教育王國
標題: band1生,老師叫我哋進取,但阿仔唔想>.< [打印本頁]
作者: NgoNgo 時間: 14-4-15 21:25 標題: band1生,老師叫我哋進取,但阿仔唔想>.<
完成3次呈分試,總成績阿仔係全級第三,
老師叫我哋進取啲,報band1A同1B學校,
但阿仔好想返自己聯繫中學,因為想和同學一齊升上去,
而學校係band1c嚟。。。
作者: Horsebbj 時間: 14-4-15 21:26 標題: 引用:完成3次呈分試,總成績阿仔係全級第三,老
原帖由 NgoNgo 於 14-04-15 發表
完成3次呈分試,總成績阿仔係全級第三,
老師叫我哋進取啲,報band1A同1B學校,
但阿仔好想返自己聯繫中學 ...
自行有選擇其他學校嗎?

作者: NgoNgo 時間: 14-4-15 21:31
回覆 Horsebbj 的帖子
只報了灣仔區一band1A學校,也完成面試,但講到牙血出,阿仔先肯去面試,
所以而家報甲乙部,仍在商議中
作者: SandyWu 時間: 14-4-15 21:34 標題: 引用:回覆+Horsebbj+的帖子
只報了灣仔區一band
原帖由 NgoNgo 於 14-04-15 發表
回覆 Horsebbj 的帖子
只報了灣仔區一band1A學校,也完成面試,但講到牙血出,阿仔先肯去面試,
可以去更好既,点解唔更上一層楼

作者: judywan 時間: 14-4-15 21:39
回覆 SandyWu 的帖子
X 2。小朋友未識決擇,真係要同佢解釋清楚,免第日後悔。
作者: NgoNgo 時間: 14-4-15 21:45
本帖最後由 NgoNgo 於 14-4-15 21:47 編輯
我有同佢分析過,其實上到中學,好快就可以認識到新嘅朋友,
而且自行報校,我和老公都已經冇迫佢去其他學校面試,只報一間心儀的1A,
我話67百人有幸面試,已經好難得,點知佢反應係返自己聯繫中學都得啦。。。
真係激鬼死,青春期啲男仔好難搞
,嘔血中
作者: Horsebbj 時間: 14-4-15 21:56 標題: 回覆:NgoNgo 的帖子
如果留在直屬中學, 入大學比率高嗎?

作者: NgoNgo 時間: 14-4-15 22:02
回覆 Horsebbj 的帖子
睇返以往記錄,都有55%至60幾%左右入U
作者: kitbebe 時間: 14-4-15 22:06
我覺得都係Band 1中學, 最緊要個仔讀得開心
作者: Horsebbj 時間: 14-4-15 22:18 標題: 引用:回覆+Horsebbj+的帖子
睇返以往記錄,都有
原帖由 NgoNgo 於 14-04-15 發表
回覆 Horsebbj 的帖子
睇返以往記錄,都有55%至60幾%左右入U
入U率高, 阿囝又讀得書, 我會以佢意願行先。

作者: 馬到功成 時間: 14-4-15 22:20 標題: 回覆:NgoNgo 的帖子
其實我都煩緊
我女係九龍第三網既學生,我估計佢係band2頭-中,班主任建議佢進取d博一間band1c既英中,但啊女話:「就算我入左中中,都讀唔掂英文班架啦,我點入英中?我英文又唔係好,如果d成績仲差過宜家,點算?你又會鬧我架啦!英中既話,d老師成堂都講英文我點聽?」

其實我覺得你仔進取d選band1ab係冇問題,又唔係讀唔掂!你同老師一齊勸下佢啦!但如果真係勸唔掂,就算啦,唔通迫佢咩!

作者: 馬到功成 時間: 14-4-15 22:21 標題: 回覆:band1生,老師叫我哋進取,但阿仔唔想>.
再同老師,仔仔商量下先啦

作者: 黃巴士 時間: 14-4-15 22:34
如果是交友問題>>>
這是我囝经驗,中一分班大家可能会編不同班,初時可能小学同学会一斉一段短時間,但不到幾個月大家都會有各自與新同学交往的。…青少年不妨多嘗試!
作者: simonkawah 時間: 14-4-15 22:36 標題: 引用:回覆+Horsebbj+的帖子
睇返以往記錄,都有
原帖由 NgoNgo 於 14-04-15 發表
回覆 Horsebbj 的帖子
睇返以往記錄,都有55%至60幾%左右入U
俾着我會揀返令公子嗰間,入U率oK,而且再博又要同人一齊抽,始終講運氣。

