教育王國

標題: ２歲就識晒所有字母同数字 [打印本頁]

作者: 乖乖小朋友 時間: 14-4-29 00:45 標題: ２歲就識晒所有字母同数字

甘樣小朋友會叻d嗎？小女最叻就係去公園玩，甘係咪同人差好多，？

作者: fifibibi 時間: 14-4-29 00:46 標題: 回覆：２歲就識晒所有字母同数字

現在大部份都係咁，唔出奇

作者: 乖乖小朋友 時間: 14-4-29 01:03 標題: 回覆：fifibibi 的帖子

作者: Lockheart 時間: 14-4-29 04:24 標題: 回覆：２歲就識晒所有字母同数字

我自己當比佢地做記憶訓練，動動腦仔，又唔係在乎佢識到認到幾多字，但我又會諗，如果識哂先返學，係會上堂投入d定會心散d，還是小朋友見自己識嘅嘢，老師同學仔又會識又會問，問到自己又識答佢地會好興奮？

作者: 小曳人 時間: 14-4-29 06:02 標題: 回覆：乖乖小朋友的帖子

每個人有自己嘅學習敏感期，有自己嘅優點長處，無謂比較！
作為家長，生活上出現嘅嘢我都會隨口講解，吸唔吸到就睇佢自己造化喇！
至於係咪叻D？我有兩個仔，哥哥兩歲可以自己聽歌認字，讀簡單英文書，數1-50，結果，小一做評估，智商好高！但咁係咪叻？EQ好低喎！但弟弟無哥哥聰明，智力發展正常，但自理能力高，能令身邉人感覺愉快，聼話！

每位小朋友都唔同，家長教法亦唔同，無謂比較！

作者: Cajes 時間: 14-4-29 10:03 標題: 引用：每個人有自己嘅學習敏感期，有自己嘅優點長

原帖由 小曳人 於 14-04-29 發表
每個人有自己嘅學習敏感期，有自己嘅優點長處，無謂比較！
作為家長，生活上出現嘅嘢我都會隨口講解，吸唔 ...

我都覺得唔使太叻。太叻好難教。我無特別教佢字，只話比佢聽身邊事件名稱啫。其實咁細個，教佢去廁所，守秩序，禮讓，分享，愛心呢d唔係更好嗎?

作者: darichie 時間: 14-4-29 10:06 標題: 回覆：Cajes 的帖子

Totally agree!

作者: victoryu19 時間: 14-4-29 10:58

Cajes 發表於 14-4-29 10:03
我都覺得唔使太叻。太叻好難教。我無特別教佢字，只話比佢聽身邊事件名稱啫。其實咁細個，教佢去廁所，守秩 ...

I believe this is the right approach too.

作者: pokey 時間: 14-4-29 11:43 標題: 引用：Quote:原帖由+小曳人+於+14-04-29+發表每個

原帖由 Cajes 於 14-04-29 發表
我都覺得唔使太叻。太叻好難教。我無特別教佢字，只話比佢聽身邊事件名稱啫。其實咁細個，教佢去廁所，守秩 ...

冇錯，ABC123佢返學會學到，返學前我地父母應該教佢自理，認識呢個世界，待人接物

作者: Potato001 時間: 14-4-29 12:47 標題: 引用：Quote:原帖由+小曳人+於+14-04-29+發表每個

原帖由 Cajes 於 14-04-29 發表
我都覺得唔使太叻。太叻好難教。我無特別教佢字，只話比佢聽身邊事件名稱啫。其實咁細個，教佢去廁所，守秩 ...

係呀，我都係教呢啲，冇教認字，只係教咗數1-10。阿女現在23m, 自己食飯完全冇問題，最近學緊著t-shirt, 著到仲好開心話自己“叻叻”。佢都有睇書但係睇圖畫，仲會自己睇報紙搵佢最鍾意睇嘅小動物。EQ都算唔錯，去公園會和其他小朋友玩，去玩俾人搶玩具都唔會打人推人，我已經好滿意。

作者: mlbidbid 時間: 14-4-29 14:21 標題: 回覆：Cajes 的帖子

yes support

作者: Cajes 時間: 14-4-29 15:07 標題: 引用：Quote:原帖由+Cajes+於+14-04-29+發表我都

原帖由 Potato001 於 14-04-29 發表
係呀，我都係教呢啲，冇教認字，只係教咗數1-10。阿女現在23m, 自己食飯完全冇問題，最近學緊著t-shirt, ...

好叻好有耐性呀! 我囡好無耐性，我買左d教秩序的事同佢一齊睇當講故事。教佢去公園玩要排隊，去廁所要敲門。潛移默化希望佢有一日會記得。我教佢禮讓，但有時出去玩見到其他小朋友推佢或者打尖，佢呆一呆讓比人，都擔心咁樣教得唔得。我無覺得自己咁教係錯，只擔心咁樣仲到底適唔適合呢個社會

作者: Lockheart 時間: 14-4-29 16:13 標題: 回覆：Cajes 的帖子

可以介紹你用嚟教秩序嘅書嗎？

作者: fishyee 時間: 14-4-29 17:33 標題: 引用：Quote:原帖由+Potato001+於+14-04-29+發表

原帖由 Cajes 於 14-04-29 發表
好叻好有耐性呀! 我囡好無耐性，我買左d教秩序的事同佢一齊睇當講故事。教佢去公園玩要排隊，去廁所要敲門 ...

