教育王國

標題: 灣仔小學危險位, 應該點選擇? 希望大家幫忙~~ [打印本頁]

作者: angel_laam 時間: 14-4-25 08:43 標題: 灣仔小學危險位, 應該點選擇? 希望大家幫忙~~

小兒就讀高小, 第三次成績跌左, 全級80-90名, 老師話仔仔直上自己中學好危險。我苦惱中唔知點排學校, 好怕填得唔好累左個仔。
我打算甲一乙一都填自己中學部, 其他位應該點填? 特別係乙部30間, 真係好苦惱。
如果中學部唔收番, 其他BAND 1 如華仁, 皇仁, ST. JO 我覺得基本上已經可以唔洗考慮, 填入去只係浪費位置。另外係心儀D既鄧紹堅, 中中亭亭既係鄧鏡波, 其他已經係咩好選擇, 上網睇好似好多人地都話好差, 派到就死果種, 請教各位意見….

作者: hkpapa852 時間: 14-4-25 09:37

回覆 angel_laam 的帖子

高主今年有74個直屬位, 機會都好高 (因為都係要抽, 100人左右抽74個, 仲D有人可能自行走咗, 起碼有70%機會)

但問題係, 如果去咗8X, 仲係唔係Band 1成績?

唔果唔係, 你放邊間Band 1 都無用

如果Band 1, 保險D就:

1. 高主教
2. 鄧肇堅
3. 他區Band 1 ......

如果Band 2, 就可能要:
1. 高主教
2. 鄧鏡波
3. 其它Band 2 ......

作者: 王家爸爸 時間: 14-4-25 10:01

angel_laam 發表於 14-4-25 08:43
小兒就讀高小, 第三次成績跌左, 全級80-90名, 老師話仔仔直上自己中學好危險。我苦惱中唔知點排學校, 好怕 ...

全級80-90名如果不能直上自己中學，表示好可能是B2A生。
乙一填自己中學是合理的選擇，其他你提到的B1中學不能放在乙二（否則就是浪費）。
我覺得你需要考慮的是：其他進取的B2生會如何排，我相信不少人可能放鄧肇堅在乙一，鄧鏡波在乙二。
如果是這樣的話，B2生乙二入到的機會不大，另外，鄧鏡波放乙三也不能保證能夠入到。

當然，如果你相信小朋友是B1生，選擇會是完全不同。

作者: ohnono 時間: 14-4-25 11:10 標題: 回覆：灣仔小學危險位, 應該點選擇

灣仔區band 2同學真係要小心。如果搏唔返高中，鄧放乙2又給乙1的搶晒，就算乙1搶晤晒，剩下唔太多位你都變得好危險。

作者: Rattie 時間: 14-4-25 11:57 標題: 回覆：灣仔小學危險位, 應該點選擇

邊間鄧肇堅？聖公會定係維官？
聖公會唔係b1學校咩？
高小考80-90都仲係b1學生咁高小程度好高啊
還是灣仔區d派位真係咁樂觀？？

作者: Peterpan28 時間: 14-4-25 12:36 標題: 回覆：hkpapa852 的帖子

這個排位值得參考。

作者: angel_laam 時間: 14-4-25 13:37

我唔貪心, 亦唔進取, 如果係B2學校, 只要校風好就OK, 但問題係我而家好怕跌左入B3學校。
我原意係高中係乙一, 乙二係鄧肇堅/鄧鏡波, 乙三開始已經搵唔到B2可以填既學校, 莫講話30間....
另外想問下甲二同三可以博咩學校, 有無參考?

作者: hkpapa852 時間: 14-4-25 14:28

回覆 angel_laam 的帖子

個人估計, 高小達Band 1成績學生大約40% - 50%, 咁你計下74個直屬位減咗呢班Band 1生之後剩番幾多人就係你既機會.

有人話高小上年小六有125人, 今年應該都差唔多:

假設只得1成Band 3, 即Band 3有13人:
1. 如果Band 1得4成, 咁有24個位留俾Band 2; Band 2人數約: 125 - 50 - 13 = 62, 即係有 24/62 (38%機會)
2. 如果Band 1有5成, 仲有11個位留俾Band 2; Band 2人數約: 125 - 63 - 13 = 49, 即係有 11/49(22%機會)

所以排番高主教第一都係較有保障;

其它灣仔區Band 2學校抽中機會分析:

1. 鄧肇堅維多利亞官立中學: 有43(11)個位, 因為同軒小有聯繫, 所以2間軒小Band 2生應該會放佢做首選之一. 當2間軒小小六各125人左右, 4成Band 2 (每校50人, 合共100); 估計 Band 2有8成人揀搵佢(當男女生係7:3比, 所有男生+1成女生揀佢), 約80人左右, 其中11個可以用聯繫位入, 剩番69人要同大家爭

2. 鄧鏡波書院: 72個位, 軒小Band 2學生多數唔會放佢做乙一, 咁少咗幾十人爭

3. 佛教黃鳳翎中學: 59個位, 我諗真係唔多人會揀佢做乙一二三

4. 何東: 48(21)個位, 都都係女仔著數, Band 1/Band 2選擇都多D. 同(1)一樣, 同軒小有聯繫自然多咗一班軒小女生放乙一

呢4間點排會好D? 諗清楚..... 睇落機會低, 可能仲有機 (逆向思考)

