教育王國

標題: 奶奶話：你的囝第時一定好反骨！ [打印本頁]

作者: sunnymama2 時間: 14-4-10 10:02 標題: 奶奶話：你的囝第時一定好反骨！

因為老公要返工，我身體又唔好，囝囝平日係同老爺奶奶瞓，星期五六晚才返我屋企瞓。我係ftm, 同老爺奶奶住好近，所以日頭我會過去同囝囝玩，到樓下行商場。囝囝一直都好痴我，前日奶奶放工返屋企，逗囝囝玩，但阿囝唔睬佢，仲好大聲“呀”佢，又推開奶奶，跟住囝囝就拖住我行出房。我就笑笑口，因為個心好sweet,當然之前我有話囝囝唔啱啦。其實一直只要我係度囝囝邊個都唔睬。點知奶奶突然話你地唔好笑得咁開心呀，你個囝有反骨的影子，第時睇住黎啦，你地要有心理準備呀！我聽到好嬲，作為父母，第一係想子女健康，第二緊係想佢地孝順自己啦，反骨好嚴重喎，況且每個小孩都係鐘意爸爸媽媽多D，好正常啫。我好想駁奶奶，過最後都忍住唔出聲，因為奶奶晚上湊囝囝真係好辛苦。

作者: Moonlight819 時間: 14-4-10 10:34 標題: 回覆：奶奶話：你的囝第時一定好反骨！

跟反骨有什麼關係呢？

作者: sunnymama2 時間: 14-4-10 10:56

本帖最後由 sunnymama2 於 14-4-10 10:57 編輯

Moonlight819 發表於 14-4-10 10:34
跟反骨有什麼關係呢？

因為奶奶湊佢，但囝囝唔跟奶奶，所以奶奶覺得個孫好反骨。當然，我其實覺囝囝唔係反骨啦，佢只係鐘意痴住我，唔想其他人騷擾我地兩母子。

作者: Potato001 時間: 14-4-10 21:57 標題: 回覆：sunnymama2 的帖子

小朋友大到咁上下，約歲半就會識得分爸爸媽媽和其他人係唔同嘅，就算平時日頭其他人照顧，都會識得分，會痴番爸爸媽媽。

作者: sunnymama2 時間: 14-4-10 23:11

回覆 Potato001 的帖子

咁就係，小朋友係識認父母，無論平時邊個湊佢，小朋友都會鐘意揾父母，更何況我除左1星期5日冇同佢瞓平時我都有份照顧囝囝。我最唔明白佢作為嫲嫲，點解好似詛咒第時個孫會唔要佢的爸媽呢？

作者: Jane1983 時間: 14-4-10 23:30

你99可能覺得平時咁辛苦湊你個仔，眠乾睡濕，又咁錫佢，你個仔有亞媽就推開佢，所以難過。佢咁講over咗，不過估佢都好傷心。

作者: Cheeselover 時間: 14-4-11 01:54 標題: 回覆：奶奶話：你的囝第時一定好反骨！

奶奶可能一時之氣說出來，小孩子有時是貪玩，童言無忌，你奶奶確實付出勞力，她是沒有責任，是義務，所以你應該感謝她，當你兒子一時貪玩說出傷害別人說話時，你應該即時糾正，而不是笑嘻嘻，小孩子誤會好玩而日後再作弄奶奶，不要輕視，傷及奶奶，教壞兒子。

作者: sunnymama2 時間: 14-4-11 08:28

回覆 Cheeselover 的帖子

你講得啱，我唔應該笑咪咪，（因為實在好sweet),奶奶要返工，仲要湊病左的囝囝，晚上冇得瞓，而家好返少少，佢有唔少功勞，我都慶幸當時冇駁佢。

作者: sunnymama2 時間: 14-4-11 08:32

回覆 Jane1983 的帖子

咁佢當時應該都好傷心，放工返屋企想玩個孫但個孫又唔睬佢。。。其實我真係有話個囝唔啱啦，不過囝囝真係睬你都

作者: Potato001 時間: 14-4-11 08:43 標題: 回覆：sunnymama2 的帖子

可以同小朋友講，咁樣做嫲嫲會唔開心，叫佢同嫲嫲道歉（如果識講），或者去錫番嫲嫲。

作者: 開心c9 時間: 14-4-11 09:04 標題: 引用：可以同小朋友講，咁樣做嫲嫲會唔開心，叫佢

原帖由 Potato001 於 14-04-11 發表
可以同小朋友講，咁樣做嫲嫲會唔開心，叫佢同嫲嫲道歉（如果識講），或者去錫番嫲嫲。

...

Absolutely agree

作者: ilovekidssomuch 時間: 14-4-11 12:10

提示: 作者被禁止或刪除內容自動屏蔽

作者: MrBeast 時間: 14-4-11 12:56

回覆 ilovekidssomuch 的帖子

同意，不聽老人言⋯

作者: irene_the_pooh 時間: 14-4-11 13:16

其實情況咪好似小朋友跟工人多過跟媽媽咁，媽媽都好心痛!

不過今次你係「既得利益者」，所以笑得出!

作者: lui 時間: 14-4-11 13:21 標題: 引用：回覆+Cheeselover+的帖子你講得啱，我唔

原帖由 sunnymama2 於 14-04-11 發表
回覆 Cheeselover 的帖子

你講得啱，我唔應該笑咪咪，（因為實在好sweet),奶奶要返工，仲要湊病左的囝囝， ...

唔好話你99，我老公平時只係同個才玩下，當佢見阿女痴我唔痴佢，佢會發老脾架。所以你奶奶唔開心明白嘅，我都會即時糾正佢同引導佢爸爸d好野，等佢走去爸爸度tum返佢，你試下

作者: crystal媽咪 時間: 14-4-12 20:15

小朋友少見父母,所以會好痴身.

多D過時過節同佢選禮物送比麻麻,話佢知麻麻的辛苦.

歡迎光臨教育王國 (/)