教育王國

標題: 㡬多歲會坐定定聽故事 [打印本頁]

作者: socute 時間: 14-5-17 21:54 標題: 㡬多歲會坐定定聽故事

看了汪培廷餵故事長大的孩子，覺得好有意思，自己都喜歡看書，都想嗰女自小養成閱讀習慣

但她從來不聽我講故事，她喜歡書見到就十分興奮. 可能佢覺得書是玩具，完全唔想聽我講故事，當她打開本書時我想同佢講佢就走開。我在viewcam見到她成日掀書玩，但就無意識聆聽

她現在仲細只是13個月，有無人分享小朋友大概幾歲會坐定聽講

作者: cindywy 時間: 14-5-18 09:36 標題: 回覆：㡬多歲會坐定定聽故事

我囝14個月左右開始好鐘意聽書，一開始我都是按照汪嘅方法係餵奶時讀書俾囝囝聽，冇幾耐佢就自己要求我讀書俾佢啦

作者: Joball 時間: 14-5-18 12:44 標題: 引用：我囝14個月左右開始好鐘意聽書，一開始我都

原帖由 cindywy 於 14-05-18 發表
我囝14個月左右開始好鐘意聽書，一開始我都是按照汪嘅方法係餵奶時讀書俾囝囝聽，冇幾耐佢就自己要求我讀書 ...

我個仔都係十四個月左右

作者: mybabycullen 時間: 14-5-18 15:42 標題: 回覆：㡬多歲會坐定定聽故事

其實个个小孩都吾同，只要keep住伴讀，總会受感染。我好彩，囝囝一开始接觸書已經好中意，大約十个月左右，会坐定定留心听，其餘時間就好动到不得了，我身體弱，玩遊戲实在冇精力，只能交比姐姐同爸爸，但故事就拿手些，現在廿个月左右，仍会动中帶靜，一知道听故事就坐定定連听十本都得（氣咳）:momday:

作者: Potato001 時間: 14-5-18 17:49 標題: 回覆：socute 的帖子

之前一直有放書在阿女的玩具中，但佢好少睇，佢18個月左右我帶佢去過一次圖書館，借咗本有拼圖嘅書，好好玩的，從此佢就鍾意睇書和雜誌，但多數睇公仔。我有時會借書俾佢睇，屋企都有幾本小樹苗，佢21個月左右會指住公仔，講到公仔做緊咩。之後我繼續有借書，多數睇圖畫書，我唔會跟啲字讀，有時睇動物書。

作者: bonmom 時間: 14-5-19 10:19

自我個仔出世就培養佢對書的興趣,他的床仔會有布書,隨他咬,當玩具,然後當他大到想搣書,就俾雜誌紙任佢搣,他一歲開始有自己的書枱,枱上常平放了3本書,讓書面向上,吸引個仔自己取閱,每星期換一批,晚上story time我會邀請他坐在我的腿上講故仔,如果佢想嚟,我會自己朗讀,讀讀下就會走過來,慢慢佢鐘意看書,會自己主動攞書睇。

千祈唔好逼佢,家長要以身作則,常在孩子面前看書。

唔需要咁早要求佢聽故事,佢未發展到聽故事,就先讓孩子探索書,當玩具都無問題,但自己定時朗讀講故事,唔理佢聽唔聽,其實D小朋友好聰明,唔覺意就聽左。

選書都好重要,留意孩子對邊D書有興趣,例如我個仔對書中有較多白色的會無興趣,投其所好都得。

作者: monlingling 時間: 14-5-19 21:21 標題: 回覆：㡬多歲會坐定定聽故事

囡囡一歲前我每日讀一本繪本故事佢聽，讀黎讀去果一兩本（一版一兩句幾分鐘讀完果d)，到一歲剛識行，有日同佢讀書，佢原來覺得我讀來讀去果一兩本悶，自己走埋書櫃拎第二本俾我，開始越讀越多，一本接一本，好多是一讀就一粒鐘，而家兩歲四個月，我讀少左，更多時候是佢自己睇書！所以一歲前已可慢慢少少咁培養了！

作者: janettsui 時間: 14-5-20 01:54

大囡我地由4個月大就開始晚晚講故事, 老公講英文, 我講中文, 一開始係抱佢坐係我地大脾, 一齊望住本書咁講, 果陣時佢已經會坐定定咁聽.
而講故事既效用真係好好O架! 大囡而家4.5歲, 非常愛閱讀, 日日都會自動自覺攞書睇, 亦唔一定要我地伴讀, 會自己睇一D唔少字既書, 中英文都有興趣. 中英文既詞彙好豐富, 說話能力強, 全部都係說故事既威力

到細佬一開始係唔肯聽我地講, 轉眼就走左去, 但佢見我地晚晚都講俾家姐聽, 歲幾開始就間唔中走埋尼聽下, 到歲半時開始肯坐定定聽你講晒成個故事, 家陣20個月會主動拎書叫你講俾佢聽, 聽完要再聽.
講故事真係好好, 唔好因為小朋友暫時唔聽就放棄, 佢終有一日會愛上, 媽媽你要堅持呀, 讓小朋友愛閱讀, 令佢終生受用, 加油!!

