教育王國

標題: 二線小學 [打印本頁]

作者: rainbowcov 時間: 14-4-1 16:59 標題: 二線小學

如果小學係一間二線的小學, 功課唔算太多, 其實可以外補自己加強學術, 這可行嗎?

大家點睇?

作者: jojoplanet 時間: 14-4-1 17:34

rainbowcov 發表於 14-4-1 16:59
如果小學係一間二線的小學, 功課唔算太多, 其實可以外補自己加強學術, 這可行嗎?

大家點睇?

可行, 咁樣就唔駛日日做功課做到無停手,課外可以由自己控制同埋你因應佢能力而調節..

作者: little_yolky 時間: 14-4-1 18:04

rainbowcov 發表於 14-4-1 16:59
如果小學係一間二線的小學, 功課唔算太多, 其實可以外補自己加強學術, 這可行嗎?

大家點睇?

1. 要confirm係咪二線「少」功課小學, 二線唔等如少功課
2. 少功課, 自己可以加強閱讀課外書, 咁就very good了
3. 我覺得最好有私人西人native speaker教英文口語, 但我住山卡啦, 請唔到
4. 仲有最吸引既係小朋友初小時可以學自己鐘意既體藝

作者: rainbowcov 時間: 14-4-2 06:42

little_yolky 發表於 14-4-1 18:04
1. 要confirm係咪二線「少」功課小學, 二線唔等如少功課
2. 少功課, 自己可以加強閱讀課外書, 咁就very go ...

就係好難得俾我搵到間，講明如果應付唔到太多功課，可以向學校要求小功課，而且間小學有我小朋友鐘意的體藝。

作者: little_yolky 時間: 14-4-2 09:25

rainbowcov 發表於 14-4-2 06:42
就係好難得俾我搵到間，講明如果應付唔到太多功課，可以向學校要求小功課，而且間小學有我小朋友鐘意的體藝 ...

咁都俾你搵到, 辛苦晒。

BTW, just for information. 我朋友都好似你咁, 好辛苦搵到間二線唔谷小學, 但唔好彩, 入學果年換校長, 成間學校「活」晒, 你明咩事啦。佢依家連份工都辭埋帶小朋友, 都好辛苦。

所以, 記得check埋校長仲有幾耐退休。

作者: MrBeast 時間: 14-4-2 09:41

本帖最後由 MrBeast 於 14-4-2 09:43 編輯

首先想搞清楚，樓主你意思是就小孩的進度來加强/補，和你對升中有乜要求，otherwise, 找間少功課跟著自己又加番我會question 有幾多好處.

執行上我會make sure 可以找到合適的老師or 校外課堂or 自己有時間和能力。

作者: rainbowcov 時間: 14-4-2 10:53

回覆 little_yolky 的帖子

哈哈, 就係剛剛轉校長, 做了約半年, 都年輕, 對教育有熱誠, 佢就係有心改革原本學校的制度, 佢的理念我都幾認同, 難得佢有心, 而且佢係另一間學校轉來, 佢係原本學校都很受家長歡迎。

作者: rainbowcov 時間: 14-4-2 11:00

MrBeast 發表於 14-4-2 09:41
首先想搞清楚，樓主你意思是就小孩的進度來加强/補，和你對升中有乜要求，otherwise, 找間少功課跟著自己又 ...

初步了解過學校, 見到老師們的教學都OK, 只是諗如果想強化所學的, 都有空間/時間。

作者: MrBeast 時間: 14-4-2 12:25

rainbowcov 發表於 14-4-2 11:00
初步了解過學校, 見到老師們的教學都OK, 只是諗如果想強化所學的, 都有空間/時間。 ...

明白，因為之前我找kg 也是想這樣想，最後到找小學我放棄了這諗頭（might be i didnt try hard enough or not as lucky as u), k3 repeat 一年給我的小孩時間和空間instead，小學因為是全日，平日可用的時間不多，所以我覺得i made the right choice。

作者: rainbowcov 時間: 14-4-2 13:44

MrBeast 發表於 14-4-2 12:25
明白，因為之前我找kg 也是想這樣想，最後到找小學我放棄了這諗頭（might be i didnt try hard enough or n ...

