教育王國

標題: 幼稚園都要霸？！ [打印本頁]

作者: sig28 時間: 14-4-7 22:29 標題: 幼稚園都要霸？！

【幼稚園停辦】不滿天價搶校家長發起救校行動

2014-04-07 20:25:00
「德怡」家長發起拯救學校行動，今晚集合商討對策。
大批家長收到天水圍德怡中英文幼稚園發出「不獲續約」通告，得知學校僅運作至7月31日，隨即趕到學校商量對策，他們不滿新租客「英藝」以貴租搶校，將發起「拯救德怡」行動。家長胡先生激動表示，「德怡」是被「霸權」搶走，他不會向惡勢力低頭，讓兒子入讀接手的英藝幼稚園，他和一班家長今日在網上討論區公開事件，希望可拯救「德怡」，更會召集一班家長今晚回校，希望爭取學校繼續營運下去。另一家長李先生則認為，英藝幼稚園是「以本傷人」，「收購」德怡，對此感到氣憤。

作者: Luluyen906 時間: 14-4-7 22:35 標題: 回覆：幼稚園都要霸？！

一直對英X無乜好感

d家長真慘，又要撲嚟撲去。

作者: smallb2011 時間: 14-4-7 22:42

起碼都要比原校生讀多一年，咁會有良心D

作者: SiuYuet 時間: 14-4-7 22:48 標題: 回覆：幼稚園都要霸？！

係英藝！各位家長請睇清呢間辦學團體既作風！

作者: sig28 時間: 14-4-7 23:27 標題: 引用：一直對英X無乜好感d家長真慘，又要撲嚟撲去

原帖由 Luluyen906 於 14-04-07 發表
一直對英X無乜好感d家長真慘，又要撲嚟撲去。

我都唔喜歡'英藝'

作者: Rambowun 時間: 14-4-8 06:48 標題: 回覆：幼稚園都要霸？！

英x幼稚園，對我來說只是一間擺有native english teacher 牌頭，但冇真心去教小朋友的學校，尤其是元朗的pn國際班尤甚。今次大家勿轉校到英x,讓佢地高價搶校，但收生不足。

作者: meowymeowy 時間: 14-4-8 07:42 標題: 回覆：幼稚園都要霸？！

打從心底鄙視呢間學校。

作者: CBabeY 時間: 14-4-8 07:49 標題: 回覆：幼稚園都要霸？！

對呢個辦學團體超反感，戥德怡班家長慘

作者: JC_mami 時間: 14-4-8 10:01

回覆 sig28 的帖子

但我唔係好明，英藝背後是否有大財團支持，一間普通的幼稚園，怎麼可以隻手天？

作者: catcle 時間: 14-4-8 10:05

完全無得選擇, 難為了媽媽同小朋友.

作者: mamaishere 時間: 14-4-8 10:23 標題: 引用：英x幼稚園，對我來說只是一間擺有native+en

原帖由 Rambowun 於 14-04-08 發表
英x幼稚園，對我來說只是一間擺有native english teacher 牌頭，但冇真心去教小朋友的學校，尤其是元朗的pn ...

佢喺天水圍開第二間campus, 好明顯唔再係target香港客咁簡單，而係想拓展就快湧現嘅兔B龍B雙非市場！

作者: 晞晞爸b 時間: 14-4-8 10:25

路過..其實如果今次唔係"英藝"而係其它名校(譬如

H.SC.KM或KV)租左德怡既位開分校...各位是否又會用同一標準來看待呢件事?

作者: rgalc 時間: 14-4-8 10:35 標題: 引用：路過..其實如果今次唔係"英藝"而係其它名校

提示: 作者被禁止或刪除內容自動屏蔽

作者: 晞晞爸b 時間: 14-4-8 10:47

rgalc 發表於 14-4-8 10:35
我都係咁諗！如果係名幼如KV，SC等接辧，重全數接收全部德怡學生，我諗家長一定拍手歡迎！

...

(各位反英藝者請非喜勿插...謝謝)

同意!

其實我在呢件事上面無任何立場...只不過覺得香港呢個社會一路以來由港英政府到現在都係由經濟主導市場...有錢人越有錢...業主只會年年加租...政府一直採取不干預市場既方法..所以今次價高者得亦無辦法...呢D係業主既商業決定...

由於好多人一路以來對英記既印象好差...我只想帶出一個訊息就係我地是否會用同一標準去看待呢件事..在呢個崇拜名校既紛圍及文化之都...如果既主角換做係SC KV KM LH 等等...是否果把尺會唔同D?

