教育王國
標題: 會幫囡囡選擇女校嗎? [打印本頁]
作者: hollymama1124 時間: 14-5-17 11:30 標題: 會幫囡囡選擇女校嗎?
提示: 作者被禁止或刪除 內容自動屏蔽
作者: jenjenny 時間: 14-5-17 12:32 標題: 回覆：會幫囡囡選擇女校嗎
我一向覺得小學讀男女好些，除非考到神校或超名校啦。我女出年升k1, 有st clare （幼稚園開始全女校）及真光（幼稚園小學男女校），我最後揀了真光，雖然小學唔係好多男仔，不過少好過無。校外活動雖然都可有男仔，但hi~bye friend多，始終與學校六年同學仔有分別
作者: Yanamami 時間: 14-5-17 12:42
本帖最後由 Yanamami 於 14-5-17 13:25 編輯
男仔頭性格既女仔入讀女校(中學），會否好受女同學“歡迎”？
作者: Jane1983 時間: 14-5-17 13:04
我女都系甘類型，鍾意McQueen，吾好公主，喜歡和不同的同學玩，多過女仔exclusive果隻，我覺得男女校的生態適合她多好多。
不過現實系，香港好的龍校都是女校，考到都難取捨。
作者: ytbb 時間: 14-5-17 13:06 標題: 引用：囡囡比較男仔性格,+鍾意恐龍,+車。返學問親
原帖由 hollymama1124 於 14-05-17 發表
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...
作者: momama 時間: 14-5-17 14:05 標題: 回覆：會幫囡囡選擇女校嗎?
阿女都幾粗魯，不過乜都鍾意玩吓，芭蕾舞及跆拳道都一直學緊，讀過男女校同女校都冇問題。老實講係學校揀人唔係我地揀學校，只要係好學校、唔太遠或負擔唔起，考咗先講。利申：我由幼稚園到中五讀女校，預科入咗男校，正常拍拖結婚生仔，仲有好多自小認識嘅好姐妹
作者: JR東日本 時間: 14-5-17 18:13 標題: 回覆：hollymama1124 的帖子
我個女都係鍾意同男仔玩多d, 我話同佢揀女校，她勁不願意，後來最近睇m club，佢見到女校可以上cooking堂，她現在就話自己要讀女校，因為可以學煮野食
作者: Jane1983 時間: 14-5-17 20:09
回覆 JR東日本 的帖子
好奇問，男女校無cooking class的嗎？
作者: karen55407 時間: 14-5-17 21:28 標題: 回覆：會幫囡囡選擇女校嗎?
我女讀女校，啲同學仔又乖又純
作者: BabyYukYuk 時間: 14-5-17 23:25 標題: 回覆：會幫囡囡選擇女校嗎
請問那些女校適合男仔性格的女孩子？
作者: Jane1983 時間: 14-5-17 23:32
回覆 BabyYukYuk 的帖子
我以前讀女校，學校有各式各樣性格的同學，大多係開心的。
只係有兩個較常見問題，一係女仔鍾意分一堆堆玩，吾好彩得罪個Queen，會比人杯葛，可能會無朋友，無人同你玩。另一個係實在太純，少接觸男仔，對男性有吾合理期望，一入情關大件事。
當然而家時代吾同咗，可能好好多。
作者: doggy2013 時間: 14-5-18 01:00 標題: 引用：囡囡比較男仔性格,+鍾意恐龍,+車。返學問親
原帖由 hollymama1124 於 14-05-17 發表
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...
作者: fc926 時間: 14-5-18 01:13 標題: 回覆：會幫囡囡選擇女校嗎?
我都有睇M club, 戲中班女仔都幾反映現實，小圈子、jealous，不過friend起上嚟又可以好friend。說回正題，我女都係男仔頭性格，幼稚園時的好朋友都是男仔，入左女校小學，現在老友都是男仔頭女孩，物以類聚，學校生活非常愉快，暫時冇問題
作者: yamin 時間: 14-5-18 01:18 標題: 引用：Quote:原帖由+hollymama1124+於+14-05-17+
原帖由 doggy2013 於 14-05-18 發表
女仔入女校始終有多d 某方面既風險
作者: little_yolky 時間: 14-5-19 10:40
hollymama1124 發表於 14-5-17 11:30 
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...
