教育王國

標題: 請問派位所以抽獎是否表示唔理成績純粹靠運氣? [打印本頁]

作者: nam 時間: 14-5-22 13:40 標題: 請問派位所以抽獎是否表示唔理成績純粹靠運氣?

初哥, 望可指教!

作者: cchan2002 時間: 14-5-22 15:02 標題: 回覆：nam 的帖子

唔係好明你意思，除左直資或私校收左你，個個都要參加統一派位，即係你所指大抽獎，只係成績前1/3抽先，抽到乜，無人估到，抽唔到乜，就實知，因為自己無㨂

作者: 王家爸爸 時間: 14-5-22 15:11

nam 發表於 14-5-22 13:40
初哥, 望可指教!

yes和no，同banding的學生參加大抽獎，唔理成績純粹靠運氣。但前題系同banding。
不同 banding 的學生，成績先行，不能夠靠運氣。換句話說，運氣最好的B2生也不會比運氣最差
的B1生好。

作者: opclk 時間: 14-5-22 15:15

提示: 作者被禁止或刪除內容自動屏蔽

作者: nam 時間: 14-5-22 15:18

吓, 我仲以為係唔睇成績, 好似公司抽獎咁, 放晒人名落去隨機抽添

咁係咪要視乎讀緊個間小學屬於 Banding 幾? 再按學校banding 1...2... 3 優先次序排再抽呢?

作者: nam 時間: 14-5-22 15:22

點樣可以計算自己屬於 Band幾學生呢?

作者: little_yolky 時間: 14-5-22 15:35

nam 發表於 14-5-22 15:18
吓, 我仲以為係唔睇成績, 好似公司抽獎咁, 放晒人名落去隨機抽添
咁係咪要視乎讀緊個間小學屬於 B ...

升中抽奬真係好難明！

根據我既理解, 係你上一年既師兄師姐考試, 然後定貴校有幾多%既B1, B2, B3，咁由小五下學期開始要呈分, 呈三次, 排名次。學校就 "大概" 會知道自己學校有幾多B1, B2, B3生, 揀校時會 "大概" 講你知。

根據呈分成績咁有一個全港名次(無人知, 學校都唔知)响你自行時教署會通知自行學校, 用嚟揀卒。然後, 自行收唔收你你又唔知, 因為自行同大抽奬同一日放榜。到大抽奬時, 你就根據你自己校網區的banding去揀校喇。唔係根據學校既band, 係根據同學自己既band, 即使學校係神校, 你係神校既band 2, 咁都係band 2(神校應該無band 3吧)。然後就玩填六合彩。

如果你係band 1同學仔, 就將可填的band 1填晒入去, 再填band 2學校。咁你可能唔好彩number唔靚, 派到二十位, 都只係會派去band 2學校, 都好, 係話俾人知派到二十幾唔好聽而已。點解成日有人話明明係band 1被派去band 3呀? 除咗填錯表外, 就可能係估錯自己band的邊緣人。例如以為自己係band 1C, 原來係band 2A, 咁頭20位都填晒band 1校, 之後10位填band 2校, 再加埋唔好彩, 個隨機number so ugly, 係band 2最後一個, 咁咪band 2校都入唔到, 被人派咗去band 3囉。要知道, 唔理你係band 1A, B, C, 電腦只會知你係band 1, 唔理你係band 2A, B, C, 電腦亦會只知你係band 2, 所以就算你係band 2A, 唔一定會抽得好過band 2C既同學仔。所以邊緣人要謹慎。

以上理解唔知有無錯, 請各高人指教。

作者: opclk 時間: 14-5-22 15:47

提示: 作者被禁止或刪除內容自動屏蔽

作者: nam 時間: 14-5-22 16:12

謝謝您們的詳細解釋!

作者: 瑩瑩老豆 時間: 14-5-22 18:11

nam 發表於 14-5-22 15:22
點樣可以計算自己屬於 Band幾學生呢?

還是要看成績的

作者: 王家爸爸 時間: 14-5-22 19:41

一句講哂，先成績，後運氣。

作者: ohnono 時間: 14-5-22 21:58

王家爸爸發表於 14-5-22 19:41
一句講哂，先成績，後運氣。

我再加多句。先成績，後運氣，再用策略去彌補運氣不足。

作者: lindajacky 時間: 14-5-22 22:26 標題: 回覆：ohnono 的帖子

大家都充分了解升中遊戲規則。但最最最令我吾明既係, 點解吾公開每個人既 Banding, 同埋每個人既隨機編號!

