教育王國

標題: 問問意見: 咁既情況, 會唔會停訓練? [打印本頁]

作者: monkeydiary 時間: 14-4-26 01:20 標題: 問問意見: 咁既情況, 會唔會停訓練?

女女而家30個月, 本來比醫生話發展遲半年, 但近排有以下情況, 所以諗緊停唔停訓練好, 麻煩比d意見:
1.月頭見過CAC言語治療師做評估同學技巧, 佢雖然話女女的程度都係比其他小朋友遲半年(其實應該係無評語, 只不過經我再三追問下, 先話今次不是正式評估, 所以結果會跟返上次醫生做的結果)
2. 經我再三追問駛唔駛繼續外面的訓練下, 佢話如果有錢的話可以做, 無錢的話就不用太緊張, 因為佢覺得我女女應該在上學一年後已可追番進度(言下之意應該係話女女情況唔嚴重掛??)
3. 個次評估都比左少少建議關於點教小朋友, 佢話因為我地同女女玩時, 多數都係得我地講, 女女無咩機會講, 所以應該比多d機會佢講, 經過我地在復活節假時同女女做的訓練, 而家已經識講短句, 識用語言(單字/短句)表達需要, 無咩bb話, 識唱成首"head and shoulders, knee and toes", "春天來了" 識唱頭2句同最尾2句, 返學比老師讚講野有進步
因為上埋呢個月又要再交下期錢, 係時候諗諗繼唔繼續, 麻煩大家幫下手比d意見, thanks~~

作者: McDonna 時間: 14-4-26 06:33 標題: 引用：女女而家30個月,+本來比醫生話發展遲半年,+

原帖由 monkeydiary 於 14-04-26 發表
女女而家30個月, 本來比醫生話發展遲半年, 但近排有以下情況, 所以諗緊停唔停訓練好, 麻煩比d意見:
1.月頭 ...

俾我唔會咁輕易中斷治療，未追到嗰日都會繼續做訓練

作者: monkeydiary 時間: 14-4-26 10:30 標題: 引用：Quote:原帖由+monkeydiary+於+14-04-26+發

原帖由 McDonna 於 14-04-26 發表
俾我唔會咁輕易中斷治療，未追到嗰日都會繼續做訓練

其實復活節假的訓練係我同老公自己跟住cac的建議做的，反而由2月開始係出面做的私人訓練對女女幫助不大，唔知係咪個度成日上下又停下，有時一個月上2次，如果撞啱女女病，導師又病，真係一個月都上唔到一次，因為咁，我自己諗係咪自己教都ok呢？

作者: monkeydiary 時間: 14-4-26 10:39 標題: 回覆：問問意見: 咁既情況, 會唔會停訓練

而家女女其實係唔明一啲比較抽象的概念，例如應該講：＇你一定要帶＇，會講做∶＇你要帶＇（無左一定），問佢肚唔肚餓，可以答你唔餓，但明明前一秒鐘仲話要飲奶奶，其實你地會點教呢方面既野呢？

作者: taylortse 時間: 14-4-26 10:45 標題: 引用：Quote:原帖由+McDonna+於+14-04-26+發表俾

原帖由 monkeydiary 於 14-04-26 發表
其實復活節假的訓練係我同老公自己跟住cac的建議做的，反而由2月開始係出面做的私人訓練對女女幫助不大，唔 ...

其實真係好難講，我仔發展遲緩年半，上幼兒導師同職業，言語治療我覺得幫助唔大，因為我仔好抗拒上堂，反而我帶多左阿仔出去接觸大自然，出多左街，去公園玩，佢開心左好多，我買左好多關於上治療堂既用具同玩具，返到屋企每日同佢玩從中教佢，佢反而有進步

作者: yannietimb 時間: 14-4-26 11:11 標題: 引用：Quote:原帖由+McDonna+於+14-04-26+發表俾

原帖由 monkeydiary 於 14-04-26 發表
其實復活節假的訓練係我同老公自己跟住cac的建議做的，反而由2月開始係出面做的私人訓練對女女幫助不大，唔 ...

言語訓練係咪你們一齊睇住做？如果係，我會keep住，其實家長學習訓練技巧在家密集同小朋友訓練，絶對遠勝一個月三兩小時在外訓練

作者: monkeydiary 時間: 14-4-26 15:13 標題: 回覆：問問意見: 咁既情況, 會唔會停訓練

但其實我覺得岀去上堂學唔到咩技巧，上左5-6堂都只係學到2個技巧，而且效果都無cac教的咁明顯

作者: 手指仔 時間: 14-4-28 17:03 標題: 回覆：問問意見: 咁既情況, 會唔會停訓練

不如搵過第二間再評估啦，我個女由歲半同佢健康院睇話言語遲半年，我搵咗幾間私家同佢做評估同睇下小朋友鍾意同邊個玩，最後跟依家果個由上年十月開始上，上咗半年，三月尾時去cac見醫生講遲三個月我估係有時小朋友同訓練者玩唔玩得埋都有好大影響。。我估你唔好停訓練係搵另外一個人訓練。。

作者: monkeydiary 時間: 14-4-29 15:22 標題: 引用：不如搵過第二間再評估啦，我個女由歲半同佢

原帖由 手指仔 於 14-04-28 發表
不如搵過第二間再評估啦，我個女由歲半同佢健康院睇話言語遲半年，我搵咗幾間私家同佢做評估同睇下小朋友鍾 ...

