教育王國

標題: 請問過度活躍小朋友嘅媽媽…… [打印本頁]

作者: suslau2004 時間: 14-3-26 10:05 標題: 請問過度活躍小朋友嘅媽媽……

嬰兒時期有什麼特徵？謝謝分享

作者: wan_sosin 時間: 14-3-27 22:30

你懷疑自己個小朋友嗎?有乜令你懷疑?

作者: suslau2004 時間: 14-3-28 19:34 標題: 回覆：請問過度活躍小朋友嘅媽媽……

或者我真的是怪獸家長，少少事都驚一大餐……我仔九個月大，好痴身，行開一秒都吾得，我驚佢係呢個"特質"係有D野

作者: wan_sosin 時間: 14-3-29 00:56

suslau2004 發表於 14-3-28 19:34
或者我真的是怪獸家長，少少事都驚一大餐……我仔九個月大，好痴身，行開一秒都吾得，我驚佢係呢個"特質"係 ...

你那裡聽來"痴身"嘅BB係"有D嘢"?
我只知,完全對大人"唔抽唔采"嘅BB!可能有自閉傾向!

BB仔來到世界,唯一嘅依附係父母,尤其母親!而且還要好好建立呢種依附!將來BB一歲懂行,就會有安全感去探索世界!佢知道世界有佢信任嘅人,佢才有勇氣去踏出人生!等佢一歲後你就放手讓他自己去走啦!

作者: suslau2004 時間: 14-3-29 07:30 標題: 引用：Quote:suslau2004+發表於+14-3-28+19:34+或

原帖由 wan_sosin 於 14-03-29 發表
你那裡聽來"痴身"嘅BB係"有D嘢"?
我只知,完全對大人"唔抽唔采"嘅BB!可能有自閉傾向!

謝謝妳給我這個怪獸家長的意見，或者真的是我有問題，因為我是個新手+高齡媽媽，成日都驚BB係咪有事

，所以唯有週圍問人

作者: wan_sosin 時間: 14-3-29 09:30 標題: 回覆：suslau2004 的帖子

唔洗下下話自己怪獸架!
未掌握做媽媽唔緊要!有乜嘢唔怕問!
做父母無話學得完，小朋友一路大要一路學!

作者: MSWONG1001 時間: 14-4-2 08:28 標題: 回覆：wan_sosin 的帖子

其實我個仔都九個幾月，又係好痴身，玩具又唔多肯玩，又扭抱，唯一出街先会靜，我都驚佢有問題

作者: wan_sosin 時間: 14-4-2 10:05 標題: 引用：其實我個仔都九個幾月，又係好痴身，玩具又

原帖由 MSWONG1001 於 14-04-02 發表
其實我個仔都九個幾月，又係好痴身，玩具又唔多肯玩，又扭抱，唯一出街先会靜，我都驚佢有問題

...

就算真係擔心有問題，咁細真係無嘢可以做!只可多觀察BB嘅發展是否附合年齡!如果正常，要一路大一路睇，
BB改變非常快!變數好大!
但我個仔BB時唔痴身架!
由BB時期我已感到佢比一般BB活動量大好多，係踢到我D朋友唔敢抱佢，怕抱唔實佢跌佢落地!
同埋唔鍾意瞓，係明顯特徵!

作者: chowqv 時間: 14-4-10 23:15 標題: 引用：或者我真的是怪獸家長，少少事都驚一大餐…

原帖由 suslau2004 於 14-03-28 發表
或者我真的是怪獸家長，少少事都驚一大餐……我仔九個月大，好痴身，行開一秒都吾得，我驚佢係呢個"特質"係 ...

呢個係"正常到不得了"既必然現象。大部份阿媽都經歷過，阿b一秒都不能離開既時候，包括去廁所，沖涼！我個仔就算係A仔，都試過守住門口等我。

作者: MSWONG1001 時間: 14-4-11 03:55 標題: 回覆：chowqv 的帖子

咁請問bb時係唔係極扭抱，唔悶得，極度坐唔定。？

作者: wan_sosin 時間: 14-4-11 09:48 標題: 引用：咁請問bb時係唔係極扭抱，唔悶得，極度坐唔

原帖由 MSWONG1001 於 14-04-11 發表
咁請問bb時係唔係極扭抱，唔悶得，極度坐唔定。？

你講嘅D，好多BB都會咁!探索階段無時停好正常!
有機會的話，帶去多BB嘅地方/活動,去比較下!
我有個朋友以前成日話佢個仔同我個仔差不多都係咁活躍(事實當然唔係)，只係我朋友主觀認為，以為BB一般的攪東攪西就叫活躍!其實其他朋友反而覺得佢個BB比較靜!
我唔敢話你BB會唔會偏向活躍，我無見過!
但你可以出去見多D,問下你身邊經驗多D嘅朋友意見，不過就算比你肯定到佢比一般活躍，都無嘢做到，但可以記住，唔好睇電視!

作者: MSWONG1001 時間: 14-4-12 08:13 標題: 回覆：wan_sosin 的帖子

咁請問你仔細個時的活動量又点樣異於其他bb？經常爬？唔坐定？可以形容下嗎？

作者: wan_sosin 時間: 14-4-12 09:39

MSWONG1001 發表於 14-4-12 08:13
咁請問你仔細個時的活動量又点樣異於其他bb？經常爬？唔坐定？可以形容下嗎？

...

