教育王國
標題: 5級樂理 問題, 有冇JM可以比意見? [打印本頁]
作者: 心雨 時間: 14-5-8 10:23 標題: 5級樂理 問題, 有冇JM可以比意見?
阿女小四, 下年要考6級鋼琴, 所以準備考10月的五級樂理. 係柏X琴行 單對單學左8堂了, 進度極慢, 老師說我個女好基本的都唔識, 所以教的好慢想她打好基礎, 但第7堂仍然先教第一本的3份之一都冇, 老師叫我唔好報考10月, 唔夠時間, 後來和鋼琴老師商量過, 一定要考10月, 唔係唔夠時間報6級琴, 最多係暑假加緊補堂學樂理. 第8堂柏X肯比我陪阿女一齊聽, 睇下問題出係邊度. 進去後, 老師檢查阿女功課時, 發現她兩題做錯左, 結果45分鐘的時間就講解了兩題再加唔夠5分鐘的高低音位置的音符, 期間老師幾次望表, 一到時間即停, 比左4條功課阿女, 我要求老師出多兩題頭先那兩題類似題目比阿女返去做, 老師答我下堂先就行左出去, 我諗住佢應該急住有學生接住教, 點知佢原來冇學生, 只不過同其他同事企係度傾計傾左好耐, 我吃完飯都仲見到係度傾緊. 甘得閒, 要求寫兩題功課比我個女都唔肯. 唉, 好煩, 到底係我個女有問題定係個個小朋友學都會遇到甘既困難呢? 甘學落去, 我好擔心唔知總要學多幾堂? 甘既老師我要轉嗎? 轉我又擔心見到面佢肯定黑面對我. 請問我要點先可以幫阿女學的快點, 阿女說學校冇咩教樂理的.一般學五級樂理要學幾堂? 請比意見, 謝謝!
作者: Yanamami 時間: 14-5-8 11:56
鋼琴老師唔教埋樂理？
我女是學長笛的，P5時暑假喺柏斯學，如你所講，唔掂，話我女10月考死梗。後來搵琴老師惡補（她本身又喺弱既），加埋柏斯共18hrs，考到pass。睇下你點諗啦，有人唔鍾意禁急急谷出黎，要浸，慢慢浸好樂理個底。
作者: CHIULHJ 時間: 14-5-8 12:17
囝囝小三升小四時的暑假學樂理，可能是他的資質平平，即使老師一對一教授，而且一星期上兩堂純樂理課（用了約九千元），他仍然不明白，我不想金錢付諸流水，唯有自己睇樂理書和past paper，不明白時就問老師，然後自己教囝囝，結果他拿８４分。
其實最理想是找有口碑的老師，你的情況很明顯是耍換老師，無須怕日後見面尷尬，不適合便應儘快換。
作者: cornelius 時間: 14-5-8 12:24
本帖最後由 cornelius 於 14-5-8 12:24 編輯
回覆 心雨 的帖子
請問柏X琴行單對單學8堂要幾錢？
作者: cclbaby 時間: 14-5-8 13:25
回覆 心雨 的帖子
我看完你的 case 後, 我的意見是你必須要轉老師了﹗我仔及女學樂理時不是單對單, 是一組人學的, 佢地學左15堂便去考試了, 學費每個人都唔駛2千元 (而家就可能過2千元), 最後佢地兩個都考到 merit , 如果你老師咁拖來教, 都唔知要學幾耐先可以去考了？
作者: mansum92 時間: 14-5-8 14:01 標題: 回覆：5級樂理 問題, 有冇JM可以比意見
其實如果琴老師平時冇教小朋友樂理, 真係唔係咁易上速成班就可以去考試 不過如果8堂都仲係第一本就可能真係要轉老師了
作者: sonkhl 時間: 14-5-8 14:14
我兒子是在音統處學,沒有私人教.有否家長有老師介紹,pm樓主吧,十月考,而家轉應該重可以.
