教育王國
標題: 請問一下,, 究竟係ADHD , 資優行為問題定過度活躍 [打印本頁]
作者: coffeejoeybb 時間: 14-5-13 16:40 標題: 請問一下,, 究竟係ADHD , 資優行為問題定過度活躍
本帖最後由 coffeejoeybb 於 14-5-13 16:42 編輯
上網搵個資料 女孩如果係過度活躍 係唔夠男孩明顯 ~~
我女4歲半.. 唔識控制情緒 長期坐唔定, 不停說話 不停打斷人地說話, 當遇上唔岩聽既野時
會作出反擊行為 非常自我 唔理對住大人, 細路 家人 老師都當正自己係大人 更加經常性鬧人 (所有人)
一樣 咩都理咩都管 街上既人都會去理 ~ 出街唔可以正正常常咁行, 手舞足蹈 , 暫時係我自己比較抵制得住佢
但有時嗌極都係冇反應 !!!有專注既時候就係睇公主 VCD~~
另外會對一D唔鐘意自己既人 惡意對抗 但未去到打人
說話兩歲時已經係流利順暢 , 從來冇BB話 亦都冇爬行階段 轉數思維 都算快 但冇心學習
遇上困難事情同問題 會逃避 !
雖然已排期見醫生, 但都希望聽取各方向既資料同有限度既分析
謝謝!!
作者: wan_sosin 時間: 14-5-13 19:11
似ADHD!就算資優都可以有ADHD!唔想諗複雜問題都係特徵之一!你囡囡可能加上有小小反叛行為,有部份ADHD都會有類似傾向!
佢返學情況如何?
我仔ADHD,但精神科要足6歲上埋小學先肯確實寫落去!佢而家k3!
我仔班主任有懷疑佢係資優,但我暫時唔諗住去check,清楚咗佢嘅行為問題再算!
幾時去見醫生?
作者: coffeejoeybb 時間: 14-5-14 08:24
wan_sosin 發表於 14-5-13 19:11 
似ADHD!就算資優都可以有ADHD!唔想諗複雜問題都係特徵之一!你囡囡可能加上有小小反叛行為,有部份ADHD都會有 ...
因為自問真係唔太識教// EQ越來越低, 知道自己用錯方法 所以先睇下心理醫生
一同解決問題
我女係學校都要做大家姐咁款, 老師形容佢係, 咩事都關佢事
咩都要理 同學仔,同老師都理埋 鬧埋 幸好班主任真係好有愛心同包容佢
比機會佢 最後佢都會向老師/同學仔講對唔住 係衝動囉行為 明知唔岩都做左先 控制唔到自己
係屋企都係架 有D唔滿意鬧左先 死物都鬧架 =.=
不過照睇都有七八成係ADHD 但想心理醫生睇一睇 去了解下佢內心世界
作者: DollyCC 時間: 14-5-14 10:12 標題: 回覆:coffeejoeybb 的帖子
試遊戲治療,等佢地學表達情緒,唔係下下發脾氣,可以講

作者: wan_sosin 時間: 14-5-14 11:18
coffeejoeybb 發表於 14-5-14 08:24 
因為自問真係唔太識教// EQ越來越低, 知道自己用錯方法 所以先睇下心理醫生
一同解決問題
我女係學校都要 ...
到目前情況,要教你個囡囡唔急得!你可以試下上面媽媽講,去做遊戲治療,亦可以去東華三院問下一個叫"親子輔導課程"會教你如何同小朋友建立關係同管教,家長同小朋友一齊去,一個社工跟一個家庭,所以會好仔細教你!做錯會糾正你!你容易掌握D!
作者: coffeejoeybb 時間: 14-5-14 14:49 標題: 回覆:請問一下,, 究竟係ADHD , 資優行為問題定過度活躍
多謝你們既意見,我都會去搵下有咩班可以同佢一齊上

作者: mosquito_chu 時間: 14-5-15 23:33 標題: 引用:試遊戲治療,等佢地學表達情緒,唔係下下發
原帖由 DollyCC 於 14-05-14 發表
試遊戲治療,等佢地學表達情緒,唔係下下發脾氣,可以講
遊戲治療在哪裏有?

作者: wan_sosin 時間: 14-5-16 10:26
mosquito_chu 發表於 14-5-15 23:33 
遊戲治療在哪裏有?
小童群益會
作者: HaYi 時間: 14-5-18 19:36
*出街唔可以正正常常咁行, 手舞足蹈
*唔識控制情緒
*長期坐唔定, 不停說話 不停打斷人地說話
真係好ADHD, 我個仔同識的小朋友都是如此, 至於是否資優, 我個幼稚園時都有老師說他是的, 我冇做過測試, 因為一來貴, 二來我覺得大部份小朋友都有資優的一面, 反而要控制佢有問題的地方.
作者: COE1205 時間: 14-5-29 17:15 標題: 回覆:請問一下,, 究竟係ADHD , 資優行為問題定過度活躍
情況同我仔好似,我仔7歲小一,已在CAC見咗心理醫生,暫時係懷疑係專注力不足及過度活躍症,已排精神科!

作者: feipow 時間: 14-6-7 19:26 標題: 回覆:請問一下,, 究竟係ADHD , 資優行為問題定過度活躍
提示: 作者被禁止或刪除 內容自動屏蔽
歡迎光臨 教育王國 (/) |
Powered by Discuz! X1.5 |