教育王國
標題: 副學士難就業 回頭讀展翅 [打印本頁]
作者: elbar 時間: 14-4-11 16:54 標題: 副學士難就業 回頭讀展翅
本帖最後由 elbar 於 14-4-11 17:03 編輯
「可以返轉頭再揀嘅話，我會報讀展翅青見課程，唔會白白嘥咗讀副學士嗰兩年時間。」教育局鼓勵學生報讀包括副學士及高級文憑在內的副學位課程，聲稱可銜接大學。惟在過去三年，每年逾二萬多名副學位畢業生中，只有不足一成能升讀八間大專院校，令不少不被大學取錄的副學士畢業生走回頭路，報讀只需中學學歷即可修讀的展翅青見課程，畢業後才能找到心儀工作。教育界人士直斥教育局欠規劃，近年在八大院校所增加的銜接副學位學額杯水車薪，玩殘副學位畢業生。
高級文憑畢業生JoJo希望升上心儀大學，卻好夢難圓。
展翅青見計劃近年成為副學位畢業生另一出路。
能夠入讀八間大專院校，是很多副學位畢業生的夢想。
JoJo報讀浸大及教院的視覺藝術課程，結果連面試機會也沒有。
每年都有大批中學畢業生因未能升上大學，轉而報讀副學位課程。
規劃差之過
葉小姐（大學生）：當局對副學位學生出路嘅規劃很差，令學生浪費時間及金錢。
蕭小姐（大專生）：八大專院校嘅學額根本供不應求，政府應該盡快大幅增加學額。
副學位升上八大專院校數字
「家姐喺八間大專院校之一嘅教育學院畢業，令我更加想升讀，可惜事與願違。」對平面設計有濃厚興趣的JoJo，在○七年中五畢業，但未能升讀預科，她花費十二萬元報讀一個為期三年，修讀廣告、包裝及品牌的高級文憑課程。
JoJo首兩年成績一般，到第三年急起直追，更獲校方邀請參加畢業展覽。「我取得良好(CREDIT)成績畢業，好想讀大學，用咗大半個月整理履歷表，報咗幾間大學嘅視覺藝術系，結果連面試機會都冇，真係好失望!而且無一位同屆畢業同學，能夠升上八大專院校。」
「白白嘥咗兩年時間」
「我升唔到大學，又冇工作經驗，而且就業競爭好激烈，走回頭路係無可奈何嘅做法。」到一○年，她參加展翅青見的機場大使計劃，畢業後在一三年於機管局任職至今。她說:「因為讀咗展翅先搵到依家份工。」
「可以返轉頭再揀嘅話，我會直接報讀展翅青見課程，唔會白白嘥咗副學士嗰兩年時間。」另一名副學士畢業生Frankie亦有類似遭遇，他一○年中七畢業，僅高考兩科合格，當時他報文科副學士，希望兩年後畢業，可獲大學取錄，最終願望落空。
「我讀文科，升唔到大學，個副學位根本就冇用，搵工時發覺僱主寧願請大學或中學畢業生，都唔會請我哋呢啲夾心人。」一二年，他考慮過當中式點心學徒，惟遭家人反對，後來參加展翅青見的機場大使計劃，提升競爭力後成功搵工，現任職顧客服務員。「展翅課程始終同就業市場接到軌，總好過副學士咁，半天吊。」
JoJo和Frankie未能升上八大專院校的副學位畢業生十分普遍，過去三年，每年有逾二萬名畢業生，但只有二千多名獲八大院校取錄，佔總數不足一成。
香港教育專業人員協會會長馮偉華認為，逾九成副學位畢業生未能升讀八大專院校，是教育局規劃出現問題所致，他直斥當局推出副學位課程的目的，只是要在十年內，將高等教育的普及率提升至百分之六十，根本無妥善措施去解決副學位畢業生升學就業問題。立法會議員王國興亦指當局多年來不肯正視此問題，做法不負責。
教局死撐具獨立資歷
香港青年協會督導主任鄧良順表示，中學文憑試畢業生不想升讀大學的話，便不應虛耗光陰，應該報讀展翅青見課程，並接受對職場的培訓，對出路更有幫助。
惟教育局仍死撐，發言人指副學位是獨立而有價值的資歷，學生取得該等資歷後，既可升學進修，亦可投身輔助專業程度的工作。
作者: elbar 時間: 14-4-11 17:07
「畀教育局呃咗」