作者: angel_laam 時間: 14-4-25 15:00

回覆 hkpapa852 的帖子

佛教黃鳳翎中學好嗎, 我上網睇COMMENT話呢間唔好, 因為我真係唔太熟D學校, 都只係上網搵資料。另外何東係女校, 我個係男仔無得報。

高小今年132人, 多過上年少少, 上年125人, 最後80人派回自己中學。

作者: Rattie 時間: 14-4-25 15:16 標題: 回覆：灣仔小學危險位, 應該點選擇

高中係一定要收74個高小學生 (85%直屬位)，扣除自行/直資已離場人數，你仔係有機會入返高中。
聽聞都頗多 st joe 入唔到自己中學嘅學生揀入鄧鏡波。
鄧肇堅維多利亞就係男女校。
灣仔區的確係唔多b2學校，甲二、三會考慮東區嗎？

作者: hkpapa852 時間: 14-4-25 15:23

回覆 angel_laam 的帖子

上年80人升番高主教, 咁冇升上去果D去知唔知咗邊 (如有多少去了其它Band 1)?

上年直屬位有77個, 即係差唔多收番晒

講真, 如果真係落咗B2, 要睇有幾多叻人走咗出去 (如果知道D叻既同學自己報過邊D, 或者考過邊D, 有機會估到)

如果有20個Band 1走咗, 你有多20個直屬位係高主教, 機會率又高好多.

用番你俾既學生人數, 假設Band 3 學生比例依然係一成:
1. 如果Band 1有4成, Band 2學生有66個, 直屬位剩下俾Band 2有21個, 機會率: 21/66 (31.8%)
2. 如果Band 1有5成, Band 2學生有53個, 直屬位剩下俾Band 2有8個, 機會率: 8/53 (15.1%)

如果多咗20個直屬位(假設20個Band 1生走咗), band 2生入到既機會就變咗: 41/66 (62.1%) 或者 28/53 (52.8%)

機會高過, 已經成好高喇!

當然一切只是假設, 只供參考

作者: 已刪除用戶 時間: 14-4-25 16:10 標題: 回覆：hkpapa852 的帖子

過往去其他 Band 1 中學每年約 10 人，可以在小學部網頁看到。下一屆小學畢業有 5 班，一百五十幾人，仲頭痛!

作者: mcl203 時間: 14-4-25 16:24

直屬位唔係一定要用晒黎收直屬小學學生....要睇中學既決定

我估...部份中學係取決於佢地估計有幾多Band 1生...再加條保險線去確保能盡收自己小學既Band 1生, 即係有d位最終俾左 Band 2生...多少Band 2生就睇該直屬中學意向....越多Band 2位越大影向Banding...因靠抽既可能收既係Band 2C

見過幾個例子(唔係高主教)...Band 2頭又品行好....就算抽唔到...叩門都收番...樓主兒子排8X...應大機會~~~

作者: hkpapa852 時間: 14-4-25 16:37

回覆 mcl203 的帖子

直屬位唔係一定要用晒黎收直屬小學學生....要睇中學既決定

官津中學沒有決定權, 直屬預留位一定要用嚟收番直屬中學Band 1和Band 2學生 (唯一例外係Band 3可以唔收, 或者留幾個做叩門位)

作者: mcl203 時間: 14-4-25 16:41

本帖最後由 mcl203 於 14-4-25 16:45 編輯

hkpapa852 發表於 14-4-25 16:37
回覆 mcl203 的帖子

直屬位唔係一定要用晒黎收直屬小學學生....要睇中學既決定

我又理解錯.....如收10%違例 ??

**********************************************************

經扣除重讀生及自行分配學位後，在統一派位階段，直屬中學可為其直屬小學

最多保留餘額85%的學位

http://www.edb.gov.hk/attachment/tc/edu-system/primary-secondary/spa-systems/secondary-spa/general-info/SecSch_TC_2014_web.pdf

作者: mcl203 時間: 14-4-25 16:43

本帖最後由 mcl203 於 14-4-25 16:44 編輯

hkpapa852 發表於 14-4-25 16:37
回覆 mcl203 的帖子

直屬位唔係一定要用晒黎收直屬小學學生....要睇中學既決定

我理解Band 3都得...只係會唔會咁做 ~~~

********************************************************

如學校選擇取錄學校網第

三派位組別的學生，則該組別的學生亦符合資格。

http://www.edb.gov.hk/attachment/tc/edu-system/primary-secondary/spa-systems/secondary-spa/general-info/SecSch_TC_2014_web.pdf

