教育王國

標題: 國際班定學卷學校 [打印本頁]

作者: cscsmlkyh 時間: 14-3-22 01:15 標題: 國際班定學卷學校

其實本來一心讀國際升直資/私立小學，因為考既全部fail 或waitlisted. 點知最尾一間考既新校收左，而家二揀一，唔知點揀。兩間都係四月先收留位費。所以我都有小小時間諗....

國際全英，四千幾，有小學直升，一程車，新新地，上午班，happy school.

學卷我諗幾乎全中，扣左學卷千幾，一程車，全新，下午班，happy school.

我住中間，兩間既距離幾乎一樣，但學卷就近婆婆屋企d, 係行到(30分鐘

), 但坐車要兩程車，除非的士。國際就係遠d ，但就一程車。

我同先生都會計劃俾小朋友去外國讀書。

問題就黎嘞，到底讀好d 中文定讀好d 英文？？讀好d 英文，第時適應冇咁辛苦？定讀好d 中文？因為始終係中國人，4大長老英文都麻麻地，其他親戚大部分係外國，下一代應該都係英文人...

我自己中文好麻麻，先生中文唔錯，似乎想小朋友中文都好，但我自己就覺得英文好 d 適應期短d 對小朋友好d...因為我自己都經歷過係外國升學適應既難堪，唔想小朋友有自己既唔開心經歷....

所以好難揀呀！！！！！

作者: bennyeva 時間: 14-3-22 07:38 標題: 引用：其實本來一心讀國際升直資/私立小學，因為

原帖由 cscsmlkyh 於 14-03-22 發表
其實本來一心讀國際升直資/私立小學，因為考既全部fail 或waitlisted. 點知最尾一間考既新校收左，而家二 ...

嘩!!! 我同你好似。原本就諗住送個囡去外國，又唔中意田鴨教育，所以報國際班而家收左一間，又係一程車。但同時間又係收左間學卷，都係一程車。問題係我想佢去到外國英文好d易適應，但我比較中意happy school, 所以好煩. 我比你易決定，因為間國際班係谷嘅，所以我應該會揀學券happy school.

而家等緊另一間IS call waiting, 因sliding 已經霸哂d位，如果真係call 到，到時就堅係唔識揀喇，因為兩間都係happy school :)

作者: bennyeva 時間: 14-3-22 07:43 標題: 引用：其實本來一心讀國際升直資/私立小學，因為

原帖由 cscsmlkyh 於 14-03-22 發表
其實本來一心讀國際升直資/私立小學，因為考既全部fail 或waitlisted. 點知最尾一間考既新校收左，而家二 ...

我都係外國升學，所以覺得適應嘅野可以當係磨練吧，無可否認，英文好d一定易好多，但你要比較下兩間學校除左語景之外仲比到咩野你，邊一間教德育好d，反而係重點。

作者: aprilwychan 時間: 14-3-22 08:44

我情況也差唔多,暫傾向學券,視乎幾歲去外國,如十歲前容易適應,英文好快上手吾需要現在谷,學好些中文先,最多去上下英語会話及家中是菲傭,英文不會太差.不過幾歲去我未決定因想一家回流要揾夠錢先
但仍少許可能選國際學校回那間師資十分好及小班教學,學卷那間是傅統老牌, both happy school 及一程車15分鐘,但价錢差超遠,千頭 vs $7000,頭痕呢

作者: cscsmlkyh 時間: 14-3-22 12:45

bennyeva 發表於 14-3-22 07:43
我都係外國升學，所以覺得適應嘅野可以當係磨練吧，無可否認，英文好d一定易好多，但你要比較下兩間學校除 ...

因為一間係全新校，另一間亦只係幾年，所以真係唔太知教出黎或者detail 係點，不過兩間都係基督教，我諗德育會ok. 而且兩間辦學團體都係有經驗既，所以真係，唔覺得兩間除左語文之外有咩大分別。
唯一分別可能係讀國際就未必會返轉頭讀津校....除非考到間好好既津校（但其實未必會去考）

作者: cscsmlkyh 時間: 14-3-22 12:50

aprilwychan 發表於 14-3-22 08:44
我情況也差唔多,暫傾向學券,視乎幾歲去外國,如十歲前容易適應,英文好快上手吾需要現在谷,學好些中文先,最多 ...