作者: sig28 時間: 14-4-8 10:48 標題: 引用：回覆+sig28+的帖子但我唔係好明，英藝背

原帖由 JC_mami 於 14-04-08 發表
回覆 sig28 的帖子

但我唔係好明，英藝背後是否有大財團支持，一間普通的幼稚園，怎麼可以隻手天？ ...

看看英藝的畢業年報和九龍塘分校office牆上掛著的相片大家便明白。

作者: rgalc 時間: 14-4-8 10:59 標題: 引用：Quote:rgalc+發表於+14-4-8+10:35+我都係咁

提示: 作者被禁止或刪除內容自動屏蔽

作者: siuangel1 時間: 14-4-8 11:41 標題: 引用：Quote:原帖由+晞晞爸b+於+14-04-08+發表(各

原帖由 rgalc 於 14-04-08 發表
我估接辦學校係Zenith, York, 明慧呢幾間一定俾人鬧到拆天。

點解明慧都會俾人鬧？

作者: kissobaby 時間: 14-4-8 11:45 標題: 回覆：幼稚園都要霸？！

其實點解德怡冇兩手準備？自己唔係業主，就有終止租約既一日。點解唔去搵新地方？一來就話執笠

作者: rgalc 時間: 14-4-8 12:01 標題: 引用：Quote:原帖由+rgalc+於+14-04-08+發表我估

提示: 作者被禁止或刪除內容自動屏蔽

作者: jlbb1 時間: 14-4-8 12:16

提示: 作者被禁止或刪除內容自動屏蔽

作者: mable0901 時間: 14-4-8 12:28

都係投標價高者得唔係英藝都有其它學校
咁和邊間投到都不對??
最大問題係業主吧不喜勿插

作者: siuangel1 時間: 14-4-8 12:58 標題: 引用：Quote:原帖由+siuangel1+於+14-04-08+發表

原帖由 rgalc 於 14-04-08 發表
因為好多家長覺得呢3間係學店，係EK成日有罵戰。明慧多數講太子果間，北角好少講。你可以搵下舊post睇下。

...

我去過北角明慧，感覺幾好，太子就地點太雜所以放棄。但北角明慧不是學店啩。。。。。？

作者: joannec05 時間: 14-4-8 13:11 標題: 引用：都係投標+價高者得+唔係英藝都有其它學校咁

原帖由 mable0901 於 14-04-08 發表
都係投標價高者得唔係英藝都有其它學校
咁和邊間投到都不對??
最大問題係業主吧不喜勿插 ...

佢已經有一分校係天水圍啦。。。。。想開夠兩間？

作者: kiu_kiu 時間: 14-4-8 13:11

晞晞爸b 發表於 14-4-8 10:25
路過..其實如果今次唔係"英藝"而係其它名校(譬如H.SC.KM或KV)租左德怡既位開分校...各位是否又會用同一標 ...

英藝就俾人嘈到折天, 靈糧堂買咗荃灣慧中校舍o個單又好似無乜人講?

作者: mable0901 時間: 14-4-8 13:16

大家都係登小朋友和家長辛苦無需要係嘈邊間學校投唔投到
一D都唔重要唔係呢間總有另一間

作者: joannec05 時間: 14-4-8 13:22 標題: 引用：Quote:晞晞爸b+發表於+14-4-8+10:25+路過..

原帖由 kiu_kiu 於 14-04-08 發表
英藝就俾人嘈到折天, 靈糧堂買咗荃灣慧中校舍o個單又好似無乜人講? ...

靈糧堂係荃灣冇兩間卦？？？？？英藝係天水圍會有兩間噃。。。

作者: silvia_ng 時間: 14-4-8 13:26 標題: 回覆：幼稚園都要霸？！

利申，我小朋友已經讀緊小學，以前亦只係普通幼稚園畢業。

我覺得成件事唔關英藝事，英藝唔投，總有其他辦學團體投。我好奇怪點解業主好地地要轉用暗標投租約呢？仲要就完約先黎攪。辦學並非如商場散貨，三兩個月可以執鬼左佢。人不能同貨比，只怪業主不當人看待，不會人性化處理。

作者: rgalc 時間: 14-4-8 13:36 標題: 引用：Quote:原帖由+rgalc+於+14-04-08+發表因為

提示: 作者被禁止或刪除內容自動屏蔽

作者: rgalc 時間: 14-4-8 13:40 標題: 引用：利申，我小朋友已經讀緊小學，以前亦只係普

提示: 作者被禁止或刪除內容自動屏蔽

作者: AgapePa 時間: 14-4-8 13:55

路過, 我不是天水圍居民.
其實轉讀英藝新校又有什麼問題?

