教育王國

標題: 何時知道小六學生確實banding [打印本頁]

作者: 小蜜蜂BB 時間: 14-4-1 10:31 標題: 何時知道小六學生確實banding

一齊知是嗎？

作者: Horsebbj 時間: 14-4-1 10:40

回覆小蜜蜂BB 的帖子

不知道小學會否知道, 我校過往只是以多年累積數據估計.

作者: 樂恩媽 時間: 14-4-1 10:47

其實,一般是考完呈三後,由學校老師按經驗估計,讓家長有得參巧填四月的統一派位。有錯請更正。

作者: 小蜜蜂BB 時間: 14-4-1 10:56

吓！估計

作者: littlemrs 時間: 14-4-1 11:15

邊緣人, 估錯好大件事啊!

作者: cchan2002 時間: 14-4-1 11:30 標題: 引用：邊緣人,+估錯好大件事啊!

原帖由 littlemrs 於 14-04-01 發表
邊緣人, 估錯好大件事啊!

錯左直情大件事，例如今天全年（平均計）60名，已經可以同舊年相同名次嘅分數好唔同，最後banding 結果亦可以唔同！

作者: BHT 時間: 14-4-1 11:38 標題: 回覆：何時知道小六學生確實banding

學校都係估咋，一定有誤差，邊緣人要好小心，小兒正是

作者: littlemrs 時間: 14-4-1 11:51

其實可唔可以用學校前2屆的派英文中學的比估 banding?

作者: cchan2002 時間: 14-4-1 12:10 標題: 引用：其實可唔可以用學校前2屆的派英文中學的比

原帖由 littlemrs 於 14-04-01 發表
其實可唔可以用學校前2屆的派英文中學的比估 banding?

可以參考，但可能有誤差，除相同名次分數可能有差別，亦可能自行收生呢part 有出入，如前2屆學生自行好醒，有好多band 2 生入band 1 校，咁整體入band 1 學校學生咪多左，相反亦有可能，所以boundary ，都係唔好過勇！

作者: Mei 時間: 14-4-1 13:37 標題: 回覆：何時知道小六學生確實banding

全部都是估的，包括學校，只有教育局部電腦知，是不會公佈的。

作者: MariaTsui 時間: 14-4-1 14:55

BHT 發表於 14-4-1 11:38
學校都係估咋，一定有誤差，邊緣人要好小心，小兒正是

囝囝都是邊緣人,所以自行一定要很小心,希望自行收左

作者: BHT 時間: 14-4-1 15:24 標題: 引用：Quote:BHT+發表於+14-4-1+11:38+學校都係估

原帖由 MariaTsui 於 14-04-01 發表
囝囝都是邊緣人,所以自行一定要很小心,希望自行收左

學校安排4月16日聽講座，見班主任，
應該會講埋小兒的最終 banding。

作者: Band5 時間: 14-4-1 20:55 標題: 引用：Quote:BHT+發表於+14-4-1+11:38+學校都係估

原帖由 MariaTsui 於 14-04-01 發表
囝囝都是邊緣人,所以自行一定要很小心,希望自行收左

邊緣人靠自行應該唔易，報B1要同其他B1生逐個秤，要面試好好或有特異功能。報B2又唔忿！

最後上到B1就一天光晒！B2抽得好簽都可能OK，否則乙部第二志願就係關鍵！

作者: ohnono 時間: 14-4-1 22:09

BHT 發表於 14-4-1 15:24
學校安排4月16日聽講座，見班主任，
應該會講埋小兒的最終 banding。

你說的沒錯，因教局會在四月初將今年同學三次呈分後得出的整體banding分佈通知學校。雖然學校是得知今年會有幾多同學是banbd 1、2和3，但由於不確定是那位同學是那個banding，而單以校內標準化後的排名會跟教局的排序有出入。再者，最後的banding排序還會受同區其他學校的同學所獲的分數影響，經過三次呈分後的變化非常大，誤差無可能避免。
另一方面，亦由於今年升中人口的變化，每個組別亦出現變異，要準確推算同學的banding都十分艱難。所以，除band 1頭、中較有把握推算到之外，band 1尾和band 2頭的同學就最易估錯，唯有將實際知道所獲得的數量之外，由有經驗的老師跟據同學三次呈分的差異(差異越大就越危險，三次呈分都好穩定的相對會較準確)，加上以往相同名次派位的經驗適當地將介乎兩組別中間的同學列作邊緣人。

慶幸今年跟上年派位同是跟據2010/12的PreS1成績作計算，有了上年的派位結果，今年應該又會比較準確。雖然有些學校仍堅持不向同學告訴推算的結果，同學仍應盡可能向老師查詢自己的banding或要求老師協助選校。

作者: BLUEYELLOW 時間: 14-4-1 22:50 標題: 引用：Quote:BHT+發表於+14-4-1+15:24+學校安排4

原帖由 ohnono 於 14-04-01 發表
你說的沒錯，因教局會在四月初將今年同學三次呈分後得出的整體banding分佈通知學校。雖然學校是得知今年會 ...

