教育王國

標題: 離晒大譜的普通話/朗誦機構 [打印本頁]

作者: Charlotte_mom 時間: 14-5-20 09:57 標題: 離晒大譜的普通話/朗誦機構

本帖最後由 Charlotte_mom 於 15-1-31 23:53 編輯

仔大女大, 都好耐無黎開post, 今次真係不吐不快

今次學的, 係我親戚個仔, 而家k2, 同其他家長一樣, k1開始就周圍搵d堂上, 佢本來都係唸住學普通話, 跟左同學一齊去呢間, 學學下老師話比賽叫佢參加, 我話都ok丫, 我女細個都有玩普通話朗誦, 都有d獎, 我都叫佢參加下lor

首先, 間學校在銅鑼灣, 唔駛pm問我名, 我唔知(因為無問), 只知近利園, 老師係w姓

入正題:

親戚都學左over一年, 最近越黎越覺得離譜, 佢最近比賽前, send條片俾我, 我話唔得wor, 當然我明唔係個個小朋友都enjoy朗誦, 發音唔準, 表情動作唔配合都算, 連開場白: "大家好, 我叫xxx, 我朗誦的是xxx"都唔得, 我話學左一年喇wor, 連自己個名都未發好音, 攪咩呀

我問佢: 咁老師無拼返俾佢睇咩? 佢個名拼音(例如啦)係mai, 唔係ma, 佢應該識分wor, 親戚話未教, 就黎教(學pth學左一年未教過拼音, 你驚唔驚), 老師話一定要用佢果set教材, 3000幾蚊可以做分期, 我話咪玩啦, 拼音材料周街都有得賣, 親戚繼續話, 有家長發現淘寶有同一set教材(當然平好好好好多啦), 老師話: 我做左香港代理, 香港只有我有得賣, 因為有代理權所以貴wor (佢真係當d家長白痴)

有買果set教材的, 就有獎lor, 擺時間教lor(因為有d家長有兩個小朋友都學, 唔好意思唔買), 無買果set教材的就hea住教, 近期比賽, 老師叫加時加時, 之前我都同我親戚講其實好正常, 個個老師都想加時練比賽, 睇下你覺得想唔想姐, 加時$200/堂, 無講明單對單定點, 結果有時1:5, 1:6, 好多時間小朋友就填顏色, 加黎唔知為咩

講開比賽, 舊年第一次比, 親戚抱住"多張cert考學校都好丫"嘅心態去參加, 老師話: 放心啦, 我同d評審好熟, 一定無問題(下咁都得), 結果親戚個仔係在超級失禮狀態下完成比賽 (台上自轉玩野, 基本上係騷擾partner, 我親戚幾乎即場打仔), 然後分紙係差一分就優異, 今年再比, 穩定多了; 今年第2個比賽, 老師賣點係: 如果贏左可以去北京參加湖南電視台表現, 當然, 老師私底下已經通知左某d potential家長"團費"係7xxx一個人, 我估, 得獎名單應該同消費能力有關了 (我親戚係比賽前果個下午收到比賽錄音叫佢同小朋友再練下, 佢個仔果時完全唔識背, 老師話已經教左,親戚同其他家長之前都曾經問過比賽誦材, 老師唔俾)

老師同女同學家長話: 比賽女仔要著花女裙, 我可以幫你買, 我知邊度平, 然後收家長$380, 最妙係有家長見到袋入面有張$280收據, 老師淡然答: 啊, 果張唔岩架, $380至岩

我實在唔明白點解仲要繼續學落去, 我努力遊說緊我親戚轉老師, 跟著個人格有問題又唔識教嘅人, 真恐怖
希望唔好有其他家長好似佢咁一年都仲未醒

(後續 @ post #11)

作者: 天瑜 時間: 14-5-20 10:32

提示: 作者被禁止或刪除內容自動屏蔽

作者: hildakiu 時間: 14-5-20 10:42

提示: 作者被禁止或刪除內容自動屏蔽

作者: longlokma 時間: 14-5-20 11:21 標題: 回覆：離晒大譜的普通話/朗誦機構

嘩！普通話同朗誦周圍都有得学啦，仲係果度哂錢哂时间？

作者: Turquise 時間: 14-5-20 11:25

真是很差勁!

作者: Charlotte_mom 時間: 14-5-20 11:32

本帖最後由 Charlotte_mom 於 15-1-31 23:53 編輯

longlokma 發表於 14-5-20 11:21
嘩！普通話同朗誦周圍都有得学啦，仲係果度哂錢哂时间？

呢間都係同學媽咪介紹, 佢咪去lor, 佢有叫我介紹另一間俾佢, 我鬼識咩, 我d細路上左小學普教中之後, 都唔駛出去學啦

作者: hoihoima 時間: 14-5-20 13:59

回覆 Charlotte_mom 的帖子

揾笨到出晒面！

作者: Jane1983 時間: 14-5-20 14:52

睇完嚇一跳，都好離譜wor！

作者: coco_lam725 時間: 14-5-20 23:23 標題: 回覆：離晒大譜的普通話/朗誦機構

提示: 作者被禁止或刪除內容自動屏蔽

作者: pingpingping 時間: 14-5-21 02:21

快d停左唔好再浪費時間浪費金錢，最緊要係小朋友有可能被教錯。

作者: Charlotte_mom 時間: 14-6-2 22:09 標題: 回覆：離晒大譜的普通話/朗誦機構

本帖最後由 Charlotte_mom 於 15-1-31 23:54 編輯

頭先食飯，親戚俾左條片我睇

。內容係比賽前採排。三人朗誦：甲：我是X.X.X，乙：我是Y.Y.Y.......（小朋友肉緊起黎一路講自己個名一路up頭）呢個時候老師突然用廣東話大喝：邊個教你up頭呀！下！xxxxxx, （唔記得中間果句）你地有病呀？！而第三個小朋友就話：我無呀佢地up咋...........我親戚俾我睇條片，原因竟然係因為「我覺得好攪笑」。我真係笑唔出，我嬲到即時拎個earphone出黎鬧：我都唔明點解你仲可以繼續學，簡直係不知所謂！

作者: dimsumsum 時間: 14-6-2 23:07 標題: 回覆：離晒大譜的普通話/朗誦機構

好離譜！我都聽過有D教樂器嘅「名師」都係用相類似手法及作風，唔想做水魚真係要小心揀！

作者: Christi 時間: 14-6-3 03:31 標題: 引用：頭先食飯，姑仔俾左條片我睇。內容係比賽前

原帖由 Charlotte_mom 於 14-06-02 發表
頭先食飯，姑仔俾左條片我睇。內容係比賽前採排。三人朗誦：甲：我是X.X.X，乙：我是Y.Y.Y....... ...

睇到呢度，突然覺得，唔單止個老師有問題，你個親戚都真係……

作者: tangerine 時間: 14-6-3 09:42 標題: 回覆：離晒大譜的普通話/朗誦機構

想辦法快轉，希望小朋友冇學到啲唔好嘅嘢。

作者: choihy 時間: 14-6-3 14:24

無論家長或導師都太離譜了吧！

歡迎光臨教育王國 (/)