作者: hkpapa852 時間: 14-4-25 16:46

本帖最後由 hkpapa852 於 14-4-25 16:50 編輯

回覆 mcl203 的帖子

你理解無錯, 但不過學校要係教育局發出統一派位資料前同教育局落實咗有幾多保留位先

好似依家高主教話咗有74個保留位, 就一定要收番74個, 唔係依家先話收少過74個

作者: mcl203 時間: 14-4-25 16:57

本帖最後由 mcl203 於 14-4-25 17:35 編輯

hkpapa852 發表於 14-4-25 16:46
回覆 mcl203 的帖子

你理解無錯, 但不過學校係要係過教育局發出統一派位資料前同教育局落實咗先

所以...我米估中學會自行決定收生人數....佢地d料基本上係最準...要知小5都可以拿取

同教統局落實要幾多位...係用於教統局派位而已

如果...班小學生唔夠程度...大部份係Band 2...我估...中學長遠未必肯收....校長份工都難保

當然...我都係係EK取料....意見只係估估下~~~

作者: ohnono 時間: 14-4-25 17:06 標題: 回覆：灣仔小學危險位, 應該點選擇

真係唔明咁點解樓主老師話要入返原校會好危險？

作者: mcl203 時間: 14-4-25 17:34

個人理解...坊間所報既直屬位係計出黎...並非確認數字

如係確認數字....我地就不用估估下...睇下自己仔女排第幾已略知形勢....唔夠分俾自己仔女就叫佢勤力d...搶前d就穩陣~~~

作者: angel_laam 時間: 14-4-25 17:36

http://rcps.raimondi.edu.hk/Seco ... ation%20Result%2020 13.html

上年既派位結果, 因為我個仔頭兩次呈分名次係60-70, 第3次DROP左去到80-90名, 我無同距報直資, 一心打算入番中學部, 而家真係好亂, 距學校之前成績比距差既同學入左直資英中, 好占距既直升OR考更好, 我個仔而家真係兩頭唔到岸。

作者: mcl203 時間: 14-4-25 17:46

angel_laam 發表於 14-4-25 17:36
http://rcps.raimondi.edu.hk/Secondary%20School%20Allocation%20Result%2020 13.html

上年既派位結果, ...

樓主情況...正正係讀B1直屬小學既家長煩惱....一般家長較難明白

好過現有...人地未必收....差過現有...自己唔上去....只可以揀現有....又要去爭....選擇唔多...無奈~~~

作者: angel_laam 時間: 14-4-25 17:52

本帖最後由 angel_laam 於 14-4-25 18:15 編輯

http://rcps.raimondi.edu.hk/Seco ... 0Result%202013.html

作者: angel_laam 時間: 14-4-25 18:28

回覆 Rattie 的帖子

甲二甲三東區有咩建議?其區分我無咩所謂

作者: ohnono 時間: 14-4-25 18:33

angel_laam 發表於 14-4-25 17:52
http://rcps.raimondi.edu.hk/Secondary%20School%20Allocation%20Result%202013.html

好多謝你附上的資料。
睇完之後發現好奇怪的地方，竟然一個入鄧鏡波的同學都沒有，又一個入維官都沒有。情況可能跟我們EK專家的分析有出入。睇黎你老師不但好負責任教書，還清楚知道派位的情況！

作者: angel_laam 時間: 14-4-25 19:22

所以派出黎唔係B1就B3，好擔心

作者: cheukwing88 時間: 14-4-25 20:00

ohnono 發表於 14-4-25 18:33
好多謝你附上的資料。
睇完之後發現好奇怪的地方，竟然一個入鄧鏡波的同學都沒有，又一個入維官都沒有。情 ...

另一奇怪的地方是band1生離場率偏低，20%左右。高小有80人入高中，但保學位只得74個，假設3個由自行位收，3個由留班位收。高小有26個學生考入其他band1學校，包括直資spcc，相信大部份在自行階段收咗，離埸率為23%(29/125)。有可能其他學校，如聖約瑟小，離埸率會低!

作者: ohnono 時間: 14-4-25 22:04

ohnono 發表於 14-4-25 18:33
好多謝你附上的資料。
睇完之後發現好奇怪的地方，竟然一個入鄧鏡波的同學都沒有，又一個入維官都沒有。情 ...

雖然我並不是甚麼EK或者升學的專家，但我會跟據老師給與的提示來作研究。同時，我都覺得灣仔對男同學來說真的好像許文強時代的那個上海灘！
睇返樓主附上的列表，高小的情況會有兩個情形。一係band 1生比率好高，band 2、3生的比率低。一但直屬位收晒band 1、2生，餘下的就只有band 3生。所以高小的派位情況是集中在高中和直資的spc，其餘就是band 3或者他區的band 2、3生。

而且有11個同學去SPC，只反映出校內對banding的公佈是比較謹慎或者索性含糊其詞算了。做成一些邊緣同學對直上高中有存疑，一但最後跌落band 2，連升都有冇得升重弊。

如果有廿零個band 2，有十零廿個band 3，其餘全部band 1，都算合理掛！

另一個情形係，band 1加band 2就係得100個左右(今年升中人口和banding的排列可能會做成有變化)，其餘就是band 3生。而最危險的情況就在這裡，就是樓主的兒子係band2、 3的邊緣同學。因為自行離場和樓主兒子三次呈分的差異都幾大，可能老師是暗示有機會是band 2，亦有機會是band 3，所以要抽入高中都係有某程度的危險。而這危險不是灣仔區的band 1、2位問題，而是同學自己的banding問題。

作者: ohnono 時間: 14-4-25 22:12

cheukwing88 發表於 14-4-25 20:00
另一奇怪的地方是band1生離場率偏低，20%左右。高小有80人入高中，但保學位只得74個，假設3個由自行位收，3 ...