好詳盡的分析，真是謝謝！

作者: cchan2002 時間: 14-4-1 23:00 標題: 引用：Quote:BHT+發表於+14-4-1+15:24+學校安排4

原帖由 ohnono 於 14-04-01 發表
你說的沒錯，因教局會在四月初將今年同學三次呈分後得出的整體banding分佈通知學校。雖然學校是得知今年會 ...

好奇想問下，教署在四月公怖給學校知今年每個組別的比例，目的為何？點解唔係7月放榜後先通知學校？學校收到呢個比例，會否公怖給家長知道？或是保密？如給家長知道，那會令人聯想到此校程度，而影響小一報名，學校收到此數字，用黎估學生banding , 準就好，唔準就......教署係咪想靠害？！

作者: ohnono 時間: 14-4-1 23:33

cchan2002 發表於 14-4-1 23:00
好奇想問下，教署在四月公怖給學校知今年每個組別的比例，目的為何？點解唔係7月放榜後先通知學校？學校收 ...

如果教局連這個比例都唔通知小學，跟本小學連推算都沒可能。你睇返教局的計算banding的方法就知。學校，甚至家長都全完被蒙在鼓裡。另一方面，我地成日話睇返上年點樣點樣就可推算，坦白說，如果全部同學，甚至全區的同學都是好穩定的還可以，因為呈分試是三次呈分，而三次都要作配對，配對完然後才三次平均，跟學校用的標準分去推算和平均，根本相差十萬九千里。試問要學校咁樣去估去推算，我肯定好多同學都會錯band。就算是邊緣人，都沒可能無止境的擴大，某麼才足夠？甚麼才算是保險？但這個制度還要暢順的運作下去嘛，點可能年年大量同學錯band，又話唔準叩門。那些官雖然係不吃人間煙火，但未至於蠢！
為甚麼唔係7月放榜後先通知學校？首先，這些資料是幫助同學選校的，侍7月才公佈只怕已成明日黃花！而且教局又會在11月後將今年派位的本區概況通知學校。7月放榜時，各學校又可以提早一日取得成績作統計，還何需要教局在7月通知學校。教局所有關於同學的組別、分配、比例、派位等這些資料只是供學校參考，不可公開的，不論小學，就算中學都一樣，同學永遠不可能在你們中學裡得悉自己的banding同一原因。你們小學點解要將同學的banding寫在一小紙條上而不正式出報告，可能已比到你們啟示吧。

至於準唔準，坦白說，因為教局都沒有正式公佈那個同學是甚麼banding，學校只得一條大數，跟本沒可能百份百準確，特別是那些邊緣同學。學校老師都只能憑三次成績的起跌和以往派位情況來推算。如果老師話得係邊緣同學的都好大機會是邊緣人了，至於老師未當是邊緣人的，機會唔係冇，老師都會估錯，只是機會較細而矣，在適當的位置放入保險學校還是有需要的。大家可以留意油尖旺、九龍城這兩個band 1位較多的區域，一些真band 2而派往band 1學校的，將會直接影響老師對邊緣範圍的推算的，所以這兩個區係特別多錯band情況發生！

作者: ohnono 時間: 14-4-2 00:01

cchan2002 發表於 14-4-1 23:00
好奇想問下，教署在四月公怖給學校知今年每個組別的比例，目的為何？點解唔係7月放榜後先通知學校？學校收 ...

教局是否想靠害？佢一定話唔係！教局從來都是想家長選校時揀選一間合適程度的學校，不過我們家長太唔聽佢話，個個集中在嗰幾間箒。而且在教局心目中，中學是沒有banding之分的。只係學校自己標榜公開試成績，將我們引導去成績越好就是banding越高的學校的這個概念去。教局強調係讓每間中學都有不同學習能力的同學一起學習，看來佢係想玩殘中學又同時靠害家長囉！

作者: cchan2002 時間: 14-4-2 05:30 標題: 引用：Quote:cchan2002+發表於+14-4-1+23:00+好奇

原帖由 ohnono 於 14-04-02 發表
教局是否想靠害？佢一定話唔係！教局從來都是想家長選校時揀選一間合適程度的學校，不過我們家長太唔聽佢話 ...

