教育王國
標題: 請比些意見 [打印本頁]
作者: PandaTam123 時間: 14-3-25 16:54 標題: 請比些意見
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那些利同弊.
方案1. 不要工人姐姐, 囡囡放學後直接去家附近中心功課託管班, 我放工七點前去接她回家, 之後她沖涼我煮飯, 飯後同她溫習再檢查功課. 將原本放學後英數補習轉去星期六上午, 下午返童軍, 星期日照常家庭日.
方案2. 照用工人姐姐, 放學回家自己做功課, 我放工回來check 功課同溫習, 英數補習跟返平日放學上, 星期六下午返童軍, 星期日照常家庭日.
先多謝各位意見! 
作者: MC1128 時間: 14-3-25 16:58
PandaTam123 發表於 14-3-25 16:54 
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...
要留意,你的工作能否突然請假?
小三,仍細個,萬一在學校不適,要提早走,又或者學校長假期,你要返工,有人照顧囡囡嗎?
作者: PandaTam123 時間: 14-3-25 17:19
MC1128 發表於 14-3-25 16:58
要留意,你的工作能否突然請假?
小三,仍細個,萬一在學校不適,要提早走,又或者學校長假期,你要返工,有人照顧 ...
我工作可以好準時收工, 請假也比較容易.
至於學校假期問題, 這間託管中心是團體開辦的, 佢地在假期會舉辦假期全日託管班, 有特別活動同功課補習服務比小朋友. 只是諗假期要全日放囡囡在那裡, 會唔會有些可憐.
作者: MC1128 時間: 14-3-25 17:35
PandaTam123 發表於 14-3-25 17:19
我工作可以好準時收工, 請假也比較容易.
至於學校假期問題, 這間託管中心是團體開辦的, 佢地在假期會舉辦 ...
如果,有家人,例如祖父母,阿姨等,可以間中在你上班時幫忙照顧,不用長時間留在託管中心,會好啲。
但如果不方便,個人覺得請多一個約(兩年)的外傭幫忙,到囡囡小五,比較大個,再考慮。
另一個方案,請鐘點可以嗎?
作者: PandaTam123 時間: 14-3-25 17:43
MC1128 發表於 14-3-25 17:35
如果,有家人,例如祖父母,阿姨等,可以間中在你上班時幫忙照顧,不用長時間留在託管中心,會好啲。
但如果不 ...
MC1128, 謝謝你意見!
我家人都來唔到照顧囡囡, 因為住得太遠. 我都有少少你想法, 請多一個約外傭, 但有時又諗, 囡囡上到小三, 課程深左, 她可能跟唔到, 到時又係要去補習社補習. 
作者: picture 時間: 14-3-25 17:52 標題: 回覆：請比些意見
女……
自己放學，自己去補習，太危險
作者: PandaTam123 時間: 14-3-25 17:55
本帖最後由 PandaTam123 於 14-3-25 17:57 編輯
picture 發表於 14-3-25 17:52
女……
自己放學，自己去補習，太危險
picture, 謝謝你回應, 她是坐校車到家託管中心附近, 託管中心會有姐姐出來在校車地點接佢回託管中心的, 不會單獨叫她自行放學.
作者: ahnew 時間: 14-3-25 17:59
要考慮女女的意向
另，可現在試試方案一的情境，有些事情是估計不到的，試過便大約知可行否。
作者: feiji 時間: 14-3-25 18:01 標題: 引用：囡囡來緊升小三,+工人姐姐會在十月約滿回鄉
原帖由 PandaTam123 於 14-03-25 發表
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...
作者: little_yolky 時間: 14-3-25 18:04
PandaTam123 發表於 14-3-25 17:43 
MC1128, 謝謝你意見!
我家人都來唔到照顧囡囡, 因為住得太遠. 我都有少少你想法, 請多一個約外傭, 但有時 ...