上年高中的直屬位係有77個再加3個他區的非保留位，總數是剛好80個。
此外，高小的離場率高過軒小、華仁、聖若瑟小並不出奇。高中只是band 1C學校，對高小的band 1A、B同學來說，吸引力不大，有機會更係想試下自行時向外發展。奈何高小的派位情況只是集中在皇仁、英皇和聖言等的三幾位同學。可能高小的程度真的不算太高，從而推算高小的band 1比率只是非常普通。

作者: angel_laam 時間: 14-4-25 22:14

我覺得仔仔唔會係B3

作者: Rattie 時間: 14-4-25 22:16 標題: 回覆：cheukwing88 的帖子

舊年高中每班36人，直屬位有79個。
今年34人一班，直屬位就得返74個。
灣仔區嘅直屬小學大部分學生願意跳出去好多係想更上層樓，但選擇唔多來來去去嗰d學校，大家都係爭同一個 pool，競爭好大。咁仲有d係一心一意升自己中學，自行階段20%其實都係唔算低。

作者: angel_laam 時間: 14-4-25 22:21

其實大家D分咬得好緊，所以名次好似過山車。仔仔我覺得差極都有B2

作者: Rattie 時間: 14-4-25 22:25 標題: 引用：我覺得仔仔唔會係B3

原帖由 angel_laam 於 14-04-25 發表
我覺得仔仔唔會係B3

仔仔唔會係b3咁甲二、三漏空罷了，否則連乙一直屬位都冇機會抽。
佢只係第三次失手，拉勻應該排名高返d喎，定還係三次拉勻係80-90？分別好大。
樓上有家長話叩門都有機會，唔使咁灰住。

作者: ohnono 時間: 14-4-25 22:34

angel_laam 發表於 14-4-25 22:14
我覺得仔仔唔會係B3

你要跟老師商量，佢地唔會淨係識教書嘅。請教他們有甚麼選校的意見。一定要知甚麼banding才可以選校，佢地可以幫到你，並非我們、你們覺得係定唔係就可以。

作者: cheukwing88 時間: 14-4-25 22:35

angel_laam 發表於 14-4-25 19:22
所以派出黎唔係B1就B3，好擔心

如果你的小朋友是Ｂ2生，有機會可以入高中(用直屬保留學位)。最差也可以入B2學校，因為灣仔區的B3學位只得143個，而B3的學生可能有約400個。即使是B3生，也有一半多機會可入B2，所以不用擔心‧。

作者: angel_laam 時間: 14-4-25 22:52

真係覺得好辛苦，自己都唔知為乜，呈分呢段日子真係好攰，其實我唔一定要距入B1學校，只要校風好個仔唔好學壞就ok,讀唔讀得成書等距自己開口竅

作者: Rattie 時間: 14-4-25 23:00 標題: 回覆：灣仔小學危險位, 應該點選擇

高小我唔知，但直屬小學一般多數係資訊少，成績表唔高分好多得個 grade 冇名次冇分數，連品行都唔係咁易攞A。老師有幾幫忙？有d連 banding、名次都唔肯透露。

作者: angel_laam 時間: 14-4-25 23:16

回覆 cheukwing88 的帖子

灣仔區有邊幾間係B2? 我覺得唔係B1就係B3，中間好似斷層甘

作者: ohnono 時間: 14-4-25 23:24

Rattie 發表於 14-4-25 23:00
高小我唔知，但直屬小學一般多數係資訊少，成績表唔高分好多得個 grade 冇名次冇分數，連品行都唔係咁易攞A ...

Band 1嗰d多數唔講，講左驚你走。所以就算band 1頭都好難確定。
Band 2嗰d如果係直屬位數量以內的，都唔會講。就當係band 1。費事其他名次較差的又擺隻腳埋黎，攪到收到dband 2中、尾的同學，還會因此而cut英文班。

Band 2如果係直屬位數量以外的，就要衡量有幾多band 1同學會走，大約加番d數量落去。之後嗰d就應該要講，因為人家唔阻住你直屬中學發達，但都要選校架，唔知banding點選校呢？除非你教我選邊幾間學校囉。

Band 3同樣要選外面的學校，所以學校都要一係講banding，一係教我點選校。

而家高小的情形，我睇係好似一入唔到高中，全部多數要選一係本區的band 3，一係就他區的band 2、3。

作者: Rattie 時間: 14-4-26 00:01 標題: 引用：Quote:Rattie+發表於+14-4-25+23:00+高小我

原帖由 ohnono 於 14-04-25 發表
Band 1嗰d多數唔講，講左驚你走。所以就算band 1頭都好難確定。
Band 2嗰d如果係直屬位數量以內的，都唔會 ...