作者: little_yolky 時間: 14-5-22 22:48

opclk 發表於 14-5-22 15:47
回覆 nam 的帖子

每間小學都會有不同百分比的BAND1/2/3生。全港最差的小學都會有15%BAND1生

咁請問可唔可以理解為：如果三次呈分試名次都在Band 1範圍內, 即1) 30, 2) 25, 3) 30, 咁樣就比較保險係band 1, 抑或咁都可能係邊緣人?

作者: sai1031 時間: 14-5-22 22:58

本帖最後由 sai1031 於 14-5-22 23:00 編輯

little_yolky 發表於 14-5-22 22:48
咁請問可唔可以理解為：如果三次呈分試名次都在Band 1範圍內, 即1) 30, 2) 25, 3) 30, 咁樣就比較保險係ban ...

唔係 1+1 =2咁計架, 有啲小學水準高啲可能 60-70名/130人全級, 都可能係band 1, (46%-54%)
但有啲無咁高的小學, 有可能 30前 /130 才是 band 1 (23%)
所以要看清楚自己間小學大約band 1生的% ,唔好以為間間小學都三分一 .43/130 (33%)

作者: 芝華士BB 時間: 14-5-22 23:10 標題: 回覆：lindajacky 的帖子

只有成日犯錯的人，才不便公開。

作者: 芝華士BB 時間: 14-5-22 23:11 標題: 引用：大家都充分了解升中遊戲規則。但最最最令我

原帖由 lindajacky 於 14-05-22 發表
大家都充分了解升中遊戲規則。但最最最令我吾明既係, 點解吾公開每個人既 Banding, 同埋每個人既隨機編號! ...

因為只有時常犯錯的人，才不會公開。

作者: opclk 時間: 14-5-22 23:40

提示: 作者被禁止或刪除內容自動屏蔽

作者: ohnono 時間: 14-5-23 01:26

lindajacky 發表於 14-5-22 22:26
大家都充分了解升中遊戲規則。但最最最令我吾明既係, 點解吾公開每個人既 Banding, 同埋每個人既隨機編號! ...

你講得啱，讚成政府應該公開同學的banding。道理上，同學自己考的，係應該知道自己的成績，何況這個成績係用作選學校的。人情上，政府已經好寬容地讓各自組別範圍內的同學無分高低，無分彼此揀選自己的心儀中學了，根本上已提供了不同的選校機會給同學，還用保障甚麼成績差的同學的弱小心靈嗎？可能只是政府的高官的一廂情願。
現在band 1同學還不是一樣可以從唔同途徑知道自己的banding，band 2、3同學都可以。那麼有甚麼同學是唔知的？只有一種，但亦係最需要知的，就係那些邊緣同學囉！點解個制度係要剝奪這班邊緣人的權利！有乜野好處？為怕同學會分等級？現在好像是教局親手將學校分等級，又親手將同學們分等級多過同學自己分等級！

作者: ohnono 時間: 14-5-23 01:48

opclk 發表於 14-5-22 23:40
回覆 little_yolky 的帖子

冇錯!三次都在Band 1範圍內就不必担心了,好似你比example一樣,

是否不用擔心，還要視乎有沒有同學可以迫出band 1界限：
基本上還有一個情況。假若同學本來是超越band 1界限，但第二、三次呈分來個大躍進，收復失地之外，就可以將原先貼在band 1界限的同學迫落band 2。

這種情況在名小學的發生的機會特別多，因為他們的分數比較咬得緊，一、兩分的上落會導致名次變化很大。所以，當有同學被直資取錄後，心一散，分數失一兩分，名次就會跌得後。你話有冇機會導致同學可以獲派band 1學校的數目大了？你地自己去諗！

作者: opclk 時間: 14-5-23 02:09

提示: 作者被禁止或刪除內容自動屏蔽

作者: 王家爸爸 時間: 14-5-23 09:30

都系以前升中試比較好，至少好似公平一點，壓力也低一點，一次過總好過兩年的折磨。

作者: 王家爸爸 時間: 14-5-23 09:34

opclk 發表於 14-5-23 02:09
回覆 ohnono 的帖子

所以唔該政府做下好事,淨係公佈每位學生組別已經可以解決好多問題

事實上淨系公佈自行階段結果已經有很大的幫助，30％學生無需填寫選校表，政府行政成本低左，家長和學生的壓力也低左。

作者: johnmamama 時間: 14-5-23 10:19

自行階段如早D知道結果, 會影響第三次呈分試, 入了學生就不會繼續全力以赴去考試.又如果考了第三次呈後公佈,不用填表, 對入了學生覺得浪費.所以結論就早公佈同遲公佈,都會給家長不滿.