作者: silvia_ng 時間: 14-4-8 13:59

AgapePa 發表於 14-4-8 13:55
路過, 我不是天水圍居民.
其實轉讀英藝新校又有什麼問題?

學費係其中一個考慮啦! 另外辦學理念既野, 都唔係好似lunch 唔係A餐改B餐, 總之食飽肚就得。同埋同班同學未必會繼續係返埋一齊讀, 小朋友都會有唔捨得。

作者: LL222 時間: 14-4-8 14:09 標題: 引用：Quote:原帖由+JC_mami+於+14-04-08+發表回

原帖由 sig28 於 14-04-08 發表
看看英藝的畢業年報和九龍塘分校office牆上掛著的相片大家便明白。

好奇，什麼相片？

作者: sfly97 時間: 14-4-8 14:12 標題: 回覆：幼稚園都要霸？！

唔講唔知英藝咁多分校！

作者: ymnhappybaby 時間: 14-4-8 14:22

你可能不明白,德怡係好多人集體回憶,無人希望自己母校被殺校 (我外甥女this year K3, (she studied playgroup for 1 year, pre-nursery for 1 year, K1 - K3 in this school),仲要係一間辦得好好的學校,應該盡力保留,唔係怕無學位讀書,係唔應該因為商業金錢而去殺人地學校。有錢大哂咩! 家長為什麼咁為德怡學校？！這就是學校先為我們附出的愛，與及讓我們看到他們熱誠的教育.我住美孚都同呀女上過德怡playgroup. 外甥仔now studying Pre-Nursery.好突然!

作者: novie 時間: 14-4-8 14:32

我明白有人會覺得唔關英藝事，話唔係佢投都有另一間，但我覺得英藝咁做係好差。除非已知人哋唔租或業主一定唔租俾佢，或已搵到其他校舍，否則不應高價搶地，你可以話呢個係業主嘅問題唔係佢哋嘅問題，但作為教育機構，對其他小朋友嘅福祉莫不關心係令人好反感。如果你問我，係其他名幼咁做我都會覺得唔啱。

作者: mannitol 時間: 14-4-8 14:37 標題: 引用：Quote:晞晞爸b+發表於+14-4-8+10:25+路過..

原帖由 kiu_kiu 於 14-04-08 發表
英藝就俾人嘈到折天, 靈糧堂買咗荃灣慧中校舍o個單又好似無乜人講? ...

荃灣呢單好似係俾611靈糧堂租咗，唔關荃灣靈糧堂學校事。

作者: Chocolatefree 時間: 14-4-8 14:56 標題: 引用：我明白有人會覺得唔關英藝事，話唔係佢投都

原帖由 novie 於 14-04-08 發表
我明白有人會覺得唔關英藝事，話唔係佢投都有另一間，但我覺得英藝咁做係好差。除非已知人哋唔租或業主一定 ...

Agree! 揾食都應揾第二個地方！咁樣間接迫走d小朋友！
重話做教育！

作者: csksandy 時間: 14-4-8 15:16

我囡本來8月返德怡N班, 而家成為受害者之一, 呢間學校係我心儀OFFER, 所以今晚我會去學校支持

作者: Winnie3q 時間: 14-4-8 15:18 標題: 引用：我明白有人會覺得唔關英藝事，話唔係佢投都

原帖由 novie 於 14-04-08 發表
我明白有人會覺得唔關英藝事，話唔係佢投都有另一間，但我覺得英藝咁做係好差。除非已知人哋唔租或業主一定 ...

Agree. 另外呢單嘢令我想到古時。有錢人或皇帝，看中人家老婆嘅情況一樣。用錢去爭自己想要嘅嘢返嚟。到底全個元朗係咪只有呢個地方別無他選？

作者: mimwing 時間: 14-4-8 15:41

其實可以反對英藝係果度開, 城規未批ka...

作者: ymnhappybaby 時間: 14-4-8 16:12

回覆 csksandy 的帖子

呢間學校真係好好.

作者: Cowbit 時間: 14-4-8 17:21 標題: 引用：Quote:原帖由+novie+於+14-04-08+發表我明

原帖由 Chocolatefree 於 14-04-08 發表
Agree! 揾食都應揾第二個地方！咁樣間接迫走d小朋友！
重話做教育！

...

世事輪流轉的。
三年後到英藝傾續租時唯有祝佢好運!

