教育王國

標題: 想小二轉校,請幫忙 [打印本頁]

作者: BABY@CHAN 時間: 14-4-30 23:24 標題: 想小二轉校,請幫忙

我個女讀傳統學校,程度比其他深半年,教得快.
下學期派成績表,全級考尾二, 操行今次仲要 C.

其實我想小二轉校, 雖然轉間係區內唔出名, 人數唔多,一級100人,
但甘既成績, 甘既操行, 我想請教大家封信,我轉校原因應該點寫好?
~~頭痛中

作者: CALVEN 時間: 14-5-1 08:34

邊區?

但點解操行係C?

作者: Charlotte_mom 時間: 14-5-1 10:40 標題: 回覆：想小二轉校,請幫忙

你問左日期未？我知有d已截止申請。
插班正常一定係先考筆試再揀人面試。操行原因如果你認為係女女因為功課壓力影響左，就照寫吧（假試你想插間學校唔係勁谷勁上位），好多時轉校除左係想插更好，亦因為係唔開心唔適合呀

加油

作者: MrBeast 時間: 14-5-1 11:08

就咁弟form 先得唔得，理由就可慢慢諗，打聽下學校主打是什麼。

如一定要e加寫，或者考慮寫因現學校太快，孩子需多些時間和空間去改善弱點，最好就mention specific 強弱項。

作者: BABY@CHAN 時間: 14-5-1 12:14 標題: 引用：邊區?但點解操行係C?

原帖由 CALVEN 於 14-05-01 發表
邊區?

但點解操行係C?

上學期係B, 我唔知學校用咩準則，
現時讀將軍x天xx小學，轉個間係一d唔出名，亦無人會選擇係頭5個志願中的。

我女間中會被投訴、欠交功課，但一直有進步改善。
另一個原因，有一次我收到學校老師電話，問我女係咪返左屋企，話而家係要上興趣班。
我話無返過屋企。
佢話我女唔係學校。
個老師話再塭下，我再打返屋企。

我再打去學校校務處聽電話，我話要塭返之前打比我個位x主任,個個呀姐完全無留意我電話講咩，我同一番說話repeat左4次，佢話等x主任放學先覆我電話，
我話，而家我個女唔見左，你仲叫我等！

結尾: 呢位X主任係覺得係我女自己走開，係我女錯
但我個女只係一年級6歲小朋友。
係學校唔見左，未塭清楚就打比家長。

我同呢位"女"主任嘈左幾句。

由呢件事開始，佢就釘住我個女，真係好賤格！

作者: BABY@CHAN 時間: 14-5-1 12:15 標題: 引用：就咁弟form+先得唔得，理由就可慢慢諗，打

原帖由 MrBeast 於 14-05-01 發表
就咁弟form 先得唔得，理由就可慢慢諗，打聽下學校主打是什麼。

如一定要e加寫，或者考慮寫因現學校太快， ...

主打自理能力，課外活動

作者: BABY@CHAN 時間: 14-5-1 12:16 標題: 引用：你問左日期未？我知有d已截止申請。插班正

原帖由 Charlotte_mom 於 14-05-01 發表
你問左日期未？我知有d已截止申請。
插班正常一定係先考筆試再揀人面試。操行原因如果你認為係女女因為功課 ...

我諗住遞左表先算，希望黎緊9月小二能入讀

作者: 5tgb 時間: 14-5-1 12:18

回覆 BABY@CHAN 的帖子

有D問題未必是轉校就解決到的，尤其成績、操行均欠佳，更難找到好學校收。不如正面面對成績及操行欠佳的原因，與學校商討可否留班更為上算！

作者: BABY@CHAN 時間: 14-5-1 12:20 標題: 引用：回覆+BABY@CHAN+的帖子有D問題未必是轉校

原帖由 5tgb 於 14-05-01 發表
回覆 BABY@CHAN 的帖子

有D問題未必是轉校就解決到的，尤其成績、操行均欠佳，更難找到好學校收。不如正面 ...

之前有講過，班主任話最好三年班先留。
因為教得太快了，比較深，大人小朋友都辛苦。

作者: kayi0556 時間: 14-5-1 12:41

我都有朋友個囡由初小轉校，不過佢係小二升小三轉，響田家炳讀小三，我覺得如果小朋友成績追唔上，可考慮轉間二線學校

作者: IloveJJ 時間: 14-5-1 14:50 標題: 回覆：想小二轉校,請幫忙

提示: 作者被禁止或刪除內容自動屏蔽

作者: zitaeric 時間: 14-5-1 18:44 標題: 回覆：想小二轉校,請幫忙

其實小一學科上的問題是有得追，在來緊暑假努力補底吓应該可以多少進步啲。Conduct問題反而重要，如果小一出現問題，幼稚园期间或多或少有表徵……想想……只是家長們未有正視，不知道你們每天有沒有習慣和小朋友傾談，知不知学校的每天生活点滴……小一是適应期，家長要跟貼些，幫佢地順利渡過。不要累積問題！和老師傾吓，看到底問題在那裹？是程度、人際、自身或家長本身。唸清楚，轉校未必一定最好。