作者: 心雨 時間: 14-5-8 16:47
Yanamami 發表於 14-5-8 11:56 
鋼琴老師唔教埋樂理？
我女是學長笛的，P5時暑假喺柏斯學，如你所講，唔掂，話我女10月考死梗。後來搵琴老 ...
作者: 心雨 時間: 14-5-8 16:56
$220 / 45 min, 按每堂計算, 收費整個月份收, 我剛交了5月份5堂皇1100. 最慘係叫老師比多幾條題目比佢操下, 個老師都唔肯, 最唔開心呢點, 老師太現實了, 寫兩條題目最多5分鐘都唔使. 唔知係唔係我女資質差, 兩題都用左45分鐘,(平時鋼琴老師都冇教佢樂理) 再深落去, 人地用16堂學完, 我諗我16堂都未學完一本
有冇JM學過呢間有比較好的老師介紹呢? 或者其他地方可以介紹?
作者: YuYuMother 時間: 14-5-8 17:49 標題: 回覆：5級樂理 問題, 有冇JM可以比意見
唔好意思，我無樂理老師可以介紹比你，因為我地鋼琴老師會教埋架。
不過你呢個情形，我都建議你快d轉老師啦，因為個老師實在太不負責任啦，同埋咁搞法你囡囡進度未必趕到10月考試啊………
作者: 心雨 時間: 14-5-8 18:56 標題: 引用：唔好意思，我無樂理老師可以介紹比你，因為
原帖由 YuYuMother 於 14-05-08 發表
唔好意思，我無樂理老師可以介紹比你，因為我地鋼琴老師會教埋架。
不過你呢個情形，我都建議你快d轉老師 ...
作者: 心雨 時間: 14-5-8 18:57 標題: 引用：唔好意思，我無樂理老師可以介紹比你，因為
原帖由 YuYuMother 於 14-05-08 發表
唔好意思，我無樂理老師可以介紹比你，因為我地鋼琴老師會教埋架。
不過你呢個情形，我都建議你快d轉老師 ...
作者: newmother 時間: 14-5-8 21:41
不如讀速成班,然後去考, 我個女舊年都係咁, 一次就passed.
作者: 心雨 時間: 14-5-8 23:34 標題: 引用：不如讀速成班,然後去考,+我個女舊年都係咁,
原帖由 newmother 於 14-05-08 發表
不如讀速成班,然後去考, 我個女舊年都係咁, 一次就passed.
作者: Mini-mummy 時間: 14-5-8 23:38 標題: 引用：Quote:原帖由+newmother+於+14-05-08+發表
原帖由 心雨 於 14-05-08 發表
請問邊度有速成班報？你阿女係點情況？可唔可以講多少少比我參考下，十分感謝！
...
作者: cclbaby 時間: 14-5-8 23:50
回覆 心雨 的帖子
我家小孩是在旺角學的。你那區較為方便？
作者: 心雨 時間: 14-5-8 23:55 標題: 回覆：5級樂理 問題, 有冇JM可以比意見?
觀塘，藍田，油塘或將軍澳都ok
作者: mansum92 時間: 14-5-9 10:29 標題: 回覆：5級樂理 問題, 有冇JM可以比意見
昨天行東港城通x有速成班 不過小朋友如果連第一本都唔明 我驚佢讀完速成班都係唔明
作者: mansum92 時間: 14-5-9 10:30 標題: 回覆：5級樂理 問題, 有冇JM可以比意見
圖片附件: 1399602609730.jpg (14-5-9 10:30, 39.06 KB) / 下載次數 15
/forum.php?mod=attachment&aid=MjMwMzJ8YTJjMjFhN2J8MTcxODg2MjIxNXww
作者: birdbird 時間: 14-5-9 10:59 標題: 回覆：5級樂理 問題, 有冇JM可以比意見
我建議快点轉老師，搵有口碑的老師上1:1 或小組，教得好、學得好，短短幾個月係可以應付10月的5級樂理試。
我仔上年9歲，在 "劏你” 上樂理班，1：6， 全期16堂，每堂2小時 （once per week)。阿sir 教到個竅門，比大量功課，中期又加d二、三级試题比班细路做。只要小朋友肯留心，做晒功課，唔識功課就問，考試冇問題。我仔拿merit, 有人拿distinction, 但聽聞有個百厭仔唔合格。
作者: tintinlam 時間: 14-5-9 11:18
回覆 心雨 的帖子
我覺得轉下老師冇壞, 我仔12歲考, 學左2個月8堂, 89分. 可能小朋友大, 所以容易記入腦. 但佢既老師次次落堂都會比佢功課叫佢返去做, 未做好下堂唔使上.