除非你係正苦工, 如果唔係, 小朋友頭暈身馨唔返學, 學校假期, 考試運動會早放學, 家長日, 暑假等等都要有人睇住, 長假期全部去全日託管小朋友都好可憐, 尤其係暑假, 就算你請多兩年工人小朋友到小五, 問題都係一樣, 香港法例, 無論你小朋友多醒目, 工人多蠢, 15歲以下你都要有大人响屋企看實佢。無老人家做backup係好慘, 所以點解香港女性不能解放, 永遠都要被外傭牽著鼻子走。
仲有, 唔好以為你準時放工只不過煮餐飯好簡單, 其實工人都好多嘢做(如果佢勤力), 你返工以外仲要買餸、煮飯、洗衫、晾衫、疊衫、清潔屋企、幫小朋友看功課溫習、屋企人病咗做護士。當然, 請工人又勞氣又徙錢, 但係可以保證你放工有餐安樂茶飯, 你唔駛做家務可以專心教小朋友/親子時間。
作者: baubaulee 時間: 14-3-25 18:22 標題: 回覆：請比些意見
做家務會用去好多時間㗎！
作者: dabi34 時間: 14-3-25 23:54 標題: 回覆：請比些意見
方案二好D，女女不用困足幾個鐘
作者: Babyeddie 時間: 14-3-26 01:10 標題: 回覆：請比些意見
Option 2 of course if $ is not a concern
作者: MrBeast 時間: 14-3-26 08:38
一些additional factors for consideration:
1) 沒有姐姐，孩子可幫手家務，自理能力會好
2）但自己同時要處理埋家務和功課，可能個人會mung少少
3）自己病倒時有乜backup plan?
4) 我自己個case, 姐姐倍孩子做功課，佢自己就玩手機，not good, 你個又是如何的呢？
作者: nieualma 時間: 14-3-26 08:50
方案2比較好, 假如你囡囡跟得上, 可能不需要補習
作者: vincat 時間: 14-3-26 12:32
方案2,你試想想小朋友從8時左右上學, 到7時才可回家, 是很累的事, 本人工作9至6, 也想早點回家, 何況是小朋友, 而且有姐姐的話, 你也比較輕鬆一點, 小四開始各科都比較深一些, 不如給大家多一點休息的時間, 專注學業
作者: little_yolky 時間: 14-3-26 13:22
MrBeast 發表於 14-3-26 08:38
一些additional factors for consideration:
1) 沒有姐姐，孩子可幫手家務，自理能力會好
你下次轉姐姐真係要好好教下, 點可以陪小朋友做功課自己玩手機。你同佢講, 你再玩手機你返工前就收咗佢部手機, 放工至俾返佢。我有時响公園見到啲小朋友好可憐, 好細個, 工人姐姐陪去公園, 小朋友自己玩, 工人姐姐就係咁打電話。好孤單。
作者: smallfoothk 時間: 14-3-26 13:31
其實女女要初中才好,男仔可小四,因有很多金魚佬
作者: MrBeast 時間: 14-3-26 13:37
回覆 little_yolky 的帖子
多謝你的建議，現時已不是僱主市場，求過於供，工人姐姐好易搵工，唔like就quit, 你請過個cost 十分高。工人的bad behaviour 當然唔會咁張揚在僱主面前做la, 話佢佢咪話冇或哦，之後就照舊。
作者: HaYi 時間: 14-3-26 13:41
小學成日有特別的時間安排, 如返半日等, 如冇工人同家人可接手好煩, 所以我覺得點都要找個工人至小四以上先好.
作者: lukemom 時間: 14-3-26 14:46
我分享下, 我大仔小一, 細女k1, 我係working mama, 工人完約就冇請, 一來工人不太好, 二來多數都係自己照顧小朋友
但我條件係
1. 我公司同屋企好近, lunch回家整定晚飯
2. 女返全日, 在我公司同屋企中間條街, 女主要跟我返工, 跟我放工(因可六點才湊)
3. 仔學校都在屋企付近, 老公返工前湊返學, 放學坐校車到補習社, 補習社有EE湊回補習社, 5:30放工我會去湊女後再湊仔回家
4. 回家各自負責自己執野(書包, 校服, 沖涼, 做功課之類)
5. 我公司亞姐不錯, 有咩事都比我走, 有時遲返早走都OK
6. 平杲早放活動, 有時會請半日假同佢玩下, 如長假期我都會請假! 暑假好D, 有6299幫手~
7. 家務就同C6分工啦, 我煮飯, 洗廁所, C6洗碗, 抺地, 晒衫就叫2小朋友幫手
Overall, 係辛苦D, 但冇左工人姐姐, 2小朋友主動幫手做小家務eg. 放廁紙入櫃, 放egg入雪櫃, 派快子等...
作者: Mayle 時間: 14-3-26 14:55 標題: 回覆：lukemom 的帖子
真的佩服！！
作者: PandaTam123 時間: 14-3-26 15:31
本帖最後由 PandaTam123 於 14-3-26 15:32 編輯
謝謝各位意見!
就係因為現在個工人姐姐做左六年, 越來越不像樣, 她時常在房自己玩電話睇報紙, 有時在我和老公回來佢都照樣做, 即頭當你無到, 話佢咪黑你幾日面, 所以用埋十月就會唔再用佢, 另請一個成本又高, 又擔心佢地現在唔至在做, hea住咁, 所以就諗住囡囡去補習寄託可唔可行.
