教育王國

標題: k2 數學 [打印本頁]

作者: lhingw 時間: 14-5-5 20:40 標題: k2 數學

上星期去陳守仁開放日，其中一個灘位是數學，是2位數加減數學題。其實真的想瞭解一下，K2是否要識計 2位加減數？

作者: HaYi 時間: 14-5-5 21:02

其實識一位就識加2位，k2 不出奇，公文enopi都有，好多k3乘數，我覺得小學的只有“未知數“哩類在初小學難些

作者: yeeyeey2k 時間: 14-5-5 21:10 標題: 回覆：k2 數學

我覺得k2識雙位加減冇咩特別，單住數加減熟練後，雙位，3位，4位，5位，甚至6位都唔係難計，只要明白就得。大仔k2下學期家中學加減，個位加同減各用1星期練習，半個月後已計雙位甚至更多數，連續加減對佢黎講都好簡單。家長可自己教，自己教進度更快，佢哋更易掌握。

作者: lhingw 時間: 14-5-6 08:45 標題: 回覆：HaYi 的帖子

我知很多小朋友很聰明，一早已經學識很深既數。但是我想知一般幼稚圓 K2 係咪都已教 2位加減數？咁小一會學那些數呢？

作者: lhingw 時間: 14-5-6 08:51 標題: 回覆：yeeyeey2k 的帖子

我知道要學2位加減數唔對難，不過唔想太谷，但又怕太落後，原來個個小朋友已學識。所以才希望瞭解一下其他小朋友。

作者: ha8mo 時間: 14-5-6 09:51

提示: 作者被禁止或刪除內容自動屏蔽

作者: HaYi 時間: 14-5-6 10:02

學劵幼稚園我不肯定, 私立的好多K2都有教識加減數, 就算冇好多人出外學enopi, 公文, 已學左. 小一好多是重覆K2K3的野, 好似數數 (五個十個一數之類) , 加減之類.

我個是TSL P2 學生, 小一時的數我覺得小朋友其實早己識, 只是TSL 是英數, 如果幼稚園時是學中學為主, 要學下睇英數的應用題. 所以小學數要另補的較少.

作者: lhingw 時間: 14-5-6 10:54 標題: 回覆：ha8mo 的帖子

上次去陳守仁開放日，見到好多好像幼稚圓生的小朋友，所以我估應該是 K2。另外見到這些好像幼稚圓生在做那些2位加減數，所以才想瞭解下。

作者: IloveJJ 時間: 14-5-6 10:59 標題: 引用：我知道要學2位加減數唔對難，不過唔想太谷

提示: 作者被禁止或刪除內容自動屏蔽

作者: IloveJJ 時間: 14-5-6 11:03 標題: 回覆：k2 數學

提示: 作者被禁止或刪除內容自動屏蔽

作者: lhingw 時間: 14-5-6 11:03 標題: 回覆：HaYi 的帖子

你是陳守仁家長，咁請問小一面試時有沒有考2位加減數？見綱上好多小朋友好叻，但不想太谷，想留些時間玩，但又想包尾😓

作者: Olympian 時間: 14-5-6 12:20 標題: 回覆：lhingw 的帖子

K2 最少要識1至10內加數。

作者: lhingw 時間: 14-5-6 17:19 標題: 回覆：IloveJJ 的帖子

多謝你寶貴意見。想考直資私小，可能我要調整一下，跟大圍學返深一些😂

作者: yeeyeey2k 時間: 14-5-6 17:46 標題: 回覆：k2 數學

深唔深視乎小朋友識唔識，明唔明白，唔可以用一般人既水平去衡量，例如有人7歲已睇英文版Harry Porter，有啲同一時間先睇緊ort stage 5，有人5歲已明白加減乘除等概念，你叫佢計單位數加減，佢會覺得好容易，有啲人吸收得好，咩都易上手，有啲慢，可能樣樣都重覆再重覆學先識。作為父母，應該好了解小朋友長處同學習能力，再決定如果選校，唔好盲目跟風去選，希望大家都揀到間適合小朋友既學校啦。