阿女小一, 已經好多狂蜂浪蝶。上學期隔籬位同學成日吐佢口水, 好討厭。調咗位之後先知, 原來佢鐘意我個女, 話佢人又靚字又靚。課外活動又有個小三男仔吐佢口水, 依家班入面又有另一個男同學吐佢口水。坐校車同另一間IS學生一齊。有一日, 阿女問我 "pretty" 點解, 我心中一沉, 話靚咁解, 做乜? 佢話有個IS男仔落車時同佢講: "Bye-bye, pretty girl." 
所以, 一定揀女校, 我個人認為讀女校既 "風險" 相對讀男女校會細得多。
BTW, 請大家問問家中爸爸, 點解小學生咁鐘意吐口水示愛咁汚糟, 點會有女仔鐘意佢哋, 真係奇怪！我家爸爸話佢細個時從來無吐口水, 所以答唔到我。
作者: ypiriswong 時間: 14-5-19 11:38 標題: 回覆：會幫囡囡選擇女校嗎?
我女都係勁男仔頭，而家一年級，最増公主、hello kitty 呢D女仔野，鐘意車、飛機、恐龍、蛇.......，唔核突都唔鐘意，鐘意同男仔玩，唔鐘意著裙，放假要佢著裙就喊哂，學游水唔肯著泳衣,話露個pat pat 出嚟，本區有間好女校，有D擔心會變Tom boy 
作者: lauwingtai 時間: 14-5-19 12:18
little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。
阿女 ...
作者: lauwingtai 時間: 14-5-19 12:28
little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。
阿女 ...
你個女係咪好姿整? 有d潔癖? 一俾人吐口水就會好大反應?
作者: edith208 時間: 14-5-19 12:48
其實生活中, 有男有女, 好似教會的Sunday school, 或校外的課外活動, 阿女讀女校, 學校以外, 都有接觸男孩子的機會
作者: Jane1983 時間: 14-5-19 13:33
回覆 ypiriswong 的帖子
我女有d似你女女的情况，之前完全吾肯着她口中的'靚衫'，只喜歡有型。公主、hello kitty, minnie一概吾着，我吾想簁野，要她着就喊。
我唯有隨得她，無逼她，最近她突然同我講，而家對'靚'吾反感，可以接受。我問她點解，她說見到其他人扮靚wor。
我其實有專登陪她看Sofia the First、長髮公主這種比較有型又女性化的卡通，可能她慢慢接受了，你可以試吓。
作者: little_yolky 時間: 14-5-19 13:58
lauwingtai 發表於 14-5-19 12:28
男仔唔係鍾意吐口水, 而係遇到心儀女仔, 就會專登做d引佢反感既野, 令女仔注意自己, 女仔反應愈大, 男仔愈 ...
作者: little_yolky 時間: 14-5-19 14:03
lauwingtai 發表於 14-5-19 12:28
男仔唔係鍾意吐口水, 而係遇到心儀女仔, 就會專登做d引佢反感既野, 令女仔注意自己, 女仔反應愈大, 男仔愈 ...
作者: Jane1983 時間: 14-5-19 15:43
回覆 little_yolky 的帖子
個女太靚，真係驚ga，改吓髪型打扮，減d「豔光」都係吾係辦法中的辦法。
有時係會所，見到d7、8歲女仔，一頭及腰曲髪，背心、tight pant，靚到咁樣，C9都望多幾眼，何況男士，危險呀！
作者: AgapePa 時間: 14-5-19 16:25
little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。
阿女 ...
媽咪應該都好靚, 大把經験應付D狂風啦
作者: little_yolky 時間: 14-5-19 18:06
本帖最後由 little_yolky 於 14-5-19 18:09 編輯
AgapePa 發表於 14-5-19 16:25
咁靚女, 讀咩校都有人追.
