教育王國

標題: $2.5萬遊學團　官中捱轟 [打印本頁]

作者: elbar 時間: 14-3-26 09:40 標題: $2.5萬遊學團　官中捱轟

■觀塘區大多以基層家庭為主，難以承擔「天價」遊學團。

觀塘是全港貧窮率最高地區，有15.7萬人活於貧窮線下。觀塘官立中學被指舉辦「貴價」遊學團，12天遊德國索價每名學生2.5萬元。有該校家長質疑清貧家庭難以負擔，批評校方製造負面標籤，「去到就係有錢」。校方回應指，遊學團旨在讓學生認識歷史，有經濟困難的學生可申請資助。

12天德國遊學團由觀塘官中與家長教師會合辦，6月30日出發，遊覽地點包括德意志博物館、達豪集中營和福士汽車廠等，全程入住旅館，四至六人同房，每名學生費用2.5萬元。家教會撥出3萬元津助有經濟困難學生，每名學生上限1,500元；領取綜援或獲學生資助計劃全津或半津學生，合資格者可向關愛基金申請境外學習基金最多3,000元。

校長：一半清貧生報團

「貴得離譜，非常荒謬！」該校家長李先生說，觀塘區大多以基層家庭為主，難以負擔「天價」遊學團，批評辦團是為了遊覽多於學習。他認為要認識歷史毋須去歐洲，應先學習中國歷史和文化。

觀塘官中過去兩個學年也舉辦過澳洲和英國遊學團，團費分別約2.6萬元及2.3萬元。校長廖綵煥表示，今年是世界大戰100周年，盼藉遊學團讓學生認識歐洲歷史發展，曾找四至五間旅行社「格價」。他不認同遊學團費用過高令清貧學生卻步，現時約有20名學生有意報團，一半是領取綜援或獲學生資助計劃全津或半津學生。觀塘官中家教會主席林麗群表示，沒收家長投訴，並指遊學團非購物團，故費用較高。

作者: organicfans 時間: 14-3-26 09:53

本帖最後由 organicfans 於 14-3-26 10:00 編輯

其實呢D團好多學校都會有攪, 價錢都差唔多, 好多同學都唔會參加, 睇個人需要與狀況, 唔去都無壓力, 個人覺得, 唔會有負面標籤 !

作者: kitbebe 時間: 14-3-26 09:53

而家幾乎間間中學都有搞遊學團, 我女果間暑假去英國利物浦, 不過唔係一定要參加, 我女都話唔想去

作者: organicfans 時間: 14-3-26 10:03

kitbebe 發表於 14-3-26 09:53
而家幾乎間間中學都有搞遊學團, 我女果間暑假去英國利物浦, 不過唔係一定要參加, 我女都話唔想去 ...

就係囉, 而且根本係大把中產家庭都唔會去, 我女去年就係咁, 成班同學都無一個參加遊學團, 而且, 人地有錢去去人地嘅事, 點解要下下同人比較 !!!

作者: my_majesty 時間: 14-3-26 10:31

organicfans 發表於 14-3-26 09:53
其實呢D團好多學校都會有攪, 價錢都差唔多, 好多同學都唔會參加, 睇個人需要與狀況, 唔去都無壓力, 個人覺 ...

咪係! d人要adjust下自己心態啦
你去唔去跟本就冇人care, 係你自己care之ma

作者: ha8mo 時間: 14-3-26 10:34

提示: 作者被禁止或刪除內容自動屏蔽

作者: Bermuda0810 時間: 14-3-26 10:45 標題: 回覆：ha8mo 的帖子

選擇權在自己手

作者: longlokma 時間: 14-3-26 10:45 標題: 回覆：$2.5萬遊學團　官中捱轟

學校辦有老師同去，我支持

作者: 王家爸爸 時間: 14-3-26 10:47

elbar 發表於 14-3-26 09:40
■觀塘區大多以基層家庭為主，難以承擔「天價」遊學團。

觀塘是全港貧窮率最高地區，有15.7萬人活於貧 ...

奇怪，一半清貧生報團？很多名校都好難有一半學生報團啦。

作者: organicfans 時間: 14-3-26 10:51

my_majesty 發表於 14-3-26 10:31
咪係! d人要adjust下自己心態啦
你去唔去跟本就冇人care, 係你自己care之ma

全中 ! 根本人地攪, 係想提供多個選擇比唔同學生, 以我小朋友學校為例, 年年都有攪, 價錢都係2萬幾, 其實唔算貴, 10幾日期嘅機票, 唔可以話"天價"去形容, 而且遊學要人帶, 同自由行又唔同, 每年都係20人左右參加, 一間學校咁多人, 我又完全感覺唔到有咩負面標籤, 係有, 都係佢地自己感覺而已 !

