教育王國

標題: 行為問題 [打印本頁]

作者: 廷廷媽 時間: 14-4-22 10:22 標題: 行為問題

之前我懷疑阿仔有過度活躍, 學校幾個老師做過問卷話應該唔係, 反而似係資優, 我仔最大問題係EQ好差, 好易發脾氣, 唔鍾意輸, 一輸就發爛渣, 搞到同年紀既小朋友都唔鍾意同佢玩, 杯葛佢, 我怕繼續咁樣好影響佢社交, 想問下點可以做一D控制EQ既治療?

作者: HappyCheerBaby 時間: 14-4-22 17:40

回覆廷廷媽的帖子

有關你阿仔行為問題，我有朋友既細仔好似你阿仔情況，佢宜家讀地神校一年級，我朋友好怕帶佢出街，阿仔好high，攪亂鋪頭佈置、大叫大喊、周圍攪亂打人，佢同阿媽玩對抗。後來，我朋友揾遊戲治療師見阿仔，幾堂後阿仔純咗，出街好咗，冇再大叫冇打人，易合作。我pm資料俾你。

作者: 小曳人 時間: 14-4-22 22:36

係呀，可以試試遊戲治療
另外可以留意資優支緩嘅情緒小組，小童群益會同資優教學學院都有搞

作者: joanthony 時間: 14-4-22 22:38 標題: 引用：回覆+廷廷媽+的帖子有關你阿仔行為問題，

提示: 作者被禁止或刪除內容自動屏蔽

作者: piggylily 時間: 14-4-23 01:10 標題: 回覆：行為問題

Can you pm me please?

作者: maggieddie 時間: 14-4-23 08:25 標題: 回覆：行為問題

and pm me pls!

作者: mimi1102 時間: 14-4-23 09:36

你好呀!

我囡依家兩歲半, 應該唔係資優, 但佢有情緒問題, EQ 好低, 近乎零, 我都想知多D 遊戲治療的資料, 可否PM 我? 謝謝!

作者: Radiomama 時間: 14-4-23 13:51 標題: 回覆：mimi1102 的帖子

2歲半？！這年紀的幼兒當然不穩定，容易扭計。建議做父母的先學習了解自己的小朋友，如有問題應先請教母嬰健康院的護士。

作者: mimi1102 時間: 14-4-23 14:43

Radiomama 發表於 14-4-23 13:51
2歲半？！這年紀的幼兒當然不穩定，容易扭計。建議做父母的先學習了解自己的小朋友，如有問題應先請教母嬰 ...

我其實仲有個大囡, 佢冇依種情緒問題, 當佢係幼兒時, 可以用乖黎形容, 但妹妹情緒就波動好大, 做天使時可以好乖, 但做魔鬼時係人都怕左佢, 半夜放大喉嚨喊個幾兩個鐘都得, 性格又好急, 唔啱佢心意就發脾氣.
佢平時理解力好高, 試過同佢解釋應該要點點點, 但佢唔聽, 依家有時我會叫佢唔好扭, 有禮貌地同我地講佢需要D 咩野, 再加句 "PLEASE", 係有改善到, 但我仍然希望可以搵其他方法, 改善佢EQ 的問題.

作者: Radiomama 時間: 14-4-24 11:54

回覆 mimi1102 的帖子

大女易湊，顯得細女有性格吧。這情況好平常，不要太快標籤細女。

作者: Capricorn2521 時間: 14-4-26 15:20 標題: 回覆：Radiomama 的帖子

同意，每人脾性都吾同。

歡迎光臨教育王國 (/)