媽咪應該都好靚, 大把經験應付D狂風啦
.............阿囡係似爹啲..........我從細到大都從來無緋聞的.........
mg:" />
同埋, 佢唔係好靚女, 唔係艷光四射果隻, 只係平易近人, 好隨和果種。我以為小朋友會鐘意好靚或成績好叻既女仔。我個年代係咁, 真係時代變咗, 依家啲細路鐘意啲女仔type咁奇怪, 好似搵老婆咁。
作者: hoihoima 時間: 14-5-19 19:14
doggy2013 發表於 14-5-18 01:00
女仔入女校始終有多d 某方面既風險
作者: jenjenny 時間: 14-5-19 19:58 標題: 引用：回覆+BabyYukYuk+的帖子
我以前讀女校，學
原帖由 Jane1983 於 14-05-17 發表
回覆 BabyYukYuk 的帖子
我以前讀女校，學校有各式各樣性格的同學，大多係開心的。
作者: janettsui 時間: 14-5-19 23:33
我同老公都唔想女女入女校, 如果有得揀, 一定入男女校
作者: karen55407 時間: 14-5-19 23:44 標題: 回覆：janettsui 的帖子
閉在好多好學校都係齋校呢！
作者: janettsui 時間: 14-5-20 01:23
男女同女校都會考, 如果只有女校收, 天意如此, 咁我都無法
作者: jaycee_mami 時間: 14-5-20 08:47
little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。
阿女 ...
我朋友個女讀緊男女校小二, 最近收到情信添.
作者: Charlotte_mom 時間: 14-5-20 09:13
little_yolky 發表於 14-5-19 13:58
有無搞錯, 鐘意人唔係應該做得好啲等女仔欣賞自己咩。唉, 被吐口水可以有咩反應。佢又無鬼用, 唔識惡, 有一 ...
我女係長頭髮皮膚白淨脾氣好果類(靚唔靚呀....唔醜lor), 而家中2, 一直男女校, 無呢d事發生
你女係咪真係好林善溫柔, 男仔鐘意蝦佢睇反應呀
作者: bobo101^*^ 時間: 14-5-20 09:18
我以前中學讀女校, 乜類型女仔都有, 有些見到男仔就發晒癲, 有些就害怕與異性接觸, 仲有好多tom boy。
所以有得揀, 一定會揀男女校! 男女校!
作者: lauwingtai 時間: 14-5-20 09:27
bobo101^*^ 發表於 14-5-20 09:18
我以前中學讀女校, 乜類型女仔都有, 有些見到男仔就發晒癲, 有些就害怕與異性接觸, 仲有好多tom boy。
所以 ...
作者: Jane1983 時間: 14-5-20 10:22
這個post勾起好多在中學的回憶。以前好多女同學好mean，見其他女仔笑笑口同男生傾計，就在背後話她發姣。為左吾想比人甘講，對異性的態度自然會差d、拘谨d，這樣野到我而家幾十歲人，都有影響，真搞笑！
作者: GaGaMum 時間: 14-5-21 23:37 標題: 回覆：little_yolky 的帖子
A
作者: 喜樂果子 時間: 14-5-22 09:15
我曾由男女校轉女校 (中學時期), 覺得女校D女仔性格好唔同, 講真初初有D頂佢地唔順, 有不少唔知係貪玩定天生, 女同女拍拖, KISS 呢DO係廁所時常見. 所以果時我已經覺得女校始終好似偏向一邊咁, 咁不過依家D資訊咁發達, 人又開放咁多, 可能好D. 不過男校比我既印象好唔同, 佢地會活動同讀書都得, 好陽光, 好正面
作者: sheffield 時間: 14-5-22 09:31
本帖最後由 sheffield 於 14-5-22 09:32 編輯
其實只要亞女唔抗拒女校，而佢又考到或抽到間女校，咁就冇所謂。我女讀女校，學校乜性格的女孩子都有，唔肯著裙的(校服除外)，只愛transformer的，玩Mcqueen的…乜都有，根本唔係問題，佢一定都能在女校找到同類的。
我個人喜歡女校點，遲點才多接觸異性吧…佢欺文溫柔時時微笑…我都好擔心…mouth:" />
教會或興趣班都會認識到男孩子呀！朋友家中都有哥哥弟弟，佢地唔會因為讀女樣而唔知乜野叫男孩子啦！
就算讀男女校的女孩子都一樣可以因為唔了解或對對方的期望過高而離婚啦！
不用擔心，女唔介意又是好學校就去啦！
作者: hippoo 時間: 15-3-2 13:09 標題: 引用：我以前中學讀女校,+乜類型女仔都有,+有些見
原帖由 bobo101^*^ 於 14-05-20 發表
我以前中學讀女校, 乜類型女仔都有, 有些見到男仔就發晒癲, 有些就害怕與異性接觸, 仲有好多tom boy。
所以 ...
