

可能如樓上所說，我比較buy IS 那種手法。

作者: MCFitness 時間: 14-5-29 10:10

twllc 發表於 14-5-29 04:17
老師抱住你個仔既事我覺得唔大問題，老師要對住咁多學生，有一個唔跟規矩做，老師提醒都唔聽仲扮獅子叫，我 ...

作為家長應先反思一下家教方面的不足。
在街上/車上偶然見到小朋友做出一些不禮貌/不守規矩的行為，身旁的家長不去矯枉過正及教導，疼愛不等於縱容，日後大人同小朋友都要去承擔惡果。

作者: naughtybj 時間: 14-5-29 10:15 標題: 引用：回覆+kittyland06+的帖子三樣都唔係，我

提示: 作者被禁止或刪除內容自動屏蔽

作者: mybabycullen 時間: 14-5-29 10:22 標題: 引用：Quote:原帖由+Argyle+於+14-05-29+發表冇係

原帖由 picture 於 14-05-29 發表
我可以接受罰 time out. 或some chores 例如食茶點不守規矩就要幫手抹枱。

但佢個句「我要全班睇佢有幾醜 ...

同意！

作者: 喜樂果子 時間: 14-5-29 10:37

老實說, 老師鬧完狂喊唔係一個大問題, 不過老師用既方法就真係有D問題
1) 如果一向都係呢個老師教而你個仔又真係試過好多次係咁, 老師無哂辦法盡地一鋪試一試都情有可原, 但只係代課, 又未摸清小朋友性格就用呢個咁古老又唔文明既方法真係有D問題.  如果老師已教了小朋友一段時間, 咁我既感覺會好D

2) 有無需要15分鐘呢, 同時絕對讚成樓上家長所講有群眾欺壓令小朋友感覺醜, 呢個做法真係唔係好應該O係一個唔太了解小朋友既老師身上發生.

3) 我反而覺得如小朋友平復左叫佢講返做錯左咩事, 呢個做法係正確既

4) 依家講咩都無用, 多D在其他方面鼓勵小朋友做得好既地方, 留意下小朋友對返學既心情有無改變.

5) 教小朋友係無一定既對同錯, 不過做人父母就係咁架啦, 自己打自己鬧一件事, 人地做既話就好多懷疑, 講真我自己都係咁既心態.  不過只要無身體傷害, 同不斷既心靈傷害, 有時人地教真係好過自己教.

作者: picture 時間: 14-5-29 10:42 標題: 引用：Quote:原帖由+muimui321+於+14-05-29+發表

原帖由 naughtybj 於 14-05-29 發表
小朋友有A仔feature, 不是一般家長/老師能夠解決。建議您找合適的專業意見。

...

不一定，情緒不好或有感統問題都有幾會應响行行。

不要胡亂label 小朋友。

更要小心跌落self fulfilling prophecy 的 trap

作者: ahmatt 時間: 14-5-29 10:46

本帖最後由 ahmatt 於 14-5-29 16:23 編輯

naughtybj 發表於 14-5-29 10:15
小朋友有A仔feature, 不是一般家長/老師能夠解決。建議您找合適的專業意見。

...

Deleted

作者: poodlema 時間: 14-5-29 10:50 標題: 回覆：好擔心！個仔比老師鬧到狂喊

好過份

作者: lsw240322 時間: 14-5-29 11:02

個仔比人鬧到喊好少事,聽你講平時無人咁話佢,突然比人咁對付梗喊啦~ 家人不忍心,學校幫你教都需要互相配合,你唔buy老師一套,你個仔都唔會受老師教,唔會鍾意返學,同樣你唔buy這個老師,你都唔會放心交個仔比佢~ 我女偶有比比老師罸,都有喊,但女女好鍾意老師同返學,我同老師有好溝通,就有方法令女女受教,喺屋企始終會曳過喺學校,所以連你都唔buy老師,你個仔只會更曳
不過同意家長說老師不應以"等佢知自己有幾醜"這原因令佢唔再做錯事,結果出來就算做到也未必係因為佢明白~
但我覺得你要正視一下你仔仔在家的情況~

作者: picture 時間: 14-5-29 11:23 標題: 引用：個仔比人鬧到喊好少事,聽你講平時無人咁話

原帖由 lsw240322 於 14-05-29 發表
個仔比人鬧到喊好少事,聽你講平時無人咁話佢,突然比人咁對付梗喊啦~ 家人不忍心,學校幫你教都需要互相配合, ...