作者: train 時間: 14-4-8 17:25

回覆 novie 的帖子

同意！唔好以為SC, KV租了並願意接受全部的學生，他們就一定會讀，有些基層家庭實在無辦法負擔名校的學費。

作者: mamaishere 時間: 14-4-8 17:37

回覆 mamaishere 的帖子

12年之後既事邊個知? 呢一刻財源滾滾來係事實, 賺盡先算啦~ 校舍都係租, 到時唔賺咪租少番一間囉, 有咩唔得?

作者: rgalc 時間: 14-4-8 18:35 標題: 引用：回覆+novie+的帖子同意！唔好以為SC,+KV

提示: 作者被禁止或刪除內容自動屏蔽

作者: ballg 時間: 14-4-8 19:12 標題: 回覆：幼稚園都要霸？！

世界變，香港變得更可怕，幼稚園已變成賺錢的商業工具，可悲的城市

作者: tedghost 時間: 14-4-8 20:05

提示: 作者被禁止或刪除內容自動屏蔽

作者: Rambowun 時間: 14-4-9 00:08 標題: 回覆：幼稚園都要霸？！

我post出來反英x是因為我是苦主。我小朋友現在在元朗英x上n班，老師不論是net或本地老師都無愛心，我因為中途轉不了校才繼續讀。但k1已考咗第二間，由於我怕有人估到我是邊位家長，故我學期完後我再舉出其他例證。

作者: yltung 時間: 14-4-9 00:32

回覆 mable0901 的帖子

If Zenith didn't submit any bids. Then this incident would not even happen!!! As to the best of my knowledge, i am only aware of school setting up new campus from scratch. (Eg. St Catherine they open a new campus in Hung Hom / they did not take ove other school premise by paying the landlord higer rent). Zenith is running its school like a business, they are aware that the Dragon year baby means good business opportunities especially for bb from Mainland China!!! that's why they decide to submit a bid!! I support that us Hong Kong mommies should boyscott Zenith (All Campus) they are putting children's welfare at the bottom !!!! Hoping that it will close down some years later when there are less mainland babies studying in HK/

作者: dcdc2525 時間: 14-4-9 07:12 標題: 引用：Quote:AgapePa+發表於+14-4-8+13:55+路過,+

原帖由 silvia_ng 於 14-04-08 發表
學費係其中一個考慮啦! 另外辦學理念既野, 都唔係好似lunch 唔係A餐改B餐, 總之食飽肚就得。同埋同班同學未 ...

作者: CINDY瑩 時間: 14-4-9 10:56

AgapePa 發表於 14-4-8 13:55
路過, 我不是天水圍居民.
其實轉讀英藝新校又有什麼問題?

every month學費同雜貴重皮，貴多千多蚊

作者: CINDY瑩 時間: 14-4-9 11:05

novie 發表於 14-4-8 14:32
我明白有人會覺得唔關英藝事，話唔係佢投都有另一間，但我覺得英藝咁做係好差。除非已知人哋唔租或業主一定 ...

嗯，問題已不限於搶與不搶，ZENITH 係開宗明義做教育，畢業本ADDRESS BOOK頭幾頁口口聲聲話福澤班細路，但今次做出的事，係罔顧小朋友福利，吾多吾少令yuen long tin shui wai家長撲學校的困難，雪上加霜

仲要地點係李生集團下物業，自不然更多人插⋯⋯

反而，教育局冇話過一個區內吾開得2間ZENITH。

作者: MSKAKACHAN 時間: 14-4-9 11:50

kissobaby 發表於 14-4-8 11:45
其實點解德怡冇兩手準備？自己唔係業主，就有終止租約既一日。點解唔去搵新地方？一來就話執笠

...

新聞話校長已話試過搵地方, 但試問咁短時間, 容易找到嗎? 還有辦一間學校, 有很多手續要辦要批, 你估真係開一間商舖咩?!!! 相信學校真係找不到方法才會走到執笠地步!

作者: MSKAKACHAN 時間: 14-4-9 11:59

AgapePa 發表於 14-4-8 13:55
路過, 我不是天水圍居民.
其實轉讀英藝新校又有什麼問題?

學生黎架, 不是商品. 話轉就轉咩!!!

做家長既, 選學校都要睇返教學理念,校風,背景,老師,學費雜費等各樣. 睇o左新聞, 天水圍英藝雖然學費只會比德怡學費貴幾百, 但書薄費卻原來比德怡貴4倍喎, 就算比個85折德怡學生咁又點, 都好拿利喎, 唔係個個負擔得起! 仲有雜費呢? 英藝雜費一定收唔少野.

話比85折, 原來是貓哭老鼠......