不如你形容下你個BB!我答一大輪嘢,你都無講過你d嘢!咁究竟你個BB點樣情況?

作者: MSWONG1001 時間: 14-4-12 12:39 標題: 回覆：wan_sosin 的帖子

我個仔十個月，一出世巳成曰扭抱，抱慣左，瞓覺要抱到訓着先可放床，到5個月大先可以放床拍到訓着，但醒的時間成日要抱唔肯坐。
現在会爬抱小左但十分痴身，同埋唔坐定，放在大人床就要爬走，又要扶野企，企左又坐，俾玩具佢玩幾分鐘又走，唯一靜的就是坐bb車去衔，但架車停得耐又嘈。
我唔知個仔係咪有問題，又冇乜識到有同齡bb，所以好擔心，更擔心佢呢個狀態遲啲如何考N班。
唔該哂你!

作者: wan_sosin 時間: 14-4-12 16:45

BB開始大,喜歡周圍探索也很正常!剛可以爬來爬去,當然唔想再像之前只可以瞓下坐下!有時想企都好正常,因為已進入學步階段!當然會企一陣又坐,佢邊有力企咁耐?出街乖你多嘢睇,滿足到好奇心,停下來無嘢睇就唔鍾意囉!

就咁其實都好難講到!不過我個仔10個月大時,已經唔單只無時停,佢已經可以做成破壞!整爛玩具!係佢手上嘅嘢好易會爛!或是將玩具"飛"出去,唔係掉落地!係打橫咁飛!

而家無人可以話你知你個小朋友係點架!你就算去見兒科醫生都唔會知!
慢慢觀察下啦!就算你BB將來真的比較活躍,都無得擔心,佢係點就係點架啦!無乜嘢可以做到叫佢唔活躍架!

做媽媽邊個唔係見步行步?

作者: chowqv 時間: 14-4-14 13:50

MSWONG1001 發表於 14-4-11 03:55
咁請問bb時係唔係極扭抱，唔悶得，極度坐唔定。？

我阿仔bb時唔扭抱，絕對悶得，佢有佢自己玩。無點喊；訓醒自己玩（識行既時候）。最多係要我抱住，面貼面咁睇電視（不過都係3分鐘最多）。

作者: suslau2004 時間: 14-4-14 18:43 標題: 回覆：wan_sosin 的帖子

点解吾好睇电視？我仔現十個月大，有時會看得好入神

作者: wan_sosin 時間: 14-4-14 18:52

suslau2004 發表於 14-4-14 18:43
点解吾好睇电視？我仔現十個月大，有時會看得好入神

兩歲前不要看任何電子產品!正當腦部發育,過強刺激會影響發展!
還有少食糖,味精,色素,加工食物,都容易引起過度活躍!還不要接觸二手煙!

你可以上網再搵下以上資料,好多呢類資訊!

作者: suslau2004 時間: 14-5-18 10:41 標題: 回覆：wan_sosin 的帖子

我想問下，你小朋友細個时，有冇爬呀？我仔現11個月大，仲未識爬呀

作者: wan_sosin 時間: 14-5-18 23:03

suslau2004 發表於 14-5-18 10:41
我想問下，你小朋友細個时，有冇爬呀？我仔現11個月大，仲未識爬呀

...

五個月已開始學爬,之後勁鍾意爬,鍾意到唔肯起身學行,識行都仲去爬!而家6歲,竟然間中都會係地下爬下!

作者: kcpak 時間: 14-6-23 02:26

我大仔BB個陣痴身都C,反而無問題~妹妹唔太痴身....反而佢先係過動魔女

作者: jolalee 時間: 14-6-24 09:33

我冇聽過ADHD BB時期痴身，訓得唔好就有。
擔心孩子有過動、自閉或感統的家長，不防帶BB 多去BABY GYMS, 平時多做swinging, rolling, climbing, jumping 等，對孩子腦部發展有很大幫助。

作者: AngieChu 時間: 14-6-24 17:03

提示: 作者被禁止或刪除內容自動屏蔽

作者: MSWONG1001 時間: 14-6-30 18:39 標題: 回覆：AngieChu 的帖子

咁我睇資料話1歲專註力只有一分鐘，一分鐘真的正常嗎？

作者: AngieChu 時間: 14-7-2 10:40 標題: 回覆：MSWONG1001 的帖子

提示: 作者被禁止或刪除內容自動屏蔽

作者: ashleylovebb 時間: 14-7-3 16:56 標題: 回覆：請問過度活躍小朋友嘅媽媽……

想問下你地意見交流一下我仔呢家2歲半
我仔真係講極都5聽我都5知佢係百厭定係活躍過頭！！！
推車出街佢又要落地一落地就走左，去叫極都5應完全5理我搞到我成個癲婆跟住跑。5推車佢又要我抱我攰叫佢自己行佢又5得死都要我抱 …… 今早拎左佢奶咀要佢刷牙日日起身都係噤架啦一拎走就喊左15分鐘一路喊一路搵個奶咀 ……佢好硬頸講極都係噤 ……我就快癡線政府果邊仲未見到e生我已經私人搵單對單訓練佢尊注力但上堂都仲係周圍走姑娘話佢愛自由不喜歡被你人管 …………

作者: ma_kwan_ma 時間: 14-8-13 10:24

提示: 作者被禁止或刪除內容自動屏蔽

歡迎光臨教育王國 (/)