作者: 5tgb 時間: 14-5-1 20:06

回覆 BABY@CHAN 的帖子

要說服新學校校長，孩子成績、操行欠佳是由於現有學校教得太快、太深未必是件易事; 因為校長應亦了解其他學校的教學模式。要說服校長，一定唔好提太多舊校的不是，如果唔係，會比人一個成績唔好，完全與父母無關的感覺。坦誠對新校長講出自已的教導方法，孩子温習方法及所用時間。希望新校長覺得新校可以幫到你，比個機會啦！

作者: colourlam 時間: 14-5-1 21:13

轉校原因可以寫想轉一間更合適自己小朋友的學校教深等不用提了將循田小聖安德肋... 是可以考慮一下對小朋友也有愛心學校

作者: colourlam 時間: 14-5-1 21:15

不合小朋友就最好小二轉不然小朋友最大些就難適應

作者: BABY@CHAN 時間: 14-5-1 22:18 標題: 回覆：kayi0556 的帖子

是的，我現時想轉的應該是3線了

作者: BABY@CHAN 時間: 14-5-1 22:18 標題: 引用：轉去真道可以嗎？ +

原帖由 IloveJJ 於 14-05-01 發表
轉去真道可以嗎？

真道英文太深了

作者: BABY@CHAN 時間: 14-5-1 22:20 標題: 引用：其實小一學科上的問題是有得追，在來緊暑假

原帖由 zitaeric 於 14-05-01 發表
其實小一學科上的問題是有得追，在來緊暑假努力補底吓应該可以多少進步啲。Conduct問題反而重要，如果小一 ...

我經常與學校聯絡的

作者: BABY@CHAN 時間: 14-5-1 22:21 標題: 引用：回覆+BABY@CHAN+的帖子要說服新學校校長

原帖由 5tgb 於 14-05-01 發表
回覆 BABY@CHAN 的帖子

要說服新學校校長，孩子成績、操行欠佳是由於現有學校教得太快、太深未必是件易事; ...

很好的意見

作者: ting916 時間: 14-5-1 22:48

多口一阿問,循道課程不是深嗎？二缐的有哪些可插班,因下學期或搬來.

作者: 焯霖媽媽 時間: 14-5-13 18:09

HI . PLS CHECK PM

作者: karen55407 時間: 14-5-14 12:27 標題: 回覆：想小二轉校,請幫忙

我個人覺得成績差和操行差是很難有學校肯收㗎！

作者: snugglechums 時間: 14-5-14 14:53 標題: 引用：我個女讀傳統學校,程度比其他深半年,教得快

原帖由 BABY@CHAN 於 14-04-30 發表
我個女讀傳統學校,程度比其他深半年,教得快.
下學期派成績表,全級考尾二, 操行今次仲要 C.

我朋友個女之前一線小學，成績中游，操行忘記了是B一定C，試咗幾間小學，區內一線唔收，試二缐也唔收，不過最後托到朋友去二缐尾三缐的小學。

作者: BB312 時間: 14-5-14 15:21

個人意見, 如有學校有老師針對, 很難同佢糾纏多5年

作者: creamsicle 時間: 14-5-14 16:13

如果操行沒有大問題,個人覺得操行分或已被老師用作勸退的暗示,留低唔會有好日子過.
操行點樣比分,其他校長是明白的,所以要讓新校長相信小朋友其實聽話聽教.
加油呀!

作者: kksa 時間: 14-5-19 12:47 標題: 回覆：想小二轉校,請幫忙

我女女應該係喺你所講嘅傳統學校讀…

作者: kksa 時間: 14-5-19 12:54 標題: 回覆：想小二轉校,請幫忙

但我見識得嘅同學仔操行都係A/B,其實會唔會小朋友喺學校表現唔係咁好？要搵出問題所在然後對症下藥，加油

作者: 小咩咩 時間: 14-5-19 15:13

成績問題應該是小朋友程度方面, 襯低年級轉校亦較容易適應, 而且家長對學校處於不滿的情況, 以後亦難溝通.勉強無幸福, 積極搵學校吧!!

作者: BABY@CHAN 時間: 14-5-22 00:48 標題: 回覆：小咩咩的帖子

我就係甘諗

作者: yanyan6 時間: 14-5-22 02:05

比我，就唔會理操行，努力去做好自己先，努力追分數追成績，這是令老師對小朋友改觀的，操行要時間去教，如有針對成份，都是一時間，下年又是新開始，好學校難求，出左去入唔番來，去第2間都不一定達到好結果，不包保呀，仲有5年，計劃如何讀好佢仲有用啦，老師同你沒恩怨的，
我仔同你女成績差不多，老師都是常打比我，我們加倍努力，學校見成績進步，送左一張100元書卷，一張獎狀鼓勵

作者: decelerate 時間: 14-5-22 09:41 標題: 回覆：想小二轉校,請幫忙

不如搵俾分個老師，問清楚操行分C嘅原因，再傾下佢有咩期望，點先會俾翻B佢。之後定期一兩個月檢討下。跟緊啲就問題唔大。總會易過轉校，又順便教小朋友點解決困難。一舉兩得

作者: connielam 時間: 14-5-22 13:29

回覆 decelerate 的帖子

兩手準備:一方面試轉校,不成功才算; 另一方面又積極同老師溝通解決問題.加油!

歡迎光臨教育王國 (/)