如果係直屬位以外的老師會奉勸揀低 band d 嘅學校，會話係對同學好，唔使讀得咁辛苦。但苦讀6年，臨門一腳撻Q，有dd機會我都搏一搏先啦。大班同學一起升，開心好多。
灣仔b2學校得嗰三幾間，他區位又少，分分鐘就跌落b3。
高小升中唔係b1就b3，最近的理由就係高中可以收哂高小嘅 b1＆2 嘅學生。

作者: ohnono 時間: 14-4-26 00:14

Rattie 發表於 14-4-26 00:01
最近的理由就係高中可以收哂高小嘅 b1＆2 嘅學生。

這個就是重點。如果係band 2嘅同學，咁點解老師重話直上高中有點危險呢？就算有20個位給band 2生去抽，都應該讓同學去抽，對嗎？人家九龍城區四間官小，都係得17個伊中的聯繫位去抽，我諗嗰四間官小的老師都唔會跟大家講去抽伊中你地有d危險喎！

作者: angel_laam 時間: 14-4-26 07:42

老師話危險係話升高中機會—半,距都唔敢講。距亦知道我個仔原校升唔上高小就要小心選校,鄧紹堅,鄧鏡波,香港仔工業放後面，之後我唔知點放,個仔其實英數常成績keep住唔錯,一直係中文拖到名次好後,如果由英小上中中就要由頭適應，我怕距到時無心機

作者: angel_laam 時間: 14-4-26 07:45

想問下各位媽媽，如果放榜升唔上,叩門都唔收,知唔知有無D二線直資機會大D可以叩門

作者: elbar 時間: 14-4-26 08:13 標題: 引用：老師話危險係話升高中機會—半,距都唔敢講

原帖由 angel_laam 於 14-04-26 發表
老師話危險係話升高中機會—半,距都唔敢講。距亦知道我個仔原校升唔上高小就要小心選校,鄧紹堅,鄧鏡波,香港 ...

升高中機會—半

作者: angel_laam 時間: 14-4-26 08:31

老師都係睇數字，距似保守估計，我覺得係應該甘，最終得唔得睇彩數

作者: angel_laam 時間: 14-4-26 08:39

其實高小老師眞係幾好，距地好有心去教小朋友，我就係想搵番呢D學校。無分精英，重視所有小朋友，唔乖既小朋友距地真係會成日對住講道理，其實教做人仲重要過教知識

作者: tutorwant 時間: 14-4-26 10:59 標題: 引用：老師話危險係話升高中機會—半,距都唔敢講

原帖由 angel_laam 於 14-04-26 發表
老師話危險係話升高中機會—半,距都唔敢講。距亦知道我個仔原校升唔上高小就要小心選校,鄧紹堅,鄧鏡波,香港 ...

感同身受，但我個係女，老師又係話一半半機會升直屬，我捻四主科八十幾分都話一半半機會，咁到底係我個女渣，定係D同學太勁。

作者: angel_laam 時間: 14-4-26 11:50

我假設個仔係B2學生,我乙1放自己中學,乙2開始就放幾間B2,跟住就開始填校風好D既B3，唔填B1學校，甘做正確嗎?
好D既B3大家有無推薦？

作者: Rattie 時間: 14-4-26 12:12 標題: 引用：老師話危險係話升高中機會—半,距都唔敢講

原帖由 angel_laam 於 14-04-26 發表
老師話危險係話升高中機會—半,距都唔敢講。距亦知道我個仔原校升唔上高小就要小心選校,鄧紹堅,鄧鏡波,香港 ...

其實依家好多中中都有英文班，考好d個分班試就得。

二線直資，我有朋友仔早年係派得唔好叩入播道，另外朋友女就驚入唔返直屬考港同 waiting，放榜前個女寫信比校長结果收咗。不過今年情況可能未必一樣。

作者: cheukwing88 時間: 14-4-27 09:01

angel_laam 發表於 14-4-26 11:50
我假設個仔係B2學生,我乙1放自己中學,乙2開始就放幾間B2,跟住就開始填校風好D既B3，唔填B1學校，甘做正確嗎 ...

灣仔區有很多直屬中學會收其直屬小學部份band2生，這對非直屬band1生不利，但對非直屬及直屬Band2生有利。灣仔區band2小六生約420人（1243／3），估計有多過150小六band2生會入其直屬band1中學，剩下band2生約270人。灣仔區乙部band2學額有361個，因沒有直屬band2中學，應該足夠派給剩下的band2生。這純粹個人的估計，只供參考。

作者: tutorwant 時間: 14-4-28 01:05 標題: 引用：高小我唔知，但直屬小學一般多數係資訊少，

原帖由 Rattie 於 14-04-25 發表
高小我唔知，但直屬小學一般多數係資訊少，成績表唔高分好多得個 grade 冇名次冇分數，連品行都唔係咁易攞A ...

完全講曬我想講概野。

作者: cheukwing88 時間: 14-4-28 11:01

angel_laam 發表於 14-4-26 07:42
老師話危險係話升高中機會—半,距都唔敢講。距亦知道我個仔原校升唔上高小就要小心選校,鄧紹堅,鄧鏡波,香港 ...

根據高小上年派位情況，高小無人派b2a&b2b的中學，很大機會高中收80個高小生，已收所有高小b1及b2生，剩下只有b3生，而b3生可能有一兩個幸運入b2c，因為灣仔區有b2位剩。高小老師話你小朋友升高中機會—半，可能你小朋友是b2c與b3a之間，所以你選校要詢問高小老師的意見。

作者: hkpapa852 時間: 14-4-28 11:51

回覆 cheukwing88 的帖子

高小上年小六有125人, 如果直升唔到全部係Band 3, 咁高小既Band 3率好高喎 (45/125 = 36%) ...... 唔好亂咁講, 派唔到Band 2唔代表無Band 2生, 可能只係自行走咗或者考咗直資私校, 又或者Band 2生唔好彩派咗Band 3學校

作者: cheukwing88 時間: 14-4-28 12:51

hkpapa852 發表於 14-4-28 11:51
回覆 cheukwing88 的帖子

高小上年小六有125人, 如果直升唔到全部係Band 3, 咁高小既Band 3率好高喎 (45/1 ...