作者: ernestchow 時間: 14-5-23 12:07

本帖最後由 ernestchow 於 14-5-23 12:07 編輯

王家爸爸發表於 14-5-23 09:30
都系以前升中試比較好，至少好似公平一點，壓力也低一點，一次過總好過兩年的折磨。 ...

學能都好d

作者: Band5 時間: 14-5-23 20:11 標題: 引用：自行階段如早D知道結果,+會影響第三次呈分

原帖由 johnmamama 於 14-05-23 發表
自行階段如早D知道結果, 會影響第三次呈分試, 入了學生就不會繼續全力以赴去考試.又如果考了第三次呈後公佈 ...

唔明！考完第三次呈分試後公佈，不用填表, 對入了學生為何覺得浪費呢？

作者: cellon 時間: 14-5-24 01:11

lindajacky 發表於 14-5-22 22:26
大家都充分了解升中遊戲規則。但最最最令我吾明既係, 點解吾公開每個人既 Banding, 同埋每個人既隨機編號! ...

不要說學生Banding和隨機編號，連最基本的 "Computer Input Check" (即是教局將學生的選校次序入落電腦後，印出來給家長核對，以防上輸入電腦時出錯和看錯家長的字跡。)教局亦不願做。教局亦不容許家長選擇直接網上填表(像電子報稅一樣)以避免電腦輸入時出錯。

所以每年都在派位時，都有家長投訴出現不合理的結果。。。

作者: cchan2002 時間: 14-5-24 05:47 標題: 引用：Quote:lindajacky+發表於+14-5-22+22:26+大

原帖由 cellon 於 14-05-24 發表
不要說學生Banding和隨機編號，連最基本的 "Computer Input Check" (即是教局將學生的選校次序入落電腦後， ...

多口問句，呢様派法可唔可以施法覆核？從來有無人唔服氣，提出抗爭？透明度從來就非常重要，有沒有獨立部門監察整個process , 每年作出報告以作改善？！永遠就是閉門造車，一小撮人去估社會上其他人特別是家長所想所要，然後跑出黎同人講已符合大部人意願，好可悲，明明現實學校分左幾個category , 學生亦自自然按成績能力去分，係要自己㧪自己，跟本大同世界就唔存在，三次呈分試壓力大d,定係好像以前弱能測驗大d, 高官們有無實實在在去同小朋友了解下？！

作者: yamyau 時間: 14-5-24 10:39

回覆芝華士BB 的帖子

無人會知道公唔公平，派得唔好，只有話除機編號唔靚！

作者: yamyau 時間: 14-5-24 10:41

回覆王家爸爸的帖子

無錯，周梁淑儀都曾經爭取過，但最終都係

作者: 1010mum 時間: 14-5-24 14:05 標題: 回覆：請問派位所以抽獎是否表示唔理成績純粹靠運氣

唔好意思，還想請教一件事:

比如說，自行階段同學報了A,B兩所中學。
B收了同學。

但是，同學不知情，因為要到放榜日才知結果。
那麼，他仍然要填統一派位表參加攪珠。
對嗎?

統一派位，他仍然把A校放在首位，仍然有機會被派到A校。

會不會因為B校在自行階段已錄取了，而令同學喪失了派入A校的機會?

作者: 王家爸爸 時間: 14-5-24 14:20

1010mum 發表於 14-5-24 14:05
唔好意思，還想請教一件事:

比如說，自行階段同學報了A,B兩所中學。

1，對
2，沒有機會被派到A校。
3，對，會因為B校在自行階段已錄取了，而令同學喪失了派入A
校的機會。

作者: cellon 時間: 14-5-24 14:55

本帖最後由 cellon 於 14-5-24 14:56 編輯

1010mum 發表於 14-5-24 14:05
唔好意思，還想請教一件事:
比如說，自行階段同學報了A,B兩所中學。
但是，同學不知情，因為要到放榜日才知結果。那麼，他仍然要填統一派位表參加攪珠。對嗎?
統一派位，他仍然把A校放在首位，仍然有機會被派到A校。會不會因為B校在自行階段已錄取了，而令同學喪失了派入A校的機會?