作者: JimJim338338 時間: 14-4-9 12:17

依間英藝，我同小朋友報過，真係有教無類，重有本校刊裡面全部都係人大代表同權貴d相，唔講重以為係d大陸公司招股特刊。比完留位費，過年前重會寄包燙金利事封比家長。

作者: tiggeryyw 時間: 14-4-9 12:29

又驚報唔到，報到又驚考唔到，考到又驚多雜費，讀到又驚執笠。香港家長活在惶恐中。唉！

作者: kissobaby 時間: 14-4-9 14:05

佢地唔係第一日辨學．．．．仲有咁多分校．．．．．佢地應該要知道手續繁複．．．．更加應該早Ｄ去傾續約．．．免得出現今日既境況．．．．３月初先傾續約．．．．３月底業主覆唔租．．．．而家４月頭就話要執？？？．．．．面對只要錢既業主長Ｘ．．．．更加唔可以大安旨意．．．全個天水圍只係得呢度？？？

不過我係為Ｄ學生同家長難過．．．．

作者: KittenKitten 時間: 14-4-9 23:25 標題: 引用：Quote:原帖由+sig28+於+14-04-08+發表看看

原帖由 LL222 於 14-04-08 發表
好奇，什麼相片？

好明顯係紅色資金，本校刊show 校董會d 人全部左派人，有譚x 珠，曾x 成，譚 x 宗，睇完嚇到我即刻決定唔俾個仔讀

作者: KittenKitten 時間: 14-4-9 23:27 標題: 引用：依間英藝，我同小朋友報過，真係有教無類，

原帖由 JimJim338338 於 14-04-09 發表
依間英藝，我同小朋友報過，真係有教無類，重有本校刊裡面全部都係人大代表同權貴d相，唔講重以為係d大陸公 ...

exactly, 當時我好驚如我個仔喺度讀，肯定從小俾人洗腦，可能仲要圍紅領巾唱國歌

作者: rgalc 時間: 14-4-10 00:00 標題: 引用：Quote:原帖由+JimJim338338+於+14-04-09+發

提示: 作者被禁止或刪除內容自動屏蔽

作者: creamybaby 時間: 14-4-10 01:54

我阿仔係Topkids畢業，有非常美好的回憶，雖然topkids係私校，算係做生意，但做得有良心，亦交足貨。老師真係好有心機。

提到續租，校方可能覺得同業主已有21年的租務關系，冇想過會攪成咁。就算價高者得，業主都應該開價比Topkids考慮競爭與否。而唔應該黑箱作業。

作者: tiggeryyw 時間: 14-4-10 08:18

作者: vvann 時間: 14-4-10 09:00 標題: 引用：佢地唔係第一日辨學．．．．仲有咁多分校．

原帖由 kissobaby 於 14-04-09 發表
佢地唔係第一日辨學．．．．仲有咁多分校．．．．．佢地應該要知道手續繁複．．．．更加應該早Ｄ去傾續約． ...

其實幾時都有聚有散，但依家似係趕盡殺絕。人哋想續兩年等小朋友畢業先都唔得，呢個好過份。

作者: readymama 時間: 14-4-10 09:13

家長為你們的子女辛苦了！要捍衛你的子女，你的家，你所住的地方的價值，褔澤，大家一起努力吧！大家可車輪戰去攻破要吞去我們寶貴的東西的人！！利申：我是舊英藝校生的家長，我其實滿意英藝給我個女的教學同幫助因我女是細b 只有英藝很收留。但沒有人是完全沒做錯今次或許處理上做得不好令人反感

作者: Ballack2012 時間: 14-4-10 20:39 標題: 引用：【幼稚園停辦】不滿天價搶校+家長發起救校

提示: 作者被禁止或刪除內容自動屏蔽

作者: 戀仔狂 時間: 14-4-10 22:07 標題: 回覆：幼稚園都要霸？！

我仔係德怡舊生，如果今日我仔仲讀緊德怡既，我一定誓死悍衛德怡，

但如果插旗既係kv或sc, 我第一個交留位費

呢個只係我個人立場，我本人支持德怡可以繼續原址辦學

作者: Ballack2012 時間: 14-4-10 23:01 標題: 引用：我仔係德怡舊生，如果今日我仔仲讀緊德怡既

提示: 作者被禁止或刪除內容自動屏蔽

作者: rgalc 時間: 14-4-10 23:34 標題: 引用：Quote:原帖由+sig28+於+14-04-07+發表【幼

提示: 作者被禁止或刪除內容自動屏蔽

歡迎光臨教育王國 (/)