作者: birdbird 時間: 14-5-9 22:05
[size=11.818181991577148px]心雨 發表於
[size=11.818181991577148px] 個老師好像幾好哦, 請問可唔可比老師個姓我呢? 你學時幾錢一堂? 你個仔學左16堂就考到啊, 叻仔哦!
...＿。
...
老師叫 Wong sir (我唔知係 '王' 還是 '黃')不過我地唔係在Tseung Kwan O 的'劏你' 上堂,
唔知個wong sir 會唔會教 TKO 的班.
臨近考期, 做多d past papers, 有幫助的.
作者: 心雨 時間: 14-5-9 22:51 標題: 引用：[size=11.818181991577148px]心雨+發表於++
原帖由 birdbird 於 14-05-09 發表
心雨 發表於
個老師好像幾好哦, 請問可唔可比老師個姓我呢? 你學時幾錢一堂? 你個仔學左16堂就考到啊, ...
作者: KopyKat 時間: 14-5-10 09:33 標題: 回覆：心雨 的帖子
小女兒去年都是小四升小五7月期間至九月尾上精讀班。至十月尾考期前两星期左右上完。在演x上，逢星期六上三小時。老師有學歷，但教得悶時間長，但無法。大班學。有大人有小孩。肯問就好。所以不可全靠它。我和女兒說是悶的了，一take過，好過再考，要勤力，包括做past paper,一年有四張卷，至少做三年。對model answer,针對不懂的研究，找朋友幫忙打通，下條就曉做。我發覺教學方法可能不止一個，最重要小朋友受和明白。九月開了學是忙一點，要堅持。重點在Grade4& 5，G 1,2,&3是基本，最緊要上心和操卷。你留心past paper,有format見到，G1-5書，不用全做。你要做pastpaper才知弱項，大概計到分。考時要小心，兩小时用唔晒，要double check.考生字記不晒要撞。見同學仔讀大琴行的，成绩平平。加堂另收。照理一對一貼身好D.但付出不少。最後阿女的成績不俗，是大家的努力。我是參考大仔當年在通x，買埋G1-4的pastpaper extra要她做。幾個月都與樂理同眠。哈哈。Good luck.
作者: Mini-mummy 時間: 14-5-10 09:59 標題: 引用：Quote:原帖由+birdbird+於+14-05-09+發表心
原帖由 心雨 於 14-05-09 發表
Thank you bird bird!
我小朋友當時小組上堂，上左幾堂就跟唔上進度了。
找個單對單的，小朋友唔明就問。
咁會進步大d!
加油！
作者: organicfans 時間: 14-5-10 16:14 標題: 引用：小女兒去年都是小四升小五7月期間至九月尾
本帖最後由 organicfans 於 14-5-11 14:47 編輯
原帖由 KopyKat 於 14-05-10 發表
小女兒去年都是小四升小五7月期間至九月尾上精讀班。至十月尾考期前两星期左右上完。在演x上，逢星期六上三 ...
我女係三年前考(10歲)，我又係覺得老師教得痳痳（其實阿女話佢講野唔太明......），上咗3-4堂，老師話阿女吸收慢......結果，我同個女的起心肝，去通利掃past papers, 狂做，翻做，之後上堂老師讚阿女叻咗，我地無講佢私下狂操卷......就係咁樣，跟住進度快咗，前後無記錯係上咗14堂45分鐘私人，有2堂仲係教完哂抽問，考到distinction.
