教育王國
標題: 不是標簽, 但想知:為小孩選擇所謂一線或二線的原因 [打印本頁]
作者: rinarina 時間: 14-3-31 15:00 標題: 不是標簽, 但想知:為小孩選擇所謂一線或二線的原因
本帖最後由 rinarina 於 14-3-31 15:04 編輯
有些人要爭住入出名的小學(所謂一線), 但有些人寧願揀二線, 究竟分別在於什麼? 我要揀學校了, 大家有咩心得分享下?
但又聽講無論一或二線津校都係{谷}, 咁有咩分別?
作者: 芝士BB 時間: 14-3-31 15:16 標題: 回覆：不是標簽, 但想知:為小孩選擇所謂一線或二線的原因
物以類聚，人以群分，年幼的小朋友很受朋輩影響。加上，就算同樣是一年班，不同學校的程度真的可以相差很遠。
作者: hkpapa852 時間: 14-3-31 15:22
回覆 rinarina 的帖子
搵一線學校的原因:
1. 唔想俾小朋友輸係起跑線, 覺得入到一線學校, 日後就前(錢)途無限
2. 覺得自己小朋友一定係人中龍鳳
仲有一樣事實, 但好多家長都唔會認:
- 家長虛榮心或者唔想輸俾人睇既心態
搵二線既原因, 較易入, 成績都唔會太差, 只係講俾人知無禁好聽
一二線都谷, 原因好簡單, 香港人大多數都係成績/結果為本, 唔谷的話, 入到Band 1學校的學生數量就會減少..... 學校就會俾人話佢"差", "唔掂"..... 跟住就越嚟越少人揀, 成績就越嚟越"差", 最後可能攪到殺校
你問下自己自己到底想點
作者: freeman108 時間: 14-3-31 15:24
回覆 hkpapa852 的帖子
一二線都谷, 所以我會找一線
作者: rinarina 時間: 14-3-31 15:29
回覆 hkpapa852 的帖子
如果家長本身都注重小朋友學習, 會吾會入二線小學做BAND 1 生容易D?
作者: hkpapa852 時間: 14-3-31 15:37
回覆 rinarina 的帖子
一線學校同一線學校其中一個分別係, 一線學校Band 1學生比例較高, 如超過50%; 二線學校Band 1生的比例可能只有30%-40%
基本上如果有能力確保小朋友成績在全級頭10名內, 係一二線學校應該都係Band 1
作者: chingcging 時間: 14-3-31 16:16 標題: 回覆：不是標簽, 但想知:為小孩選擇所謂一線或二線的原因
我唔理佢第幾線，我只簡啱小朋友嘅學校。
作者: 四隻貓 時間: 14-3-31 16:26 標題: 引用：回覆+hkpapa852+的帖子
一二線都谷,+所以
原帖由 freeman108 於 14-03-31 發表
回覆 hkpapa852 的帖子
一二線都谷, 所以我會找一線
我都係咁睇，二線因要上位，比一線更多功課更辛苦。
作者: hkpapa852 時間: 14-3-31 16:30
一線學校: 學校揀學生
二線學校: (仲有機會係)學生揀學校
作者: lovebb2 時間: 14-3-31 16:56 標題: 引用：回覆+rinarina+的帖子
一線學校同一線學校
原帖由 hkpapa852 於 14-03-31 發表
回覆 rinarina 的帖子
一線學校同一線學校其中一個分別係, 一線學校Band 1學生比例較高, 如超過50%; 二線 ...
唔好意思，總共有幾多線？ 3線？5線？
入英中有50%已是一線？30%-40%已是二線？ 個人感覺，30-40%入英中好似好普通喎。
唔知我理解有冇錯，
thanks a lot
作者: little_yolky 時間: 14-3-31 17:02
lovebb2 發表於 14-3-31 16:56 
(一線學校Band 1學生比例較高, 如超過50%; 二線學校Band 1生的比例可能只有30%-40%)
唔好意思，總共有幾多 ...
作者: hkpapa852 時間: 14-3-31 17:04
回覆 lovebb2 的帖子
有幾多線? 我唔識答你, 個答案其實係你自己訂.
有D人, 眼中永遠只有個3幾間學校, 其它都不入流, 佢地覺得只有一線到垃圾2類
英中唔一定係Band 1. 你睇下學校升中資料就知道有幾多學校人升到英中 (如果有公佈)
作者: little_yolky 時間: 14-3-31 17:07
rinarina 發表於 14-3-31 15:00
有些人要爭住入出名的小學(所謂一線), 但有些人寧願揀二線, 究竟分別在於什麼? 我要揀學校了, 大家有咩心得 ...
