教育王國

標題: 聽講蘇浙好嚴，學生返學開心嗎 [打印本頁]

作者: Siusammama 時間: 14-5-5 15:19 標題: 聽講蘇浙好嚴，學生返學開心嗎

如題，另外老師又有愛心耐性嗎？

作者: mimi1102 時間: 14-5-7 10:42

Siusammama 發表於 14-5-5 15:19
如題，另外老師又有愛心耐性嗎？

這個是蘇浙給外人一般的印象, 我大囡六年前揀蘇浙, EK 都有好多人話老師好嚴肅, 好惡, 但讀了三年, 每年對住三個老師, 幸運地, 只有K3 時的一位老師較嚴肅, 三年裏, 大囡都讀得非常開心, 感覺沒有揀錯學校.
當然每間學校都一定會有好好和不好的老師, 老師始終都係平凡人一個. 無論出去學課外活動或學校讀書, 都會覺得搵到個好老師同請工人一樣, 都係睇你好唔好彩.....

作者: Piiglam 時間: 14-5-9 06:18 標題: 回覆：聽講蘇浙好嚴，學生返學開心嗎

仔仔依家k3,個性係無拘無束的人（老師都咁話），3年來都返得好開心。遇到的老師都好好，唔覺得特別嚴格！

作者: pandabobo 時間: 14-5-9 21:29 標題: 回覆：聽講蘇浙好嚴，學生返學開心嗎

雖然我個女剛剛讀k1, 不過我都覺得老師一點都唔嚴。反而我覺得可能真係人數太多，一個老師負責20個學生，根本無辦法同無暇照顧到每一個學生。以前阿女返另一間幼兒園講好多學校野，話好中意老師，而家反而好少提。
ps, 普通話真係進步好多，有次同佢返大陸，佢可以用普通話同人地溝通呀！

作者: Siusammama 時間: 14-5-12 23:26 標題: 回覆：聽講蘇浙好嚴，學生返學開心嗎

小朋友咁細個，就咁大班，無乜人留意，會唔會個心唔知去咗邊，根本聽唔到老師教佢啲乜嘢呢？

作者: Piiglam 時間: 14-5-13 17:47 標題: 回覆：Siusammama 的帖子

我覺得大班多少都有點影響，但學唔學到野都好睇小朋友的專注力同個性！以我自己所見，就算有些小朋友較為內向，老師亦會特登叫佢地答問題，鼓勵佢地發言

作者: Siusammama 時間: 14-5-13 23:06 標題: 回覆：Piiglam 的帖子

謝謝。
我唔擔心我小朋友內向，只擔心佢集中唔到又無人理佢啫。

作者: sweethoho 時間: 14-5-13 23:49 標題: 引用：謝謝。我唔擔心我小朋友內向，只擔心佢集

原帖由 Siusammama 於 14-05-13 發表
謝謝。
我唔擔心我小朋友內向，只擔心佢集中唔到又無人理佢啫。

K1應該雙班主任, 一位助教, 不知道現在K1有沒有轉變! 而平日一般分3組活動, 如果擔心大班教學質素, 就要選擇小班教學的幼稚園了！ (K2和K3是一個班主班和兩個助教老師)

作者: sweethoho 時間: 14-5-13 23:52 標題: 回覆：聽講蘇浙好嚴，學生返學開心嗎

我不知道其他家長感受, 我就不覺得嚴!

作者: Siusammama 時間: 14-5-18 00:12 標題: 回覆：聽講蘇浙好嚴，學生返學開心嗎

助教不是有份教的老師？如分3組，分組後跟助教的學生會唔會學到嘅嘢少啲？
升k2,k3仲要得1個老師，40人一班，點教呢？
謝謝分享，感激不盡。

作者: sweethoho 時間: 14-5-18 09:22 標題: 引用：助教不是有份教的老師？如分3組，分組後跟

原帖由 Siusammama 於 14-05-18 發表
助教不是有份教的老師？如分3組，分組後跟助教的學生會唔會學到嘅嘢少啲？
升k2,k3仲要得1個老師，40人一班 ...

我沒有坐在裡面上課… 只是我家小孩平日說, 略知少少, 不知是否屬實啊!!! 主力是由班主講課的, 英文課由net教, 助教老師會協助其他, 指導圖工, 課堂功課等等… 有時全班教, 有時分小組教, 有時會個別指導!
如家長是很注重學術, 加上有贏在起跑線心態, 個人意見是蘇浙幼稚園並不適合呢!

作者: Siusammama 時間: 14-5-18 09:27 標題: 回覆：聽講蘇浙好嚴，學生返學開心嗎

多謝樓上媽媽無私分享。
作為媽媽的真的想一想再想搵間好嘅俾自己小朋友。所以才問完又問。謝謝。

作者: sweethoho 時間: 14-5-18 09:33 標題: 回覆：聽講蘇浙好嚴，學生返學開心嗎

這個我自己可以答你, 眼見及感受都不嚴, 小朋友上學是很開心的!!! 老師亦願意解答家長的問題及幫小朋友

作者: sweethoho 時間: 14-5-18 09:41 標題: 引用：多謝樓上媽媽無私分享。作為媽媽的真的想

原帖由 Siusammama 於 14-05-18 發表
多謝樓上媽媽無私分享。
作為媽媽的真的想一想再想搵間好嘅俾自己小朋友。所以才問完又問。謝謝。

...

