教育王國

標題: 小朋友時常自言自語，是否有問題？ [打印本頁]

作者: rayrayBB 時間: 14-4-29 23:56 標題: 小朋友時常自言自語，是否有問題？

如題

作者: scyauchris 時間: 14-4-30 06:54

我女由細到大都自言自語，我覺得無乜問題，佢自己同d公仔玩好正常！

作者: MrBeast 時間: 14-4-30 07:01

講d乜呢？

作者: HaYi 時間: 14-4-30 08:17

心理學都有提過小朋友有一階段是會如此, 同內在的自己說話, 好正常, 但大左就不會, 至於幾歲至幾歲, 就要再查一下, 我唔記得了.

作者: rayrayBB 時間: 14-4-30 09:13 標題: 回覆：小朋友時常自言自語，是否有問題？

多謝各位意見。亞仔七歲，我怕佢會有問題所以想知多些。佢有時在街上也會手舞足蹈自言自語。

作者: tingting_mum 時間: 14-4-30 09:21

我女成日都扮唔同角色，自己同自己講野，睇故仔書都係，會扮埋唔同人的聲

作者: MrBeast 時間: 14-4-30 09:45

回覆 rayrayBB 的帖子

如果我小孩有這樣的behaviour, 我想我會：留意一下和其他小孩一起玩是怎樣
Parents day 和老師傾下在校社交方面如何
間接地去問小孩和誰傾計，校園生活怎樣，同邊幾個同學玩多，etc.

若社交沒大問題，我想不須太擔心。

作者: HaYi 時間: 14-4-30 10:13

7歲的較少，我接觸過是阿氏多，樓主要睇下其它如有冇固執行為等

作者: rayrayBB 時間: 14-4-30 10:20 標題: 回覆：HaYi 的帖子

亞仔性格非常固執，尤其是睡眠不足。成日突然發脾氣和哭。另外專注力差，但社工看過又話問題不大。

作者: jojoplanet 時間: 14-4-30 10:39

rayrayBB 發表於 14-4-29 23:56
如題

係咪得一個小朋友? 我大仔未有細佬時都係咁..佢太悶一人做2個角色自問自答..

作者: sweethoho 時間: 14-4-30 10:46 標題: 回覆：小朋友時常自言自語，是否有問題？

相信很多小朋友“自己玩”時, 也會自言自語, 如果小孩平日和上課時沒有, 我想不用太擔心! 可以請班主任留意一下!!!

作者: rayrayBB 時間: 14-4-30 10:50 標題: 回覆：小朋友時常自言自語，是否有問題？

係，只有一個小朋友。另外等我問下老師先。

作者: bobbob 時間: 14-4-30 11:54

rayrayBB 發表於 14-4-30 10:20
亞仔性格非常固執，尤其是睡眠不足。成日突然發脾氣和哭。另外專注力差，但社工看過又話問題不大。

...

以我經驗係社工說話唔多可信，佢哋無嗰方面嘅專業知識又立下眼睇較估居多。老師可信度高啲，但如果真係有懷疑，咁就真係要去做評估。

作者: rayrayBB 時間: 14-4-30 12:49 標題: 回覆：小朋友時常自言自語，是否有問題？

去邊度做評估和做那種評估較適合？

作者: CALVEN 時間: 14-4-30 12:57

rayrayBB 發表於 14-4-30 12:49
去邊度做評估和做那種評估較適合？

你去家庭醫生處寫轉介信,去"兒童精神科"做評估

以你所描述,評估下安心D.

作者: rayrayBB 時間: 14-4-30 12:59 標題: 回覆：小朋友時常自言自語，是否有問題？

Thx

作者: HaYi 時間: 14-4-30 14:19

回覆 rayrayBB 的帖子

係呵, 專注力差, 好固執, 情緒波動大, 同好多自言自語好多時是SEN 的表現,
因為7歲正常會較留意周圍環境, 同埋一般人認為自言自語較奇怪, 大些的小朋友會經大人提點, 留心控制, 較少在公共場合做出來,

但有SEN , 尤其是自閉或阿氏的小朋友, 就對此些外界的感覺弱些, 不懂得依埸合表現, 不會去控制自己遷就一般人的社交標準, 通常有埋社交的問題.

歡迎光臨教育王國 (/)