1. 無咁谷(actually讀咗一個學期覺得實際係完全唔谷)
2. 校風純樸
3. 阿囡唔係話頭醒尾材料, 唔好要佢去band 1學校, 佢辛苦時我又辛苦
4. 希望「物與類聚」, 避走雙非
5. 有間無乜人揀既聯繫中學, 升中壓力無咁大, 可以發展阿囡學業以外既專長
6. 最後, 亦係最重要既, 係希望佢讀得開心(so far till now, 佢依然開心)
作者: ha8mo 時間: 14-3-31 17:44
提示: 作者被禁止或刪除 內容自動屏蔽
作者: karen55407 時間: 14-3-31 17:56 標題: 回覆：不是標簽, 但想知:為小孩選擇所謂一線或二線的原因
真係有小學升中只有8%上Band One中學
作者: hoihoima 時間: 14-3-31 18:46
回覆 hkpapa852 的帖子
“基本上如果有能力確保小朋友成績在全級頭10名內, 係一二線學校應該都係Band 1”
請教點可以“確保小朋友成績”呢？
作者: boboapril 時間: 14-3-31 18:50 標題: 回覆：rinarina 的帖子
如果你了解升中自行的機制、你就會知道分別。如果唔理自行、只計統一派位就無乜大分別（去番自己Banding 的同區中學）
作者: hoihoima 時間: 14-3-31 18:51
rinarina 發表於 14-3-31 15:00
有些人要爭住入出名的小學(所謂一線), 但有些人寧願揀二線, 究竟分別在於什麼? 我要揀學校了, 大家有咩心得 ...
作者: ACE2126 時間: 14-3-31 19:39
提示: 作者被禁止或刪除 內容自動屏蔽
作者: wan_sosin 時間: 14-3-31 22:35
本帖最後由 wan_sosin 於 14-3-31 22:36 編輯
ACE2126 發表於 14-3-31 19:39
小學的線好難有標準
把課本讀好，再讀課外書，參加課外活動，認真、努力，讀哪一間也差不多
agree!
若然對自己小朋友有信心,邊間學校都唔太緊要,二線又何況?小朋友讀得開心緊要D!
我識有家長,覺得個小朋友唔掂,反而揀一線學校,希望靠間學校幫到成績!話真係追唔上再轉校,咁只係一廂情願!
我揀咗間係一線同二線中間嘅學校!揀嘅原因係近同小班!
作者: 已刪除用戶 時間: 14-3-31 23:00 標題: 回覆：不是標簽, 但想知:為小孩選擇所謂一線或二線的原因
我咁諗唔知啱定錯，如果只focus升中banding,讀一線，只要保持到前50%，已可以成為band 1生。而二線，要去到更前位置,即是二線可能更需要爭崩頭，力爭上游。而一線只要平平穩穩便可。
作者: hkpapa852 時間: 14-4-1 00:21
回覆 Popo01 的帖子
維持係一線學校的前50％可能重難過維持係二線學校的前30％
作者: hkpapa852 時間: 14-4-1 00:26
回覆 ha8mo 的帖子
官津校應該無乜可能得10幾人一級，因為好似有規定如果連續2年不能達收生下限(好似23人）就要殺校
作者: 已刪除用戶 時間: 14-4-1 00:55 標題: 引用：回覆+Popo01+的帖子
維持係一線學校的前50
原帖由 hkpapa852 於 14-04-01 發表
回覆 Popo01 的帖子
維持係一線學校的前50％可能重難過維持係二線學校的前30％ ...
作者: ha8mo 時間: 14-4-1 10:18
提示: 作者被禁止或刪除 內容自動屏蔽
作者: little_yolky 時間: 14-4-1 10:52
wan_sosin 發表於 14-3-31 22:35
agree!
若然對自己小朋友有信心,邊間學校都唔太緊要,二線又何況?小朋友讀得開心緊要D!
我妹妹細個時明顯比較蠢, 當年家父話與其在好學校考第尾, 不如在差一點的學校考第一, 咁會開心啲。佢依家中文系大學畢業了。上一輩父母的諗法, 有我們參考既價值。
作者: hkpapa852 時間: 14-4-1 10:52
ha8mo 發表於 14-4-1 10:18
這是我從某港島區學校年報抄出來的學生人數記錄
某年寫到明Band 1得8個人，咁係咪考第9已經係Band 2？
以果年計, 係! 第9已經係個間學校既Band 2學生, 不過有"機會"仲係同區Band 1學生
Band 1比例有幾多, 好似係要睇番D師兄師姊係中一個評分試(有錯請指証)
好似呢間學校Band 1比例都大約20%, 不過因為人數少, 所以其實只得幾個Band 1生..... 呢類型學校(人數少, Band 1比例低過30%..... 個人定義可以叫三線), 要全級頭五名甚至頭三名先安全.......
作者: feiji 時間: 14-4-1 10:52 標題: 引用：Quote:hkpapa852+發表於+14-4-1+00:26+回覆
原帖由 ha8mo 於 14-04-01 發表
這是我從某港島區學校年報抄出來的學生人數記錄
某年寫到明Band 1得8個人，咁係咪考第9已經係Band 2？
作者: hkpapa852 時間: 14-4-1 10:55
回覆 little_yolky 的帖子
呢樣真, 如果小朋友係精英班考第尾, 雖然可能仲係全級30名內, 但小朋友永遠覺得自己差過人, 打擊自信
一線學校, 成績差一分可以已經差咗幾個名次
作者: wan_sosin 時間: 14-4-1 11:08
little_yolky 發表於 14-4-1 10:52
我妹妹細個時明顯比較蠢, 當年家父話與其在好學校考第尾, 不如在差一點的學校考第一, 咁會開心啲。佢依家 ...
世伯好有智慧!我都係咁諗,做小池大魚比較好!