你意思是用了一年REPEAT的時間來打好基礎, 而找小學時就搵D積極的學校?

作者: rainbowcov 時間: 14-4-2 14:06

回覆 MrBeast 的帖子

但功課量如何? 校內成績競爭激烈嗎?

作者: MrBeast 時間: 14-4-2 14:10

回覆 rainbowcov 的帖子

有一點想reiterate, 你心儀的小學和自己的情況，每日放學和完成功課後實際有多少時間可跟進其他東西，這點也要考慮下。

作者: MrBeast 時間: 14-4-2 14:16

rainbowcov 發表於 14-4-2 14:06
回覆 MrBeast 的帖子

但功課量如何? 校內成績競爭激烈嗎?

功課還是可以，不過真的教得很快和要記很多字，如果基礎唔好，可能會難應付。
至於競爭，其實好睇父母心態，小一二我自己無乜所謂，不討厭返學和合格便ok。

作者: little_yolky 時間: 14-4-9 17:27

MrBeast 發表於 14-4-2 12:25
明白，因為之前我找kg 也是想這樣想，最後到找小學我放棄了這諗頭（might be i didnt try hard enough or n ...

請問你有無覺得由細B轉咗做大B, 有明顯的差異?

作者: MrBeast 時間: 14-4-9 17:32

little_yolky 發表於 14-4-9 17:27
請問你有無覺得由細B轉咗做大B, 有明顯的差異?

180 度，不過你都知my view on this is a little biased ga la. :)

作者: little_yolky 時間: 14-4-9 17:43

MrBeast 發表於 14-4-9 17:32
180 度，不過你都知my view on this is a little biased ga la. :)

180度咁多? 我日日望緊阿囡變醒咗。可能係我自己有問題, 唔知點解從幼稚園到小學到各項興趣班, 所有老師都覺得我阿囡無問題, 只有我兩公婆覺得阿囡點解咁死蠢。

噚日又激到個阿爸要鬧佢。話說教緊錢兌換, 問佢10蚊等如幾多個1元, 佢就知10個, 跟住問咁1蚊等如幾多個1毫, 就呆咗。

作者: MrBeast 時間: 14-4-9 19:46

little_yolky 發表於 14-4-9 17:43
180度咁多? 我日日望緊阿囡變醒咗。可能係我自己有問題, 唔知點解從幼稚園到小學到各項興趣班, 所 ...

咁講la, 我個之前做細B時是冇樣掂，教極都唔識，repeat 後，我們主力攻中和英，現時小一默書和理解都ok, 這兩方面再不需要花太多時間，但相對上放在數的時間少，最主要是因為在 repeat k3 時沒遇到大問題，現時一些ok, 有一些還是會struggle的。其實每個孩子的發展是unique ，有時找到合適的方法的確可幫一下，如上面提到，找些實物可能會幫到。

作者: jojoplanet 時間: 14-4-10 09:34

MrBeast 發表於 14-4-9 19:46
咁講la, 我個之前做細B時是冇樣掂，教極都唔識，repeat 後，我們主力攻中和英，現時小一默書和理解都ok, 這 ...

請問你小朋友係KG邊年REPEAT?佢有無唔開心呀?

作者: jojoplanet 時間: 14-4-10 09:50

Mr Beast 我個係12月細B, 佢有一個哥哥, 佢2個我都係以嘗試性質係KG比佢地做細B, 哥哥而家小二都OK..但細佬唔知係咪一開始菲律賓工人湊係雙語環境下影響佢理解能力(老師同健康院姑娘話). 所以對比哥哥佢係差D, 平時係學校功課同回家做功課佢問題不大, 但係認字就唔係好得咁. 同埋最近我發覺佢無心自信心, 我估係因為細B問題佢觀察到人地比佢好, 當年我觀察哥哥去到K3時我發覺都有呢D問題, 好彩上小學佢發覺有野叻過人先有番自信心, ..所以我考慮比唔比佢REPEAT..老師話如果真係REPEAT就最好K2但查實佢又唔建議小朋友REPEAT因為對佢地心理有影響, 我又諗不如REPEAT加轉校, 但佢而學校有個好朋友我又唔想佢走....或者觀察埋K2再作決定囉.