Agree. 在家要開始建立規矩，定下罰則，然後 consistently 執行。

不用太惡，要持久和恒常執行。養成好習慣

作者: xoshan1025 時間: 14-5-29 11:56

picture 發表於 14-5-29 09:25
我可以接受罰 time out. 或some chores 例如食茶點不守規矩就要幫手抹枱。

但佢個句「我要全班睇佢有幾醜 ...

要幫手抹枱...係因為讚的....唔應該用呢樣作為罸的一種

O係屋企..家長可以比小朋友無禮貌...係自己既事...但O係學校就要跟規矩....
個個學生都有樣學樣...點教???!!!

作者: Charlie妹 時間: 14-5-29 12:24 標題: 回覆：好擔心！個仔比老師鬧到狂喊

聽你咁講，老師無鬧佢，仲抱佢15分鐘，都幾有愛心……

作者: Chocolatefree 時間: 14-5-29 12:34 標題: 引用：我覺得你要放手俾人治吓個仔。作為家長都冇

原帖由 macmate 於 14-05-29 發表
我覺得你要放手俾人治吓個仔。作為家長都冇好好教好自己個仔啲基本禮貌同尊重他人，難得有人幫手教仲埋怨人 ...

Agree!

作者: Argyle 時間: 14-5-29 13:15 標題: 回覆：Chocolatefree 的帖子

真係遇過同學有呢類孩子問題，老師用盡方法包括錫，Tum，罚止……都唔掂，最後用羣眾壓力成功改變行為。作為家長，先要問自己呢啲係咪問題，如果係，有冇認真面對，抑或怕傷害弱小心靈唔理。再睇老師有冇試其他正面啲嘅辦法。如果幼生喊都非常唔捨得，大個咗佢遇到挫折，未必喊吓咁簡單。不過講咗咁耐，我估你一定唔buy，因為我識嗰個家長都一樣，因果關係也。所以見諒，當我純廢話可也。

作者: Argyle 時間: 14-5-29 13:20 標題: 引用：Quote:原帖由+Argyle+於+14-05-29+發表冇係

原帖由 picture 於 14-05-29 發表
冇錯，日本應有用shaming. 所以日本人都好容易被洗腦……習慣性的為conform to society而委曲自我本身意向 ...

我無認同純日本手法，事實是我对佢哋文化都不敢苟同。只係想講好多所謂唔好嘢不是中國人獨有。

作者: bee918 時間: 14-5-29 13:29

muimui321 發表於 14-5-29 01:05
佢食茶點成日同人傾偈同埋老師叫佢安靜佢就扮獅子叫。呀仔喺屋企都係咁玩嘢。從來未有屋企人以外閙到佢咁犀 ...

不談老師的處理手法, 如大人叫小朋友安靜, 小朋友便扮獅子叫, 是一些對抗行為, 要及早對症下藥.

作者: angelatjiu 時間: 14-5-29 13:54 標題: 回覆：picture 的帖子

agree

作者: naughtybj 時間: 14-5-29 14:38 標題: 引用：Quote:原帖由+naughtybj+於+14-05-29+發表

提示: 作者被禁止或刪除內容自動屏蔽

作者: naughtybj 時間: 14-5-29 14:45 標題: 引用：Quote:naughtybj+發表於+14-5-29+10:15+小

提示: 作者被禁止或刪除內容自動屏蔽

作者: ahmatt 時間: 14-5-29 15:43

本帖最後由 ahmatt 於 14-5-29 16:13 編輯

naughtybj 發表於 14-5-29 14:45
Please assess before comment...

Deleted

作者: naughtybj 時間: 14-5-29 15:47 標題: 引用：Quote:naughtybj+發表於+14-5-29+14:45+Ple

提示: 作者被禁止或刪除內容自動屏蔽

作者: ahmatt 時間: 14-5-29 16:02

naughtybj 發表於 14-5-29 15:47
Do u know what the pm is?! I already sent u the information. Obviously you are not a medical profess ...