就算小朋友真係叻,都唔一定要入最TOP嘅學校,因為揀間輕鬆一D,個小朋友可以好輕鬆去學習,多出來嘅時間還可以自己去學其他有興趣嘅嘢!
老師都成日覺得我個仔可以入一線頭嘅學校!但我揀咗間中規中矩就算!一來男仔好玩未會咁快定性!二來如果咁樣可以考到前頭係好事!
作者: ha8mo 時間: 14-4-1 11:11
提示: 作者被禁止或刪除 內容自動屏蔽
作者: ACE2126 時間: 14-4-1 11:17
提示: 作者被禁止或刪除 內容自動屏蔽
作者: ha8mo 時間: 14-4-1 11:30
提示: 作者被禁止或刪除 內容自動屏蔽
作者: rainbowcov 時間: 14-4-1 11:32
回覆 ACE2126 的帖子
怕個魚池放唔落條大魚?
作者: anntx3 時間: 14-4-1 11:47
好像很有道理，但似乎是自己騙自己。
學校固然有得去低學術的學校，令自己成為第一。
但如果沒得移民，你之後只有香港社會一條後路。
小時候培養了自信心，但當進入社會即遇上錯折，怎麼辦？
懂得面對失敗嗎？還是只學會逃避？
當然如能學到山外有山，人外有人的態度當然最好。
作者: ACE2126 時間: 14-4-1 11:52
提示: 作者被禁止或刪除 內容自動屏蔽
作者: little_yolky 時間: 14-4-1 12:32
ACE2126 發表於 14-4-1 11:17
小池大魚，也要看那池有幾小，條魚有幾大。
作者: lauwingtai 時間: 14-4-2 12:24
little_yolky 發表於 14-4-1 10:52
我妹妹細個時明顯比較蠢, 當年家父話與其在好學校考第尾, 不如在差一點的學校考第一, 咁會開心啲。佢依家 ...
我當年都係二三流小學考頭幾名, 都入到Band 1 中學, 升中後都考到頭十幾名, 會考成績都唔差, 有22分, 全個學習生涯都輕輕鬆鬆。
作者: palmchristy 時間: 14-4-2 12:58
當年選小學, 主要選升中時, 學生派入/考入主要收讀band1學生比率高的小學.
因此兩個女入左同一間band1比率八九成的學校.
後來發現大女成績只能在在中間至中上浮浮沉沉.
不過我相信大女升中學後會有蜜月期. 因為該小學在正常課程外, 為同學預備了不少中學的課程, 也在幫助同學應付面試方面下了很多功夫. 我想, 這就是那些中學喜歡收該校學生的原因.
但由於唔想再咁患得患失, 最後安排細女轉入半龍校. 唔想再煩一次呈分試.
作者: lauwingtai 時間: 14-4-2 13:12
anntx3 發表於 14-4-1 11:47
好像很有道理，但似乎是自己騙自己。
學校固然有得去低學術的學校，令自己成為第一。
但如果沒得移民，你之 ...
要揀合適的學校, 梗係唔會話揀全區最水皮的小學, 就為了考第一咁搞笑啦! 如果真係咁, 就真係如你所說的自己騙自己了, 但在二線學校要考得前, 其實都要好努力, 一d都唔易。
但在一線頂的學校, 壓力未必人人應付到, 早前看過一個港台節目, 有個小朋友測驗97分, 但班中有很多人高分過自己, 那小朋友收到成績後哭了, 說覺得自己好冇用, 溫習了很久也被扣了三分, 覺得對唔住父母。港台將小朋友哭的片段播給他爸爸睇, 爸爸也很傷心, 即時將他的補習班興趣班減半,讓兒子少點壓力。
要透過這種形式去學習「山外有山, 人上有人」嗎? 97分是值得自豪的分數, 但那小孩只得到自卑。這樣可以學懂面對失敗嗎? 亦唔覺得。
再重申我的觀點, 唔係話要揀九流垃圾校黎讀, 讓仔女考第一, 而是選一些程度和壓力都合適的, 才是對仔女好。時時有聽聞, 民X小學和宣X小學經常會勸成積麻麻的學生退學或留班, 被勸退的學生會學識「面對失敗」和「山外有山」嗎? I don't think so.
作者: hkpapa852 時間: 14-4-2 13:23
回覆 lauwingtai 的帖子
對, 就如我之前所說, "如果小朋友係精英班考第尾, 雖然可能仲係全級30名內, 但小朋友永遠覺得自己差過人, 打擊自信"
自信心失去, 唔係咁易可以培養番
要見識山外有山, 天外有天係今時今日一D都唔難, 叫個小朋友參加些校際比賽, 佢自然感會明白.
作者: reei 時間: 14-4-2 13:24
i didn't choose school, school chooses me..
作者: lovebb2 時間: 14-4-2 14:08 標題: 引用：Quote:anntx3+發表於+14-4-1+11:47+好像很
原帖由 lauwingtai 於 14-04-02 發表
世上有樣野叫「壓力」, 「壓力」有多少才叫好? 當然是適中最好, 有推進力之餘, 又不傷自信心。
要揀合適的 ...