"教局強調係讓每間中學都有不同學習能力的同學一起學習..." 但個制度又按組別先後去派位？！統一交表前派俾小學有限數據，擺明玩學校，又唔可以全面比家長知，但又要幫你估，我個人覺得家長是有權知道呢個數據，自己作出風險評估，依家情況係，名次又話唔可以講得，學校派位組別比例又唔透露得，自行收生得唔得又無權知！好似叫人劃張車飛，只知幾點開車，乜月台上、坐乜位，去乜目的地，到時你咪知囉，拿拿拿，飛係你自己劃，無得怨人

作者: HK4integritas 時間: 14-4-2 23:48

回覆 cchan2002 的帖子

一針見血但冇法震醒啲教育局啦! 政府既用校内排名和前屆畢業生的成績（離哂普），去定學生的全港排名，學生家長卻連Banding 都唔知道，直情虛偽地搞階級分裂

作者: 小蜜蜂BB 時間: 14-4-2 23:53

真係比佢玩到尾，第三次呈分呀仔考得不錯。聽到其他同學跌左好多分。原來又係估

作者: ohnono 時間: 14-4-3 00:46

本帖最後由 ohnono 於 14-4-3 00:47 編輯

小蜜蜂BB 發表於 14-4-2 23:53
真係比佢玩到尾，第三次呈分呀仔考得不錯。聽到其他同學跌左好多分。原來又係估 ...

試下睇完之後會唔會冇咁驚！

升中派位今日放榜

-A
+A

星島日報 – 2013年7月9日星期二上午8:49

升中派位今日放榜，近九成學童獲派首三志願學校，七成六更獲派首志願，其中獲派首志願的人數至少創近13年的新高。

今年約5萬1600人參與升中派位，較去年銳減5200人，教育局昨公布升中派位結果，整體有八成九學童獲派首三志願學校，七成六人更獲派首志願，分別較去年上升3及4個百分點，其中獲派首三志願的人數，平了10年的紀錄，當年因實施教學語言微調政策，令滿意率飆升至八成九；獲派首志願的人數則至少創近13年的新高。

每所中學最多撥出三成學額，作為自行分配學位，獲派這類學位的學生中，六成四獲派首志願學校，較去年微升兩個百分點；通過統一派位階段而獲派學位的學生中，八成二獲派首三志願，六成更獲派首志願，均比去年上升3及4個百分點。

https://hk.news.yahoo.com/%E5%8D%87%E4%B8%AD%E6%B4%BE%E4%BD%8D%E4%BB%8A%E6%97%A5%E6%94%BE%E6%A6%9C-004900478.html

作者: cchan2002 時間: 14-4-3 06:12 標題: 引用：+本帖最後由+ohnono+於+14-4-3+00:47+編輯+

原帖由 ohnono 於 14-04-03 發表
本帖最後由 ohnono 於 14-4-3 00:47 編輯

一班四十人始終都有約八個十個派唔倒第一志願，抽獎始終有人中，有人唔中，一齊要交俾個天決定！

作者: simonkawah 時間: 14-4-3 06:36 標題: 回覆：何時知道小六學生確實banding

其實而家所謂的第一志願有三次機會，仍有人會三次吾擺同一間學校。（我計劃正是），咁求其中一間都計第一志願。所以條數實靚。首三志願基本上吾估錯band實中tim.
所以d學校標榜自己幾多%入頭三志願我覺得得啖笑。政府標榜數字更加是來話俾人聽個遊戲好多人滿意。

作者: cchan2002 時間: 14-4-3 10:00 標題: 引用：回覆+cchan2002+的帖子 +一針見血但冇法震

原帖由 HK4integritas 於 14-04-02 發表
回覆 cchan2002 的帖子

一針見血但冇法震醒啲教育局啦! 政府既用校内排名和前屆畢業生的成績（離哂普）， ...

中哂points, 有幾多人，自行後知道唔惦，係統一改變選擇，統一第三個志願變相成為最後防線，第一至三如有89%，剩低11%學額！

作者: changin 時間: 14-4-5 19:11

提示: 作者被禁止或刪除內容自動屏蔽

作者: changin 時間: 14-4-5 19:12

提示: 作者被禁止或刪除內容自動屏蔽

作者: cchan2002 時間: 14-4-5 21:42 標題: 引用：Quote:HK4integritas+發表於+14-4-2+23:48+

原帖由 changin 於 14-04-05 發表
升中人生大事卻黑箱作業

最慘係呢個神秘黑箱，仲不設投訴番查機制，我想問下世間上有邊個process 可以100% 準確？簡直ridiculous !!

歡迎光臨教育王國 (/)