教育王國
標題: 葉劉倡通識讓路還原歷史 [打印本頁]
作者: elbar 時間: 14-5-26 17:23 標題: 葉劉倡通識讓路還原歷史
本帖最後由 elbar 於 14-5-26 17:24 編輯
教過一年書嘅葉太除咗熟悉保安事務，對教育問題亦有唔少睇法。
七一佔中臨近，究竟通識科教師應否及點樣教導學生有關嘅「佔領中環」課題，喺學界同政界都引起熱論。做過保安局局長嘅行政會議兼立法會議員葉劉淑儀，就直情建議取消通識科作為必修科嘅資格，等學校有權選擇教定唔教、家長同學生有權選擇讀定唔讀。不過葉太背後嘅理據就同佔中無關，而係覺得通識科應該讓路畀歷史科或文學科。
葉太尋日出席一間中學畢業禮時，憶述佢喺加入政府前曾經做過老師，但只係教咗一年咁大把，但最近喺街上遇番當年嘅學生，對方居然仲認得佢，而且主動上前向佢講多謝添，證明為人師表，對學生嘅影響真係可以好深遠。
新一代不了解國際形勢
學貫中西嘅葉太又話，以前讀書要學文史結禮，但自從港府喺○七年取消範文科目後，選讀中西史或文學科嘅學生就愈嚟愈少，搞到依家啲畢業生普遍對自己國家同國際形勢都唔了解，中英文水平亦每況愈下。佢認為港府未來一定要認真檢討呢個問題，將爭議多多嘅通識科改做選修科目，將中國歷史、世界歷史、中國文學及英國文學轉做必修科。
作者: 王家爸爸 時間: 14-5-26 17:45
希望EDB知錯能改... 通識科一早應讓路畀歷史科或文學科。
作者: judywan 時間: 14-5-26 18:22
不嬲都唔同意（通識）為DSE必考科目，只係人在制度下，冇得唔玩。
作者: ZZdaphne 時間: 14-5-26 18:39
通識應只定為初中課程, 高中真係應該取消,
要考公開試簡直兩敗俱傷
作者: judywan 時間: 14-5-26 18:49
本帖最後由 judywan 於 14-5-26 19:30 編輯
回覆 ZZdaphne 的帖子
高中教都冇問題（我反而覺得高中教會好啲），必修科都冇問題，只要唔好作為DSE必考就得喇。
作者: hogwarts 時間: 14-5-26 19:09 標題: 回覆：王家爸爸 的帖子
雖然通識好像問題多多，但的確又令到班中學生多思考，我就由漸漸從不支持，變成都覚得這一科都幾好。
作者: ZZdaphne 時間: 14-5-26 19:29
hogwarts 發表於 14-5-26 19:09 
雖然通識好像問題多多，但的確又令到班中學生多思考，我就由漸漸從不支持，變成都覚得這一科都幾好。
...
多思考係好事, 但要來評分就有點不切實際, 容易有失誤...
作者: hogwarts 時間: 14-5-26 20:16 標題: 回覆：ZZdaphne 的帖子
在香港這個講求「實用亅的城市，如果通識不是 core subject ，大概又淪落為另一科中史，鮮有人修讀了。
最近做了幾份 LS 的 SBA 問卷，發覺同學的選材都非常多元化，比死記教材有趣多了。雖然還是非常擔憂自己孩子考DSE 時，在這殺手科的表現。
作者: sonkhl 時間: 14-5-26 20:55
我又咁睇，通識轉為選修我不反對，但我個人覺得通識比較貼近現在社會實況，中史始終要修煉後才可轉化運用於現在實况。即時實用性通識好些。
作者: joyjoyparent 時間: 14-5-26 22:11
回覆 hogwarts 的帖子
我現在也覺得通識科不錯, 因它強化了中學生對時事有一定的理解.
但是, 它的範圍太大, 多有與其他科重複; 部分議題該轉為選修.
另外, 不要以為葉劉及民建聯特別喜歡中史. 只是借屍還魂, 讓國教科復活, 也減少黃之峰之類的社運學生!
