教育王國

標題: 中大指兒童戴 OK 鏡易患角膜炎 [打印本頁]

作者: torunpoland 時間: 14-5-13 13:49 標題: 中大指兒童戴 OK 鏡易患角膜炎

本帖最後由 torunpoland 於 14-5-13 13:50 編輯

中大研究發現， 18 歲或以下被確診微生物致病的感染性角膜炎個案，近四成與使用俗稱「 OK 鏡」，即用作控制近視的角膜塑形隱形眼鏡直接有關。中大眼科及視覺科學學系研究過去 10 年於威院求診的個案，又收集眼科醫院的數據，分析 23 名因佩戴 OK 鏡而引起嚴重角膜炎的個案，所有患者經治療後，留有永久角膜疤痕，平均只可恢復七成視力。

中大指出， OK 鏡利用高透氧硬性隱形鏡片，改變眼角膜弧度，佩戴 OK 鏡或會造成角膜上皮細胞損傷，令角膜變得脆弱，如清潔習慣不佳，細菌進入眼睛，會導致角膜炎，呼籲家長為子女謹慎選擇控制近視產品，並尋求眼科醫生意見。

作者: MayTsai 時間: 14-5-13 21:46

回覆 torunpoland 的帖子

好擔心，仔仔戴緊

作者: msyung 時間: 14-5-13 22:31

唔駛咁擔心，其實我哋配之前視光師已好詳細解釋，隻眼若有唔舒服就即刻去檢查。況且，醫生見親梗係有事啦。

作者: MayTsai 時間: 14-5-13 23:18

回覆 msyung 的帖子

但小朋友仲細，好煩，一看見新聞心情立即下沉

作者: msyung 時間: 14-5-14 00:03

MayTsai 發表於 14-5-13 23:18
回覆 msyung 的帖子

但小朋友仲細，好煩，一看見新聞心情立即下沉

其實呢個並非新＂新聞＂，中大會定期出這些所謂研究報告出來提醒家長。以我記得，他們已出過多次這樣報告。我配之前亦已知道這事情，所以我冇貪平去太子那間，我反而好concern 個after care service，同萬一有事，周邊有冇佢直屬分店在附近可即時去做檢查。不過，你配之前要考慮清楚，同埋唔好貪平，萬一出咗問題冇人理！

作者: joyce1234 時間: 14-5-14 00:12 標題: 回覆：中大指兒童戴 OK 鏡易患角膜炎

我覺得中大呢班專家好有問題，佢地可以講ok lens有潛在風險，但就好唔應該趁機推介atropine 藥水，而唔去講atropine既巨大副作用，其實阿托品眼藥水帶比眼睛既副作用不會比ok lens既潛在風險更小。

作者: joyce1234 時間: 14-5-14 00:28 標題: 回覆：中大指兒童戴 OK 鏡易患角膜炎

在我立場，我絕對唔會比小朋友滴中大呢班專家建議既阿托品。至於ok lens,如果純粹為咗唔駛戴眼鏡而戴ok lens,你冒既風險同你既得益不平等，不值得。但如果近視深同時加深極快（已做儘一切護眼措施），就可以了解下ok lens既pros and cons.

作者: birdbird 時間: 14-5-14 09:54 標題: 回覆：中大指兒童戴 OK 鏡易患角膜炎

中大個statistics 其實不是太令人憂慮：十年來接18 cases, 7成是用ok lens. 戴ok lens 的人是多少，幾多用家有感染？有呢個數字先至能較清楚反映個風險。

作者: 小kb 時間: 14-5-14 10:08

回覆 msyung 的帖子

SAME HERE !!!