作者: mamaishere 時間: 15-3-2 14:36 標題: 回覆：會幫囡囡選擇女校嗎?
雖然呢度大多數係媽媽，但唔知有無爸爸有男校經驗呢？唔知點解我總覺得男校比女校易接受。如果我個仔有好男校收，一定諗都唔駛諗即入。如果我女係女校收，始終需要再三考慮。總覺得女仔較感性，較易被情感影響選擇。男孩子大部分比較貪玩唔會因為無女孩子而改變自己
作者: myfanwy 時間: 15-3-2 14:37 標題: 回覆：會幫囡囡選擇女校嗎?
老實說，學校課程同埋校風較緊要，如果女兒有一線女校和二線男女校offer，唔通你會因為女兒喜歡同男同學玩而放棄一線女校嗎？
作者: hkpapa852 時間: 15-3-2 14:45
mamaishere 發表於 15-3-2 14:36
雖然呢度大多數係媽媽，但唔知有無爸爸有男校經驗呢？唔知點解我總覺得男校比女校易接受。如果我個仔有好男 ...
其實男仔入男校都會有D問題:
1. 如果本身內向, 因中學少接觸異性, 日後識女仔會較蝕底 (平時牙斬斬, 一見女仔即刻口啞啞個D)
2. 可能會對女性有錯誤既認知和期望 (以為所有女仔都係同一類人, 得一種性格)
3. 不解溫柔 (唔識同女仔溝通)
4. 可能會過份粗魯
至於變同性戀既機會..... 暫時認識既都未見過或者聽聞過
作者: mms_north 時間: 15-3-2 16:01
回覆 hkpapa852 的帖子
我個仔已經係粗魯型,黎緊入男校,咁未好大鑊!
作者: johnnywalker 時間: 15-3-2 16:16
提示: 作者被禁止或刪除 內容自動屏蔽
作者: 魚兒小寶貝 時間: 15-3-2 17:41
bobo101^*^ 發表於 14-5-20 09:18
我以前中學讀女校, 乜類型女仔都有, 有些見到男仔就發晒癲, 有些就害怕與異性接觸, 仲有好多tom boy。
所以 ...
而我識幾個男校生，都係怪怪地。。。
Anyway, 可能依家年代唔同左，情況可能唔一樣啩！
作者: Charlotte_mom 時間: 15-3-2 18:02 標題: 回覆：會幫囡囡選擇女校嗎?
我女由小一已經男女校，中學直升。佢好朋友都係女仔，但亦有玩得埋的男同學。佢話有時鐘意同男仔玩，女仔會小氣同計較（我女係粗枝大葉開心型）。
讀男女校，會對異性有適當認識
唔會有不切實際期望同幻想（尤其一齊長大衰野低能野見得多），hopefully 唔會咁易恨拍拖。亦唔會一入大學似放監，心急恨拍拖搵個以為好正但實際無內涵的對象（我咁唸咋）
作者: mamaishere 時間: 15-3-2 18:24 標題: 引用：我女由小一已經男女校，中學直升。佢好朋友
原帖由 Charlotte_mom 於 15-03-02 發表
我女由小一已經男女校，中學直升。佢好朋友都係女仔，但亦有玩得埋的男同學。佢話有時鐘意同男仔玩，女仔會 ...
