教育王國
標題: 老師話太乖都唔好? (少少長) [打印本頁]
作者: queenie1985 時間: 14-4-15 09:41 標題: 老師話太乖都唔好? (少少長)
仔仔1歲半, 不嬲係好乖超乖個隻, 好少扭計, 而我地都好怕會縱壞佢, 好多時唔肯俾佢玩既野就一定唔會俾, 點喊都無用. 食飯一定要坐定定無玩具無電視, 出街陪我地食飯就自己玩玩具或者睇書, 訓覺就陪佢落床就會自己訓, 唔駛抱唔駛tum.所以so far 佢極少出現過扭/發脾氣到失控.
佢岩岩上左1個月屋企附近既playgroup (老師以前係montessori 學校教既, playgroup 好強調要尊重小朋友 ,小朋友 有自己既權利/自由, 當然學校亦有一定既規距例如唔可以大叫唔可以打人等) 而個playgroup 亦從來無限制佢要做d 咩, 個環境有好多野explore, 小朋友可以隨意選擇佢想玩d 咩, 然後老師就會係旁邊guide 佢, 教下佢個樣野係咩嚟既等等. playgroup 好注重小朋友要自己去思考, 去explore 一d 野. 大人只係旁邊輕輕引導佢, 因為佢地好相信小朋友係有咁既能力.
問題就嚟啦, 老師尋日打嚟同我傾左好耐, 有2個問題:
1) 主要係工人姐姐陪佢上呢個playgroup, 但係老師話試過好多次仔仔搵到一d 野, 例如樹葉咁, 工人一手就搶走佢, 係咁同佢講"dirty". 但係老師其實係希望俾佢自己explore 下, 同埋老師極度唔贊成就咁係佢手上搶野, 老師話仔仔都試過係其他同學仔手上搶野, 因為佢完全唔知係唔岩既! 老師嘗試同個工人姐姐講, 但係佢話工人姐姐唔show 佢! 我應該點做? 呢個工人極難講得明, 平時我地只會直接落instruction (因為佢既智商真係去到咁樣=.=)
2) 另外就係老師話覺得仔仔比較少自主權, 感覺上佢要做d 咩要睇大人! 所以一開頭俾佢自己free play, 就好似自己唔知玩邊樣好咁, 可能終於決定到執番樹葉嚟睇下, 一下就俾我工人say no. 一free play, 佢就會企係度好耐好耐, 要睇好耐先會去玩. 可以玩d 咩, 唔玩d 咩, 好似就係由大人決定, 佢每搞一樣野都會先睇睇大人個樣. 老師就非常唔希望小朋友係咁, 希望佢地有d自主, 有d 自己既preference, 而唔係似一個公仔. 佢就會我個仔缺乏左呢樣野, 佢連俾人搶野都好似無所謂咁. 大家覺得呢樣野係唔係岩呢? 我應該點做?
作者: puikit2012 時間: 14-4-15 10:29 標題: 引用：仔仔1歲半,+不嬲係好乖超乖個隻,+好少扭計,
原帖由 queenie1985 於 14-04-15 發表
仔仔1歲半, 不嬲係好乖超乖個隻, 好少扭計, 而我地都好怕會縱壞佢, 好多時唔肯俾佢玩既野就一定唔會俾, 點 ...
作者: Jane1983 時間: 14-4-15 10:34
呢個系屋企管教style的因果問題，小朋友變得乖巧、聽話和服從。這些都是好的qualities，但如果管得太嚴，小朋友系會較怯懦、無自主性。
我朋友個女似你仔甘乖，有规矩到不得了，她當年考K，因為乖巧受教，考到好龍校。但而家長大了點，上到小學，問題亦慢慢浮現。
你仔仲細，你覺得老師講得有道理，大可放鬆一d，吾好甘嚴，比多d空間他。
作者: phoebewong123 時間: 14-4-15 11:23 標題: 引用：呢個系屋企管教style的因果問題，小朋友變
原帖由 Jane1983 於 14-04-15 發表
呢個系屋企管教style的因果問題，小朋友變得乖巧、聽話和服從。這些都是好的qualities，但如果管得太嚴，小 ...
