教育王國

標題: 奇異興趣...應否禁止...要如何做? [打印本頁]

作者: derek0811 時間: 14-4-16 22:24 標題: 奇異興趣...應否禁止...要如何做?

本帖最後由 derek0811 於 14-4-16 22:29 編輯

奇異興趣...應否禁止...要如何做?
仔仔好鍾意巴士路線, 極度沉迷, 屬於奇異興趣, 不去看或不去研究便會不舒服(有點像人家濫藥/吸毒般...-_-!).
他滿腦子是巴士, 日日寫巴士路線, 已寫乾了好多枝原子筆(但練了一手漂亮的好字-_-!).....

最近仲學識了用手機上網找巴士資料.....我們不讓他看, 因手機字太細,傷眼, 他便苦苦哀求我們打印出來給他看, 他可以看50頁的巴士路線重組文件(字海的), 很有興趣地研究了很多天.(所以佢識好多字, 讀寫都識!!)

近日又要求我們打印30頁的九龍巴士路線總覽給他......

我們應該印給他嗎? 如不印, 如何說服他及引導他去其他嗜好...但好像很難, 因他真的似中了毒般...
請問有沒有經驗家長可分享解決方法?

(仲有一個問題, 點解很多呢類CASE都係巴士路線, 有專家研究過嗎? 巴士路線究竟有咩吸引力/魔力??)

作者: 水小姐 時間: 14-4-17 01:20

回覆 derek0811 的帖子

唔洗太擔心，我個仔都係，基本上冇得禁，但比佢睇或寫前會比時限制，講明寫幾多鐘，當嗜好甘寫左年幾後熱情減退，依家間中寫下。

作者: Capricorn2521 時間: 14-4-17 16:43

本帖最後由 Capricorn2521 於 14-4-17 17:00 編輯

回覆 derek0811 的帖子

樓主在這版多次留言，相信你都覺得小朋友有這方面的傾向。我在講座聽過一個例子：小朋友經過多次評估，專業人仕/醫生都說小朋友沒有自閉問題，但父母就是覺得小朋友有點不對勁，小小事也可以大發雷霆，結果一次又一次比班主任要求做評估，最後在9歲時才確診，白白浪費了寶貴的黃金時期。

好多時小朋友情況不是太明顯，在他們身邊的父母才知道他們與眾不同。自閉可以係天才，也可以係弱智，所以同智能沒有對等關係的。

處理固執可以預先協議或用視覺提示，但每個仔的情況不同，做的方法都有出入。父母也要調整心態去接受小朋友較弱的地方，而且要非常有耐性，用不同方法，不斷嘗試，不斷FINE TUNE去令學習/訓練變得有趣去提昇孩子的能力。

點解很多呢類CASE都係巴士路線，因為佢地較死板，固執，吾鐘意改變，巴士路線有既定的資料，不常改變，令他們有安全感。有個CASE可以背晒全部CX航班資料，幾時起飛，幾時到，由邊度去邊度。很多CASE都係人肉地圖，看完可以仔細畫返出來。

你可以去協康會之類的機構查詢一下，說孩子的情況令你擔心，可能你也需要參加一些家長講座，從中可能也有點啟發。或者去試吓遊戲治療的機構問吓如何幫倒手。

我好似講咗好多廢話，但又解決吾倒你嘅問題。原因係個個仔都吾同，方法要好有針對性，要家長同導師一齊傾個PLAN，一齊定期REVIEW個結果，有進步再SET新TARGET，漫漫長路，祝好運！

歡迎光臨教育王國 (/)