教育王國

標題: 沈祖堯為女學者平反 [打印本頁]

作者: elbar 時間: 14-5-28 09:14 標題: 沈祖堯為女學者平反

【明報專訊】香港八大院校校長都係男人，除早前逝世樹仁大學校長鍾期榮外，大專院校女校長可謂「稀有動物」。中文大學校長沈祖堯噚日網誌話，外國高等教育界有唔少女領袖，例如美國哈佛大學校長Drew Faust同英國劍橋大學前校長Alison Richard都係女人（見表），任內仲好有成就，讚揚佢領導有方、高瞻遠囑。

沈教授話，反觀香港，八大院校女性教授僅佔35%，做到學院院長、副校長、校長等領導職務更只有4%至7%。佢認為，女性高層比例少係複雜問題，部分係為家庭而犧牲事業，生兒育女後令事業中斷，成為女性學者發展一大障礙，加上同男性有相同成就女性，可能得唔到擔任領導相同機會。

心中有大計

沈校長又話，21世紀社會，女性應在家相夫教子觀念已過時，所以須令女性社會中盡情發揮才能，「我們應該制訂政策，體貼員工的家庭生活，令兩性在校園享有平等機會，讓我們來領香港高等教育風氣之先」。Emily問過大學公關沈校長有咩大計，公關引述佢話「心中有大計，但暫未公布」。

歡迎光臨教育王國 (/)