作者: ong84 時間: 15-3-2 23:56
我相信冇對或錯，只有際遇及適合與否，但如果要讀12年或以上都是女校，可能要唸一唸
作者: Tintin926 時間: 15-3-3 00:57
本帖最後由 Tintin926 於 15-3-3 01:09 編輯
hkpapa852 發表於 15-3-2 14:45
我係爸爸, 中學讀男校.
其實男仔入男校都會有D問題:
我中學都係男校，基本上好同意你講果幾點，但我個人好中意男校（中學），好中意果種brotherhood, 聽d讀男女校的說成日為爭女而反面。我依家都只幫阿囝報直私男校。
中學時有兩個師兄又靚仔又叻 （會考9A加學屆田徑紀錄者）曾公然在學校拖手，大家都說可惜。另我識一個係肥仔，gay到出汁，試過＂追＂我，日日等我番學放學，買埋汽水睇我打波，每次話題就環繞"happy together" d情節同張國榮，我比人笑到面黄，好在後來佢轉移目標。點知後來又同一間U (但唔同系），有幾次見佢眼甘甘偷望人地小便同流連更衣室，佢依家係一個名人。
作者: lambeanmama 時間: 15-3-3 08:52 標題: 回覆：會幫囡囡選擇女校嗎
一個好有趣第
的題目。如果有得選擇，我傾向男女校。我是七十後，好後個隻啦，幼小中學都係男女校，老實五歲起，每年都收到情信，告白同求愛。但因為家教好嚴，去到預科才動心“拍拖”。同意有家長講，男女校讓女孩子在成長過程中對男生有合理認識同期望。上完PE堂d男仔臭汗熏天的感覺，唔讀過男女校係唔會明的。咩fantasy都無晒。時至今日，我班同學仍有兄弟姐妹間的情誼。出來工作，也從不怕男士呀。
作者: Charlotte_mom 時間: 15-3-3 09:05
樓上分享好生動有趣
男女校, 到中學階段就預左有d小荳芽, 如果佢心動過, 又試過puppy love, 好快又玩完, 其實亦唔係一件壞事 (provided唔係無心向學不停拍拖, 同埋係純情式拖下手仔--唔好笑我低能呀, 我知好多情況都仲係咁架咋), 試過了, 不外如是, 就唔會再恨
作者: siden 時間: 15-3-3 09:19 標題: 回覆：會幫囡囡選擇女校嗎
有得揀同級數的當然揀男女校
但現實係大部份教會名校都係齋校
就算家長唔太執着名氣，都想入齋校的中學啦，揀冇中學的男女小學(如宣小/TSL), 咁咪過幾年又為升中出去打餐死
作者: btrue 時間: 15-3-3 11:26
問過佢點解唔同女仔玩, 佢話d 女孩子唔鍾意佢短頭髮
*************************************************************
如果是真的, 換個髮型, 多左同女仔玩, 會否改變選擇?
作者: Jane1983 時間: 15-3-3 11:31
有得揀，真係男女校好。我女現在的好朋友都係男仔，問她點解，原來因為她在小息鍾意跑吓，但女同學多數玩colouring和手繪，吾鍾意跑來跑去...
作者: mms_north 時間: 15-3-3 12:02
我姪女小學係男女校,中學係讀女校,問佢比較感覺如何,佢話如果以讀書為大前題既話,佢話女校好.
佢已升上大學,而家學校生活如意,已有男有...
作者: 奥脫福 時間: 15-3-3 13:26
今時今日男女校同齋校其實都無乜所謂，因為大把聯校活動。好似我仔間學校，
輪住同不同的女校有聯合合唱團，甚麼ＨＹ、ＢＰＳ等。。。再加上其他的活動
，有時星期六返學校，好似入左男女校咁。
作者: lambeanmama 時間: 15-3-3 14:38
mms_north 發表於 15-3-3 12:02
我姪女小學係男女校,中學係讀女校,問佢比較感覺如何,佢話如果以讀書為大前題既話,佢話女校好.
佢已升上大 ...
我才一次強調，如果得們有得選擇........