作者: LeeCC 時間: 14-5-7 10:49

本帖最後由 LeeCC 於 15-3-9 19:25 編輯

我小朋友讀程度淺的學卷幼，k3上學期教10以內加數，下學期10以內減數，我小朋友係细仔，要在家再教才剛跟到，所以無自己再教深D

同班的超大仔識双位加減數，屋企教

作者: 芝士BB 時間: 14-5-7 10:54 標題: 回覆：lhingw 的帖子

奧數

作者: tingting_mum 時間: 14-5-7 11:00

K2 學單位加數，但好多家長已經教左佢地兩位加，什至3位加

作者: MrBeast 時間: 14-5-7 12:05

tingting_mum 發表於 14-5-7 11:00
K2 學單位加數，但好多家長已經教左佢地兩位加，什至3位加

又如何，見過一位小孩，識3位加但唔識解題

作者: HaYi 時間: 14-5-7 12:24

我仔個年佢冇說要考數，TSL數亦冇教快，我想不用太擔心，不過想考直私，識會好些

作者: tingting_mum 時間: 14-5-7 13:53

MrBeast 發表於 14-5-7 12:05
又如何，見過一位小孩，識3位加但唔識解題

所以我會偏向思考性多d, 識簡單計數冇用的，要識理解識轉先重要

作者: Olympian 時間: 14-5-7 17:40 標題: 回覆：Olympian 的帖子

朋友係數學老師，話20以內的加數最難。之後減數、n個位的加減數乃至乘數都相對淺。

作者: lhingw 時間: 14-5-7 21:52 標題: 回覆：HaYi 的帖子

一直希望留多些時間跟小朋友玩，本來諗住識計個位加減就 ok, 不過原來咁多小朋友識計深D既數，完全起見，或者要跟小朋友溫多些少數學了。

作者: lhingw 時間: 14-5-7 21:54 標題: 回覆：LeeCC 的帖子

我個都係細B，所以沒有太迫他做數。

作者: lhingw 時間: 14-5-7 22:01 標題: 引用：朋友係數學老師，話20以內的加數最難。之後

原帖由 Olympian 於 14-05-07 發表
朋友係數學老師，話20以內的加數最難。之後減數、n個位的加減數乃至乘數都相對淺。

...

同意，小朋友明個 concept 係好重要。我小朋友明加減及乘個概念，不過因為冇操，計得很慢，interview 可能真係會冇咁著數。

作者: little_yolky 時間: 14-5-7 23:05 標題: 引用：一直希望留多些時間跟小朋友玩，本來諗住識

原帖由 lhingw 於 14-05-07 發表
一直希望留多些時間跟小朋友玩，本來諗住識計個位加減就 ok, 不過原來咁多小朋友識計深D既數，完全起見，或 ...

唔駛擔心啦，我的也是學券幼兒園，也是細B，小一如果是中文小學，中文、常識、數學都是在學一樣野：中文。小一數學跟本只是學解題。如果有心，應該主力教中英普三語，如果沒時間，就中英吧，一定有收穫的！

作者: chanwendy 時間: 14-5-8 09:47

我仔K2, 佢暫時都係教5 以內的加數咋.

作者: yeeyeey2k 時間: 14-5-8 09:56 標題: 回覆：k2 數學

我仔都係學券幼稚園，其實如每日抽到15-30分鐘教中英數，時間唔允許就唔使日日教3科，可以每日教唔同既科目，中英集中閱讀，唔好默書，數學就學簡單加減。相信到小學學科上一定可以輕鬆應付。

作者: 王家爸爸 時間: 14-5-8 10:20

yeeyeey2k 發表於 14-5-8 09:56
我仔都係學券幼稚園，其實如每日抽到15-30分鐘教中英數，時間唔允許就唔使日日教3科，可以每日教唔同既科目 ...

最同意你“中英集中閱讀”的方法。

作者: ajfamily 時間: 14-5-8 22:57

識人k3前已識借位減，雙位或三位加減都ok, 中文字識唔少，一間私/直offer 都冇，最後要大抽獎，考小學不單看學術。冇佢咁叻嘅，都可以有三幾個offer, 所以千萬不要只谷學術。

作者: lhingw 時間: 14-5-9 01:02 標題: 回覆：little_yolky 的帖子

你講得很正確，由於時間有限，比較集中語言及陪玩，而且一直覺得這麼小的小朋友，最適合學語言，所以比較忽視數學😓

作者: lhingw 時間: 14-5-9 01:08 標題: 引用：我仔K2,+佢暫時都係教5+以內的加數咋.

原帖由 chanwendy 於 14-05-08 發表
我仔K2, 佢暫時都係教5 以內的加數咋.