非常讚成，雖然呢個社會变成咁，但無可能為咗生存而違背良知，継續努力，品德更重要！

作者: hoihoima 時間: 14-4-29 19:45

乖乖小朋友發表於 14-4-29 00:45
甘樣小朋友會叻d嗎？小女最叻就係去公園玩，甘係咪同人差好多，？

考PN時已經要考數字、顔色、形狀、字母等，用説話答題，姑勿論叻定吾叻，這是考PN的要求。

作者: naughtybj 時間: 14-4-29 20:43 標題: 引用：Quote:乖乖小朋友+發表於+14-4-29+00:45+甘

提示: 作者被禁止或刪除內容自動屏蔽

作者: 小曳人 時間: 14-4-29 20:45

Cajes 發表於 14-4-29 10:03
我都覺得唔使太叻。太叻好難教。我無特別教佢字，只話比佢聽身邊事件名稱啫。其實咁細個，教佢去廁所，守秩 ...

係但小朋友叻唔叻，我地無得揀架！
唔係你唔教，佢就學唔到嘢，如果佢好叻，但表現唔到，附帶嘅情緒問題，仲煩！

作者: moniko 時間: 14-4-29 21:12 標題: 回覆：２歲就識晒所有字母同数字

我主張愉快學習，知識性既會教，德育品行都會教。其實學abc都可以好開心。日常見到咪教囉，學習係小朋友天性本份，佢想學你唔教佢反而唔開心。

行過見到飛機就教airplane, 去公園玩就教禮讓排隊。不過我全職湊，可以跟得到。

作者: iamadc 時間: 14-4-29 21:22 標題: 回覆：２歲就識晒所有字母同数字

我個仔未識晒abc, 已可讀英文單字，當時歲半。數字自學100。由他自己自由發展最好，個個小朋友發展進度不一樣

作者: 細咩咩 時間: 14-4-29 21:52 標題: 回覆：２歲就識晒所有字母同数字

其實叻唔叻同自理能力係冇衝突，識晒樓主所講嘅嘢唔代表自理能力會差，會唔識同其它小朋友相處嘅，我小朋友確實一歲時已經識晒字母同數字，顏色同形狀，歲半前可以讀埋出嚟，我要番工，冇時間谷佢，佢自己睇dvd同屋企人有時講吓佢學番嚟，但佢歲半前一樣識得自己食飯，坐potty小便，要排隊，要禮讓，從來唔會搶人嘢，出街同人打招呼，我去面試時發現好多小朋友都會做到，唔係乜嘢特別叻，只視乎屋企人有冇花心機，小朋友發展同吸收，同埋小朋友性格而己

作者: Potato001 時間: 14-4-29 21:55 標題: 引用：Quote:乖乖小朋友+發表於+14-4-29+00:45+甘

原帖由 hoihoima 於 14-04-29 發表
考PN時已經要考數字、顔色、形狀、字母等，用説話答題，姑勿論叻定吾叻，這是考PN的要求。
...

這應該是考k1的要求，考pn只試過問顏色，拿著圖片問是什麼（貓，狗，車，杯），那間是三月才面試的。之前十月十一月面試的，只要求用手指，可能因為我個女五月B, 要求冇大B 咁高。

作者: Cajes 時間: 14-4-29 22:12 標題: 回覆：２歲就識晒所有字母同数字

我自己不同意dvd 自學。我又要番工的。除左平時出街一路行一路學，其實無可能教到佢識哂字呀咁樣。不過小朋友發展的確個個唔同。就算好早識哂他日係神童亦唔代表佢將來會生活得開心快樂。所以就唔好諗太多了。比自己壓力亦係比小朋友壓力。

作者: hoihoima 時間: 14-4-29 22:42

Potato001 發表於 14-4-29 21:55
這應該是考k1的要求，考pn只試過問顏色，拿著圖片問是什麼（貓，狗，車，杯），那間是三月才面試的。之前十 ...

我列舉的是我孩子考PN時涵蓋的問題。老師還指住一個字問他是什麽字。不是考K1。

作者: hoihoima 時間: 14-4-29 23:10

回覆 hoihoima 的帖子

話説回來，我孩子考PN時，老師並沒有說要用説話表達還是用手指，我孩子用説話作答。如果全用手指是否一樣會獲得取錄，我就不清楚了。

作者: Potato001 時間: 14-4-30 08:01 標題: 引用：回覆+hoihoima+的帖子話説回來，我孩子考

原帖由 hoihoima 於 14-04-29 發表
回覆 hoihoima 的帖子

話説回來，我孩子考PN時，老師並沒有說要用説話表達還是用手指，我孩子用説話作答。 ...

呢間幼稚園問得咁深，好明顯係要收大B, 或者催谷型的家長，唔識講用手指應該唔合乎要求。不過，一般幼稚園會考慮大細B因素，家長話俾老師聽小朋友未識講野，好多都可以用手指。

作者: 豬C奶 時間: 14-4-30 09:11 標題: 引用：甘樣小朋友會叻d嗎？小女最叻就係去公園玩

原帖由 乖乖小朋友 於 14-04-29 發表
甘樣小朋友會叻d嗎？小女最叻就係去公園玩，甘係咪同人差好多，？

我仔都是，一個字都未教，只識玩

作者: 260260 時間: 14-5-1 23:38 標題: 回覆：２歲就識晒所有字母同数字

依家小朋友接觸的事物，接收到的知識好多，我唔够两歲都識晒，依家2歲3個月，可以一數到一百。不過數數下都提示下！依家好多細路都甘！好普偏

作者: langnui1225 時間: 14-5-2 14:25

agree with 小曳人
小朋友叻唔叻冇得選擇, 但點樣教我都就有話事權
依家d小朋友咁多情緒問題, 好多都係我地d家長一手造成. 幾嵗人仔學一星期學10樣野, 唔好話小朋友, 我大人都未必承受到.

歡迎光臨教育王國 (/)