教育王國

標題: 外語狀元：維基助學習 [打印本頁]

作者: elbar 時間: 14-5-6 09:33 標題: 外語狀元：維基助學習

【明報專訊】文憑試丙類科目（其他語言）筆試就快開考，考評局噚日特登喺《文憑試快訊》分享兩個狀元考生學習外語嘅心得同得着，唔講唔知，學好通識同埋多請教維基大師，都有助學好外語㗎。

考評局無為其他語言科設試題，文憑試生會同國際學校考生等，一齊應考英國劍橋大學國際考試（CIE）高級補充程度（AS）會考試，CIE剛頒獎畀舊年狀元，有兩個得主係文憑試生。法語攞到「全港最高分」獎嘅黃偲晴話，法語作文題與社會時事有關，所以讀通識科有幫助。偲晴小四開始學法語，同時學到啲較深嘅英文字，好似aubergine（茄子、同eggplant）咁，係法語嘅基本詞彙。鶽家喺港大讀牙醫學士嘅偲晴話，好多醫學名詞源自拉丁文，當中唔少同法文幾似，佢好易就記得串法或估到意思。

西班牙語考生較少，CIE無設「全港最高分」獎，改設「傑出表現」獎，獲獎嘅蔡偉德話，佢上堂堅持用西班牙語同老師及同學傾偈，練習口語；應付寫作卷就要靠學多啲唔同範疇嘅詞彙，除咗睇西班牙新聞，佢仲會問維基，「我會睇西班牙文版嘅維基百科，再對照英文版來學生字」。

作者: WChan 時間: 14-5-14 12:15

elbar 發表於 14-5-6 09:33
【明報專訊】文憑試丙類科目（其他語言）筆試就快開考，考評局噚日特登喺《文憑試快訊》分享兩個狀元考生學 ...

想問下 DSE 考外語有無著數?

歡迎光臨教育王國 (/)