我上面講的是高小在統一乙部的情況，未包括自行收生情況。

作者: cheukwing88 時間: 14-4-28 13:02

整間高小來分析，小六生有125人，估計自行離場約26人，剩下99人。高中收80個高小生，已包括所有b1生及b2生。最後剩下19人可能是b3生。
http://rcps.raimondi.edu.hk/Seco ... 0Result%202013.html

作者: angel_laam 時間: 14-4-28 13:27

個人認為B3生唔多, 主要係因為選校策略問題, 基本上估錯自己BANDING放晒D BAND1學校係前面已經可以死得好慘。我已經交左表, 我當仔仔BAND2生甘填, 希望無錯啦。

作者: ohnono 時間: 14-4-28 13:38

cheukwing88 發表於 14-4-28 13:02
整間高小來分析，小六生有125人，估計自行離場約26人，剩下99人。高中收80個高小生，已包括所有b1生及b2生 ...

雖未必係全中，但分析得有道理。最重要一點banding的分配是全個區去排成績，所以有些學校可以有6、70%band 1同學，當然亦會有學校是非常低的band 1比率。Band 2、3的情況也一樣，唔排過都唔知，很難話邊間小學咁多band 2定band 3。灣仔區內的女校又特別多，小學時期的女孩一般都較男生早熟，男同學要搶一點band 1和band 2位都唔容易，而且區內又有華仁、St Joe小等學校，再加上兩間軒小，高小的同學都幾大壓力！

作者: khmama 時間: 14-4-28 14:13 標題: 引用：整間高小來分析，小六生有125人，估計自行

原帖由 cheukwing88 於 14-04-28 發表
整間高小來分析，小六生有125人，估計自行離場約26人，剩下99人。高中收80個高小生，已包括所有b1生及b2生 ...

真有趣，1st choice有近80%而2nd choice命中率係0%

作者: hkpapa852 時間: 14-4-28 14:25

khmama 發表於 14-4-28 14:13
真有趣，1st choice有近80%而2nd choice命中率係0%

好明顯, 高小無谷"首3志願比率"既意願...... 但另一角度睇, 學校係咪冇同家長研抽獎排位, 如果唔係真係好難諗得明只得第一志願命中率高(因為直屬).....

作者: 恒心 時間: 14-4-28 17:12

高小的BAND 3 率真係幾低喎!
以上年嘅派位來看, 樓主應是BAND 2, 老師咁講, 會唔會係今年少人簽直資, 點解唔問下老師有幾多同學簽左直資, 學校實知架! 咁你咪易計D咯.

作者: angel_laam 時間: 14-4-28 17:43

可能我個仔對中黎講係鷄肋,距地正常都唔會叫我個仔唔好揀中學部，始終有D私心

作者: angel_laam 時間: 14-4-28 17:47

想有一定質素的學生做後備

作者: mcl203 時間: 14-4-28 18:28

本帖最後由 mcl203 於 14-4-28 18:34 編輯

angel_laam 發表於 14-4-28 13:27
個人認為B3生唔多, 主要係因為選校策略問題, 基本上估錯自己BANDING放晒D BAND1學校係前面已經可以死得好慘 ...

我覺得當B2去填應是正確的
如果只係想入直屬中學...假設係B1生...乙1一定已有份
若係B2生...乙1抽完唔中既...乙2已行B2策略一定無蝕底
就算係B1生(只係想入直屬中學)..當B2去填都無錯...夠晒穩陣...錯Banding與否亳無關係 ~~~

作者: Rattie 時間: 14-4-28 19:18 標題: 回覆：灣仔小學危險位, 應該點選擇

希望小朋友無驚無險直升高中，派位日上嚟報喜。

作者: khmama 時間: 14-4-28 22:52

本帖最後由 khmama 於 14-4-28 23:47 編輯

angel_laam 發表於 14-4-25 08:43
小兒就讀高小, 第三次成績跌左, 全級80-90名, 老師話仔仔直上自己中學好危險。我苦惱中唔知點排學校, 好怕 ...

分析高小上年派位, 嘗試估計分佈如下. 假如冇估錯, 樓主考80-90應係band2, 能否抽入高中視乎直資離場及自行成功人數. 你乙一高中仍大有機會, 乙二漢華, 乙三李潤田, 乙四張振興, 乙五鄧鏡波, 乙六維多利亞, 乙七黃鳳翎包底.