自行階段即使有中學收了，教局不會通知學生，所以家長仍要填統一派位，但教局不會讓學生參加攪珠（因教局知道有學校收了該學生）。既然沒有機會參加攪珠，所以統一派位表怎樣填都不影響派位結果。

但要留意，若該生想放榜後向A校叩門，最好將A校填入統一派位的首志願，因有些學校規定要填首志願才考慮其叩門申請。

作者: AC117 時間: 14-5-24 15:49 標題: 引用：+本帖最後由+cellon+於+14-5-24+14:56+編輯

原帖由 cellon 於 14-05-24 發表
本帖最後由 cellon 於 14-5-24 14:56 編輯

有個疑問：自行放第一志願學校有記錄，但抽獎放第一學校會有記錄？

作者: cellon 時間: 14-5-24 16:04

AC117 發表於 14-5-24 15:49
有個疑問：自行放第一志願學校有記錄，但抽獎放第一學校會有記錄？

叩門時，學校可以要求家長交出大抽獎表格的存根。

作者: AC117 時間: 14-5-24 17:52 標題: 引用：Quote:AC117+發表於+14-5-24+15:49+有個疑

原帖由 cellon 於 14-05-24 發表
叩門時，學校可以要求家長交出大抽獎表格的存根。

可能我已經忘記了，當時沒有叩門無出動到存根，已遺忘有存根這回事，其實都几難自行，抽獎揀仲要超班才能叩入

作者: 1010mum 時間: 14-5-24 20:46 標題: 回覆：請問派位所以抽獎是否表示唔理成績純粹靠運氣

這樣說來，如果極度心儀A校，是不是該破釜沉舟，自行只報A校?

作者: cellon 時間: 14-5-24 21:53

1010mum 發表於 14-5-24 20:46
這樣說來，如果極度心儀A校，是不是該破釜沉舟，自行只報A校?

若小學和最心儀的中學A校有直屬位(85%)，很多家長會自行首志願填A校（第二志願留空）。甲部首次願填A校（其他志願留空）。乙部首志願再填A校。

作者: 1010mum 時間: 14-5-24 22:36 標題: 回覆：請問派位所以抽獎是否表示唔理成績純粹靠運氣

即是:

自行只報一間 - A校
統一派位甲部也只填一間 - A校
乙一再填 A

對嗎?

作者: ohnono 時間: 14-5-24 22:36

sai1031 對, 只要公布自行30%就為家長及學生減少很多問題

------------------------------
教局話自行的結果都要在五月尾才能整理好，對提早發放結果對減輕家長和同學的壓力沒有太大幫助，反而加添學校、老師和教局的負擔，倒不如待7月時一起公佈！實情係唔想破壞既得利益者的利益。

有心做的，索性將自行跟直資做法一樣，由學校自行公佈結果都一樣得！

作者: PeterTai 時間: 14-5-25 12:07

提示: 作者被禁止或刪除內容自動屏蔽

作者: PeterTai 時間: 14-5-25 12:09

提示: 作者被禁止或刪除內容自動屏蔽

作者: PeterTai 時間: 14-5-25 12:18

提示: 作者被禁止或刪除內容自動屏蔽

作者: fa_fa 時間: 14-5-29 10:25

請問若某間心儀的學校是政府資助中學, 但又怕派位差, 可以自行考直資中學嗎? 他們的面試及收生會影響我派位嗎?

作者: WSZ 時間: 14-5-29 11:10

如果自行分配時，A校已經取錄，但直資中學又收了，而亦決定選擇直資，那麼A校會知道你放棄而給下一位嗎？

作者: LingChiBaBa 時間: 14-5-29 12:03 標題: 回覆：WSZ 的帖子

A校的自行收生名单是包括後備學生的。

作者: WSZ 時間: 14-5-29 12:21

回覆 LingChiBaBa 的帖子

即是A校都會預多幾個位作後備嗎，教育局會通知A校?Thanks!

作者: LingChiBaBa 時間: 14-5-29 12:34 標題: 回覆：WSZ 的帖子

後備名单不應祇得幾個這麼少。
A校收的正取生，可能入讀直资，或是自行2而被自行1學校收了。

作者: PeterTai 時間: 14-5-29 15:04

提示: 作者被禁止或刪除內容自動屏蔽

作者: PeterTai 時間: 14-5-29 15:13

提示: 作者被禁止或刪除內容自動屏蔽

作者: jollyma 時間: 14-5-30 10:02

人地一句"免除標籤效應"就大條道理唔公佈學生Banding

作者: PeterTai 時間: 14-5-30 22:14

提示: 作者被禁止或刪除內容自動屏蔽

歡迎光臨教育王國 (/)