教育王國

標題: 我是怪獸家長嗎? [打印本頁]

作者: happypigz 時間: 14-4-1 19:52 標題: 我是怪獸家長嗎?

本帖最後由 happypigz 於 14-4-1 19:55 編輯

本人細仔現在2歲3個月, 0係佢一歲多時已發覺佢唔多講野, 連BB話都好少
因為有個一大仔 (可幸大仔一切正常), 所以對比下覺得細仔有D唔妥,
一歲半返健康院時, 姑娘都話佢講野太少, 叫我多D同佢講野
佢岩岩返n班, 老師都留意到佢唔講野
之後我再問私家醫生, 佢比左封referral letter 我去大口環度排期
見完醫生, 醫生話佢言語delay左9個月至一年, 依家程度只有約一歲
醫生同社工幫我地排 i , 但係唔知排到何年何月..

我之後就上網/ 問朋友羅d 資料諗住幫佢搵私家 st...
點知我老公就話我係怪獸家長, 話洗乜搵st 丫...咪排緊個 i 囉
佢意思即係排緊 I 咁就可以q 埋雙手乜都唔做喇...
又話大大下就識講野架啦...一副世事都比佢看透哂既咀臉
又話上一堂st 要成7xx 咁貴話冇錢 (但其實我地經濟都暫時可以afford 到)

想問下各位, 究竟係咪真係大大下就會好?
即係只係依家慢過人, 就算乜都唔做都好, 始終有一日都會catch up到?
係我怪獸定係佢怪獸?
我日日都好擔心, 我驚我再咁樣同佢掙持落去, 會dum 耐左佢接受治療既時間, 害左個仔..

作者: winwinwan1121 時間: 14-4-2 00:16 標題: 回覆：happypigz 的帖子

想帮佢既话係要洗錢搵語言治療，唔可以只等政府服務，同你先生傾傾啦，我老公初時都唔贊成洗錢，最終都要向現實低頭.

作者: alexcmlam 時間: 14-4-2 10:39

happypigz 發表於 14-4-1 19:52
本人細仔現在2歲3個月, 0係佢一歲多時已發覺佢唔多講野, 連BB話都好少
因為有個一大仔 (可幸大仔一切正常), ...

按着你所分享, 既然健康院嘅姑娘, n班嘅老師, 私家醫生, 大口環嘅醫生, 4位係前線常常接觸不同小朋支嘅專業人士, 都有類似嘅睇法 --- 唔講嘢, 少講嘢, 言語delay, 綜合佢哋嘅意見總比老公嘅個人睇法有說服力一點. 如果能力負擔得到, 不妨考慮盡快開始做言語治療, 一路做, 一路再睇睇小朋友嘅言語發展成長嘅程度. 最好搵富經驗, 有愛心嘅治療師, 而呢位治療師會係每堂都會教父母點樣平時係屋企訓練小朋友講嘢, 咁樣就會事半功倍, 中長期嚟講因為治療果效大慳到錢.

作者: LongMom 時間: 14-4-2 14:56

我細仔兩歲時都未講嘢, 即排政府,亦帶咗佢上私人ST, 個治療師上咗幾個月同我地講阿仔係overall delay, 叫我地帶佢上特殊訓練, 兩歲半開始上 (自費), 等到三歲半先排到政府資助, 所以唔好等政府. 你先帶佢去做ST評估, 因為就算自費都未必即刻有位.

作者: midcocc 時間: 14-4-3 09:35

回覆 happypigz 的帖子

怪唔怪獸都不緊要，最重要是幫到小朋友。

作者: cecilau 時間: 14-4-3 11:34

回覆 happypigz 的帖子

和爸爸一起去做評估, 等佢知道個嚴重性.

作者: hktwun 時間: 14-4-3 12:05

不是怪獸家長，只是愛自己個仔。不要錯過 "黃金治療期"。

"大大下就識講野架啦"，如果咁易，我個仔就唔駛咁大個 (小六) 仲要做 "言語治療"。

作者: crystal媽咪 時間: 14-4-3 17:42

不怪獸, 有哥哥理論上應該比獨生子多D語言刺激.
慢左都唔緊要,但唔可以只等I,咩都唔做.
I位隨時等1年半至有位.
如果先生唔想上ST, 你找D社交班 / ST 小組班.
價錢平D又可以有互動.

一定要及早訓練.

作者: 悠悠110409 時間: 14-4-4 12:01

本帖最後由悠悠110409 於 14-7-9 17:10 編輯

回覆 happypigz 的帖子

....

作者: ChattyST 時間: 14-4-9 14:59

你都可以搵NGO 啲減免計劃, 例如: 明愛, 聖雅各樂寧,
平到幾十蚊一堂, 到時唔駛怕屋企人嫌貴!

而且你可以問下社工, 你是否合乎資格申請關愛基金的學前訓練, 如果合資格, 係免費做訓練直至有I /S/ E位!

作者: feipow 時間: 14-4-10 08:00 標題: 回覆：我是怪獸家長嗎?

提示: 作者被禁止或刪除內容自動屏蔽

作者: yamadalei 時間: 14-4-10 15:01

分享下﹔
我對仔仔好幸運，幾個月就排到協康既堂．
雖然申請大半免資助，但對我家一家七口，兩人工作七人食飯來講，都係好重既負擔，唔知捱到幾耐．
想當初我對仔仔去interview幼稚園ｎ班，一被陌生人竇就喊，無間收．大仔第一次去協康都喊，但老師真係好利害，可以用唔同方法ＤＲＡＷ到佢注意力，漸漸聽話．
而加我用老師既溝通方式，講話既語調同語氣，教我仔玩玩具時都一樣湊效．
我認為你既小兒子或許需要比大兒子多一點的引導，揾到好既ＳＴ幫手，事半功倍．
我對仔每星期輪流上堂，上左兩個半月到（各５堂到），好似忽然開左竅咁．我覺得佢地從老師既細心教導中學會左如何去學習．我也從老師既教導中學會左教佢地既秘笈．
咁樣令我地平時溝通都事半功倍，你真係要試下．

作者: HaYi 時間: 14-4-10 15:20

對呵, 我個有另一種SEN, 我好細個(比老師發現早)已帶去做評估, 之後至小學嚴重左看醫生, 老公因冇咩參與過, 一係以為我太緊張, 大些或自己會教好, 一係說教不好是我的問題之類... 直至看了我先己安排佢醫生食了藥, 小朋友正常左, 老公先較同意應該早有此安排.

作者: yanyan~~ 時間: 14-4-13 02:53

唔認個d先係怪獸連面對既勇氣都無

歡迎光臨教育王國 (/)