自行離場:
11個 SPC
2個St. Stephen's College
2個SPCC
1個德信
1個港青基信
1個自行QC (抽獎QC), 派QC (計入1st choice)
1個自行King's (抽獎高中), 派King's
1個自行聖言 (抽獎高中), 派聖言
1個自行/甲部荃灣聖芳濟, 派荃灣聖芳濟
共20人other choice, 16%

1st choice -
1個band1抽QC
86個band1及band2填高中 (不計兩個自行入King's & 聖言), 其中3人自行高中已收, 77人抽聯繫位, 6人抽唔到跌入 2nd choice
18個band2c-3根據頭中尾選下列中學:
- 嶺南
- 黃鳳翎
- 梁銶琚
- 蘇浙 (5人)
- 玫瑰崗
- 桂華山
- 培英
- 李福慶
共99人1st choice入, 79.2%

2nd choice
- 6人抽不到高中, 而2nd choice填鄧鏡波/維多利亞, 無人抽中, 趺入3rd choice.
共0人2nd choice入, 0%

3rd choice入以下band2:
- 漢華 (1人)
- 李潤田
- 張振興
共6人3rd choice入, 4.8%

作者: angel_laam 時間: 14-4-29 00:31

回覆 khmama 的帖子

多謝詳盡分析，今日已經交表，我將B2放前，連埋band3頭學校，我只填了十幾間已經無得填我相信高小今年開始會派好D，因為今年小六第一年男女校，雖然全級只有十幾個女仔，但都考較前，可以試考其他更top女校

作者: khmama 時間: 14-4-29 00:45 標題: 引用：回覆+khmama+的帖子多謝詳盡分析，今日已

原帖由 angel_laam 於 14-04-29 發表
回覆 khmama 的帖子

多謝詳盡分析，今日已經交表，我將B2放前，連埋band3頭學校，我只填了十幾間已經無得 ...

原來上年仍是男校，可以證明鄧鏡波放第二已無位。

作者: khmama 時間: 14-4-29 00:51 標題: 引用：Quote:khmama+發表於+14-4-28+14:13+真有趣

原帖由 hkpapa852 於 14-04-28 發表
好明顯, 高小無谷"首3志願比率"既意願...... 但另一角度睇, 學校係咪冇同家長研抽獎排位, 如果唔係真係好難 ...

剛好相反，學校有谷首志願，而唔係首三志願，首志願居然band3a/b/c都有，實在有違常理，向好方面想就3a生揀3a, 3b揀3b,3c揀3c. 亦有可能2c揀3a,3a揀3b,3b揀3c, 所以唔計抽高中學生，命中率可達100%.

作者: ha8mo 時間: 14-4-29 09:07

提示: 作者被禁止或刪除內容自動屏蔽

作者: angel_laam 時間: 14-4-29 10:20

80-90,唔知前中後

作者: Jackieson 時間: 14-4-29 10:32

angel_laam 發表於 14-4-29 10:20
80-90,唔知前中後

即使80-90, 過往3年入高中的機會都頗大, 加上今年有考得前的女生, 相信你囝囝入高中的機會更高, 希望順利入讀高中啦.

作者: Rattie 時間: 14-4-29 11:55 標題: 回覆：灣仔小學危險位, 應該點選擇

請問點解高小嘅女生唔想升高中，如果只係想睇高一線，咁男、女生都冇分別㗎

作者: hkpapa852 時間: 14-4-29 12:03

回覆 Rattie 的帖子

因為高中(高主教書院)係男校, 女生想入都唔得囉

作者: Rattie 時間: 14-4-29 12:06 標題: 回覆：灣仔小學危險位, 應該點選擇

高中當然係男女校，請睇清楚

作者: NWO002 時間: 14-4-29 12:16

回覆 hkpapa852 的帖子

高中係男女校

作者: zitaeric 時間: 14-4-29 12:23 標題: 引用：請問點解高小嘅女生唔想升高中，如果只係想

原帖由 Rattie 於 14-04-29 發表
請問點解高小嘅女生唔想升高中，如果只係想睇高一線，咁男、女生都冇分別㗎

...

1) 知有哥哥在高中，部份家長都意願個女女跟上。

2）心理上，仍覺高中是男校，應仍是男多女少，去過高中一兩次，感覺為女仔設施一般。
3）上中学不同小學，好多会揀純齋校。
4）好的女校中西、湾仔区有很多。
5）成績好，一定想更上一層樓。

作者: angel_laam 時間: 14-4-29 12:43

印象中早一年同女生的家長傾過，有兩個媽咪同我講偏向想幫女女揀top d女校或男女比例無甘失衡的中學,因為呢屆小六女仔仲係好少

作者: mcl203 時間: 14-4-29 13:57

本帖最後由 mcl203 於 14-4-29 13:59 編輯

Rattie 發表於 14-4-29 11:55
請問點解高小嘅女生唔想升高中，如果只係想睇高一線，咁男、女生都冇分別㗎
...

讀下讀下...始終返回男多女少想法....一年走d走d...變成更多男更少女~~~

作者: kachunpapa 時間: 14-5-20 10:49

未知除了高小的女生, 其他中西區的女生會否選擇高中?

作者: Sindy 時間: 14-5-20 22:27

kachunpapa 發表於 14-5-20 10:49
未知除了高小的女生, 其他中西區的女生會否選擇高中?

高中第二年收女仔, 自行時, 已經有不少B2女仔黎, 心想入唔到TOP女校, 呢間都係唔錯選擇丫麻, 所以如係高小B2女仔, 應該會揀返自己學校

作者: Sindy 時間: 14-5-20 22:28

各位高人, 軒小Ｂ２男仔又點睇呢?

作者: Rattie 時間: 14-6-2 14:41 標題: 引用：各位高人,+軒小Ｂ２男仔又點睇呢?

原帖由 Sindy 於 14-05-20 發表
各位高人, 軒小Ｂ２男仔又點睇呢?

