教育王國

標題: A仔食野問題 [打印本頁]

作者: ushana 時間: 14-3-26 22:39 標題: A仔食野問題

我個仔21個月，評為有自閉特徵，食正餐（如飯，菜，肉）食得好好，會食麵包，蛋糕，但其他野唔肯食同試，如硬的東西，如餅乾，亦好懶咬野，有時我們捉住個口塞啲野入去，佢覺得好食就會肯繼續食，但都係軟或流質嘅野。我知都係佢啲固執野，但好擔心佢大個唔肯食硬嘅野。有冇家長可以分享下經驗？

作者: Anan3388 時間: 14-3-26 23:46

可做口肌按摩(問職業治療師),同埋練牙力，用魷魚絲咬緊，你扯。
不過佢仲細，慢慢練。

作者: misshk12 時間: 14-3-27 09:17

唔肯食某一種質感或溫度的食物,好可能小朋友的口肌有過敏情況。通常連刷牙都唔鐘意。ST建議可以試俾芒果乾、豬肉乾，俾佢咬，等佢練下牙力。記得佢唔多願食,都要俾佢食下,唔好過份遷就佢，只俾佢喜歡的食物。因為少咀嚼亦會影響到小朋友的發音。

作者: tszlongbaba 時間: 14-4-2 15:42

我仔, 4歲啦, 仲係唔肯食同試新野, 次次試就新野, 好抗拒, 好似要我撬開佢口, 唔鐘意食硬野, 一食就吐, 所以佢口肌唔好, 講野差d, 唔夠牙力

作者: idak 時間: 14-4-20 01:58 標題: 回覆：A仔食野問題

我係會放一樣佢鐘意的食物或飲品係隔離，要佢食咗樣新嘢先比！食完新嘢會讚佢，勁話好好味。以前佢唔鍾意飲水，現在會主動講要飲水。

作者: yybee 時間: 14-4-23 00:11 標題: 回覆：A仔食野問題

我仔以前都係咁，我同學校老師傾，老師要佢食曬每日嘅茶點，唔鍾意食都要試下，佢好聽老師話，而家佢接受左好多食物，就算唔鍾意食，我叫佢試一啖，佢都會試，試完要讚佢

歡迎光臨教育王國 (/)