多謝你的提醒，相信不少網友都同我一樣基於樓主所表述資料表達意見，是出於無私的分享

我認為樓主要信任醫生，不要錯過及早補救的機會。

樓主如能將醫生的意見告訴老師相信會有幫助。

作者: bubuG 時間: 14-5-29 17:22 標題: 回覆：好擔心！個仔比老師鬧到狂喊

狂喊15分鐘，但學懂上學要乖，都值得啦。

作者: picture 時間: 14-5-29 18:41 標題: 引用：Quote:原帖由+picture+於+14-05-29+發表不

原帖由 naughtybj 於 14-05-29 發表
U should study the background more before this comment, check the other posts..., thanks.

Tell yourself this.

I am not going to reply to your posts anymore. End of story.

作者: naughtybj 時間: 14-5-29 18:55 標題: 引用：Quote:naughtybj+發表於+14-5-29+15:47+Do+

提示: 作者被禁止或刪除內容自動屏蔽

作者: muimui321 時間: 14-5-29 21:44

好多謝大家！！就算是好多不同樣的見解，都真係比我不同角度去諗，係好緊要，多謝呀！

我同咗非常嚴厲嘅老公傾咗一輪，我們其實都認同，係要放手比老師教，time out, thinking chair, 隔離，等等嘅懲罰我地都好接受。今次代課老師係用shaming嘅方法，佢抱起呀仔，重點係，不斷講，你係BB嚟嘅，噯BB咁噯佢，因為在全班面前，呀仔狂喊係自覺醜怪，老師自己同我咁講。

K1呢班小朋友本來就好中意比較，有啲已經四歲幾好醒，成日取笑果啲細少少嘅做BB，呀仔之前講過比我聽。

好在呢，代課老師都有改善！可能佢都覺得唔恰當，今日佢用多咗鼓勵，仲話呀仔進步咗。我同佢溝通咗，大家都好friendly，佢話唔會再咁樣做。我本來都冇諗住採取咩行動，依家都冇咁擔心了！

講番呀仔嘅問題，我都會細心觀察佢做乜唔聽指令。佢呢排好反叛，成日no no no, 但只限於對住我地！同佢出去個個以為佢好乖，上堂唔專注囉，都係果啲麻煩仔，本來個老師兩年來又冇話過要點罰佢喎，所以我係有啲震驚⋯⋯

Anyway 真是很感謝大家。我冇乜朋友做媽咪，有時候真係唔知點處理，特別恐慌！

作者: bbaunt 時間: 14-5-30 00:00 標題: 回覆：muimui321 的帖子

溝通最緊要；加油呀

作者: jannychan 時間: 14-5-30 10:54 標題: 引用：好多謝大家！！就算是好多不同樣的見解，都

提示: 作者被禁止或刪除內容自動屏蔽

作者: lsw240322 時間: 14-5-30 10:57

加油........

so glad to hear that~~

作者: yuensammi 時間: 14-5-30 11:00 標題: 引用：好多謝大家！！就算是好多不同樣的見解，都

原帖由 muimui321 於 14-05-29 發表
好多謝大家！！就算是好多不同樣的見解，都真係比我不同角度去諗，係好緊要，多謝呀！

我同咗非常嚴厲嘅老 ...

咁咪好咯，這裡全都是媽媽，一齊學習吧

作者: 喜樂果子 時間: 14-5-30 14:36

努力啦, 做父母不是一件易事, 做到老學到老.

作者: bennyeva 時間: 14-5-30 16:55 標題: 回覆：muimui321 的帖子

而家有好多老師行為不檢，所以唔怪得你會擔心。我覺得最好慢慢問下小朋友發生過咩事，或者問下同班同學或其家長知唔知發生咩事。如果小朋友真係受到老師無理傷害，就一定要同學校講，我自己就會停番幾日，等小朋友心情好點再問。

作者: bennyeva 時間: 14-5-30 17:01 標題: 引用：老實說,+老師鬧完狂喊唔係一個大問題,+不過

原帖由 喜樂果子 於 14-05-29 發表
老實說, 老師鬧完狂喊唔係一個大問題, 不過老師用既方法就真係有D問題
1) 如果一向都係呢個老師教而你個仔 ...

Agree, 點解要用羞辱呢d方法？現代育兒理念已經改變左，可以用冷靜期同鼓勵。無論老師點有道理，方法係錯左。

作者: bennyeva 時間: 14-5-30 17:04 標題: 引用：好多謝大家！！就算是好多不同樣的見解，都

原帖由 muimui321 於 14-05-29 發表
好多謝大家！！就算是好多不同樣的見解，都真係比我不同角度去諗，係好緊要，多謝呀！

我同咗非常嚴厲嘅老 ...