作者: freeman108 時間: 14-4-15 23:44
回覆 Horsebbj 的帖子
對!小朋友意願行先好最要,溝通第一。
作者: ohnono 時間: 14-4-16 00:08
NgoNgo 發表於 14-4-15 21:25 
完成3次呈分試,總成績阿仔係全級第三,
老師叫我哋進取啲,報band1A同1B學校,
但阿仔好想返自己聯繫中學 ...
若是聯繫中學只是抽聯繫位,聯繫位又只得學位數量扣除了自行之後的最多25%,跟別人直屬的可收80%的有少少分別,真係未必一定實得。所以老師都叫搏一間好D嘅都唔怕。
而家個問題係阿仔唔想。咁阿仔知唔知要抽入聯繫學校的機會有幾多?如果唔高嘅,到時一樣會分開晒,始終有d會入到,有d都係會入唔到!假如到時自己因為隨機號碼唔好而抽唔到的話,走嗰個係自己,重唔知抽到去邊!
作者: HaydenP 時間: 14-4-16 00:22 標題: 回覆:NgoNgo 的帖子
記住有聯繫中學一定要放第一位,因只有內部有關學生抽獎,如冇放等一,變相自動退出。如你之前選自行中學有收咗你小朋友,該校會直接通知教育局,你小朋友唔會派回聯繫中學。所以你一定要小心填寫。

作者: simonkawah 時間: 14-4-16 00:33 標題: 引用:Quote:NgoNgo+發表於+14-4-15+21:25+完成3
原帖由 ohnono 於 14-04-16 發表
若是聯繫中學只是抽聯繫位,聯繫位又只得學位數量扣除了自行之後的最多25%,跟別人直屬的可收80%的有少少分 ...
大大:如果萬一真係抽吾到聯繫位,咁類似樓主小朋友的選擇會點處理。同街外人一同抽多次第一志願,定不幸要落第二志願呢?

作者: ohnono 時間: 14-4-16 00:41
本帖最後由 ohnono 於 14-4-16 00:42 編輯
simonkawah 發表於 14-4-16 00:33 
大大:如果萬一真係抽吾到聯繫位,咁類似樓主小朋友的選擇會點處理。同街外人一同抽多次第一志願,定不幸要 ...
會同街外人一起抽多乙一的聯繫學校一次。再抽唔到先至抽第二志願的學校。只不過樓主的情況,因樓主沒講學校是那一間,若只是一間有眾多選擇中的其中一間1C學校,可能沒太多其他街外生會放乙一的還好,若區內沒太多選擇的,就算1C加有聯繫的都一樣會多人報。
作者: simonkawah 時間: 14-4-16 00:48 標題: 引用:+本帖最後由+ohnono+於+14-4-16+00:42+編輯
原帖由 ohnono 於 14-04-16 發表
本帖最後由 ohnono 於 14-4-16 00:42 編輯
Thank you,明白

作者: Charlotte_mom 時間: 14-4-16 08:50 標題: 回覆:band1生,老師叫我哋進取,但阿仔唔想>.<
本帖最後由 Charlotte_mom 於 14-4-16 09:03 編輯
我女係讀一條龍直資,當年揀中學都未有公開試成績。我女果年最top果批,有人去神校,有人去第二d唔錯嘅中學,有人接受獎學金原校升。
過去兩年有畢業生了。舊年jupas degree 4x%, jupas offer 5x%, 幾好,未算最top,不過家長都放心了。
講返最叻又原校升果批學生。繼續top,我地都期待佢地會有一番成就。我會建議樓主睇返現時學校升u紀錄,如果都夠好,可以放心啦,都要顧及小朋友意願呢