好睇小朋友資質，我朋友嘅小朋友讀宣x小學，上堂極留心，放學唔洗點温習，學幾樣樂器，又參加好多球類活動，學業成績全級10名內。
作者: lauwingtai 時間: 14-4-2 14:39
lovebb2 發表於 14-4-2 14:08
( 時時有聽聞, 民X小學和宣X小學經常會勸成積麻麻的學生退學或留班, 被勸退的學生會學識「面對失敗」和「山 ...
你朋友的仔女在宣X輕鬆考到頭十, 代表程度適合, 是好事呀! 如果同一個小朋友讀男女拔, 同一樣的資質, 但在男女拔考包尾, 咁那小朋友在宣X讀, 還是男女拔較適合呢?
換個說法, 在男女拔考包尾的小朋友, 可能可以在宣X考頭十; 在宣X考包尾的小朋友, 可能可以在華德考頭十; 在華德考包尾的小朋友, 又可能可以在伍華考頭十。為子女選一所「適合」的學校, 才是明智之舉。
作者: sharonseak 時間: 14-4-2 14:47 標題: 回覆：lauwingtai 的帖子
作者: palmchristy 時間: 14-4-2 14:50
lauwingtai 發表於 14-4-2 14:39
咁當然要睇資質啦! 我說的「適合」就是這個意思。
你朋友的仔女在宣X輕鬆考到頭十, 代表程度適合, 是好事呀 ...
唔知點解會講到上述的學校程度有咁大分別.
作者: lauwingtai 時間: 14-4-2 14:55
palmchristy 發表於 14-4-2 14:50
唔知點解會講到上述的學校程度有咁大分別.
作者: ha8mo 時間: 14-4-2 14:58
提示: 作者被禁止或刪除 內容自動屏蔽
作者: mimics218 時間: 14-4-2 15:23
提示: 作者被禁止或刪除 內容自動屏蔽
作者: rainbowcov 時間: 14-4-2 15:33
回覆 mimics218 的帖子
其實小朋友天資好就算入到一線學校是否一定失去學習興趣呢?
作者: hkpapa852 時間: 14-4-2 15:38
mimics218 發表於 14-4-2 15:23
睇小朋友成績, 如果好, 無理由揀所謂二線, 浪費小朋友天資, 入到去失去學習興趣!
如果成績麻麻 (講緊考私 ...
所以實情是, 真係要入咗間學校, 先知適唔適合.
作者: yan1226 時間: 14-4-2 16:12
提示: 作者被禁止或刪除 內容自動屏蔽
作者: elvisBB 時間: 14-4-2 21:15 標題: 回覆：不是標簽, 但想知:為小孩選擇所謂一線或二線的原因
家長們，你們忘記了小學入學時沒有將學生分等級，男拔考包尾的，我可以肯定地他不會在宣小，華德甚至其他小學考第一，所以根本是現在的家長弄錯了小學和中學的分別。
孩子的自信是最重要的，孩子們應該是有童年，盲目地去選擇，對孩子是有傷害會很大。
作者: babybear 時間: 14-4-2 21:27 標題: 引用：回覆+ACE2126+的帖子怕個魚池放唔落條大
本帖最後由 babybear 於 14-4-2 21:33 編輯
原帖由 rainbowcov 於 14-04-01 發表
回覆 ACE2126 的帖子
怕個魚池放唔落條大魚?
怕個池太細，局限左條魚，想大都大極有限
作者: 5tgb 時間: 14-4-2 21:34
回覆 lauwingtai 的帖子
除非有水晶球，否則未入學，根本無法預知自已成績。無論邊間學校，都有人考第尾架！考第尾，唔通覺得間學校好適合自已呀！考學校，其實祗靠概念，自已覺得孩子是一線，就選一線，考唔到，跟不上 ; 咪賴天賴地、賴政府羅！務實D咪考2線，望易入又升中派得好。講到底，賴也沒有用，肯實事求事，努力學習，就一、二線都考到好中學啦！
作者: AgapePa 時間: 14-4-3 01:52
ha8mo 發表於 14-4-1 11:11
老實係佢可愛之處
不過學校周圍個環境真係唔會接受到
就係位於北角的啟基.
但學校對住公園, 環境幾好, 有地鉄, 巴士, 電車到, 交通方便
作者: ha8mo 時間: 14-4-3 08:01
提示: 作者被禁止或刪除 內容自動屏蔽
作者: anntx3 時間: 14-4-3 08:40
選一間自己考10名內，去保住孩子的自信心。
是不是代表要找20名考10名外的小朋友去墊高自己孩子的自信心呢？
別人的孩子又要不要自信心？
"別人的小朋友永遠覺得自己差過人, 打擊自信
自信心失去, 唔係咁易可以培養番"
我好想知：是不是多數人都認同這種找別人墊底的道理？又是否對自己小朋友的一種"身教"？
還是我們應該教育小朋友如何面對困難，or不要比較，or自我價值並不單只來自學業成績？
作者: hkpapa852 時間: 14-4-3 11:18
回覆 anntx3 的帖子
我好想知：是不是多數人都認同這種找別人墊底的道理？又是否對自己小朋友的一種"身教"？
還是我們應該教育小朋友如何面對困難，or不要比較，or自我價值並不單只來自學業成績？
你說得對, "找別人墊底的道理", "不要比較", "自我價值並不單只來自學業成績"都是身教, 有些想法得確係唔啱.