唉，我覺得呢個老師想法係好難改變的，佢或者怕人投訴扮比你睇都得，都係嗰句，自己觀察下個仔番學開唔開心，問下同班同學仲好。

作者: muimui321 時間: 14-5-30 17:58

回覆 bennyeva 的帖子

係呀！好同意！所以我選擇唔去challenge佢個觀念同做法，只係比佢知道我地唔想佢再用呢種方法。

作者: muimui321 時間: 14-5-30 18:01

bennyeva 發表於 14-5-30 17:04
唉，我覺得呢個老師想法係好難改變的，佢或者怕人投訴扮比你睇都得，都係嗰句，自己觀察下個仔番學開唔開心 ...

咦，唔通真係驚我地投訴？！呀仔話老師今日已經冇話佢乖……

作者: muimui321 時間: 14-5-30 18:05

bennyeva 發表於 14-5-30 16:55
而家有好多老師行為不檢，所以唔怪得你會擔心。我覺得最好慢慢問下小朋友發生過咩事，或者問下同班同學或其 ...

係呀我睇完報紙果啲膠紙綁手仔黑布笠頭仔，驚到爆，老公話我太誇張。又怕講出來比人label做怪獸家長！

作者: bennyeva 時間: 14-5-30 18:18 標題: 引用：Quote:bennyeva+發表於+14-5-30+16:55+而家

原帖由 muimui321 於 14-05-30 發表
係呀我睇完報紙果啲膠紙綁手仔黑布笠頭仔，驚到爆，老公話我太誇張。又怕講出來比人label做怪獸家長！ ...

我覺得呢d諗法唔係怪獸，反而你要教小朋友點保護自己，個老師點會即刻改變咁多，加上你小朋友嘅口供，好難唔懷疑個老師有問題。育兒壓力好大，無可能個個老師都好似天使咁，一個唔好彩中左個唔好的有咩特別，好似你上一個老師可能好有耐性對你小朋友，呢個無耐性嘅，咪發生呢件事囉。最怕係嗰個老師對你小朋友有bias,所以了解同溝通好緊要，要同阿仔傾多d，教佢遇到事要叫唔好，同話比校長媽媽知道等。不過小朋友分析力同表達力有限，也就靠你了，加油！

作者: naughtybj 時間: 14-5-31 04:49 標題: 引用：Quote:bennyeva+發表於+14-5-30+16:55+而家

提示: 作者被禁止或刪除內容自動屏蔽

作者: naughtybj 時間: 14-5-31 04:51 標題: 引用：Quote:bennyeva+發表於+14-5-30+16:55+而家

提示: 作者被禁止或刪除內容自動屏蔽

作者: bbmom72 時間: 14-5-31 17:14 標題: 引用：好多謝大家！！就算是好多不同樣的見解，都

原帖由 muimui321 於 14-05-29 發表
好多謝大家！！就算是好多不同樣的見解，都真係比我不同角度去諗，係好緊要，多謝呀！

我同咗非常嚴厲嘅老 ...

贊成要同老師講。同一個處理手法，唔一定啱每個小朋友。我囝學校有小朋友好曳，學校覺得無問題，我小朋友好驚，影響到日常生活，但其他小朋友唔驚，所以學校覺得唔駛處理。有經驗的老師會因材施教，知道每個小朋友的特點而處理同一件事。如果你小朋友真的因而有負面影響，就代表老師做法唔適合你小朋友。老師未必觀察到，所以自己要特別細心。

作者: crystal媽咪 時間: 14-5-31 21:40

代課老師代到幾時, 如果一兩星期就算數,同時要教小朋友老師話唔好扮獅子叫.

盡量要乖d

作者: lileikam 時間: 14-6-2 18:11 標題: 回覆：好擔心！個仔比老師鬧到狂喊

我間學校老師唔會用罰方法，佢地主張講道理，一次唔得講多幾次（講道理都會要求家長用正面詞語），當然每間學校都有唔同，每個老師都唔同，我只係覺得，學生都有唔同性格，如果個小朋友係可以學到真正用意，唔係因為驚老師or父母唔響你地面前曳，但背後又做其它更曳行為as長遠目的係達到就得。

作者: HoneyChuBo 時間: 14-6-2 21:12

回覆 muimui321 的帖子

介唔介意講你個仔讀間學校叫咩名？

歡迎光臨教育王國 (/)