教育王國

標題: 唔開心，申請MTR傷殘八達通 [打印本頁]

作者: watchme 時間: 14-5-24 22:09 標題: 唔開心，申請MTR傷殘八達通

人窮就...唉
諗住申請MTR傷殘八達通，暑假就可以平啲帶呀仔周圍去，老婆提我，我無為仔著想，第時大過，呀仔考工，俾人知申請過傷殘証等，點會請佢？
好唔開心，又後悔

作者: Mar9b 時間: 14-5-25 01:13

你系政府評估左就有紀碌，應該唔關張證事吧？

作者: Olympian 時間: 14-5-25 12:06 標題: 回覆：watchme 的帖子

我就唔怕，亦認為對將來就業冇影響。不過提下，要有資格領傷殘津貼金的，才合資格領傷殘八達通。有殘疾症不等於一定合資格領傷殘八達通。

作者: lolotwo2003 時間: 14-5-26 13:40 標題: 回覆：watchme 的帖子

当我收到社署封信，知道小女可以申請張伤殘八達通，我都好難过，既然既是事实，我和老公商議后，去申請，大家加油努力，見步行步啦!

作者: watchme 時間: 14-5-26 21:36 標題: 回覆：唔開心，申請MTR傷殘八達通

你明白我，加油

作者: nownow 時間: 14-5-27 12:02

我收到咭，沒有寫上係傷殘或殘疾，沒有標籤的，大家可放心！

作者: lolotwo2003 時間: 14-5-27 14:49 標題: 回覆：watchme 的帖子

亦曾經有朋友提醒我，不要替小女申請伤殘津貼，怕日後她大了考政府工有影響，但我認為應先應付當前問題，所以申請了，日後長大了才諗日後的問題，揾政府工對小女來說太遙遠了，不敢奢望

作者: lolotwo2003 時間: 14-5-27 14:51 標題: 回覆：watchme 的帖子

所以不要介意申請呢d津貼，同路人明白的

作者: misshk12 時間: 14-5-28 08:13

回覆 lolotwo2003 的帖子

其實政府工反而無咩影響。政府會聘請殘疾的人。咁長遠，好難諗

作者: yicbc 時間: 14-5-28 10:03

我唔會諗得咁長遠, 以眼以為目標, 張八達通我都到手, 真係冇標明係傷殘, 不過亞仔每次DO巴士, 個司機都會望下佢, 可能見佢外表一切正常, 點會用2蚊卡

作者: muimui5 時間: 14-5-28 15:31

我最近才收到申請表，請問申請了傷殘証和八達通的家長，申請表貼的照片一定要用特區護照那個底色嗎？我不想要專全出去影。

作者: BKVIP 時間: 14-5-29 07:54 標題: 回覆：唔開心，申請MTR傷殘八達通

評估左政府就會有record, 將來考政府工，尤其紀律部隊唔駛諗。我心急申請埋八達通，無諗清楚佢資料連地鐵公司都會有埋，連港鐵工都唔駛諗。d資料在私人機構真係唔知會散到去邊。我好後悔，現在無啟動張咭但資料已上左去，港鐵要我寫封信駐消佢d資料，但信上要寫佢身份証號碼，咁咪一樣有record!

作者: picture 時間: 14-5-29 10:50 標題: 引用：我唔會諗得咁長遠,+以眼以為目標,+張八達通

原帖由 yicbc 於 14-05-28 發表
我唔會諗得咁長遠, 以眼以為目標, 張八達通我都到手, 真係冇標明係傷殘, 不過亞仔每次DO巴士, 個司機都會望 ...

不必太敏感，我幫個女dood小童八達通都比司機啤一啤，睇下是否真的有細路。好正常。

有D老人家染黑髮着到花look look dood長者咭，司機都會望下

作者: shanna1114 時間: 14-5-29 12:16 標題: 回覆：唔開心，申請MTR傷殘八達通

我同阿仔一齊申請，我永久、佢2年，我地望上去都似正常過正常，冇咩唔開心摼倒啲車費可以幫補啊仔上堂

作者: 王王爸爸 時間: 14-5-29 17:13

是否好像"Do"聲有些不同的?

作者: Vichang 時間: 14-5-29 18:40 標題: 回覆：BKVIP 的帖子

我有幫囝囝申請。我覺得冇乜所謂，如果講未來佢做咩工，不如focus on 眼前點樣幫佢吧。

作者: Vichang 時間: 14-5-29 18:41 標題: 引用：我唔會諗得咁長遠,+以眼以為目標,+張八達通

原帖由 yicbc 於 14-05-28 發表
我唔會諗得咁長遠, 以眼以為目標, 張八達通我都到手, 真係冇標明係傷殘, 不過亞仔每次DO巴士, 個司機都會望 ...

認同

作者: bee918 時間: 14-5-30 00:41 標題: 引用：我唔會諗得咁長遠,+以眼以為目標,+張八達通

原帖由 yicbc 於 14-05-28 發表
我唔會諗得咁長遠, 以眼以為目標, 張八達通我都到手, 真係冇標明係傷殘, 不過亞仔每次DO巴士, 個司機都會望 ...