作者: 小kb 時間: 14-5-14 10:15

回覆 joyce1234 的帖子

好同意~~~

作者: Mighty 時間: 14-5-14 10:33

所以清潔非常重要、鏡片＆小朋友対手也是！！　仲有定期検査。　

作者: msyung 時間: 14-5-14 10:42

現今大學已經成為商業機構，為賺錢，誇大對手問題而推銷自己。呢D低莊行為，現今真正商業社會已經唔用啦，真係低B

作者: msyung 時間: 14-5-14 10:49

joyce1234 發表於 14-5-14 00:12
我覺得中大呢班專家好有問題，佢地可以講ok lens有潛在風險，但就好唔應該趁機推介atropine 藥水，而唔去講 ...

同意。更重要嘅係，我哋已經清楚OK鏡嘅問題同風險；但中大滴藥水有咩後遺症仲係一個迷

作者: Mighty 時間: 14-5-14 10:51

係於OK　LENS,HONGKONG　STANDARD有NEE段、但係無MAAK人講、一定係理大没有中大的公信力？！

QUOTE
However, the research contradicts a study by the Hong Kong Polytechnic University just a week ago, putting users in a quandary.

The Poly U study showed that Ortho- K contact lenses - commonly dubbed "OK lenses" - can significantly delay the progress of myopia in children aged seven to 12 years old and those having mixed myopia and astigmatism by up to 63 percent.

The university's School of Optometry did not record any cases in which Ortho-K caused damage to the eyes of children.

Those with vision problems use Ortho-K for about eight hours at night and their sight improves during the day without the need to wear glasses or contact lenses.

Ortho-K contact lenses have been around since the 1990s and can be used as an alternative to eyeglasses and surgery or for those who prefer not to wear contact lenses during the day.

UNQUOTE

作者: nieualma 時間: 14-5-14 11:39

本帖最後由 nieualma 於 14-5-14 11:43 編輯

理大上周指有效　眼科醫生存疑

【本報訊】理大上周二發表有關OK鏡的研究報告，指OK鏡有效減低兒童近視加深速度達六成多，當時已有眼科醫生對OK鏡成效存疑，並指有機會令眼角膜缺氧及發炎。
相隔一周後，中大昨日隨即發表OK鏡可致角膜炎的研究，並指患者若未及時發現控制病情，可令角膜穿孔甚至致盲。
理大上周公佈的研究提到，去年訪問38名逾500度近視的8至11歲兒童，當中12人佩戴OK鏡，另外16名只佩戴普通近視眼鏡，兩年後佩戴OK鏡兒童近視度數平均只增加13度，而只戴近視眼鏡的則平均增加100度，戴OK鏡的兒童眼軸增長速度也較一般近視兒童減慢63%，反映OK鏡可延緩近視加深速度。

施壓調整角膜形狀　易受損
中大研究指出，OK鏡是用近似箍牙的原理，以隱形鏡片在角膜上施壓，藉此調整角膜形狀，有機會令角膜、特別是中間的部位受損，加上患者要在睡眠時佩戴，會減少眨眼次數，令清潔眼睛的淚水分泌減少，累積不潔物或細菌，所以容易誘發角膜炎，嚴重會致盲。
中大醫學院何善衡眼科及視覺科學講座教授譚智勇指，OK鏡並非醫療用品，一般公營機構及私家醫生均不會提供予患者，現時的OK鏡均由視光師提供。
對於理大的研究，他指研究具鼓舞性，但認為需有更大數據及研究支持OK鏡的成效及使用風險。

作者: nieualma 時間: 14-5-14 11:41

究竟誰是誰非??

作者: Mighty 時間: 14-5-14 12:00

両面都聴、用緊的家長就要加倍小心。

作者: yschou18 時間: 14-5-14 15:11

提示: 作者被禁止或刪除內容自動屏蔽

作者: Chole 時間: 14-5-14 15:24

My family is in the field. What I heard is, infection will be more serious than usual contact lens infection because there's lack of air when the kid's sleeping. And the kid may not be able to tell you right away when something's wrong.

So, perhaps the chance of getting infection is not high (don't know, I don't have statistics), if there's a problem it can be very serious.