教育局漠視副學位學生前景，很多學生感覺被搵笨。「我當初就係畀當局呃咗，又話讀咗可以升讀大學，結果升唔到大學、搵工做又畀人睇唔起！」兩年前，於城市大學讀副學位課程的阿謙發現，副學位升讀八大院校的機會極低，半年後退學到一間壽司店當學徒，詎料受盡白眼，「僱主只係當我中學畢業，甚至覺得我因為唔捱得而退學。」
另一名城市大學自資副學位課程的畢業生阿龍也痛斥，當局漠視副學位學生前景，「我用咗兩萬幾蚊讀商業課程，點知課程淨係教理論，完全冇實習機會！」後來，他與三位朋友退學，「聽過有副學位畢業生，失業一年都搵唔到工作，搵到嘅都只係需要中學學歷嘅工作，咁讀嚟有咩意思？」阿蘇對香港教育制度失望，到英國升學，並且完成學士課程。
作者: elbar 時間: 14-4-11 17:07
課程質素冇保證
副學士畢業生Frankie認為，修讀副學士課程是浪費時間。
副學位急速擴張，衍生多項問題，例如部分課程收生不足，部分又超額收生，更有學生中途退學，所以在每年約四萬名副學位學額中，只有逾二萬名畢業生。香港教育政策關注社主席張民炳認為部分課程濫竽充數，「某啲課程根本甚少人報讀，亦冇質素保證，當局應該減少此類課程嘅學額。」
香港教育專業人員協會會長馮偉華認為，副學位的質素最重要，「如果繼續用『寬進寬出』方式收生，只會浪費學生嘅時間及金錢。現時副學位課程應以質素為本，『嚴進嚴出』，適量減少副學位。」
同時，教育評議會副主席何漢權亦指有部分學生中途退學，「止蝕離場」，「佢哋讀咗後發現升學難，課程又唔適合自己，所以會中途退學，另覓出路。」
他續指，直接增加大學學額，比起增加為副學位而設的銜接學額更加實際，「美國社區學院至少有五成學生可以直升大學，高中入大學率亦接近三成，政府用商業角度制訂政策，唔肯增加撥款先係問題所在。」
作者: awah112 時間: 14-4-11 18:42 標題: 回覆：副學士難就業 回頭讀展翅
提示: 作者被禁止或刪除 內容自動屏蔽
作者: ANChan59 時間: 14-4-11 19:11 標題: 回覆：副學士難就業 回頭讀展翅
都話咗是減少失業率而設。
副學位梗係讀lVE的HD。
作者: shadeslayer 時間: 14-4-11 19:45 標題: 引用：都話咗是減少失業率而設。 副學位梗係讀lV
原帖由 ANChan59 於 14-04-11 發表
都話咗是減少失業率而設。
副學位梗係讀lVE的HD。
作者: ANChan59 時間: 14-4-11 20:10 標題: 引用：Quote:原帖由+ANChan59+於+14-04-11+發表都
原帖由 shadeslayer 於 14-04-11 發表
上面的 JoJo 是讀HD的，HD 是比較職業導向，也找不到工？要回頭讀展翅？
...
作者: ANChan59 時間: 14-4-11 20:39 標題: 引用：Quote:原帖由+ANChan59+於+14-04-11+發表都
原帖由 shadeslayer 於 14-04-11 發表
上面的 JoJo 是讀HD的，HD 是比較職業導向，也找不到工？要回頭讀展翅？
...
作者: shadeslayer 時間: 14-4-11 20:47 標題: 引用：Quote:原帖由+shadeslayer+於+14-04-11+發
原帖由 ANChan59 於 14-04-11 發表
I said IVE HD , not other HD.
作者: ANChan59 時間: 14-4-11 21:51 標題: 引用：Quote:原帖由+ANChan59+於+14-04-11+發表I+
原帖由 shadeslayer 於 14-04-11 發表
我不知道 IVE HD 和其他 HD的分別。那些機構也辨 HD?
