教育王國

標題: 兒童學日語一問? [打印本頁]

作者: JKL0503    時間: 14-5-19 15:28     標題: 兒童學日語一問?

請問有無家長俾小朋友學日語?Ekimae驛前好唔好架?小朋友幾歲學好呀?




作者: shevachevy    時間: 14-5-20 11:04

我小朋友o係果度學, 佢由2歲左右返ekimae咖喇 (但上pg 就o係另一間由8個月開始), 而家4歲, 我覺得好好喎, 老師同佢地玩, 上堂好開心的, 浸泡o係日語環境玩耍中學習我覺得係最自然最冇壓力o既學習方式, 佢地上堂好生動, 同大人學50音開始果種學法好唔同咖~

雖然堂堂玩但佢學到o既兒歌同生字都唔少, 暫時o黎講, 我小朋友認日文生字o既能力仲高過中文咖~ 平時上堂同老師簡單o既日語對答都ok~

作者: JKL0503    時間: 14-5-20 11:37     標題: 回覆:兒童學日語一問?

想問問你小朋友讀個課程叫咩名?一星期上幾堂?唔該!




作者: shevachevy    時間: 14-5-20 15:46

回覆 JKL0503 的帖子

小朋友而家上果班叫通識班, 係學年制課程(一星期2堂, 每次2個鐘), 我地6月就會上完第一年, 觀課一年有2次, 睇到小朋友o既進步
作者: JKL0503    時間: 14-5-21 10:03     標題: 回覆:兒童學日語一問?

3萬蚊一年貴過返半日幼兒園一年!




作者: mimi1102    時間: 14-5-21 17:10

本帖最後由 mimi1102 於 14-5-21 17:12 編輯
JKL0503 發表於 14-5-21 10:03
3萬蚊一年貴過返半日幼兒園一年!

我囡四歲開始學, 學左四年, 今年開始進入學習日本能力試的N5課程. 我囡冇讀日文PLAYGROUP, 因為我想佢handle 到廣東話, 英文, 普通話之後先學第四種語言. 我囡係由中心自家的六級課程最低第六級讀起, 唔記得EXACTLY 幾多錢學費, 因為通常老公比, 不過我記得好似每次比8堂錢, 一星期一堂(一小時),  每次比二千蚊以下, 相對PLAYGROUP 平好多, 你可以考慮一下.
我囡讀得好開心, 冇壓力但又學到野.

作者: shevachevy    時間: 14-5-22 14:21

回覆 JKL0503 的帖子

就咁睇學費係貴, 不過你除返開時數其實係OK, 同埋人數有規定, 呢樣我幾滿意 (試過上其他興趣班由幾個加到十幾個)~ 訂價o既o野DEMAND SUPPLY 咖啫, 我女今年同出年上果班都收滿人, 始終坊間唔多同類選擇
作者: decelerate    時間: 14-5-22 19:01     標題: 回覆:兒童學日語一問?

想請教下點解鍾情日文?




作者: mimi1102    時間: 14-5-23 10:49

decelerate 發表於 14-5-22 19:01
想請教下點解鍾情日文?
自已以前係哈日族, 有學日文. 原本小囡的第四種語言想比佢學西班牙文, 因為覺得將來比較有用, 但又覺得自己唔識, 佢咁細個學, 我幫唔到佢, 又唔知佢學左D 咩野返黎, 而且以前成日去日本, 見佢都有興趣, 所以就順理成章比佢學日文.
依家黎緊細囡, 如果要學第四種語言, 就應該會比佢學韓文....hahahah...


作者: 細咩咩    時間: 14-5-23 15:59     標題: 回覆:兒童學日語一問?

囡囡啱啱兩歲,上緊驛前pg,上咗五堂左右,效果都唔錯,已經數到一至十,記到某啲生果名同動物名,但我係冇同佢溫習,我兩公婆都唔識日文,只係靠陪佢上堂記得老師講過所以知囡囡講緊乜




作者: decelerate    時間: 14-5-23 16:50     標題: 回覆:兒童學日語一問?

會唔會擔心冇語景俾佢練




作者: mimi1102    時間: 14-5-23 17:58     標題: 引用:會唔會擔心冇語景俾佢練+

本帖最後由 mimi1102 於 14-5-23 18:03 編輯
原帖由 decelerate 於 14-05-23 發表
會唔會擔心冇語景俾佢練

响香港,我諗日文,韓文的語景會多過西班牙文同法文。

有時我囡睇到d 日本玩具,日本雜誌或卡通片,識得讀出黎,有d 仲識解,會好開心,好有滿足感。

我比佢學日文只當興趣班,冇壓力比佢,初上小學時我話要cut, 係佢唔想cut. 我唔洗佢學到好流利,相信考小學,考中學亦都唔會有分加,所以冇諗到語景問題。




作者: 細咩咩    時間: 14-5-23 20:19     標題: 回覆:decelerate 的帖子

買啲日文卡通dvd,不過其實小朋友吸收能力好強,只要你覺得個小朋友學習動機夠強,唔洗咁擔心語景問題








歡迎光臨 教育王國 (/) Powered by Discuz! X1.5