作者: jojoplanet 時間: 14-4-10 10:00

MrBeast 發表於 14-4-9 19:46
咁講la, 我個之前做細B時是冇樣掂，教極都唔識，repeat 後，我們主力攻中和英，現時小一默書和理解都ok, 這 ...

睇咗你個BLOG..同我細仔有D相似..

作者: MrBeast 時間: 14-4-10 12:38

jojoplanet 發表於 14-4-10 09:50
Mr Beast 我個係12月細B, 佢有一個哥哥, 佢2個我都係以嘗試性質係KG比佢地做細B, 哥哥而家小二都OK..但細佬 ...

其實我個應該一開始就做大B，不過中間位又的確是很難決定，尤其是在你的case 哥哥做細B又ok，又多一因素要考慮。

在K3，我用很sincere 的語氣問:「如真的覺得很難不如讀多一年好嗎？」，講之前(1-2個月）已prep 左好幾次話覺得難是因為比人細，幸運地又比我們轉到另一間kg, 咁就易spin 個story, eg 新的kg 英文較好，上小學冇咁辛苦⋯⋯

老實說心理影響點都有d，不過我的case很易取捨那一樣最重要，我們也有擔心在新kg能否適應（語言不好多數社交都不好），初初頭一兩個月經常找班主任問在校園的情況，搞個生日party, 仲要揀近lunch 時段，希望能多一些guest到, 真係要幾多心機下，不過又真係世上無難事和船到橋頭自然直的。

或者試考下其他的，有好offer 咪轉另一間repeat, 冇就升k3睇下點再決定，另外收下風現kg k3 的程度，考慮一下孩子能夠承受。

作者: jojoplanet 時間: 14-4-10 14:11

MrBeast 發表於 14-4-10 12:38
其實我個應該一開始就做大B，不過中間位又的確是很難決定，尤其是在你的case 哥哥做細B又ok，又多一因素要 ...

其實都唔知考邊類型學校好...如果揾間淺過而家咁對升小一無幫助咪仲衰..但揾間深過既佢又可能跟唔到..

作者: MrBeast 時間: 14-4-10 15:19

jojoplanet 發表於 14-4-10 14:11
其實都唔知考邊類型學校好...如果揾間淺過而家咁對升小一無幫助咪仲衰..但揾間深過既佢又可能跟唔到.. ...

無需考慮咁多，short list 幾間心儀的，有offer 再諗。我們決定轉校後找朋友看看這kg的練習和功課，然後找1:1 net 補phonics，有很多野是可以做to smooth out the transition.

作者: abloy 時間: 14-4-10 15:27

提示: 作者被禁止或刪除內容自動屏蔽

作者: jojoplanet 時間: 14-4-10 16:01

MrBeast 發表於 14-4-10 15:19
無需考慮咁多，short list 幾間心儀的，有offer 再諗。我們決定轉校後找朋友看看這kg的練習和功課，然後找1 ...

岩。。。錢係可以解決好多問題。。

作者: jojoplanet 時間: 14-4-10 17:24

jojoplanet 發表於 14-4-10 16:01
岩。。。錢係可以解決好多問題。。

老師都係話如果ＲＥＰＥＡＴ　Ｋ２係最好。我觀察埋佢Ｋ２上學校再作決定。

作者: mansum92 時間: 14-4-10 18:05 標題: 回覆：二線小學

要睇係想比幾多effort去加強個小朋友, 我選了一間小功課的小學, 小朋友係好開心,但換來的是自己嘔血。每天閱讀閱讀加閱讀, 不過都算值得的

作者: little_yolky 時間: 14-4-24 14:05

mansum92 發表於 14-4-10 18:05
要睇係想比幾多effort去加強個小朋友, 我選了一間小功課的小學, 小朋友係好開心,但換來的是自己嘔血。每天 ...

都唔駛好嘔血啫。

我都係二線, 好少功課, 教得好淺, 但阿囡都只能在中上游。我無push佢, 佢返學好開心, 心理狀態好好, 自我感覺良好。話說噚晚做數, 三題錯兩題, 我正想嘔血時, 佢話：哇, 我好叻喎, 有一題啱咗。我都忍唔住笑咗出嚟。

歡迎光臨教育王國 (/)