作者: MrBeast 時間: 14-4-15 11:25
字面上我唔覺樓主有問題，不過有時惡同firm只差一線。至於工人，我估都只是想protect 你小孩，但我會留意她和小孩平日的interaction 究竟是怎樣，或者找一兩次一起去pg, 等姐姐知乜可以乜唔可以做。
作者: Jane1983 時間: 14-4-15 11:35
回覆 phoebewong123 的帖子
小女孩成績都好，都乖，但就怯懦d、驚青d，吾够主動性和自信，鍾意做follower收order，多過自己想問題。而家好多小朋友好强勢，甘既性格在現時的世界有點吃虧。
作者: phoebewong123 時間: 14-4-15 11:39 標題: 引用：回覆+phoebewong123+的帖子 小女孩成績都
原帖由 Jane1983 於 14-04-15 發表
回覆 phoebewong123 的帖子
小女孩成績都好，都乖，但就怯懦d、驚青d，吾够主動性和自信，鍾意做follower ...
作者: Jane1983 時間: 14-4-15 11:43
回覆 phoebewong123 的帖子
都同意，但考K就一定系乖巧佔優好多。
作者: Potato001 時間: 14-4-15 12:27 標題: 回覆：queenie1985 的帖子
我個女歲半時都係呢類比較乖巧嘅性格，但二十個月開始有啲“個性”，鍾意話事，例如出街要自己行，唔坐bb車，通常我都會俾佢做，但如果趕時間，就會同佢解釋，佢都會聽。
平日在家玩，我將玩具放在架上俾佢自己攞來玩，佢會自己玩，有時佢會叫工人/我一齊玩。
出街玩時，工人會好保護佢，所以阿女多數是自己玩，我帶佢去玩就會行遠啲望住，等佢同其他小朋友玩下。有時佢都會俾人搶玩具，佢會叫一聲但之後冇野，去攞其他野玩。佢間中都有搶人玩具，我會叫佢問咗小朋友先，或者攞其他玩具交換。
多啲放手俾小朋友自己諗下點樣玩，其實可以訓練創造性和想像力，對小朋友是好我。
作者: little_kid 時間: 14-4-15 12:30 標題: 回覆：queenie1985 的帖子
男仔一般較女仔活潑，難教。你的囝囝這麼聽教其實是好事。我個人覺得要讓孩子聽教之餘，在安全的情況下可給予他自己的空間。例如你囝囝好奇拾起樹葉看，可能樹葉真的很骯髒，但如果他只是觀察，而不是放入口，那不是大問題。我還會和他一起看，如果他真的想將樹葉放入口，那時才教導他不要將樹葉放入口因為骯髒，會肚子痛，會生病。
作者: HaYi 時間: 14-4-15 13:22
我都覺樓主的教養在現時可看到小朋友在控制情緒方面好好, 但一來小朋友仍細, 未到terrible 2 事事唱反調的年紀, 不知長遠是否仍有效, 二來小朋友有不少天性其實同成人的要求相反, 例如好奇心vs 乖忝仔等,
我想playgroup老師很好, 指出了一些問題, 太聽話都可能是扼殺了好奇心的因素之一. 樓主在注重控制之外可能亦要加一些空間在另方面, 例如可以任何他自選玩具同如何去玩等.
作者: webpaupau 時間: 14-4-15 15:18 標題: 引用：我個女歲半時都係呢類比較乖巧嘅性格，但二
原帖由 Potato001 於 14-04-15 發表
我個女歲半時都係呢類比較乖巧嘅性格，但二十個月開始有啲“個性”，鍾意話事，例如出街要自己行，唔坐bb車 ...
作者: picture 時間: 14-4-15 19:54 標題: 回覆：老師話太乖都唔好
Good teacher
作者: queenie1985 時間: 14-4-16 09:19
puikit2012 發表於 14-4-15 10:29 
恕我直言，這樣的教仔方法我不能認同。歲半的小朋友還不太會說話，他們的智力發展沒聰明到用扭解來要挾大人 ...
我個playgroup係大埔, 想要就pm我啦.
作者: queenie1985 時間: 14-4-16 09:22
Jane1983 發表於 14-4-15 10:34
呢個系屋企管教style的因果問題，小朋友變得乖巧、聽話和服從。這些都是好的qualities，但如果管得太嚴，小 ...