睇報紙要小心！
作者: shadeslayer 時間: 14-4-11 22:10
ANChan59 發表於 14-4-11 21:51 
係，大學有，其他教有機構都有。
睇報紙要小心！
我以為 IVE 己包辨HD。
睇報紙真的要小心。
作者: 貪靚媽 時間: 14-4-12 00:28 標題: 回覆：副學士難就業 回頭讀展翅
點解d學生會以為畢業後可直升大學
作者: ANChan59 時間: 14-4-12 03:22
貪靚媽 發表於 14-4-12 00:28
點解d學生會以為畢業後可直升大學
當年是大學開 AD 的宣傳技倆 - 可以直升大學，家長及學生忘記睇細字 (small print)，成績優異者及學位許可之下 .....
又等於 33222 已為可以入大學.......
作者: 天瑜 時間: 14-4-12 08:27 標題: 引用：都話咗是減少失業率而設。
副學位梗係讀lV
提示: 作者被禁止或刪除 內容自動屏蔽
作者: 天瑜 時間: 14-4-12 08:29 標題: 引用：Quote:原帖由+ANChan59+於+14-04-11+發表I+
提示: 作者被禁止或刪除 內容自動屏蔽
作者: 701003 時間: 14-4-12 08:32 標題: 回覆：副學士難就業 回頭讀展翅
高考得兩科合格？都收佢讀asso?咁低標準？
作者: 天瑜 時間: 14-4-12 08:33 標題: 引用：Quote:貪靚媽+發表於+14-4-12+00:28+點解d
提示: 作者被禁止或刪除 內容自動屏蔽
作者: ANChan59 時間: 14-4-12 09:55 標題: 引用：Quote:原帖由+shadeslayer+於+14-04-11+發
原帖由 天瑜 於 14-04-12 發表
如果有机会去外國生活，外國会視ive 為政府認可机構。
General Studies. Vocational Studies
AD 50－70%. 30－50%
HD. 30%. 70%
General studies - English, Chinese, Maths, Computer......
當然會有家長認為教育不是職業訓練，不應走HD路，我同意的。不過要再考慮，若果學生連3322都唔到，職業訓練可能是更好選擇。
還有，lVE 的所有課程都有做學歷評審，平均每個課程 70萬，所以不同國家地區都承認。大家又問問其他 HD，AD，是否有做學歷評審，如果冇就無謂選啦。學費差不多，還可以送iPad，你話錢從可來！
還有大學的 AD，聽說大部份沒有學歷評審，他們認為大學學位不用學歷評審，以為AD 可以自己搞，所以質素好參差。
僱主對 HD 印象好些，因為歷史，同時不少人都是 HD 出身，AD 是相對較新，產品又欠說服力，所以就業率較吃虧。
大家又留意一下，CY 最近的施政報告重提職業訓練，職訓局已經開始有動作，可以留意。
可能分析太接近事實，會令家長不安，希望明白及諒解！
作者: ANChan59 時間: 14-4-12 09:58 標題: 引用：高考得兩科合格？都收佢讀asso?咁低標準？ +
原帖由 701003 於 14-04-12 發表
高考得兩科合格？都收佢讀asso?咁低標準？
副學位 ＝ HD ＋ AD
作者: 天瑜 時間: 14-4-12 12:17 標題: 引用：Quote:貪靚媽+發表於+14-4-12+00:28+點解d
提示: 作者被禁止或刪除 內容自動屏蔽
作者: skkeung 時間: 14-4-13 11:50 標題: 回覆：副學士難就業 回頭讀展翅
個别例子就有結論？公平？
作者: skkeung 時間: 14-4-13 11:54 標題: 回覆：副學士難就業 回頭讀展翅
香港有數千大學生拿綜援，不要入大學吧！
作者: skkeung 時間: 14-4-13 17:58 標題: 回覆：副學士難就業 回頭讀展翅
文憑是一張紙！是人給與價值，文憑本身是毫無意義的！
| 歡迎光臨 教育王國 (/) |
Powered by Discuz! X1.5 |