當然明白! 但真心講, 蘇浙幼稚園是大班教學模式, 如家長享往小班, 置身其中, 真的感到人多兼混亂, 但小朋友都是聽老師說話, 很有辦法管理呢!

作者: catiou627 時間: 14-5-19 15:20

我個囡班主任都算嚴, 因為女兒都算乖, 所以都鐘意返學同老師, 我見過生日會上有同學頑皮不守紀律, 老師係會嚴肅話佢的.

作者: elainechua2012 時間: 14-6-27 18:00

我識得有個朋友仔仔係蘇浙讀，但佢讀左成年K1，都唔明老師既指令，可能佢聽唔明普通話，個老師同我朋友講叫個小朋友搵過第二間幼稚園

作者: Siusammama 時間: 14-7-2 08:01 標題: 回覆：聽講蘇浙好嚴，學生返學開心嗎

感激各位蘇浙媽媽的分享。
早兩天遇上一個幾年前曾在蘇浙做老師的人，她除了說蘇浙老師睇你好唔好彩撞唔撞到個好嘅之後，仲有講呢間幼稚園好少出外參觀活動。
我而家果間幼兒園學校同家校會加埋有好多機會俾小朋友睇吓嘢。
唔知蘇浙而家係咪都係無乜呢啲参觀活動㗎呢？

作者: dada123 時間: 14-7-2 09:26 標題: 回覆：Siusammama 的帖子

本帖最後由 dada123 於 14-7-2 12:28 編輯

我女讀左一年，我自己覺得學校算好多活動，出左2次outing,去動植物公園，淺水灣，大時大節學校有表演活動俾家長參與，差不多每2－3個月一次啦，每日接送返放學老師任你問學生情況，悉心講解，對每個學生都好了解，而且我們班老師還會不時發放上課照片予我們家長知道我們小朋友上課如何？我覺得老師是可以不做的，令我很感動。個個老師都好細心專業，係就係多學生一班，但全部都好乖巧，我女為例，完全唔識普通話，在家出外都多數講英文及廣東話，但現在已經完全溝通到，最重要係班上多外國同學，他們會有良好語言環境，學識溝通，我女班主任是適當時候會嚴，如:如何執筆，上堂傾偈，這些會話小朋友，而且小朋友有曳，老師都會同我們有溝通。而且我覺得嚴師出高徒，由細開始糾正錯處或不當行為是我們小孩得益。留意了一年，我們蘇浙小朋友都係明辨是非的，因老師教導有方，現今太自由了，我寧願有規矩。但正如上面講，如家長要學術高人一等，快人一步，相信這裡完全不適合，但教自理同正確價值觀，我個人天真希望小孩開心愉快下學習，認為做人道德於幼時開始教導更為重要。學術真係相信遲早都識，小小分享。

作者: Siusammama 時間: 14-7-2 14:36 標題: 回覆：聽講蘇浙好嚴，學生返學開心嗎

真的感激流涕。好詳盡，好清楚。令我好慶幸自己小朋友可以入呢間學校，亦會將自己將來所知同其他媽媽分享。

作者: Siusammama 時間: 14-7-4 23:25 標題: 回覆：dada123 的帖子

請問如果係本地班係咪都有好多外國同學？
定好多來自國內的同學？

作者: SandraLeung2012 時間: 14-7-9 02:00 標題: 回覆：Siusammama 的帖子

外國人同國內人都有

作者: erikobb823 時間: 14-11-9 01:32 標題: 回覆：聽講蘇浙好嚴，學生返學開心嗎

請問蘇浙n班，國際班的師生比例是多少呢？謝謝!

作者: Bean2012 時間: 14-11-11 01:22 標題: 回覆：erikobb823 的帖子

本帖最後由 Bean2012 於 15-8-28 17:56 編輯

作者: octobercloud 時間: 15-1-5 15:44

請問用家媽媽，kcs諳唔諳滴好活躍的小朋友呢？我仔好活躍，不肯坐定定係到，整日周圍走，如果唔俾就會發脾氣，我都頭痛。
如果入到一閒紀律好嚴格的學校，估老師一定好唔中意我仔性格。有無媽媽可以給滴意見呢？謝謝。

作者: deniseyun1119 時間: 15-9-23 09:54 標題: 回覆：sweethoho 的帖子

我想問K3需要返下午嗎？

作者: Alvin32 時間: 15-9-23 18:15 標題: 回覆：octobercloud 的帖子

我覺得OK，老師有愛心不嚴但小朋友要守規矩。幼稚園輕鬆教學，小學先嚴d

作者: ella1029 時間: 15-9-24 14:55

我覺得老師唔算嚴, 囡囡好鍾意返學

作者: bbcoco2 時間: 15-10-2 15:14

My child is in K3 right now. He has always been studying in International school, so it was very free style. Now he tells me that the teachers are quite strict here and they don't tolerate kids who don't listen or run around. I think if your child is used to a traditional school system, then KCS is good. But if he / she is used to International school, then there will be a learning curve.
The class size is huge, like over 40 kids with 3 teachers. I think there is not enough attention given to each kid, given the large class size.
In general, it's a good school to learn discipline and also to learn mandarin.

歡迎光臨教育王國 (/)