因為小童果張兩蚊八達通係新措施，司機留意下不足為奇。你記得早幾個月八達通出錯令一D乘客免費坐巴士嘅事件嘛？自此之後D巴士公司可能會叫員工留意乘客用咭既情況都未定。

再講張咭上既係個人資料，即使港鐵都吾可以拎來做其他用途，而家有私穩條例架。

大家都係香港巿民有為香港付出過，呢兩蚊係福利，緊係要好好利用。

作者: py84ko 時間: 14-5-30 03:01 標題: 回覆：唔開心，申請MTR傷殘八達通

點解你地會咁諗，如果佢地將來有能力的去考政府工，唔會因為你曾經攞過傷津而唔受聘，咁樣身為政府機構都唔以身作則，等如歧視，可以去平等機會委員會投訴。

至於紀律部隊，如果你身體上有乜問題而影響有關工作能力，莫說攞傷津，冇攞的一樣唔會被取錄。

作者: bauhiniakan2000 時間: 14-5-30 03:05

回覆 bee918 的帖子

當初社工話同我個仔申請傷殘津貼我心都好難受,我問可否晤呻請,社工作了一論解析,我都接受唔到,後來我太太入來工一講,我太太驚死執輸就簽左,跟住重話甘容易就有津貼,但了當時我抑鬱症十幾年,想也沒想過領傷殘津,當時兒子要領,心真是難受,但也面對現實,除非你大把資源,孩子的訓練費開銷好大,同可以交少 d 稅.

作者: BKVIP 時間: 14-5-30 08:00 標題: 引用：點解你地會咁諗，如果佢地將來有能力的去考

原帖由 py84ko 於 14-05-30 發表
點解你地會咁諗，如果佢地將來有能力的去考政府工，唔會因為你曾經攞過傷津而唔受聘，咁樣身為政府機構都唔 ...

現實就係現實，好多黑暗面。大機構又點，好多人為錯誤，我就試過有某機構無啦啦send 晒佢clients 個人資料俾我，新聞之前都有講八達通公司賣資料俾人賺錢。只係好後悔無好好諗清楚就申請左張八達通。

作者: misshk12 時間: 14-5-30 08:52

回覆 py84ko 的帖子

好同意。如果申請左而後悔的，不如打去港鐵睇下怎樣取消返？應該寫信就可以吧。私人機構無權長時間保存個人資料的。問埋港鐵怎樣處理私人資料？至於政府工，二十年後都唔知咩世界啦，太長遠，點諗呢？

作者: tszlongbaba 時間: 14-6-1 19:22 標題: 回覆：唔開心，申請MTR傷殘八達通

咁俾亞仔出街用依張card 洗唔洗帶定咩文件，萬一有人查飛，係咪要有相關既証明架?

作者: muimui5 時間: 14-6-1 23:53

有人話傷殘証同八達通放入同一咭片套。

作者: ac_ca0806 時間: 14-6-2 07:37

張証有你提交的相
個人認為你小朋友，有係政府做評估已有紀錄，
就算日後進步到話無事，都唔會刪除，只會更改，
這一生政府都有紀錄，
你好驚日後去政府機構搵工有問題，
你攞唔攞傷殘津貼或其他野都是一樣知道
所以你唔駛再擔心，因為都無辦法去改變這紀錄
不要當心日後如何做，最緊要現在如何幫小朋友進步

作者: bauhiniakan2000 時間: 14-6-3 02:40

回覆 ac_ca0806 的帖子

cac話紀錄到18歲就註銷同埋唔畬再有任何支援.我同佢地申請醫療報告時講.

作者: kingbbsam 時間: 14-6-11 09:19

我又無咁諗, 或者樓主和家人依家係處於過渡期

遲下睇開D, 面對現實, 其實唔需要理其他人點睇, 呢D係政府給我們小朋友的福利, 我都無諗咁長遠, 或者咁講, 其實有自閉症就係有, 唔會因為唔拿傷殘證就能夠改變事實

作者: hv245 時間: 14-6-17 03:59 標題: 回覆：ac_ca0806 的帖子

提示: 作者被禁止或刪除內容自動屏蔽

作者: yicbc 時間: 14-6-19 16:05

ac_ca0806 發表於 14-6-2 07:37
張証有你提交的相
個人認為你小朋友，有係政府做評估已有紀錄，
就算日後進步到話無事，都唔會刪除，只會更 ...

CAC 評估左就通晒天.

幾年前有單新聞, 有個青年人考消防多次, 咩都過到關, 但最終唔請, 佢唔報氣,
最後查出佢對上兩代 (佢亞爺及父親) 都係精神病康復者.

政府D野通晒天, 我唔諗, 只求亞仔有進步

作者: 跳躍精靈 時間: 14-9-14 18:27

BKVIP 發表於 14-5-29 07:54
評估左政府就會有record, 將來考政府工，尤其紀律部隊唔駛諗。我心急申請埋八達通，無諗清楚佢資料連地鐵公 ...

政府就話有咁ge需要/閒情record一個人就幾歲到幾十歲的資料姐
一間commercial會唔會因hr purpose record一個人的資料幾十年呀.....

張學生八達通申請表舊要填讀幾年班啦
唔使mtrc會記住所有人有冇repeat過咩

歡迎光臨教育王國 (/)