教育王國

標題: 關於認字慢 [打印本頁]

作者: taylortse 時間: 14-4-7 10:49 標題: 關於認字慢

我個仔今年五歲半，今年k2，因為認唔到數字，英文abc同埋中文，所以上個月做左智能中心既IQ TEST,被評為輕度弱智，建議讀輕度既小學，但係短短果半個月佢突然自學，已經認到數字，英文abc認到一半，中文開始認到十幾個字，我應該聽智能中心既建議比個仔讀輕度，定還是讀主流既（容合教育）？

作者: cecilau 時間: 14-4-7 14:16

回覆 taylortse 的帖子

認字只係表現智力的其中一部份, 小朋友其他的表現如何? 讀主流課程都唔易的.

作者: taylortse 時間: 14-4-7 14:45 標題: 引用：回覆+taylortse+的帖子認字只係表現智力

原帖由 cecilau 於 14-04-07 發表
回覆 taylortse 的帖子

認字只係表現智力的其中一部份, 小朋友其他的表現如何? 讀主流課程都唔易的. ...

其實阿仔日常生活都ok，自理方面都幾好，社交都ok，只係學野比較慢，未記到顏色，有時喺陌生既環境可以要識應下先容入到
其實我想揾啲活動教學（少班）既小學比佢

作者: cecilau 時間: 14-4-7 17:01 標題: 回覆：taylortse 的帖子

五歲半仲未認到顏色？甘數學concept應該都唔得？現在出生率甘高，真係好難搵到小班的小學，我見以前專做sen做的學校，現今都有幾班。

作者: taylortse 時間: 14-4-7 17:05 標題: 引用：五歲半仲未認到顏色？+甘數學concept應該都

原帖由 cecilau 於 14-04-07 發表
五歲半仲未認到顏色？甘數學concept應該都唔得？現在出生率甘高，真係好難搵到小班的小學，我見以前專做s ...

分配到顏色，但記唔到名，數學概念ok，佢明白

作者: cecilau 時間: 14-4-7 17:16 標題: 回覆：taylortse 的帖子

甘你今年可以留意下有咩學校合適你小朋友？你小朋友讀緊咩幼稚園？i 位定s 位？

作者: taylortse 時間: 14-4-7 18:46 標題: 引用：甘你今年可以留意下有咩學校合適你小朋友？

原帖由 cecilau 於 14-04-07 發表
甘你今年可以留意下有咩學校合適你小朋友？你小朋友讀緊咩幼稚園？i 位定s 位？

...

阿仔讀屋企留下果啲普通幼稚園

我見阿仔進步左好多，如果普通（容合教育）果種小學我已經有心水，出年二月會再去多次智能中心做多次IQ TEST，心理學家話如果有進步再作決定，但係叫我揀定特殊同（容合）既小學先

作者: kk9129helen 時間: 14-4-8 07:10 標題: 引用：Quote:原帖由+cecilau+於+14-04-07+發表甘

原帖由 taylortse 於 14-04-07 發表
阿仔讀屋企留下果啲普通幼稚園

我見阿仔進步左好多，如果普通（容合教育）果種小學我已經有心水，出年二月 ...

容合位應該適合。當有特殊需要時，學校可以給予支援。如果正常發展，學校不用特別理你。

作者: 康晴比比 時間: 14-4-9 01:03 標題: 回覆：關於認字慢

但現今的小一已經要做閱讀理解和文字題之類了，他到時會否很吃力呢？

作者: wan_sosin 時間: 14-4-9 11:10 標題: 引用：但現今的小一已經要做閱讀理解和文字題之類

原帖由 康晴比比 於 14-04-09 發表
但現今的小一已經要做閱讀理解和文字題之類了，他到時會否很吃力呢？

...

係呀!入主流學校唔容易，一般小朋友都會有難度!如果學嘢慢，入到都會好辛苦，樓主小朋友係有進步，但水平仍然同3歲小朋友差不多!樓主請慢慢考慮!

作者: lulumelody 時間: 14-4-9 11:50 標題: 回覆：關於認字慢

我識小朋友又系幼稚園唔識A-Z，上小一(正常小學)，佢媽媽好努力敎，在小學成績雖然麻麻，但非考包尾五名，也是band2尾，所以好睇你想法和自己願唔願意試，你和小朋友—定辛苦！

作者: taylortse 時間: 14-4-9 14:03 標題: 引用：我識小朋友又系幼稚園唔識A-Z，上小一(正常

原帖由 lulumelody 於 14-04-09 發表
我識小朋友又系幼稚園唔識A-Z，上小一(正常小學)，佢媽媽好努力敎，在小學成績雖然麻麻，但非考包尾五名， ...

我其實願意同阿仔試下，因為阿仔今年先至係k2，我覺得重有進步既空間，照而家既情況，佢開始跟到老師教既野，當然我唔會比壓力阿仔，學到幾多得幾多，如果到時報小學果陣都係跟唔到，唯有接受現實，而家抱住順其自然既心態，多啲同佢睇故事書，出去見多啲不同既事物，令佢吸收多啲，佢而家開心左好多，少左發呆，因為佢知道自己學識左好多野，所以佢成日問我問題，不停自學，話比我聽學識左啲咩，見到啲字佢識既話會話比我知點讀，做阿媽既，見到咁樣真係開心到喊

作者: taylortse 時間: 14-4-9 14:12

wan_sosin 發表於 14-4-9 11:10
係呀!入主流學校唔容易，一般小朋友都會有難度!如果學嘢慢，入到都會好辛苦，樓主小朋友係有進步，但水平仍 ...

我知道,我依家而家抱住順其自然既心態，學到幾多得幾多

作者: cecilau 時間: 14-4-9 14:49

回覆 taylortse 的帖子

呢條係漫漫長路, 幼稚園時候有時間做多D 訓練, 因為上到小學, 真係無哂時間, 日日做功課, 個個星期的默書, 2-3個月一次的測考, 真係無咩時間做訓練的.

作者: HaYi 時間: 14-4-9 16:04

遲緩有得追但不知幾時才上大隊. 主流小學就算是2線的, 都可以高要求, 所以如果程度因為遲緩或學障影響, 可以成績好差, 家長都要有很大的心理準備,

我見有些可以留班, 有些反而推佢上, 但高班仲慘. , 所以找主流的都可能在可不可以留班上小心問一問, 看如果最壞的有冇留班.

作者: wan_sosin 時間: 14-4-10 21:39

taylortse 發表於 14-4-9 14:12
我知道,我依家而家抱住順其自然既心態，學到幾多得幾多

加油!努力一家有成果!

作者: taylortse 時間: 14-4-26 08:28 標題: 回覆：關於認字慢

阿仔而家進步左好多已經認到數字，而家可以跟到故事書既字一個一個咁讀比我聽，出街見到佢識既字就會指住讀比我聽想我讚佢，佢而家成個人開朗左多，自信心大左，老師教既功課跟到，而家隔兩三日教佢新既中文字，進度良好，好開心

作者: lulumelody 時間: 14-4-26 08:43 標題: 回覆：taylortse 的帖子

努力，小朋友—定可以！

作者: 悠悠110409 時間: 14-4-28 18:28

本帖最後由悠悠110409 於 14-7-9 17:12 編輯

回覆 taylortse 的帖子

....

歡迎光臨教育王國 (/)