小一時已問過囡囡鍾唔鍾意去補習社做功課, 當時佢都拒絕, 我跟她說如在我放工回來前唔做好功課, 就要落去補習社, 所以到現在小二, 囡囡都會完成哂識既功課, 前排又再試探囡囡口風, 她都話唔想要姐姐, 還會幫手分擔家務, 但她又不太想去託管中心, 我估是無左佢私人時間啩!
我會再好好考慮利同幣, 再次謝謝各位給予我意見!
作者: PandaTam123 時間: 14-3-26 15:39
lukemom 發表於 14-3-26 14:46
我分享下, 我大仔小一, 細女k1, 我係working mama, 工人完約就冇請, 一來工人不太好, 二來多數都係自己照顧 ...
lukemom, 我想形式既同你做既一致, 我都諗如學校放半日, 或特別假期放假, 我和老公都請日假同女去下玩, 如真是個排忙請不到假, 囡囡就去託管一日.
想問下你囡囡k1返全日都六點才去湊她, 她有無唔開心?
作者: lukemom 時間: 14-3-26 15:42
PandaTam123 發表於 14-3-26 15:39
lukemom, 我想形式既同你做既一致, 我都諗如學校放半日, 或特別假期放假, 我和老公都請日假同女去下玩, 如 ...
作者: PandaTam123 時間: 14-3-26 15:52
lukemom 發表於 14-3-26 15:42
我女又無唔開心, 因都幾多小朋友都咁上下時間走! 有D仲可會食埋晚飯先走, 但我就唔會, 覺得好慘咁!
我上兩星期都去參觀過間託管中心, 因為是非牟利團體開辦, 所以都有紀律, 佢地放學上到去會分開課室每班級做功課, 有導師跟進教導功課, 完成功課溫習後, 他們會去多元智能室活動, 入面有棋類, 玩具等給他們玩, 我見個個都好開心玩住等父母來接.
作者: babychin 時間: 14-3-26 15:55 標題: 回覆：PandaTam123 的帖子
非常同意little yolky的意見
作者: lukemom 時間: 14-3-26 15:58
PandaTam123 發表於 14-3-26 15:52
我上兩星期都去參觀過間託管中心, 因為是非牟利團體開辦, 所以都有紀律, 佢地放學上到去會分開課室每班級 ...
你可以放學時間去睇下, 同埋留意定仲有冇其他補習社,
其實兩三小時好快過, 真係做功課溫下書, 時間差唔多我會叫仔係補習社做埋公文之類既功課, 有時我又會比D練習佢做, 我同仔講係補習社做晒所有野, 回來就可以全玩~ 佢都好合作~
作者: lukemom 時間: 14-3-26 16:01
有工人姐姐時, 仔回家時好多時唔識做, 打電話黎問, 有時又唔知佢講咩, 等我回來時做, side左好多時間, 以家去補習社, 起埋有人guide住佢做, 但我都怕話補習社會比答案佢, 所以我自己都會再比練習佢, 回來我睇下佢係咪真係識, 唯有自己跟緊D~
作者: lukemom 時間: 14-3-26 16:07
當然做ftm最好, 自己照顧晒, 但現今社會, 唔係個個家庭可以囉!
OR
請到個好好既工人 (但我之前果個, 我只覺我無犯法, 唔係獨留小孩在家中囉)
另以家請工人既成本下下過萬, 黎到又唔知好唔好, 以家習慣左都唔係唔可行, 暫時都頂到, 如果家務真係辛苦, 我會請鐘點~
作者: 藍藍媽 時間: 14-3-28 13:28 標題: 引用：+本帖最後由+PandaTam123+於+14-3-26+15:32
原帖由 PandaTam123 於 14-03-26 發表
本帖最後由 PandaTam123 於 14-3-26 15:32 編輯
謝謝各位意見!
作者: little_yolky 時間: 14-3-28 14:53
藍藍媽 發表於 14-3-28 13:28
而家做父母真比以前難，想當年，我小三已自己放學返屋企，自己响雪櫃攞餸放入電飯㷛煮熟，自己食飯、做功課 ...
其實外國人係唔係唔用電飯煲蒸餸?
作者: PandaTam123 時間: 14-3-28 16:43
藍藍媽 發表於 14-3-28 13:28
而家做父母真比以前難，想當年，我小三已自己放學返屋企，自己响雪櫃攞餸放入電飯㷛煮熟，自己食飯、做功課 ...
兒時我都係一樣, 個時父母又好放心我地一個人回來, 自己開火煮食, 細個回到家仲要拖地掃地煲水, 記得小三四時攞住個大熱水煲倒熱水落暖壺度, 個暖壺放係洗手盆仲高過我自己少少, 當時又唔識驚會整親喎.