一直無打算谷數學，諗住佢識數手指計1位加減數去 interview 就算，點知見到其他小朋友已經識計2個數。

作者: lhingw 時間: 14-5-9 01:11 標題: 引用：我仔都係學券幼稚園，其實如每日抽到15-30

原帖由 yeeyeey2k 於 14-05-08 發表
我仔都係學券幼稚園，其實如每日抽到15-30分鐘教中英數，時間唔允許就唔使日日教3科，可以每日教唔同既科目 ...

多謝你意見，每日時間真的不夠用，所以多數集中中英，比較少計數。

作者: lhingw 時間: 14-5-9 01:14 標題: 引用：識人k3前已識借位減，雙位或三位加減都ok,+

原帖由 ajfamily 於 14-05-08 發表
識人k3前已識借位減，雙位或三位加減都ok, 中文字識唔少，一間私/直offer 都冇，最後要大抽獎，考小學不單 ...

現在小朋友學生辛苦，家長也很辛苦，辛苦在怎樣取得一個平衡點😩

作者: yeeyeey2k 時間: 14-5-9 09:19 標題: 回覆：k2 數學

其實我湊住3個，仲要做家務，一個二個成日時不時搞搞陣，相信比一般家庭更難抽時間教到小朋友。不過無論點，我覺得中英閱讀好重要，一日教到5分鐘我都會盡量去教。後尾見個仔對數學感興趣，主動問加減，就膽粗粗試教，結果k2下學期暑假時已計到4，5位加減，進位，借位已完全掌握，乘數呢2，3個月先教，都掌握到，佢哋只要到某一階段就好易吸收到。最重要係對果樣嘢有興趣，冇興趣真係拉牛上樹，搵自己笨。

作者: Moneyy太 時間: 14-5-12 16:55

回覆 lhingw 的帖子

加數比較容影,但減數比較難,都唔排除有小朋友學公文時係超學年都可以做到更加3位加減都做到

作者: lhingw 時間: 14-5-12 20:51 標題: 引用：回覆+lhingw+的帖子加數比較容影,但減數

原帖由 Moneyy太 於 14-05-12 發表
回覆 lhingw 的帖子

加數比較容影,但減數比較難,都唔排除有小朋友學公文時係超學年都可以做到更加3位加減 ...

都明白學公文數會快很多，不過唔數小朋友做得太辛苦。

作者: lhingw 時間: 14-5-12 20:54 標題: 引用：其實我湊住3個，仲要做家務，一個二個成日

原帖由 yeeyeey2k 於 14-05-09 發表
其實我湊住3個，仲要做家務，一個二個成日時不時搞搞陣，相信比一般家庭更難抽時間教到小朋友。不過無論點 ...

相信你小朋友對數學一定很有興趣，否則很難進步得這麼快，你都要加油！！

作者: fc926 時間: 14-5-12 21:07 標題: 引用：上星期去陳守仁開放日，其中一個灘位是數學

原帖由 lhingw 於 14-05-05 發表
上星期去陳守仁開放日，其中一個灘位是數學，是2位數加減數學題。其實真的想瞭解一下，K2是否要識計 2位加 ...

如果開放日是介紹TSL的，那看到兩位加減數應該是正常的，因為小一津校範圍都已教兩位加減數

作者: hadwinboy 時間: 14-5-13 00:42 標題: 引用：Quote:原帖由+chanwendy+於+14-05-08+發表

原帖由 lhingw 於 14-05-09 發表
一直無打算谷數學，諗住佢識數手指計1位加減數去 interview 就算，點知見到其他小朋友已經識計2個數。

...

我仔小一，我覺得難的是應用題，所以K2 K3 學識幾多個位加減數不是重點，重點是小朋友要懂解題。例如：羊較豬少7隻，農夫把其中3隻羊送給朋友，那麼現在羊較豬少幾多隻？很簡單的個位加數，但小朋友要懂思考。

作者: sirsix 時間: 14-5-19 19:59

回覆 lhingw 的帖子

都唔會話太辛苦既,我小朋友返黎屋企都唔係做太多工作紙

作者: keemic77 時間: 15-3-7 16:50

學雙位加減數是有涉及進位或借位, 請問各位K2家長點教呢?還是沒有涉及進位或借位,例如: 30+11=41

作者: wan_sosin 時間: 15-3-7 17:56 標題: 引用：其實我湊住3個，仲要做家務，一個二個成日

原帖由 yeeyeey2k 於 14-05-09 發表
其實我湊住3個，仲要做家務，一個二個成日時不時搞搞陣，相信比一般家庭更難抽時間教到小朋友。不過無論點 ...