Having said that, all of my friends using OK lens are very happy. Just weigh the pros and cons and see if you can take the risk.

作者: dichiu 時間: 14-5-14 17:07 標題: 回覆：Chole 的帖子

我大女戴咗2年半OK鏡，係跟理大視光學 research team 做。隻鏡有幾個小洞，係透氣嘅！而且理大跟得佢嘅角膜情況仔細添。兩年半來，近視只加深了50-75度（左右眼有少少唔同）。我好滿意成效。但當中頭兩年都係我負責清洗，浸鏡。我相信只要清潔做得好，視光師跟得貼，係冇問題嘅。

坊間d眼鏡鋪為咗做生意，唔會評估個小朋友係咪適合戴OK鏡，又冇好好 follow up，當然會出問題。

但理大做嘢好仔細，詳細評估過大女先比佢戴。相反，細女有眼敏感又睫毛倒生，佢哋就唔建議佢帶，話佢平時角膜都易受損，唔適合再用硬鏡咁多個鐘，增加角膜受損風險喎！所以負責嘅視光師好緊要！

作者: joyce1234 時間: 14-5-14 18:27

14.5.2014 經濟日報

理大反駁中大說法誇張歪曲

　　對於中大指「OK鏡」增兒童角膜嚴重感染風險，推廣「OK鏡」的理大視光學院直斥中大的說法歪曲事實，又反指中大擬試用的減近視藥水阿托品，已在英美停用。

　　中大眼科及視覺科學學系名譽臨床副教授楊樂旼回應稱，外國確有醫生處方此藥作非適應症用途（off-label use），以作矯視之用，而新加坡、台灣等亦有研究證明此藥對矯視有效。

指中大擬用藥水英美停用

　　就中大稱近視童佩戴「OK鏡」增感染風險，嚴重更致角膜潰瘍，理大視光學院教授曹黃惠華反駁有關說法誇張及歪曲事實。她說，任何治療都有風險，就連阿托品都有問題，連英、美都已停用：「手術都有風險，阿托品都有問題，他們（中大）又不說﹗」

　　她稱，理大已向美國眼科雜誌發表兩篇關於「OK鏡」的研究，質疑中大指「OK鏡」的科學研究證據不足的說法。對於研究有否提及佩戴「OK鏡」的風險，她未有正面回應，指一般於晚間佩戴隱形眼鏡，感染風險的確會增加，當中又以軟性隱形眼鏡風險較高，但「OK鏡」屬於硬性鏡片，且有高透氧度。

稱10年為700童佩戴無感染

　　她又斥，中大提出有嚴重感染的個案已是10多年前，惟「OK鏡」不論於鏡片及觀察角膜變化的儀器上，近10年已有改良，單是理大過去10多年已為逾700名兒童佩戴「OK鏡」，至今未有感染個案。

　　「好多時有問題都係父母疏忽，未有跟足視光師指引及覆診所致，但都有部分是視光師跟進不足，而出現問題。」曹黃惠華說。

　　中大醫學院眼科及視學科學系講座教授譚智勇表示，「OK鏡」為矯視工具，屬健康消費品，並不是醫療程序，現時本港沒有監管；但曹黃惠華認為，毋須就此作規管。

作者: lawsonmoon 時間: 14-5-14 18:59

Mighty 發表於 14-5-14 10:51
係於OK　LENS,HONGKONG　STANDARD有NEE段、但係無MAAK人講、一定係理大没有中大的公信力？！

QUOTE

因為全港有幾多間有硏究院的大學,為什麽冇人做。全港只有視光師提供OK鏡服務,但全部視光師是理大教出來。咁理大做既研究,咪冇乜人有興趣睇,又冇乜media有興趣報導囉。