作者: TPL 時間: 14-5-10 18:04 標題: 回覆：organicfans 的帖子
我個今年小四，起碼學左九個月，仍仲未知可以考試，自己鋼琴ms 都係講學得慢，做家長可以點，係吾係即該停左，然後去joint 樂理班,大家可否比啲意見
作者: 心雨 時間: 14-5-10 23:12 標題: 回覆：5級樂理 問題, 有冇JM可以比意見?
多謝各JM 的意見！睇來很多媽媽為左仔女都下功夫學埋一份，再幫他們一把。我自己樂理一點都唔識，要自己摸索再幫阿女，真有點困難⋯• 另一方面，我諗住轉老師或者轉去通x, 唔知通利老師會唔會好點， 睇怕又要撞彩了。
作者: daisy17772 時間: 14-5-11 00:44
Children don't need to be very fluent on the subject, they only need to pass, right?
作者: JustAParent 時間: 14-5-11 10:00 標題: 引用：多謝各JM+的意見！睇來很多媽媽為左仔女都
原帖由 心雨 於 14-05-10 發表
多謝各JM 的意見！睇來很多媽媽為左仔女都下功夫學埋一份，再幫他們一把。我自己樂理一點都唔識，要自己摸 ...
2. 自己不懂音樂，時間許可，和孩子一起學。父母不懂，年紀小的小朋友難學得好。
3. 皇家樂理考試已形式化到極點，要合格，根本不用全懂五級整個課程，和老師說清楚你目標只為合格，五個月準備有餘有剩。
4. 合格是一回事，懂又是另一回事。假設你想小朋友學好音樂，打好樂理基礎是必要的，莫說五級，其實八級也是十分基礎理論。我不了解你趕著下年考琴的原因，個人意見，應酬五級樂理合格後，還是找時間重修打穩基礎好 ... 情況就如駕駛學院的學生合格後再補鐘。
作者: birdbird 時間: 14-5-11 13:36
TPL 發表於 14-5-10 18:04
我個今年小四，起碼學左九個月，仍仲未知可以考試，自己鋼琴ms 都係講學得慢，做家長可以點，係吾係即該停 ...
再拖, 盞個小朋友愈讀愈悶.
我曾跟幾個同學仔的家長討論過學5級樂理以什麼形式學係最 cost effective.普遍都認為跟自己的琴老師學的效益係最低.
(尤其係每次上鋼琴課撥部分時間出來教樂理)
一來, 琴老師雖教琴好, 但未必教得到學生應付考5級樂理試的技巧與竅門.
二來, 每個星期只是短短30分鐘的樂理, 真的到喉唔到肺.
反而, 比小朋友上小組班, 一堂1.5hr - 2hr,
有個專門鑽研 past paper 的老師教,
小朋友好似平時返學上堂咁,
放學之後肯做功課, 唔多唔少點都會吸收得到,
考試合格係冇大問題.
家長要幫的, 就係要督促小朋友做好功課,
叫小朋友 mark 低唔識做的功課, 然後上堂問老師.
而且, 家長要預備 past paper,
買埋 model answer, 小朋友做完對個答案之後, 仍然不明白, 就要問老師.
作者: organicfans 時間: 14-5-11 14:54
birdbird 發表於 14-5-11 13:36
以你囝的情況來看, 我會趁著暑假比佢去上小組, 然後報考10月的樂理試.
再拖, 盞個小朋友愈讀愈悶.