無錯，針對小朋友有興趣嘅方面去教就會學得快，原本諗住男仔應該數學快，但我個仔原來唔係，語文好輕鬆，好快明，但數學就直情唔多願諗！
回樓主，我仔津小小一，學緊兩位加減，佢無特別快或慢，跟到學校教嘅嘢！

作者: lhingw 時間: 15-3-8 11:19 標題: 引用：學雙位加減數是有涉及進位或借位,+請問各位

原帖由 keemic77 於 15-03-07 發表
學雙位加減數是有涉及進位或借位, 請問各位K2家長點教呢?還是沒有涉及進位或借位,例如: 30+11=41 ...

我教仔用直式做 2 位加減，初時會亂，所以要多 D 練，現在他可以用心算直式計了。

作者: kenwong888 時間: 15-3-8 15:20

HaYi 發表於 14-5-5 21:02
其實識一位就識加2位，k2 不出奇，公文enopi都有，好多k3乘數，我覺得小學的只有“未知數“哩類在初小學難 ...

Exactly true!

作者: kenwong888 時間: 15-3-8 15:24

MrBeast 發表於 14-5-7 12:05
又如何，見過一位小孩，識3位加但唔識解題

Exactly true!

作者: kenwong888 時間: 15-3-8 15:26

Olympian 發表於 14-5-7 17:40
朋友係數學老師，話20以內的加數最難。之後減數、n個位的加減數乃至乘數都相對淺。

...

Exactly true!

作者: kenwong888 時間: 15-3-8 15:28

little_yolky 發表於 14-5-7 23:05
唔駛擔心啦，我的也是學券幼兒園，也是細B，小一如果是中文小學，中文、常識、數學都是在學一樣野：中文。 ...

Exactly true!

作者: little_yolky 時間: 15-3-9 12:33

Olympian 發表於 14-5-7 17:40
朋友係數學老師，話20以內的加數最難。之後減數、n個位的加減數乃至乘數都相對淺。

...

真係要搵你朋友教下我阿囡至得, 真係嘔晒血。佢小二, 終於搞掂二位減數了, 好啦, 到三位, 佢幾精彩呢, 例如：
305-108

所有十位有"0"既題目佢都錯晒, 因為佢唔明0都無嘢, 點借俾個位。我就同佢解釋, 個位係佢, 十位係爸爸, 百位係女麻女麻, 咁佢次次買嘢都唔夠錢, 要問爸爸借錢, 爸爸唔夠錢就問女麻女麻借錢。到計十位時, 0-0佢就=0, 我就話, 阿囡, 爸爸同女麻女麻借咗錢俾你呀, 佢話, 我直接同女麻女麻借唔得咩

作者: little_yolky 時間: 15-3-9 12:41

yeeyeey2k 發表於 14-5-9 09:19
其實我湊住3個，仲要做家務，一個二個成日時不時搞搞陣，相信比一般家庭更難抽時間教到小朋友。不過無論點 ...

咁你順勢帶佢去買餸時叫佢計埋錢, 我阿女到教錢銀兌換時, 我真係想撞頭埋牆。我自傲從來唔會俾人呃我兩毫子, 點知個女D數口咁, 真係天收我, 報應

作者: Olympian 時間: 15-3-9 18:26

回覆 little_yolky 的帖子

你玩下呢個減法尋寶之旅, 幾好架。

http://wlts.edb.hkedcity.net/filemanager/file/mathematics/tc/ks1/ks1n22/ks1-n2-2-f1-3/KS1-N2-2-f1-3.html

作者: Olympian 時間: 15-3-9 19:08

還有這個可自訂題目的。
http://wlts.edb.hkedcity.net/fil ... /KS1-N2-1-f1-2.html

作者: S-Kwok 時間: 15-3-10 08:04 標題: 引用：Quote:MrBeast+發表於+14-5-7+12:05+又如何

原帖由 tingting_mum 於 14-05-07 發表
所以我會偏向思考性多d, 識簡單計數冇用的，要識理解識轉先重要

作者: LITTLEGIRLSNOW 時間: 15-3-10 08:37 標題: 回覆：k2 數學

請敎大家怎様可以敎心算？我家小朋友整天要拎手指數，thanks

作者: subb 時間: 15-3-10 09:41

lhingw 發表於 14-5-9 01:08
一直無打算谷數學，諗住佢識數手指計1位加減數去 interview 就算，點知見到其他小朋友已經識計2個數。

...