但現實係香港的教育目的都只係求分數, 你不找別人墊底, 不追求學業成績, 就算你和小朋友不放棄, 大多數學校都已經放棄咗你地.
不要比較更難, 頂多只能選擇性不比較吧!
問心講句, 大家即使做咗父母, 又做到了幾多?
我們生活在香港, 要教育孩子有"理想"的價值觀, 亦要讓孩子懂得甚麼叫"現實".
現實是我們每天要面對的, 理想是孩子和我們一起去追求的
作者: 王家爸爸 時間: 14-4-3 11:55
babybear 發表於 14-4-2 21:27
怕個池太細，局限左條魚，想大都大極有限
作者: HaYi 時間: 14-4-3 12:27
大池小魚, 可以是多空間游, 自由自在, 有可能是跟朋友競游, 多習更壯, 亦有可能退避三舍, 看著人大而自己卻長不大.
小池大魚: 可以是以體形壓人, 搶到更多資源, 亦可以因過份擠逼而放棄游水, 日漸消瘦.
太多組合, 難以定論, 選定了, 做條健康的魚便是了.
作者: Potato001 時間: 14-4-3 13:54 標題: 引用：Quote:ACE2126+發表於+14-4-1+11:17+小池大
原帖由 little_yolky 於 14-04-01 發表
我妹妹個case係個池真係好細, 好彩我妹妹唔係咩大魚。好彩養養下遇到位好飼養者, 變咗條唔錯既魚, 高考有2A ...
堂兄弟姊妹，10人當中，只有一人讀一線中小學，其他最多只是區內名氣較好的學校，結果有6個入到本地大學（會考16-30分都有，30分那個讀band 2中學），4個讀到中七，一個在職進修完成大學課程。工作方面，有人未夠三十歲做到大公司的CFO, 一個大學畢業後打了三四年工便創業開了公司，10人當中有5人三十歲左右已置業（冇家人資助）。
結論: 讀一線學校，都要看小朋友是否跟得上，有時在二線學校，小朋友較有自信，將來成就會更好。或許這個統計人數太少，不太準確，但卻是我遇到的例子。
作者: hkpapa852 時間: 14-4-3 14:18
Potato001 發表於 14-4-3 13:54
我的幾位表兄弟姊妹，有4位都是小學開始已經讀一線學校，但其實資質一般，結果會考成績最好那個也只有16分 ...
我當年會考得14分, AL只係All Pass, 出成績後即刻去改選科表, 順利入到7大之一.
成績不代表一切
作者: Potato001 時間: 14-4-3 14:53 標題: 引用：Quote:Potato001+發表於+14-4-3+13:54+我的
原帖由 hkpapa852 於 14-04-03 發表
會考16分係香港升唔到大學?
我當年會考得14分, AL只係All Pass, 出成績後即刻去改選科表, 順利入到7大之 ...
我好多中學同學都係會考十幾分入到大學，其實只要高考不是全部E, 有一兩個D都已經入到大學。入到大學只是找工作的入場券，日後發展還是看工作態度和EQ.
作者: little_yolky 時間: 14-4-3 15:06
本帖最後由 little_yolky 於 14-4-3 15:07 編輯
Potato001 發表於 14-4-3 14:53
16分那個讀完中五就去咗外國讀，佢本身已經預咗考成點都會去外國讀書。佢好理想咁選咗科自己有興趣但搵唔到 ...
吓, 乜原來依家入大學咁易架?
我當年會考6科22分, 順利入中六, 點知高考滑鐵廬, 得1A1B, 其餘係D同E, 差啲入唔到大學, 諗起都好牙煙。不過, 我當年得兩間大學, 我仲要係中文中學, 只可以考中文大學, 中文大學當年又有暫取生, 暫晒啲位, 我樣衰衰得22分學人報歷史系暫取, 面試時教授望都唔想望我。好彩後尾都執番個尾彩。
BTW, 咁點解依家讀書仲要辛苦過以前? 升大學學生多咗嗎? 以前好少人去外國的, 因為好貴。
作者: rainbowcov 時間: 14-4-3 15:22
little_yolky 發表於 14-4-3 15:06
吓, 乜原來依家入大學咁易架?
我當年會考6科22分, 順利入中六, 點知高考滑鐵廬, 得1A1B, 其餘係D同E, 差 ...
依家係多左好多學生黎爭學位, 家陣入到大學的地方, 到處都聽到好多人講普通話嘛。
作者: little_yolky 時間: 14-4-3 15:25
rainbowcov 發表於 14-4-3 15:22
依家係多左好多學生黎爭學位, 家陣入到大學的地方, 到處都聽到好多人講普通話嘛。 ...
講時講, 真係呀, 大學飯堂仲由11:30開始迫爆人。周圍都係普通話。
作者: Mommy-Maggie 時間: 14-4-3 15:55 標題: 回覆：little_yolky 的帖子
以前得兩大，宜家有8大「?」。如果計埋樹仁，珠海，恆商，有成10大
作者: AgapePa 時間: 14-4-3 16:03
little_yolky 發表於 14-4-3 15:06
吓, 乜原來依家入大學咁易架?
我當年會考6科22分, 順利入中六, 點知高考滑鐵廬, 得1A1B, 其餘係D同E, 差 ...