作者: 洋蔥頭媽咪 時間: 14-3-28 18:52 標題: 引用：囡囡來緊升小三,+工人姐姐會在十月約滿回鄉
原帖由 PandaTam123 於 14-03-25 發表
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...
我囝都係放學校車到附近，會有人接佢，休息一陣食d野4點開始分组做功課，唔識有導師教，默書都會幫手，做完功課亦有集體活動，有晒規律，我地都係七點前接佢，返到家基本佢自己沖涼收拾書包同食完飯就自己時間，睇電視、玩i.pad、玩玩具、睇圖書乜都得，不知幾好。好處係有規律、唔識又有人教，又有人陪玩、有群體生活，就算復活節、聖誕節、暑假都有活動，亦優先收佢地唔駛周圍揾，其實唔駛擔心小朋友返全日好惨，佢地活動係有晒時間表，比起小朋友留响屋企只對住工人其實仲好。而且日後高小有時多功課，如果等我地返去先教夜晚真係冇晒時間，所以我覺得而家好好，我囝都好鍾意，而家有時仲會做義工添。
作者: brabra 時間: 14-3-28 23:02
回覆 PandaTam123 的帖子
囡囡年紀太細, 放補習社會有些不安全, 怕有色摩.
都係請返個工人好D.
作者: yamyau 時間: 14-3-31 13:01
我都類似你Case不過囡囡小五, 所以我選擇了第一，因為小五確實要參加功課班/補習班, 托管班又有接放學服務，加上好工人越來越難求, 介紹費亦倍增。
姐姐回鄉差不多一年，現在我們才適應，因為時間太長(朝6:30晚6:30)囡囡好辛苦，起初還有點擴拒，而大人就要將家務迫於晚上兩個小時內要完成，不單止煮飯洗碗咁簡單, 還有洗衫熨衫, 吸塵抹地, 假日洗廚房廁所，換床單毛巾洗窗簾....................等等
溫馨提示 - 大家都用了工人咁多年需要時間來適應
雖然容易請假，假日又有全日托管(全日做練習?日日食賣飯盒?)
但囡囡小三仲係蜜月期
開心多兩年先啦
作者: PandaTam123 時間: 14-3-31 16:32
洋蔥頭媽咪 發表於 14-3-28 18:52
我囝小三開始就係放學後去託管，细時嫲嫲湊，後期請 EE，又貴又唔掂，仲要隨時放你飛機，幸好终於揾倒托管 ...
hi, 你囝囝個間託管形式同我諗住找個間一模一樣, 你個間係咪在葵涌石梨麥理x中心?
作者: PandaTam123 時間: 14-3-31 16:46
回覆 yamyau 的帖子
yamyau, 多謝你給我意見!
現階段還是諗緊, 最遲可以考慮到暑假前才決定.
我在想小三功課未去到好深, 可以慢慢適應放學後託管, 到小五開始準備呈分, 到時先轉變可能會更難適應, 因為一來功課會更加多, 小朋友家長都開始有壓力, 二來又要轉變放學後託管地方.
至於家務方面, 煮飯洗碗算是我強項, 問題應該不大, 掃地拖地就要訓練囡囡去幫手, 清潔方面, 諗住到時會星期六或日安排鐘點上來.
其實最緊要是以囡囡方面著想.
作者: 洋蔥頭媽咪 時間: 14-3-31 19:47 標題: 引用：Quote:洋蔥頭媽咪+發表於+14-3-28+18:52+我
原帖由 PandaTam123 於 14-03-31 發表
hi, 你囝囝個間託管形式同我諗住找個間一模一樣, 你個間係咪在葵涌石梨麥理x中心? ...
如果你想小朋友容易適應，就唔好比錯覺小朋友去呢度好惨，冇人理，又或者太負面，成績唔好先要託管…… 小朋友就容易適應。
作者: PandaTam123 時間: 14-4-1 11:13
回覆 洋蔥頭媽咪 的帖子
洋蔥頭媽咪, 謝謝你的意見!
作者: do-re-me 時間: 14-4-7 22:58 標題: 回覆：PandaTam123 的帖子
你放工仲要做家務,如囡囡唔係自動波性格,你會好勞氣
作者: Homag 時間: 14-4-8 09:18 標題: 回覆：請比些意見
我都見意請另外一個工人做多兩年，但女女也照去補習班，但不要補太長時間，補三天每次1.5小時最適合，咁様大家都舒服啲，又唔洗為咗佢啲功課擔心，用多小小錢可解決不少問題，因我都係用緊呢個方案！
| 歡迎光臨 教育王國 (/) |
Powered by Discuz! X1.5 |