另外, 都想講, 而家好多學校課外活動都有資助, 只要申請, 係唔會有人想學無得學, 我女學校所有活動, 包括樂器/合唱團等, 都會有清貧學生資助, 而我女都有個同學家境唔好(綜援戶), 都絕對無問題, 如果怕人睇少, 呢樣係自己心態, 我都有問我女, 你點知同學係綜援戶? 佢話同學自己講嘅, 我再問佢, 你地同學間有無睇佢唔起? 我女話, 無呀, 一樣咁玩, 一樣咁講笑, 邊個會理佢屋企D野喎 ! 我仲讚佢叻 !

作者: dobbybabie 時間: 14-3-26 11:04 標題: 引用：Quote:elbar+發表於+14-3-26+09:40+■觀塘

原帖由 王家爸爸 於 14-03-26 發表
奇怪，一半清貧生報團？很多名校都好難有一半學生報團啦。

有的是假清貧啦，真清貧點捨得出两萬啊，我是真清貧，有津貼都花在其它地方啦，你信，你就天真了

作者: overview 時間: 14-3-26 11:04

longlokma 發表於 14-3-26 10:45
學校辦有老師同去，我支持

2萬幾都唔算貴, 我都贊成有能力都會支持

作者: ANChan59 時間: 14-3-26 12:44 標題: 回覆：organicfans 的帖子

你最後一段好真實，我仔學校都是！細路最重要啱唔啱玩，邊理咁多市儈嘢！

最多嘢講是塘邊鶴，估估吓！

作者: 黃巴士 時間: 14-3-26 13:39

本帖最後由黃巴士於 14-3-26 13:40 編輯

organicfans 發表於 14-3-26 09:53
其實呢D團好多學校都會有攪, 價錢都差唔多, 好多同學都唔會參加, 睇個人需要與狀況, 唔去都無壓力, 個人覺 ...

咪係!! 我仔問同學仔去唔去?? 同聲: 無$. 沒有什麼好標籤小朋友.
老師, 同學間都覺得是平常不過的事. 鍾意去咪去, 去左又唔會高人一等!! 唔去亦都沒人介意.

最緊要小朋友玩得開心啫!

作者: organicfans 時間: 14-3-27 09:04

黃巴士發表於 14-3-26 13:39
咪係!! 我仔問同學仔去唔去?? 同聲: 無$. 沒有什麼好標籤小朋友.
老師, 同學間都覺得是平常不過的事. ...

而家D人, 乜都話驚人"標籤", 事實究竟係自己標籤自己, 定係真係有人標籤佢, 真係佢自己最清楚.......老實講, 出嚟做野, 都大把有錢同事, 又如何? 人地賺錢買花帶, 唔通又叫人唔好返工, 怕將其他基層同事比下去嗎?

我唔排除有些小朋友好細膩 (都係大人教出嚟), 但我相信, 小朋友世界大都係單純天真, 你有錢, 關我咩事? 無錢, 又關我地咩事? 岩玩岩傾岩 feel 先最重要, 所謂話不投機 !

作者: 天瑜 時間: 14-3-27 10:45 標題: 引用：Quote:黃巴士+發表於+14-3-26+13:39+咪係!!

提示: 作者被禁止或刪除內容自動屏蔽

作者: ANChan59 時間: 14-3-27 10:54

天瑜發表於 14-3-27 10:45
世間的利祿
世利

我一直以為是勢利。

作者: 天瑜 時間: 14-3-27 11:02 標題: 引用：Quote:天瑜+發表於+14-3-27+10:45+世間的利

提示: 作者被禁止或刪除內容自動屏蔽

作者: noplanner 時間: 14-3-27 11:30

「依財勢的多寡而有不同態度的作風。三國演義·第一回： “人情勢利古猶今，誰識英雄是白身？”」

作者: dubbies 時間: 14-3-27 13:38 標題: 回覆：王家爸爸的帖子

佢係話20個報名 10個所謂清貧

作者: MM1155 時間: 14-3-27 15:36

時常聽到標籤呢個詞語…其實有d人自卑就真！何必理人家的事，自己睇和做自己就最真！

歡迎光臨教育王國 (/)