作者: socute 時間: 14-5-20 12:13 標題: 回覆：㡬多歲會坐定定聽故事

多謝大家，我會堅持雖然她仍然是無時停

作者: winwin629 時間: 14-5-22 22:48 標題: 回覆：㡬多歲會坐定定聽故事

可以介紹下你們讀咩故事書嗎？

作者: Miumiulab 時間: 14-5-26 10:29 標題: 回覆：㡬多歲會坐定定聽故事

由識坐開始已陪佢睇，開頭只會看水果、動物生字啲書，睡前講故事，大啲（1歲到）就攞住故事書講，開始時每次可能好短（幾分鐘）慢慢先講長啲。要有恆心，佢自然就會習慣有故事時間。

作者: 王家爸爸 時間: 14-5-26 10:38

winwin629 發表於 14-5-22 22:48
可以介紹下你們讀咩故事書嗎？

最簡單和便宜的方法是去兒童圖書館，選擇一些每頁只有一兩個字的圖畫書。
注意：顏色要鮮豔，顏色對比要大。

作者: gasylie 時間: 14-5-27 13:46

你地點樣培養佢地睇書習慣阿？

作者: chuboforum 時間: 14-5-27 14:18

我都好想知

作者: ivanmum 時間: 14-5-27 15:32

我個仔都係十四個月左右

作者: 貝珠 時間: 14-5-27 15:57 標題: 回覆：㡬多歲會坐定定聽故事

我女10個月，佢會坐定聽十分鐘。我講同一個故事兩次。

作者: moondream3003 時間: 14-5-29 11:32 標題: 回覆：㡬多歲會坐定定聽故事

我兩個仔都係識坐已經會坐定定聽, 出
世便餵書大的。

作者: dazkit 時間: 14-5-30 02:17 標題: 引用：大囡我地由4個月大就開始晚晚講故事,+老公

原帖由 janettsui 於 14-05-20 發表
大囡我地由4個月大就開始晚晚講故事, 老公講英文, 我講中文, 一開始係抱佢坐係我地大脾, 一齊望住本書咁講 ...

想請教你4.5歲女兒如果引導她由伴讀/講故事到自己閱讀？我小朋友都係4 歲，由1歲開始我每晚都會講故事，但現在他仍依賴要我講故事，試過氹他講一人一頁 or 輪流講故事都不願意，堅持要媽媽講故事，可以怎樣引導他閱讀？

作者: janettsui 時間: 14-6-16 12:06

一開始係我要照顧細佬唔得閑, 叫佢自己睇一次先, 等我得閑先講俾佢聽... 慢慢佢就習慣自己睇一次本書先叫我講

作者: keroro113 時間: 14-6-17 16:03

My son like story and can listen for more than 1 hr since he was fourteen month, However, my daughter is 19 month now, will go away within 5min.

作者: quinyou 時間: 14-6-19 01:52 標題: 回覆：㡬多歲會坐定定聽故事

其實講故事冇分年紀，細個唔識坐定會走開係正常，但只要你每日都講，比心機同佢講，比反應佢，講講吓佢就會坐定聽，一歲到一歲半講佢都有唔同反應，最緊要係睇你有冇回應佢，如果同一個故事聽得多，佢會喺不久將來喺你講嘅時候忽然答你一兩句，你會覺得好神奇，但其實佢一直有聽你講，只係佢之前未識答你
所以你只要堅持每日講，到一定時候佢就會講返到個故事裏面嘅野，加油

作者: muimui5 時間: 14-6-19 15:40

囡囡剛兩歲，喜歡自己揭書時形容圖片和請我講故事，到幾大個和如何使她開始留意文字呢？

作者: Potato001 時間: 14-6-19 23:16 標題: 回覆：winwin629 的帖子

我多數在圖書館借書，內容和小朋友日常生活有關，那時期想教什麼便借什麼，如生日前有關生日的書，想小朋友習慣刷牙時借刷牙書，游水前借游水的書。另外也借一些和情緒有關的書，如不要亂發脾氣，做什麼事會開心的書。我不會日借公主王子那類童話故事。

作者: 王家爸爸 時間: 14-6-20 09:07

㡬多歲可以坐定定聽故事真系人人唔同。

作者: 王家爸爸 時間: 14-6-20 09:08

最重要是不問回報，只求付出，總有一天小朋友會愛上聽故事，可以坐定定聽。

作者: 小魚知味 時間: 14-6-22 07:51 標題: 引用：其實个个小孩都吾同，只要keep住伴讀，總会

原帖由 mybabycullen 於 14-05-18 發表
其實个个小孩都吾同，只要keep住伴讀，總会受感染。我好彩，囝囝一开始接觸書已經好中意，大約十个月左右， ...

10個月

作者: applefish 時間: 14-6-29 01:01

有時我地家長刀吾識點教，可能要出面老師教先得

歡迎光臨教育王國 (/)