唔知個仔係唔係似我....哈哈....所以唔想佢有我呢d 弱點.
作者: queenie1985 時間: 14-4-16 09:27
Potato001 發表於 14-4-15 12:27
我個女歲半時都係呢類比較乖巧嘅性格，但二十個月開始有啲“個性”，鍾意話事，例如出街要自己行，唔坐bb車 ...
或者佢始終仲係細, 未到trouble two 未識自己話事gua
作者: queenie1985 時間: 14-4-16 09:32
HaYi 發表於 14-4-15 13:22
我都覺樓主的教養在現時可看到小朋友在控制情緒方面好好, 但一來小朋友仍細, 未到terrible 2 事事唱反調的 ...
其實我有放手...我只係食飯要坐定/訓覺個d 捉得好嚴...但係佢平時點玩我差唔多無干涉過....屋企d 野唔危險都會俾佢搞...佢呢排鐘意開門關門, 我整左個doof safe 之後就任佢玩.....佢試過隻腳俾棟門碌到喊過一次之後佢就無再整親隻腳啦. 平時帶佢去遊樂場/遊戲室都係由佢自己玩. 唔危險既跌親我都係由佢架. 所以佢而家一般跌親都會自己企番起身, 唔痛就唔會喊.
作者: picture 時間: 14-4-16 10:42 標題: 引用：Quote:HaYi+發表於+14-4-15+13:22+我都覺樓
原帖由 queenie1985 於 14-04-16 發表
我都同意可能佢未到trouble two, 所以會睇佢情況....佢會越來越想話事既時候就會放d 自主權俾佢.
其實我有 ...
同小朋友坃或比小朋友在有監督下自由發揮地玩其實好花心力和精力。
或者你工人想躲懶，你不在家時就约速佢。
作者: picture 時間: 14-4-16 10:42 標題: 引用：Quote:原帖由+queenie1985+於+14-04-16+發
原帖由 picture 於 14-04-16 發表
咁問题可能係工人到。
同小朋友坃或比小朋友在有監督下自由發揮地玩其實好花心力和精力。
作者: queenie1985 時間: 14-4-16 11:41
picture 發表於 14-4-16 10:42
咁問题可能係工人到。
同小朋友坃或比小朋友在有監督下自由發揮地玩其實好花心力和精力。
講過好多次, 叫工人陪佢玩, 直情係個cam睇住打番屋企, 佢都係唔願做. 所以我寧願叫工人帶佢上playgroup, 等有老師同其他小朋友陪佢玩.
作者: picture 時間: 14-4-16 12:11 標題: 引用：Quote:picture+發表於+14-4-16+10:42+咁問
原帖由 queenie1985 於 14-04-16 發表
我知有少少問題, 因為我由個cam睇到工人唔願花時間同佢玩, 一同佢玩就坐係度合眼訓.
講過好多次, 叫工人陪 ...
作者: cammyjun 時間: 14-4-16 18:45 標題: 回覆：queenie1985 的帖子
我都想問1下樓主在邊到上playgroup,因為我覺得個老師好好，請pm我，謝謝
作者: yeeyeey2k 時間: 14-4-19 16:12 標題: 回覆：老師話太乖都唔好
老師好好，可以咁快發現你小朋友既問題，我查實幾同意老人家講太乖既小朋友唔會叻得去邊，太乖某程度黎講即好易妥協，冇自主能力，不適宜呢個年代喇。小朋友既自信，自主，自我都要由細培養，請好好重視下呢方面啦。
作者: torunpoland 時間: 14-4-19 22:18 標題: 回覆：queenie1985 的帖子
恕我直言，同孩子玩是父母責任。因為玩的過程之中，是培養感情、觀察孩子的最好機會。
工人照顧孩子，保護孩子已經很好。要工人跟你如此「開放態度」上playgroup, 真是高難度，有時候自己老公、父母都未必跟到自己心意行事，何況工人？無事還好，有事又會懂她太開放，太鬆。她們寧願play safe 啦！
要解決play group的問題，可以請半日假與孩子一起去？或者改週末的堂？
與其改變工人「標準」，不如改變上堂時間或你返工時間，或者改變心態（對老師建議充耳不聞，雖然我反對）。
作者: fixedstar99 時間: 14-4-20 20:14
作者: hippoo 時間: 14-4-21 10:51 標題: 引用：呢個系屋企管教style的因果問題，小朋友變
原帖由 Jane1983 於 14-04-15 發表
呢個系屋企管教style的因果問題，小朋友變得乖巧、聽話和服從。這些都是好的qualities，但如果管得太嚴，小 ...