作者: hogwarts 時間: 14-5-26 22:23 標題: 回覆：joyjoyparent 的帖子
如果以為用中史可以為國教借屍還魂，大概又會搬起石頭砸自己的腳，愛歷史的又怎麼會認同專政者的花言巧語！
作者: ANChan59 時間: 14-5-26 23:23
回覆 joyjoyparent 的帖子
You may be right ...... 
作者: 王家爸爸 時間: 14-5-27 09:37
hogwarts 發表於 14-5-26 19:09
雖然通識好像問題多多，但的確又令到班中學生多思考，我就由漸漸從不支持，變成都覚得這一科都幾好。
...
雖然說觀點角度不會影響分數，但你相信嗎？
終究，評分的是人，所有人都有主觀的一面，意見相同，給分也給得寬鬆少少。
作者: 王家爸爸 時間: 14-5-27 09:42
hogwarts 發表於 14-5-26 22:23
如果以為用中史可以為國教借屍還魂，大概又會搬起石頭砸自己的腳，愛歷史的又怎麼會認同專政者的花言巧語！ ...
作者: JustAParent 時間: 14-5-27 10:00 標題: 回覆：葉劉倡通識讓路還原歷史
葉劉自己也不面對國家的歷史，叫人讀中史？笑話！如果學生讀歷史要搞到厚古薄今，避開當權者洗腦，這個國家基本上玩完。葉劉倡棄通識回歸史科，明顯想為自己漂白。咁易？我記性好好，她當年為官所作所為，歷歷在目，吾有生之年，絕不會投她一票，對她所言，亦無謂跟車太貼。
作者: tcmsung 時間: 14-5-27 11:20
提示: 作者被禁止或刪除 內容自動屏蔽
作者: glory32 時間: 14-5-27 17:50 標題: 回覆：葉劉倡通識讓路還原歷史
其實通識科的国際视野，已比好多科闊。当中六大主题其中最少四个都涉及国際观。
作者: JuiceMum 時間: 14-5-27 19:44
提示: 作者被禁止或刪除 內容自動屏蔽
作者: joyjoyparent 時間: 14-5-27 22:54
回覆 hogwarts 的帖子
通識不算殺手了, 中文科才是.
通識第二級也不難考, 中文第三級才難!
作者: ANChan59 時間: 14-5-27 23:33 標題: 引用：回覆+hogwarts+的帖子 通識不算殺手了,+中
原帖由 joyjoyparent 於 14-05-27 發表
回覆 hogwarts 的帖子
通識不算殺手了, 中文科才是.
作者: Obiepapa 時間: 14-5-28 10:06 標題: 引用：希望EDB知錯能改...++通識科一早應讓路畀歷
原帖由 王家爸爸 於 14-05-26 發表
希望EDB知錯能改... 通識科一早應讓路畀歷史科或文學科。
作者: 熙媽媽 時間: 14-6-1 16:09
我都覺得通識應該改做選修科，不過而家間間學校咁多通識老師，一改為選修，少左好多人讀，咁d老師去邊呢？所以改做選修真係會好難。
叻嘅學生已有一定思維能力，讀通識，增加思考機會，好！
一般學生讀通識，死背答題框架，咩問題都係從「經濟」、「社會」、「政治」等角度講，引下maslow，引下一d sociology嘅概念，徒具虛形，說明薄弱，使通識淪為另一死背科目，咁樣其實都幾可悲。就係因為要必修，所以唔掂就去補習。通識都有補習班，其實真係幾諷刺。
作者: 上善若水 時間: 14-6-3 17:45
提示: 作者被禁止或刪除 內容自動屏蔽
作者: ANChan59 時間: 14-6-4 09:21
上善若水 發表於 14-6-3 17:45
中文課真係好有問題，每年厚厚两本中文書，三幾十篇文，一年結束教得三分一，每星期上4-5堂中文課，一年冩 ...
我見其他學制學中文是選好書，閱讀，分析，評論，寫作！
教材講求不是量，是質！師資特別重要。
作者: 上善若水 時間: 14-6-5 16:47
提示: 作者被禁止或刪除 內容自動屏蔽
作者: sonkhl 時間: 14-6-6 14:50
我接觸一些國內人在香港教中文之老師,感覺教學方面很好.可能與他們從小專注在中文有關.
| 歡迎光臨 教育王國 (/) |
Powered by Discuz! X1.5 |