咁有冇較好但唔好太貴的機構可推介呢？

作者: 手指仔 時間: 14-4-29 20:35

回覆 monkeydiary 的帖子

我見過幾間都係650-800

作者: choichoibb2011 時間: 14-4-30 11:03

請問CAC係咪要排期架? 我搵私家真係好貴..... $1200 評估, 上堂$900

作者: carmenkmlo 時間: 14-4-30 12:52

回覆 choichoibb2011 的帖子

CAC會安排醫務社工為小朋友申請早期或特殊教育訓練,
當然, 政府資源是要時間輪候......

為了錯過小朋黃金學習及治療時間,
我地父母趁等候期間, 也會找私人言語治療課程給小朋友!
但言語治療真是好昂貴!

作者: crystal媽咪 時間: 14-4-30 20:13

比著我唔會停, 要一年後才追返進度,呢個只係假設,如果追唔到,又或者需要更長時間呢. 小朋友每一天都在學習中.

作者: ChattyST 時間: 14-5-2 11:35

如果覺得上言語治療堂貴, 可以上家長工作坊, 言語治療技巧課程. 自己學左技巧, 番屋企訓練小朋友.
但如果小朋友跟同齡小朋友差距太大, 還是建議直接上言語治療堂.

作者: 悠悠110409 時間: 14-5-2 12:35

本帖最後由悠悠110409 於 14-7-9 16:59 編輯

回覆 monkeydiary 的帖子

..

作者: monkeydiary 時間: 14-5-2 23:45 標題: 引用：如果覺得上言語治療堂貴,+可以上家長工作坊

原帖由 ChattyST 於 14-05-02 發表
如果覺得上言語治療堂貴, 可以上家長工作坊, 言語治療技巧課程. 自己學左技巧, 番屋企訓練小朋友.
但如果 ...

終於女女今日可上番堂(因為之前一次過交左好多堂錢，而家繼續上剩餘的堂)，為左幫女女學得好啲，今堂都有問st點樣係屋企同女女做訓練，言談間我都有問st女女的程度如何，st話佢認為女女只比同齡慢3-4個月，但因為無做正式評估，所以結果不是太準確，是這樣的嗎？導師是一直跟開女女的，她不是應該可以憑經驗和專業知識作出判斷的嗎？那麽我現在應該相信st的説話嗎？定還是繼續當女女比同齡小朋友慢半年？

作者: monkeydiary 時間: 14-5-9 23:52 標題: 回覆：問問意見: 咁既情況, 會唔會停訓練

今天，又再上新一堂，收到一個令人振奮的消息，女女終於可由個別的言語訓練轉為上小組了，雖然女女想敍述事情時仍然只會用單字表達，但治療師說透過上小組可將情況改善，雖然女女有些發音仍有待改進，但治療師説女女的年紀還小，隨著年齡漸長，這些情況應該會自然而然地得到改善，否則到時再接受個別訓練也不遲，我真的非常感恩，也感謝各位一路以來所給予的意見

作者: wongvivian86 時間: 14-5-11 12:19 標題: 回覆：monkeydiary 的帖子

提示: 作者被禁止或刪除內容自動屏蔽

作者: monkeydiary 時間: 14-5-12 15:46 標題: 引用：通常要做標準化測試才能得岀語齡，即使治療

原帖由 wongvivian86 於 14-05-11 發表
通常要做標準化測試才能得岀語齡，即使治療師很有經驗，也只能roughly 告訴你遲緩了幾多個月

...

我知呀！之前已有jm話我知了

作者: monkeydiary 時間: 14-5-12 15:47 標題: 引用：通常要做標準化測試才能得岀語齡，即使治療

原帖由 wongvivian86 於 14-05-11 發表
通常要做標準化測試才能得岀語齡，即使治療師很有經驗，也只能roughly 告訴你遲緩了幾多個月

...

But anyway，thank you

作者: caravan 時間: 14-6-10 08:36

咁而家女女情況有無好一點呀?
重有冇繼續做治療???

作者: monkeydiary 時間: 14-6-11 01:48 標題: 引用：咁而家女女情況有無好一點呀?重有冇繼續做

原帖由 caravan 於 14-06-10 發表
咁而家女女情況有無好一點呀?
重有冇繼續做治療???

好左少少，而家想表達事情時識得3-4個字的短句

歡迎光臨教育王國 (/)