作者: adaandava 時間: 15-3-3 15:48 標題: 回覆：會幫囡囡選擇女校嗎
來年小一我比呀囡讀女校，中學會比佢轉番讀男女校，到時先學下異性相處。有冇家長覺得咁唔太好？定還是小學男女校，中學女校好？
作者: 傻太 時間: 15-3-3 17:12 標題: 引用：來年小一我比呀囡讀女校，中學會比佢轉番讀
本帖最後由 傻太 於 15-3-3 17:39 編輯
原帖由 adaandava 於 15-03-03 發表
來年小一我比呀囡讀女校，中學會比佢轉番讀男女校，到時先學下異性相處。有冇家長覺得咁唔太好？定還是小學 ...
我覺得小學男女校，中學女校比較好，我自己都係咁，雖然中學畢業後廿年re-union，有一半人未結婚，但這該是現今社會的現象吧，不應歸咎入女校
女校出來會好獨立，但太獨立的女性總是好像少點異性緣
作者: sissysze 時間: 15-3-3 17:44 標題: 引用：來年小一我比呀囡讀女校，中學會比佢轉番讀
原帖由 adaandava 於 15-03-03 發表
來年小一我比呀囡讀女校，中學會比佢轉番讀男女校，到時先學下異性相處。有冇家長覺得咁唔太好？定還是小學 ...
作者: 傻太 時間: 15-3-3 17:51 標題: 引用：Quote:原帖由+adaandava+於+15-03-03+發表
原帖由 sissysze 於 15-03-03 發表
點解講到甘易好似想揀乜中學都實收甘嘅 齋中通常已有齋小，甘易話想入就入咩
...
作者: hkpapa852 時間: 15-3-3 18:06
sissysze 發表於 15-3-3 17:44
點解講到甘易好似想揀乜中學都實收甘嘅 齋中通常已有齋小，甘易話想入就入咩
...
作者: 爸爸愛您 時間: 15-3-3 19:01 標題: 回覆：會幫囡囡選擇女校嗎
作者: momama 時間: 15-3-3 19:10 標題: 回覆：會幫囡囡選擇女校嗎?
又要講究學校勁唔勁、齋唔齋、考測次數、功課量、地點、普教中、有冇NET、有冇體藝、、、其實揾學校好易，因為已經冇乜選擇
作者: hkpapa852 時間: 15-3-3 19:34
momama 發表於 15-3-3 19:10
又要講究學校勁唔勁、齋唔齋、考測次數、功課量、地點、普教中、有冇NET、有冇體藝、、、其實揾學校好易， ...
作者: Nath 時間: 15-3-3 20:46
回覆 momama 的帖子
我地心儀學校而又有offer既，其中一間係齋校一間係男女，如果跟據呢d條件，咁其中一間算符合到。其實我地都真係諗，小學讀男女校，中學如果入到皇仁咁，都真係幾好⋯⋯⋯⋯⋯但邊有咁容易呢！
作者: purplechung 時間: 15-3-6 11:43
siden 發表於 15-3-3 09:19
有得揀同級數的當然揀男女校
但現實係大部份教會名校都係齋校
其實我見讀男女校的小朋友, 都係男還男, 女還女玩, 我女成日話的男仔好百厭好曳, 但我反而覺得男仔讀書叻的, 由其是數學, 每班頭3名多數是男仔
"現實係大部份教會名校都係齋校" --> 我都同意, 後來亞女P4能夠插入教會女校, 我都要放下對女校的偏見嘗試接受, 暫時感覺良好
作者: winnietingting 時間: 15-3-6 14:08 標題: 引用：Quote:mms_north+發表於+15-3-3+12:02+我姪
原帖由 lambeanmama 於 15-03-03 發表
如果有得選擇，最理想都係小學讀男女校，中學才考慮男校/女校....
我才一次強調，如果得們有得選擇....... ...
真心想知個心路歷程，many many thanks.
作者: fc926 時間: 15-3-6 17:29
經驗話我知,這個問題唔應該甘早想,好的學校不妨報左先,到有多過一個offer才煩這個問題,除非你很一面倒只會報女校或男女校.