我唔係高人，我會揀金文泰，希望一擊即中

作者: Charlotte_mom 時間: 14-6-2 14:52 標題: 引用：各位高人,+軒小Ｂ２男仔又點睇呢?

原帖由 Sindy 於 14-05-20 發表
各位高人, 軒小Ｂ２男仔又點睇呢?

老師話band two? 幾年前朋友個仔，軒上第一次6x第二次9x，老師叫揀band two，朋友揀金文泰得左

作者: 王家爸爸 時間: 14-6-2 16:26

Rattie 發表於 14-6-2 14:41
我唔係高人，我會揀金文泰，希望一擊即中

乙一金文泰，高主教或者鄧肇堅
乙二鄧鏡波或者維多利亞

作者: Sindy 時間: 14-6-2 17:53

謝謝Rattie, Charlotte_mom, 王家爸爸... 而家都未知band幾, 考完呢次試大概有個譜再決定點揀... 直資又有咩可以考慮呢? 聖士提反赤柱如何? 唔想去咁遠, 仲有咩選擇? 行山路入去始終擔心...如過海去九龍都OK

作者: ernestchow 時間: 14-6-2 19:32

Sindy 發表於 14-6-2 17:53
謝謝Rattie, Charlotte_mom, 王家爸爸... 而家都未知band幾, 考完呢次試大概有個譜再決定點揀... 直資又有 ...

你可以所有直資都試下考,港大同學會.中華基金.spc.顏寶玲都試下

作者: 王家爸爸 時間: 14-6-2 20:01

ernestchow 發表於 14-6-2 19:32
你可以所有直資都試下考,港大同學會.中華基金.spc.顏寶玲都試下

如果你不介意有中國背景，其實中華基金是不錯的B1尾/ B2頭選擇，我個人覺得中華基金特別適合熱愛科學研究的學生（尤其是男孩子）。
我也喜歡
SPC，他們的學生很有禮貌，比較活躍的，有自信心。SPC校長的離開是一個變數。

作者: talent2000 時間: 14-6-2 20:03

提示: 作者被禁止或刪除內容自動屏蔽

作者: Sindy 時間: 14-6-2 21:08

talent2000 發表於 14-6-2 20:03
當年高主教係放棄無填入表

其實高主教我女之前都考過, 但係佢b2, 考唔到.. 佢自行係咪收band1多呢?謝謝

作者: talent2000 時間: 14-6-2 22:13

提示: 作者被禁止或刪除內容自動屏蔽

作者: ernestchow 時間: 14-6-2 22:45

Sindy 發表於 14-6-2 21:08
其實高主教我女之前都考過, 但係佢b2, 考唔到.. 佢自行係咪收band1多呢?謝謝

高主教中學好似今年先有男女,你女今年考?

作者: Sindy 時間: 14-6-2 22:49

ernestchow 發表於 14-6-2 22:45
高主教中學好似今年先有男女,你女今年考?

早幾年已經有了..

作者: Rattie 時間: 14-6-4 18:32 標題: 引用：Quote:Rattie+發表於+14-6-2+14:41+我唔係

原帖由 王家爸爸 於 14-06-02 發表
乙一金文泰，高主教或者鄧肇堅
乙二鄧鏡波或者維多利亞

乙一金文泰
乙二维官
我會揀聯繫中學，條隊少d人爭，不是嗎？

作者: Rattie 時間: 14-6-4 18:39 標題: 引用：謝謝Rattie,+Charlotte_mom,+王家爸爸...+

原帖由 Sindy 於 14-06-02 發表
謝謝Rattie, Charlotte_mom, 王家爸爸... 而家都未知band幾, 考完呢次試大概有個譜再決定點揀... 直資又有 ...

九龍有滙基，播道，兩間我都覺得幾好

作者: Sindy 時間: 14-6-4 18:41

今年金文泰得九個位.. 都唔知點算好

作者: 王家爸爸 時間: 14-6-4 20:50

Sindy 發表於 14-6-4 18:41
今年金文泰得九個位.. 都唔知點算好

九個位？灣仔區應有7個聯繫位加3個非保留位。

作者: mylee6 時間: 14-6-11 14:16 標題: 回覆：王家爸爸的帖子

請教各位前輩，那裏可找到各區中學B1學位數目及小學B1學生數目?
我心儀九龍城網，但阿仔將入讀SFA，應否爭取入番九龍城網的小學?

作者: aerogeo 時間: 14-6-26 21:50 標題: 回覆：灣仔小學危險位, 應該點選擇

本人見到這個post好驚，應該選華小然後6年係玩這個遊戲定選Paul Boys一條龍玩足12年好？Please advise.

作者: 王家爸爸 時間: 14-6-26 22:31

aerogeo 發表於 14-6-26 21:50
本人見到這個post好驚，應該選華小然後6年係玩這個遊戲定選Paul Boys一條龍玩足12年好？Please advise.

...

住在哪裡？灣仔選擇華仁小學，西區選擇SPC小學。
六年後考前三，博SPCC或DBS。考80前原校升中，考80後轉到鄧鏡波。

作者: aerogeo 時間: 14-6-26 23:26 標題: 回覆：王家爸爸的帖子

Thanks. 灣仔. 但是也擔心。Paul Boys似乎有粒12年的大還藥.

歡迎光臨教育王國 (/)