作者: Bluegene 時間: 14-5-14 19:01

PolyU Vs CUHK
視光師 Vs 眼科醫生
大家都爭生意

作者: lawsonmoon 時間: 14-5-14 19:05

Dr和公共醫療机構係唔會提供這報務,因為好多Dr覺得這是一個好愚蠢既方法。有D Dr喜歡用治本既方法atropine,但係又攪唔掂超高既副作用問题,又係儍既方法。

作者: lawsonmoon 時間: 14-5-14 19:17

在這版我見唔到有post叫人用atropine既post,但就好多誤導人用了OK鏡可以減慢近視加深既post。小心兩種人：1)“疑似”繕稿,介绍你去那間那間,2)一小撮家長唔可以接受原來做錯了決定,死都要掙落去,唔可以接受做咗一D可能害了自己小朋友既嘢。

作者: joyce1234 時間: 14-5-14 22:11

本帖最後由 joyce1234 於 14-5-14 22:11 編輯

lawsonmoon 發表於 14-5-14 19:17
在這版我見唔到有post叫人用atropine既post,但就好多誤導人用了OK鏡可以減慢近視加深既post。小心兩種人：1 ...

第一點,疑似繕稿.冇錯,我都覺得疑似有人賣廣告.大家要小心.
第二點,"一小撮家長唔可以接受原來做錯了決定,死都要掙落去,唔可以接受做咗一D可能害了自己小朋友既嘢。"--真係唔知你點可能知道呢啲家長原來係"死都要掙落去".

作者: little_yolky 時間: 14-5-15 11:34

lawsonmoon 發表於 14-5-14 19:05
Dr和公共醫療机構係唔會提供這報務,因為好多Dr覺得這是一個好愚蠢既方法。有D Dr喜歡用治本既方法atropine, ...

其實, 篇報道有寫, 因為atropine有其副作用, 所以中大眼科正研究減少劑量以減輕副作用, 有效程度亦有約七成。

用atropine眼藥水因為會out foc同埋瞳孔放大, 最怕係長期入紫外光, 會白內障。所以用藥既小朋友最好睡前用, 同埋戶外運動戴太陽眼鏡。

不過, 依家咁多父母擔心小朋友近視深, 但成日响街見到俾小朋友坐車時/食飯時看iPack/手機/看書/做功課。見到小朋友面青青, 真係可能戶外活動太少, 操功課太多。

作者: dichiu 時間: 14-5-15 11:54 標題: 回覆：lawsonmoon 的帖子

我唔同意你嘅講法，全港有好多學童戴矯視鏡，出問題嘅只佔好少部份。好似我咁，大女初戴鏡，檢查得好密，頭嗰2年每3個月一小 check，每6個月一大 check，好穩陣！我絕對唔係 sell 人去幫襯理大，但喺視光師仔細嘅檢查&我悉心打理d鏡下，大女d近視控制得好好。上年我叫佢自己洗 con 浸 con，佢成日浸唔夠時間冇帶。我覺得佢13歲應該自己攪掂，但佢唔願意，決定唔再戴，所以轉戴普通 con。其實OK鏡係眼球發育階段戴最有效！

作者: lawsonmoon 時間: 14-5-16 11:20

dichiu 發表於 14-5-15 11:54
我唔同意你嘅講法，全港有好多學童戴矯視鏡，出問題嘅只佔好少部份。好似我咁，大女初戴鏡，檢查得好密，頭 ...

你應該要知道雞蛋和吹氣泡泡表面點解係round shape而不是平的, 將天然round shape既角膜中間一部分壓平, 角膜上那些micro tear, micro scar和因變平導至的抗壓力下降,不是一時三刻會出現。如果用家是清楚0K鏡在減慢近视加深方面不會比眼鏡好,只在乎方便,,又知道風險,那是冇問題的,心甘命抵。我只針對提醒那些以為和給誤導OK鏡比眼鏡更能減慢近視加深既用家。對這些誤用既家長,小孩因而眼睛受損,那一宗都嫌多！希望你是目標清楚的一羣。

歡迎光臨教育王國 (/)