我當年個間九流中學, 上預科都要17分以上喇.
當年預科只收番20%同校中五生
作者: hkpapa852 時間: 14-4-3 16:27
回覆 AgapePa 的帖子
你間中學一定唔算9流. 九龍多區都不知幾多當年Band 3或以下(當年有5個Band)既中學, 中六學生都只係係12-16分
作者: siden 時間: 14-4-3 20:18 標題: 引用：Quote:原帖由+hkpapa852+於+14-03-31+發表
原帖由 lovebb2 於 14-03-31 發表
(一線學校Band 1學生比例較高, 如超過50%; 二線學校Band 1生的比例可能只有30%-40%)
唔好意思，總共有幾多 ...
地區爭崩頭的一線，都係40%band 1咁大把。
作者: chloe-mame 時間: 14-4-3 23:05
hkpapa852 發表於 14-4-3 14:18
會考16分係香港升唔到大學?
我當年會考得14分, AL只係All Pass, 出成績後即刻去改選科表, 順利入到7大之 ...
當年我入番原校中六, HKCEE要起碼20分...
AL 起碼要兩個C+ 中英文D 先入倒7大其 一BUSINESS FALCUTY
我70後
作者: chloe-mame 時間: 14-4-4 09:05
言歸正題, 我都係選咗二線小學
在整個幼稚園生涯, 已覺大囡對書本以至其他事情沒有尋根究底的好奇心 (這點在細囝番k1更加強烈, 因他係每事問, 幼稚園程度係比家姐的深, 但應付有餘) , 強逼她上一線小學, 簡直係螳臂擋車
幸好學校真的很包容她, 課程不太急進, 逐步遂步教, 令她慢慢可主動學習.......宜家每天仍有空閒看卡通片/看課外書/畫公仔, 成績仍在上中下的上 (學校完全唔公佈名次, 除全級頭三名)
不過下年升小三, 應該冇咁悠閒了.....
作者: hkpapa852 時間: 14-4-4 09:20
回覆 chloe-mame 的帖子
我都係70後, 90年代初考HKCEE, 個陣係九龍東讀書.
20分或以上原校先收番, 當年通常係都係九龍東既Band 1或Band 2中學先有呢D要求, 呢樣我要羡慕你就真 (我係間Band 3讀咋)
入大學其實睇下讀咩科, 讀商科就間間要求都高, 我當年有D同學為咗攞科大個學士學位, AL成績普通 (好過我, 起碼有1C), 即刻改申請表揀咗D"Pure Science" 之類既科目. 如願入咗科大, 讀咗一年"Pure Sciene"後仲成功轉番去讀D"主流學科".
只要有自知之明, 唔好只係心頭高 (非XX校不讀/非XX科不讀), 總有出路, 最多係紆絗D啫.
作者: hkpapa852 時間: 14-4-4 09:30
離題咁耐, 我都係想講:
作為家長, 大家唔好只係心頭高, 要自己小朋友非XX校不讀.
萬一派不到最理想既學校唔駛死既, 讀住先, 如果小朋友有能力, 日後插班入番心儀學校一樣得.
畢竟K2/K3小朋友, "運氣", "眼緣"等都係影響面試結果既部份因素. 去到小二, 小三要插班的就真的要靠"實力"了.
作者: boboapril 時間: 14-4-4 11:56 標題: 回覆：不是標簽, 但想知:為小孩選擇所謂一線或二線的原因
當你入左二線小學，小五小六時全級考第十/ 三缐小學考第一，但你自行所選的中學會選一個係一線小學考第70、甚至80的小朋友去interview. 但你是連interview的機會都沒有還浪費了自行階段的機會，你還會覺得是小池大魚嗎？還是井底之蛙，no offence, just a quote. If you eyes on only band 1 secondary school in the same district, it's fine. Otherwise, you will see the difference.
作者: Potato001 時間: 14-4-4 13:10 標題: 回覆：boboapril 的帖子
其實只要唔係要讀band 1/一線中學，目的只係入大學，小學讀二線/三線，其實影響不大。除非二十年後，仍然有小學世襲加分。
作者: LL222 時間: 14-4-4 13:22 標題: 引用：回覆+hkpapa852+的帖子 一二線都谷,+所以
原帖由 freeman108 於 14-03-31 發表
回覆 hkpapa852 的帖子
一二線都谷, 所以我會找一線
作者: 5tgb 時間: 14-4-4 17:04
回覆 boboapril 的帖子
好贊同你的看法！由於沒有水晶球，根本無人知入左所選的學校啱唔啱讀(如果知道考第尾，跟不上，多數家長都不報架啦！)。所以家長就有理無理，先報一線，覺得考7、80易過二線考頭十羅！此所以一線甘多人爭。
作者: AGJ 時間: 14-4-4 17:49
一線學校會多些認真讀書的朋輩.