作者: TPL 時間: 14-6-7 10:04 標題: 回覆：organicfans 的帖子
多謝你地回覆，我已即停了樂理堂，再搵了一個轉教學理老師上門單對單，亦開門見山講明要十月考，問他做吾做到，亦對自己小朋友講明要認真學習，吾好浪費時間
作者: TPL 時間: 14-6-7 10:11 標題: 回覆：TPL 的帖子
另我覺自己小朋友，對鋼琴老師都吾驚，老師叫交功課求其彈，本人應為因可能由4歲跟到十歲，所以小朋友都吾驚，漸漸就吾認真
作者: manimanihome 時間: 14-6-16 10:53
提示: 作者被禁止或刪除 內容自動屏蔽
作者: karbb1217 時間: 14-6-25 01:17 標題: 回覆：5級樂理 問題, 有冇JM可以比意見?
其實，點解要咁急去考六級？仲有，睇個樂理老師咁講，你小朋友本身個底都打得唔好。其實第一至三本只是一啲平時上樂器課有教的東西，要學只是四五級一啲進階既理論。講真，底好既12堂一定掂。
作者: karbb1217 時間: 14-6-25 01:21 標題: 回覆：5級樂理 問題, 有冇JM可以比意見?
仲有學理點解個鋼琴老師唔教埋理？我全部都係自己教返，仲有無可能一堂分啲時間出黎上，一定要regular一個星期上一小時既樂理課！唔可以用彈琴時間學學理，講真頭1-3本基本唔駛一個月就KO了。
作者: yhk329 時間: 14-6-25 13:46
提示: 作者被禁止或刪除 內容自動屏蔽
作者: peter987 時間: 14-6-27 09:03
提示: 作者被禁止或刪除 內容自動屏蔽
作者: little_yolky 時間: 14-6-27 17:30
JustAParent 發表於 14-5-11 10:00
1. 不要再撞彩，找琴老師介紹，她自己不教，有責任幫你孩子找位好老師。
2. 自己不懂音樂，時間許可，和孩 ...
作者: ohmygosh 時間: 14-6-27 18:32
回覆 little_yolky 的帖子
'細個上音樂堂果啲豆豉、高低音譜號、拍子等等既嘢'也是音樂理論的初階，幫助學生認識音樂的元素（包括音高和節奏）和記譜手法。鋼琴老師給妳孩子課後做的練習，應該也是樂理那類；不過使用based on ABRSM theory exam syllabus的workbooks,就更能掌握孩子現在學習到哪個階段和make sure 全面涵蓋grades 1-5 的knowledge and skills. 如果學校音樂課程真的教授了上述的闊度和深度，而且一直以來也讓學生真正吸收和有充足的作業去練習（包括錯處有認真地改正），當然花幾個星期做做past paper便可以去考！
作者: karbb1217 時間: 14-6-27 18:35 標題: 回覆：5級樂理 問題, 有冇JM可以比意見?
音同拍子係基本一開頭就要識。
Grade 5 大致上要涉及到chord, keys, and intervals ... 呢啲係定要打好基礎就可以了。事實上，考樂理高分都唔等於明哂因為有方法去記同背；如果老師有教啲竅門！我有朋友學生五級考完，下堂問返佢考咗咩已經忘記得一乾二淨。
六級以上既aural係包括了五級樂理既知識，個啲一考完就忘記了，到齊級又係要重頭記過！速成法真係有用嘛？呢啲都係只求分數不求內容的學習！
作者: karbb1217 時間: 14-6-27 18:37 標題: 回覆：5級樂理 問題, 有冇JM可以比意見?
我指到六級以上又係要重頭學過，浪費老師心機同時間再教一次。
即食文化也只是求分數的手法。
作者: EMMA.C 時間: 14-6-29 19:01
鋼琴老師無可能唔教樂理架喎, 我的學生個個未考五級已經識左好多,
樂理老師我都有介紹, 青苗有個阿sir超好, 無脾氣, 而又唔會令你覺得難!!
作者: EMMA.C 時間: 14-6-29 19:04
本帖最後由 EMMA.C 於 14-6-29 19:05 編輯
其實如果唔趕, 都無必要咁快考6級鋼琴, 打好個底先
| 歡迎光臨 教育王國 (/) |
Powered by Discuz! X1.5 |