作者: Jane1983 時間: 14-4-21 13:14
回覆 hippoo 的帖子
在#6已寫了。
朋友係比較嚴格，她女女真係好細個就做到食完成餐飯先落地，以及大人傾計吾打擾，在外人睇，真係乖到無得頂。
作者: shyvana12 時間: 14-8-13 03:16
請問可以pm我大埔邊一間，ths
作者: shyvana12 時間: 14-8-13 03:18
請問邊間pm thanks
作者: pokey 時間: 14-8-14 01:08 標題: 回覆：老師話太乖都唔好? (少少長)
我覺得真係未到trouble two呢。歲幾時我都以為自己咁好彩生左個咁乖咁善解人意既仔！但兩歲後就唔係咁了，成日要話事，唔啱佢心意就喊！而家兩歲半仲識話自己唔乖，罰佢都冇所謂咁 
我覺得太細返playgroup冇乜用，有冇報定兩歲n班插班？返學仲實際啲，又唔駛工人陪。
作者: Vickyblah 時間: 14-8-14 17:02 標題: 回覆：老師話太乖都唔好
我女未夠2歲已trouble two. 我平時都唔算寬鬆。不過樓主可能無意中嚴左少少，始終小朋友仲咁細個。加上工人又咁樣。攪到小朋友好似咩都要睇大人面色咁。我覺得老師好好講出左個重點，而的确睇落真係有問題。你試下寬鬆啲，俾多啲自主權佢話事，等佢習慣自己思考。我女雖然唔算乖，但佢好清楚自己想玩咩咩好有主見。所以我相信係可以慢慢培養的。加油！
作者: Charlotte_mom 時間: 14-8-14 17:25
我直覺樓主工人唔係咁好想保護小朋友, 只係懶+無耐性, 用最快方法攪掂問題, 就係NO佢 (加搶野), 呢樣樓主係要留意的
另外, 講開太乖有咩問題呢....或者我有小小分享, 我教主日學, 6歲班, 班內小朋友各有千秋, 其中有個男仔, 乖~~~~到不~~~得~~~了, 太模範了, 我同其他兩個導師都有傾起佢....點講呢, 佢真係好乖, 傳統名男校學生, 知規守禮, 問題係太知規守禮了, 例如我地問條問題, 佢真係咪埋咀舉手, 粒聲唔出等人叫名答問題, 但其他小朋友早就講完了, 佢於是又乖乖擺低隻手 (從來無唔問心架, 無嬲無喊無唔開心), 玩遊戲, 佢都會好似一般小朋友咁參與, 但我地唔覺得佢好享受lor (佢社交無問題, 係太靜太乖), 有時d小朋友曳起上黎, 佢仲好守規矩咁乖乖原位坐定(例如播video, d馬騮仔擔住張鄧un un un, un到最前, 佢本來由中間變左最後, 佢又唔投訴, 又唔反抗, 只係乖乖地繼續在原位觀看)
有時導師有出手, 都唔可以下下幫佢安排, 佢有自己條路要行, 我地覺得佢長遠會蝕底lor, 結果一年過去, 到頒獎了, 佢係好乖, 好合作, 我地都知佢抵錫, 但你問outstanding award, 又唔到佢呀 (總有其他小朋友精靈醒目架嘛), 所以蝕底在唔亮眼lor, 有人話一班入面, 無煩惱果個永遠得唔到老師attention, 可能就係咁解
作者: joyanyan 時間: 14-8-15 00:45
queenie1985 發表於 14-4-16 09:27
其實我有放手...我只係食飯要坐定/訓覺個d 捉得好嚴...但係佢平時點玩我差唔多無干涉過....屋企d 野唔危險 ...
樓主，請問你係唔係睇左on becoming babywise 本書黎教小朋友呀？
作者: sunnymama2 時間: 14-8-15 07:10
Charlotte_mom 發表於 14-8-14 17:25
我直覺樓主工人唔係咁好想保護小朋友, 只係懶+無耐性, 用最快方法攪掂問題, 就係NO佢 (加搶野), 呢樣樓主係 ...