作者: Jackieson 時間: 14-4-16 10:18
本帖最後由 Jackieson 於 14-4-16 10:20 編輯
NgoNgo 發表於 14-4-15 22:02 
回覆 Horsebbj 的帖子
睇返以往記錄,都有55%至60幾%左右入U
入U個數字唔錯吖. 小朋友上到中學會好快認識其他新同學, 呢個唔係重點.
重點係阿仔好想升返自己聯繫中學, 除咗有一班相熟同學一齊升上去外, 可能重有對學校的一份歸屬感.
睇返阿仔意願吧, 學校他喜歡的, 也會讀得開心, 保持名列前芧應該唔太難, 咁樣對中四選科較有利.
既然自行阿仔順意面試了B1A的學校, 抽獎便大可順阿仔意願, 入自行或派抽獎, 隨緣好了, 反正聯繫中學幾好吖.
作者: benny2014 時間: 14-4-16 11:03
我覺得應該尊重小朋友的意願,況且佢間聯繫中學都唔差,最緊要佢讀得開心,如果夾硬谷佢去其他1A, 1B中學,佢可能會成日埋怨你,覺得唔開心,甚至影響學業。
作者: 王家爸爸 時間: 14-4-16 13:52
kitbebe 發表於 14-4-15 22:06 
我覺得都係Band 1中學, 最緊要個仔讀得開心
同意,最緊要讀得開心。如果學校的強項和個仔的強項互相匹配,學校教得輕鬆,個仔也學得輕鬆。
作者: 王家爸爸 時間: 14-4-16 13:54
Band 1 學生比較容易選擇,例如在市區的學生,中文好英文一般可以首選金文泰和培正,英文和數學都好可以首選LSC(喇沙),QC,華仁(香港/九龍)和QES(伊利沙伯),英文好但中文/數學一般可以首選華英, 迦密,聖類斯和高主教。
作者: Band5 時間: 14-4-16 15:08 標題: 回覆:band1生,老師叫我哋進取,但阿仔唔想>.
B1A除咗多少少叻同學之外,我又唔覺得同B1C有幾大分別,狀元同尖子唔一定出自1A,讀書氣氛亦唔一定較濃厚,所以我睇唔到有一定理由要離開一間兒子鍾意嘅學校,當然如果家長見到一啲小朋友唔理解嘅內情,又當別論!

作者: 王家爸爸 時間: 14-4-16 16:19
Band5 發表於 14-4-16 15:08 
B1A除咗多少少叻同學之外,我又唔覺得同B1C有幾大分別,狀元同尖子唔一定出自1A,讀書氣氛亦唔一定較濃厚, ...
個人認為,關鍵是能否進入精英班,入B1C(甚至B2A)的精英班,總比入B1A或B1B的補底(放棄)班好。
作者: 奥脫福 時間: 14-4-16 16:48
王家爸爸 發表於 14-4-16 16:19 
個人認為,關鍵是能否進入精英班,入B1C(甚至B2A)的精英班,總比入B1A或B1B的補底(放棄)班好。 ...
我個人唔係咁睇,例如九華的非精英班,中英數三科係會各自拆細上課。呢種小班
的補底形式對能力爭少少的同學係一件好事。
作者: NgoNgo 時間: 14-4-16 16:54
回覆 ohnono 的帖子
我寫錯咗資料,係直屬中學,基本上只要乙部肯填第一志願,必收的,我都喜歡這間中學,然而綜合老師和各教育界朋友嘅意見,
以他們了解我兒子的性格和特質,
都傾向叫我哋進取啲,當然我也尊重孩子的選擇和意願,
所以還在商討中
作者: 王家爸爸 時間: 14-4-16 17:09
奥脫福 發表於 14-4-16 16:48 
我個人唔係咁睇,例如九華的非精英班,中英數三科係會各自拆細上課。呢種小班
的補底形式對能力爭少少的 ...
尊重你的睇法,但要知道:
1,學校有多少資源用於非精英班?
2,拆細後,如果一個學生在中英數三科中有兩科系補底組,這學生容易趕上與否?
所以,我認為中英數三科拆細上課有一定的好處,但只對中英數三科中其中之一科稍弱的學生都有好處。對中英數三科中有兩科弱的學生效用並不大。
作者: ohnono 時間: 14-4-16 19:51
NgoNgo 發表於 14-4-16 16:54 
回覆 ohnono 的帖子
我寫錯咗資料,係直屬中學,基本上只要乙部肯填第一志願,必收的,我都喜歡這間中學, ...
1A同學一般鬥心會較強,但小朋友對陌生環境,不多不少都會有抗拒而傾向於一個熟識的環境,而且男同學是比較喜歡跟玩得來的同學一起,繼續有得玩落去(其實去到第二間就會另一班同學,熟落後一樣可以玩得好投入)。如果因為唔瞭解而錯過一間1A中學,對父母來說是比較可惜,小朋友在現階段未必會明白。只是好多小朋友去了新環境,還認識了新朋友,同時又可跟小學同學繼續在社交網絡上保持聯繫。除了生活體驗大了,朋友圈子亦可擴闊。到慢慢長大成熟,同學不會再單一只考慮玩樂,開始追求學業上的表現和身份的認同,到時又再有另一番體驗。
小朋友本身都係一個個體,有自己的喜怒哀樂惡好,不能強迫。家長能做的只可以給與多一點資訊,讓他們從另一個角度去重新思考。
作者: NurseSally 時間: 14-4-16 20:14 標題: 引用:Quote:NgoNgo+發表於+14-4-16+16:54+回覆+o
原帖由 ohnono 於 14-04-16 發表
1A同學一般鬥心會較強,但小朋友對陌生環境,不多不少都會有抗拒而傾向於一個熟識的環境,而且男同學是比較 ...
Ohnono,想問你B1 囡葵青乙1林護, 乙2蕭明,3保禄 4善德,5李兆基。4,5 這排位仲有得執雞嗎?