作者: mcl203 時間: 15-3-6 17:36
winnietingting 發表於 15-3-6 14:08
其實好想知，有冇家長有maryknoll/LS/男拔/女拔 小一offer, 但因不想小朋友在小學讀unisex school。
真 ...
反為...男/女校 比 男女校 係....男/女 比 男女多一倍學生....男校更活躍...女校更是非
作者: anixon 時間: 15-3-8 21:29
我鍾意讀男女校
作者: quebaby 時間: 15-9-26 10:43 標題: 回覆：會幫囡囡選擇女校嗎
－個有趣的分享.
作者: B.B.BaBa 時間: 15-9-26 11:48 標題: 回覆：會幫囡囡選擇女校嗎
我係爸爸，中學時讀男校，當時願望同好多男校生一樣，就係係入讀女校…… 我完成唔到的心願，最終由我個女達成了！
作者: lightingchung 時間: 15-9-26 12:15 標題: 引用：我係爸爸，中學時讀男校，當時願望同好多男
原帖由 B.B.BaBa 於 15-09-26 發表
我係爸爸，中學時讀男校，當時願望同好多男校生一樣，就係係入讀女校…… 我完成唔到的心願，最終由我個女 ...
作者: lightingchung 時間: 15-9-26 12:17 標題: 引用：Quote:原帖由+B.B.BaBa+於+15-09-26+發表我
原帖由 lightingchung 於 15-09-26 發表
男校夢想-女校男生
作者: hippoo 時間: 15-9-26 12:39 標題: 引用：Quote:hollymama1124+發表於+14-5-17+11:30
原帖由 little_yolky 於 14-05-19 發表
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。
阿女 ...
作者: ylmanhk 時間: 15-9-26 12:51 標題: 回覆：會幫囡囡選擇女校嗎?
男女校比女校的發展較好，吾會活在幻想中！
作者: lightingchung 時間: 15-9-26 16:08 標題: 引用：男女校比女校的發展較好，吾會活在幻想中！
原帖由 ylmanhk 於 15-09-26 發表
男女校比女校的發展較好，吾會活在幻想中！
作者: Jane1983 時間: 15-9-26 16:29
所有野一樣，一定揀男女校。但現實係，好的龍校都係女校，放棄亦吾易。
驚吾識處理男女關係，驚太早拍拖，都係合理恐惧。做父母的，幫仔女搵間最適合佢的好學校，两性關係既野，自己睇實。
作者: ylmanhk 時間: 15-9-26 16:50 標題: 引用：所有野一樣，一定揀男女校。但現實係，好的
原帖由 Jane1983 於 15-09-26 發表
所有野一樣，一定揀男女校。但現實係，好的龍校都係女校，放棄亦吾易。
驚吾識處理男女關係，驚太早拍拖， ...
作者: ylmanhk 時間: 15-9-26 17:01 標題: 引用：所有野一樣，一定揀男女校。但現實係，好的
原帖由 Jane1983 於 15-09-26 發表
所有野一樣，一定揀男女校。但現實係，好的龍校都係女校，放棄亦吾易。
驚吾識處理男女關係，驚太早拍拖， ...
作者: kirstyau 時間: 15-9-26 19:07 標題: 回覆：null
阿女讀女校，所以今年報男女童軍
作者: Jane1983 時間: 15-9-26 22:28
回覆 ylmanhk 的帖子
我果屆的女同學，有一部份仲係孤家寡人，但都有一部份家庭美满，所以好難話一定係女校環境造成，同埋而家呢代的女校，又可能比我地果代多左好多聯校活動。
記得有d女同學講起對男性的要求，真係好離地吓，我記得好幾次都忍吾住想 “唓，你估你有寶咩 ！"
作者: sjssjssjs 時間: 15-9-29 16:48 標題: 引用：我鍾意讀男女校
原帖由 anixon 於 15-03-08 發表
我鍾意讀男女校
| 歡迎光臨 教育王國 (/) |
Powered by Discuz! X1.5 |