作者: queenie1985 時間: 14-8-18 10:30
pokey 發表於 14-8-14 01:08
我覺得真係未到trouble two呢。歲幾時我都以為自己咁好彩生左個咁乖咁善解人意既仔！但兩歲後就唔係咁了， ...
其實而家已經無咩大問題啦, 我個仔而家23個月, 多左主見, 要話事, 唔鐘意就喊. 佢好少搶人野, 但係有人搶佢野佢會捉實唔被人搶, 仲會"睥"住人地.....
而家玩d咩野都俾佢自己話事自己揀.....所以可能以前真係太細個!
作者: queenie1985 時間: 14-8-18 10:30
joyanyan 發表於 14-8-15 00:45
樓主，請問你係唔係睇左on becoming babywise 本書黎教小朋友呀？
作者: queenie1985 時間: 14-8-18 10:32
Charlotte_mom 發表於 14-8-14 17:25
我直覺樓主工人唔係咁好想保護小朋友, 只係懶+無耐性, 用最快方法攪掂問題, 就係NO佢 (加搶野), 呢樣樓主係 ...
我知係邊d...不過我覺得佢未到咁靜...而家23個月活潑左好多.....有要求有主見.....一唔鐘意就喊...
我都唔想佢太乖...哈哈.
作者: queenie1985 時間: 14-8-18 10:41
見到好多人問我邊個playgroup, 我都pm左大家. 不過多口講句, 我而家已經無上個間lu...因為我覺得雖然老師好細心, 但係佢忽略左當初我個仔只係歲半, 而其他小朋友都大過佢(2歲幾甚至3歲), 當時既佢未識反抗, 被人搶野被人推佢真係唔知點算. 反而老師只會覺得佢無反應,覺得佢有問題. 而家2歲, 你拎開佢d野遠少少佢都發脾氣
所以我唔建議太細個上呢個playgroup, 反而如果大少少2歲幾甚至3歲先去上, 效果應該更好.
佢而家返左另外1間, 獨立上堂, 佢都超開心 同埋因為獨立上堂, 好多野佢學識左點自己處理 (例如唔被人搶野, 點同其他小朋友一齊玩等)
作者: poodlema 時間: 14-8-18 16:56
你PG個MISS真係好好!
學校本身應該係好鐘意收哩類乖巧小朋友
你PG個MISS係用心教育
作者: Sosiusiu 時間: 14-8-19 16:38
樓主真係無需擔心, 我相信每個小朋友天生都有其獨特性, 我家大哥哥自細又係好懂事, 無需要父母惱氣, 到公園玩會讓人, 自己會乖乖食飯, 我地係無特別管教嚴格。到依家五歲半比以前曳左好多, 有主見, 但你提返佢要守規矩, 控制自已脾氣, 佢又可以收放自如。其實呢類型小朋友最易教, 如果家長可以適時引導, 適時放手, 咁就最棒。
作者: jywy 時間: 14-8-28 18:05
我女依家2歲半都係返緊呢D蒙特梭利堂, 因都好鍾意呢套教學法, 記得個時囡囡1歲時已開始上蒙特梭利PLAYGROUP, 我同佢一齊上的, 因我要了解同向老師學習呢套教學, 所以我同佢上左半年的星期六, 之後就由得佢自己一個上堂, 喊都又佢, 而我亦了解左套教學後番到屋企我都跟呢套教學教佢, 因此我覺得你要同佢一齊上堂, 當你睇下老師點教, 番到屋企都跟老師一套, 咁就好快訓練到佢有自主, 到時盡可能比佢自己上堂, 唔好依賴你同工人. 不過上蒙特梭利你預左佢會仲乖, 因蒙特梭利教學係小說話, 多做事, 如果你想佢活躍一些, 你可以同佢傾多D計, 睇故事書時又快又叫佢估下D人物動作做緊D咩, 總之要佢思考下, 多D叫佢留意身邊事物, 多D發問或可報下D唱遊班, 跳舞班, 等佢出多D聲唔好怕羞.
| 歡迎光臨 教育王國 (/) |
Powered by Discuz! X1.5 |