作者: ohnono 時間: 14-4-17 02:11
NurseSally 發表於 14-4-16 20:14 
Ohnono,想問你B1 囡葵青乙1林護, 乙2蕭明,3保禄 4善德,5李兆基。4,5 這排位仲有得執雞嗎?
...
葵青經過這幾年的調整,升呢嘅升完,反映出區內要跨出的同學開始逐漸減少,同學開始留返在區內。升中人口減少亦帶動出現空缺。上年整體上有兩百多個位,今年單係band 1,從數字看,band 1學位還是多一點點,再加上全港都出現供過於求的情況,區內供求比例仍算樂觀。
因此,估計區內同學會傾向盡填所有band 1的都會增多,反正最差的還不是派伍若瑜、八三或者陳兆民。相信放善德和李兆基第二的都仍不少,特別是區內男同學的選擇較少,多數在選擇伍、陳和八之前放善和李或只選一間,乙3之後而還有位剩的機會較微了。就算仁紀同學放陳在乙2,善和李都只係會益左將佢地放第乙2的同學。
你這個排法是女同學的正路,假若將善德或李推前,一但隨機號碼唔好就會派保祿或更後。善德和李兆基照放,之後按心儀次序盡填區內band 1學校就得。執雞都係要隨緣,唔好為棵木放棄個森林!
作者: NurseSally 時間: 14-4-17 07:24 標題: 引用:Quote:NurseSally+發表於+14-4-16+20:14+Oh
原帖由 ohnono 於 14-04-17 發表
葵青經過這幾年的調整,升呢嘅升完,反映出區內要跨出的同學開始逐漸減少,同學開始留返在區內。升中人口 ...
唔該晒,ohnono!

作者: talent2000 時間: 14-4-19 07:45
提示: 作者被禁止或刪除 內容自動屏蔽
作者: ozoz 時間: 14-4-19 15:20 標題: 回覆:band1生,老師叫我哋進取,但阿仔唔想>.<
我媽當年迫我甲一乙一選聯繫中學,我已經好唔喜歡班同學,成日蝦我,我媽係要我入去,我填其他,阿媽返學校揾老師改返佢心儀學校,我當時好唔開心。好彩我成績差入唔返,入咗間band 2, 入到去開心好多,讀書好咗好多,中3自己揾band 1轉校。

作者: NgoNgo 時間: 14-4-19 20:32
回覆 talent2000 的帖子
我哋已商量好,一致同意甲一填QC,乙部一會填直屬中學,
無論結果如何,大家都滿意這個做法,
安心了!
作者: 黃巴士 時間: 14-4-19 21:32
本帖最後由 黃巴士 於 14-4-19 21:33 編輯
N111urseSally 發表於 14-4-1620:14 
Ohnono,想問你葵青乙1林護, 乙蕭明3保六 善德,李兆基。4,5 這排位仲有得執雞嗎?
...
個人党得如上頭三位都OK。但如連乙三保6都派不到,則保6無位,及自身隨機号十分差。再填4,5位是善及李可算是白填。乙四或之後執鷄都只是執陳兆民,全完吧了。83都“難在4/5位執雞。雖然葵青區band1.校額ok,驟眼看好像很多band1校,但band1ab中学都是果幾間,家長一面倒已側重在揀它們了。形勢不同於沙田。
作者: NurseSally 時間: 14-4-20 11:06 標題: 引用:+本帖最後由+黃巴士+於+14-4-19+21:33+編輯
原帖由 黃巴士 於 14-04-19 發表
本帖最後由 黃巴士 於 14-4-19 21:33 編輯
如你會怎排呢?Thx!

作者: ELJCHL 時間: 14-4-20 11:45 標題: 回覆:Horsebbj 的帖子
Me too, 最緊要讀得開心

作者: connielam 時間: 14-4-24 13:45
回覆 kitbebe 的帖子
AGREE
歡迎光臨 教育王國 (/) |
Powered by Discuz! X1.5 |