作者: twllc 時間: 14-4-4 18:24 標題: 回覆：AgapePa 的帖子
我當年都係16分，中六七時考全班尾幾，老師都覺得我升唔到大學，但結果AL全部D,E，順利入到中等大學既工科，反而平時成績好過我既，好幾個AL副科fail左，只可選pure science
作者: 5tgb 時間: 14-4-4 19:20
回覆 AGJ 的帖子
一般人選校都會期望孩子讀得好，或最基本跟得上。但其實一線學校，要跟得上都唔易架，家長肯付出，有承擔先好報，不然，孩子會很辛苦架！
作者: wan_sosin 時間: 14-4-4 23:40
本帖最後由 wan_sosin 於 14-4-4 23:41 編輯
anntx3 發表於 14-4-1 11:47
好像很有道理，但似乎是自己騙自己。
學校固然有得去低學術的學校，令自己成為第一。
但如果沒得移民，你之 ...
其實而家仲有幾多間小學低得咁緊要!有都真係唔會揀到咁尾!
至於面對逆境,簡單至係屋企捉下棋,只要父母唔留手,隨時有排輸!面對而家出面咁多公開比賽,大把機會而對強手!
還有而家只係講小學,無話中學唔諗住入band 1,還有要掙入大學,點會到出來工作才遇錯節!
只係而家係長跑,起步唔需要博命住,留返d力去衝終點!當然也不能太慢,因此係二線學校最好係頭!否則之後也怕太難追!
但有家長希望一路跑到尾,這是每個人的選擇,只要覺得小朋友得嘅,無話點先係最好!
都係嗰句,搵適合自己小朋友嘅路!
作者: wan_sosin 時間: 14-4-4 23:43
本帖最後由 wan_sosin 於 14-4-4 23:43 編輯
twllc 發表於 14-4-4 18:24
我當年都係16分，中六七時考全班尾幾，老師都覺得我升唔到大學，但結果AL全部D,E，順利入到中等大學既工科 ...
未過終點,邊個知誰勝誰負!你贏咗啦!
作者: 王家爸爸 時間: 14-4-5 09:39
babybear 發表於 14-4-2 21:27
怕個池太細，局限左條魚，想大都大極有限
作者: 王家爸爸 時間: 14-4-5 09:42
rainbowcov 發表於 14-4-2 15:33
回覆 mimics218 的帖子
其實小朋友天資好就算入到一線學校是否一定失去學習興趣呢? ...
作者: wan_sosin 時間: 14-4-5 13:27
本帖最後由 wan_sosin 於 14-4-5 18:08 編輯
anntx3 發表於 14-4-3 08:40
選一間自己考10名內，去保住孩子的自信心。
是不是代表要找20名考10名外的小朋友去墊高自己孩子的自信心呢 ...
咁唔係叫搵人墊底,無話要踩底別人,如果係工作,對同事做手腳,縱傷人而等老版升自己就可以咁講!
如果如你所講,咁即係大魚係大池,中魚係中池,小魚在小池,即是band 1,2,3
幼稚園何來可以分,一係攪公開試比幼稚園生!咁分法,到時大池,中池都未必好大問題!
到小池班小魚呢?會點算?唔係好多父母想仔女同努力小小嘅同學一齊學習,等佢哋感染學習氣份嗎?
如果有點兒叻的小朋友都去一線,咁那些暫時差一點兒的小朋友就無乜機會去一線!有D父母仍然想有咁嘅機會的!
而且官津校要抽獎,一間學校點都有唔同學生,無話公唔公平,搵唔搵人墊底!所謂係底嘅學生,亦唔見得一定以後係底!
我以前讀書,小學尾10名,中學頭10名!我唔覺得做咗墊底嗰個!只怪小學時自己無努力!
還有如果小朋友成績未如理想,家長覺得是因為校內有太多叻學生,所以才給拉下去!這樣的想法也有點那個!
同埋,我們不是永遠只在一間學校裡面,最後也需同全港學生一齊考公開試,將來要入大學要較量的,更連同中國的學生!做父母的真要放長雙眼!
但我覺得你也無非是關心小朋友有無好的德育教導,在這社會,是很深的學問!大家可以再討論下!
如果我有誤解的話,請見諒!
作者: anntx3 時間: 14-4-5 13:47
"所謂係底嘅學生,仍唔見得一定以後係底!"
終於有人清醒一點。
可是，很多人的一生好像只有學業。
考不到10名，then失去自信，then人生崩潰。
我就不希望大家這樣!
作者: wan_sosin 時間: 14-4-5 17:57
anntx3 發表於 14-4-5 13:47
"所謂係底嘅學生,仍唔見得一定以後係底!"
終於有人清醒一點。
可是，很多人的一生好像只有學業。
有人成績好好,但不快樂,所以有了結自己生命的高才生!
有人唔鍾意讀書,卻能成為頂尖廚師,髮型師等等.......或能夠開開心心地過平凡日子!
所以我上面也提過,選擇能力以內輕鬆一點的學校,有時間建立下自己嘅興趣,尋找下方向,感覺下世界開心嘅事情,可能都係有其價值!
不過,每人的需要,要求,看法不同,總不會人人想法相近,大家憑自己的經驗分享自己的睇法,都係好寶貴的!
否則也不用去討論!所以,無話點樣係最好,自己選擇認為是好的就好了!
我雖然由小魚成為了井裡的小蛙,但別人話我聽出面的世界如何,我仍是會聽,去了解和認識的!