人心人比C人, 不要計較那一個識得快D, 識得快唔代表什麼, 最緊要一步一步去打好個底 !　
數學ｄ加減乘除好多計計下已經熟可以快，但數學難在解題　！　
識計不識解都沒用的，所以ＣＥＮＣＥＰＴ埋解才重要　！　

作者: Olympian 時間: 15-3-10 11:05

本帖最後由 Olympian 於 15-3-10 11:06 編輯

回覆 LITTLEGIRLSNOW 的帖子

http://www.hkedcity.net/iclub_files/a/1/6/webpage/sen_maths/ebook_web/index_book1.html

5. 從數實物過渡到心算

如學生仍要借助實物進行計算，老師可把物件覆蓋，著學生閉上眼睛來想像相
關物體。學生也可借助數手指，敲手指等動作來替代觸摸實物來計算。

用實物進行運算和用數字進行抽象運算之間存在著一個重要的過渡階段，這個
階段就是要學生通過想像的物體來運算。在過渡期，老師可覆蓋或隱藏這些實
物，以鼓勵學生在腦海中想像這些物體從而進行計算。

理論就係咁講。

作者: IloveJJ 時間: 15-3-10 12:16 標題: 引用：Quote:lhingw+發表於+14-5-9+01:08+一直無

提示: 作者被禁止或刪除內容自動屏蔽

作者: 雙妹媽 時間: 15-3-10 12:20

如果幼稚園用dominos把抽象的數字邏輯化從K1開始教,小朋友的數學都會容易掌握得好.

作者: lhingw 時間: 15-3-10 15:47 標題: 引用：請敎大家怎様可以敎心算？我家小朋友整天要

原帖由 LITTLEGIRLSNOW 於 15-03-10 發表
請敎大家怎様可以敎心算？我家小朋友整天要拎手指數，thanks

不知道我個方法是否正統，不過見小朋友數手指太慢，所以我教他這樣計，例如 7+8，媽媽會借 2 個 5 給他（熟左之後，這2個5要放心裏），然後就 2+3=5，加上媽媽的 2個5，所以答案就是 15。2個數就用直式計，熟左之後，可以心算。希望你明，希望幫到你。

作者: lhingw 時間: 15-3-10 16:09 標題: 引用：Quote:lhingw+發表於+14-5-9+01:08+一直無

原帖由 subb 於 15-03-10 發表
人心人比C人, 不要計較那一個識得快D, 識得快唔代表什麼, 最緊要一步一步去打好個底 !　
數學ｄ加減乘除好 ...

多謝你，認同 concept 及理解題目更重要。

作者: subb 時間: 15-3-10 17:07

IloveJJ 發表於 15-3-10 12:16
我仔就係相反，解題好叻，但運算好慢，攪到做唔切

　！　咁你小朋友是另一問題，　是在於要多訓練 !

作者: kenwong888 時間: 15-3-10 22:22

Olympian 發表於 15-3-10 11:05
回覆 LITTLEGIRLSNOW 的帖子

http://www.hkedcity.net/iclub_files/a/1/6/webpage/sen_maths/ebook_web/in ...

Exactly true!

作者: bubuG 時間: 15-3-10 22:38 標題: 引用：如果幼稚園用dominos把抽象的數字邏輯化從K

原帖由 雙妹媽 於 15-03-10 發表
如果幼稚園用dominos把抽象的數字邏輯化從K1開始教,小朋友的數學都會容易掌握得好. ...

KV用dominos 教數學。教好長時間。打穩基礎才去加減數，唔知係咪形象化咗，所以個個心算都好叻。

作者: iamadc 時間: 15-3-10 22:59 標題: 回覆：k2 數學

有無人k2仔會話自己識左雙位數加減？不涉及進位。我今日剛剛想開始教佢5-2=3 問問下問到100-2=98、41-30=11 全對，不用數手指，心算的。佢話佢自己學識喎。我地全家人都唔知佢點會識左.....我無乜教佢減數，之前只教加數

作者: iamadc 時間: 15-3-10 23:04 標題: 回覆：k2 數學

另外佢自背1-5倍數，可以倍數來數數，但唔識乘數，除非簡單如佢同細路每人有兩顆糖，總共幾顆？

歡迎光臨教育王國 (/)