作者: 5tgb 時間: 14-4-6 06:58
回覆 wan_sosin 的帖子
其實現時D家長好醒架啦。重邊有人將壓力放在自已身上呀！成績唔好，永遠都係學校太谷，不適合自已，自已堅持愉快學習架！又或者學校教得唔好，不因材施教。最後是失敗的教育制度，錯到離晒譜。而父母沒有教導孩子，同孩子一同過份打機呀，完全放手不理呀！這些成績唔好的原因，出於父母責任的差成績，你有無聽過有父母提過呀！現時孩子成績不佳，已經是社會制度的錯架啦！！父母邊重有責任架！
作者: lovebb2 時間: 14-4-6 07:23 標題: 引用：+本帖最後由+wan_sosin+於+14-4-4+23:41+編
原帖由 wan_sosin 於 14-04-04 發表
本帖最後由 wan_sosin 於 14-4-4 23:41 編輯
作者: bartsimpson0317 時間: 14-4-6 10:39 標題: 引用：回覆+wan_sosin+的帖子
其實現時D家長好醒
原帖由 5tgb 於 14-04-06 發表
回覆 wan_sosin 的帖子
其實現時D家長好醒架啦。重邊有人將壓力放在自已身上呀！成績唔好，永遠都係學校太 ...
作者: wan_sosin 時間: 14-4-6 21:17
本帖最後由 wan_sosin 於 14-4-8 00:37 編輯
5tgb 發表於 14-4-6 06:58
回覆 wan_sosin 的帖子
其實現時D家長好醒架啦。重邊有人將壓力放在自已身上呀！成績唔好，永遠都係學校太 ...
有D家長都真係眼高手低!
美其名叫放手比小朋友,實際唔想理!不單在讀書方面,係自理,社交上也如此!
作者: 5tgb 時間: 14-4-7 18:48
回覆 wan_sosin 的帖子
眼高手低果D，都重好過闊佬懶理過D。現時的社會風氣，就是喜歡妖魔化努力學習的一群，好像孩子喜歡學習就有違自然。闊佬懶理就包裝成愉快學習。都唔知有無人聽過，有人會話孩子成績差，原因是自己無比過心機教啦？唔通千錯萬錯，全部都係社會錯。
作者: wan_sosin 時間: 14-4-7 22:05
本帖最後由 wan_sosin 於 14-4-7 22:06 編輯
5tgb 發表於 14-4-7 18:48
回覆 wan_sosin 的帖子
眼高手低果D，都重好過闊佬懶理過D。現時的社會風氣，就是喜歡妖魔化努力學習的一 ...
我都唔太認同而家下下話人怪獸嘅文化,代代都有人好叻或唔識教仔,代代都有人對小朋友極高要求同放任唔理!只係呢代教育變成商機,出育兒書,開補習社,種種課外活動,可以好搵錢!
唔放大D父母同小朋友嘅問題,無咁多人幫襯!
以前也有父母要仔女學琴,學畫,入名校!不過以前窮,只有好有錢嘅先有能力,而家富有咗,當然去學嘅小朋友多咗!
d父母嘅心態其實都一樣!只係多咗父母有能力嗟!
所以出面點講都算把啦!最緊要自己知自己點做父母,亦了解仔女嘅需要,適當去配合就好!
作者: tws2010 時間: 14-4-7 22:58
回覆 wan_sosin 的帖子
不 負責 任 的 父母 我 見 過, 如 你 所 言 - lazy
作者: little_yolky 時間: 14-4-8 14:23
5tgb 發表於 14-4-6 06:58
回覆 wan_sosin 的帖子
其實現時D家長好醒架啦。重邊有人將壓力放在自已身上呀！成績唔好，永遠都係學校太 ...
唔好意思, 請你唔好話完全放手不理的父母有問題。
見你的句子前面是逗號, 希望你既意思唔係話放手不理小朋友學業的父母的不是, 而只係沒有「教導孩子, 自己打機」的父母不好而已。
對於小朋友的學業我是完全放手不理的, 我唔覺得有問題。佢見到阿媽咁懶, 佢就好有責任感自己溫習。當然, 成績唔可能有父母發功外加補習的小朋友咁好, 始終只係小一, 佢仍然摸索緊適合自己既方法。但請唔好認為咁樣係唔負責任既父母, 只係另一種教養方法而已。
作者: 5tgb 時間: 14-4-8 19:18
回覆 little_yolky 的帖子
好高興大家能以包容的態度去討論。我先前發的帖子並不是想提出完全不跟孩子功課是有問題，因為我極其尊重不同的教孩子方法。我想提出有問題的是，如家長完全不跟功課，但當孩子成績未符理想時，卻不斷投訴學校太谷，老師沒有心機教，老師不負責等問题上。希望註釋能解開你的疑團。由於未知貴子弟成績，如當孩子成績未符理想時，家長願意坦然承認，責任在自已身上，我會極其欣賞家長的豁達。
作者: boboapril 時間: 14-4-8 21:54 標題: 回覆：5tgb 的帖子
極其尊重不同的教養方法、極其欣賞家長的豁達。講得好好。不過何謂教養、父母都唔教、又可以怪邊個？養不教、誰之過？
作者: anntx3 時間: 14-4-9 08:59
要尊重多元教仔文化!
但當選擇了，就不要輸打贏要。
| 歡迎光臨 教育王國 (/) |
Powered by Discuz! X1.5 |