我諗住grade 9/10 先同佢過去，咁既年紀其實幾"監戒"，唔係會pick up 唔到，難d. 但我先生傾向大學先去...我就好唔想。
所以我地都唔會太細俾佢去，先諗係咪打好d 底好d

作者: cscsmlkyh 時間: 14-3-22 12:54

aprilwychan 發表於 14-3-22 08:44
我情況也差唔多,暫傾向學券,視乎幾歲去外國,如十歲前容易適應,英文好快上手吾需要現在谷,學好些中文先,最多 ...

千頭同七千差好遠喎真係！同埋我諗七千兩年都唔係最緊要，但再升上去分分鐘仲貴！

作者: bennyeva 時間: 14-3-22 13:05 標題: 引用：Quote:aprilwychan+發表於+14-3-22+08:44+

原帖由 cscsmlkyh 於 14-03-22 發表
我諗住grade 9/10 先同佢過去，咁既年紀其實幾"監戒"，唔係會pick up 唔到，難d. 但我先生傾向大學先去... ...

我同老公都唔捨得，都係想佢1516歲先過去😔但如果而家唔揀國際去揀學券的話，點都唔係易適應咖喇，要取捨

作者: cscsmlkyh 時間: 14-3-22 13:28

bennyeva 發表於 14-3-22 13:05
我同老公都唔捨得，都係想佢1516歲先過去😔但如果而家唔揀國際去揀學券的話，點都唔係易適應咖喇， ...

係囉，就係咁大先過去果度係問題囉.....坦白講我唔怕佢學業上追唔上，我自己讀普通中學亦唔係讀書好勁既，成績係冇問題，尤其理科，但去到識朋友就係問題，就算你幾想"容入"佢地，就算對方係幾welcome, 有時打唔入個圈子就係打唔入，當然文化背景有關係，但語言係一大障礙，要溝通唔係溝通唔到，但人地係要講慢d 就你，一大班人邊得閒就你咁多，久而久之大家都冇癮啦，除非你去山卡拉冇華人者（但我地會去既出名多中國人，一定唔會去第度），最後多數係入華人堆，呢個本身唔係大問題雖然，但要係一個地方生活，咁辛苦何必呢？我自己就真係唔想小朋友咁，雖然我眼見多數係咁，除非十歲以下就過去，不過我地一定唔會同佢咁細去......除非香港真係唔住得.....

作者: cscsmlkyh 時間: 14-3-22 13:30

本帖最後由 cscsmlkyh 於 14-3-22 13:31 編輯

但同時間作為中國人，中文的確好重要，亦唔想佢唔識

當然一定唔會唔識，但未必夠好

作者: bennyeva 時間: 14-3-22 21:39 標題: 引用：Quote:bennyeva+發表於+14-3-22+13:05+我同

原帖由 cscsmlkyh 於 14-03-22 發表
係囉，就係咁大先過去果度係問題囉.....坦白講我唔怕佢學業上追唔上，我自己讀普通中學亦唔係讀書好勁既， ...

有同感…如果兩間都係happy school, 而國際嗰度德育都ok, 我會揀國際。但如果國際德育唔ok, 老師無愛心，我會揀學券。

作者: monmonbbb 時間: 14-3-22 23:17

我有錢的話會去國際
想慳錢就學券

作者: annayu 時間: 14-3-24 09:52 標題: 引用：其實本來一心讀國際升直資/私立小學，因為

原帖由 cscsmlkyh 於 14-03-22 發表
其實本來一心讀國際升直資/私立小學，因為考既全部fail 或waitlisted. 點知最尾一間考既新校收左，而家二 ...

其實吾使咁頭痕呀！
願意比多d就國際，想省錢就學券。
我好多類似背景的親朋好友，佢地挑學校都係純個人取向比吾比$ at kg stage而已。
語文學習重啟蒙。
除非家長冇打算小朋友留學前先帶佢去旅遊或探親去增廣見聞，不然，kg階段只靠學校的重要性相對好微。
語言係人類survival tool, 眼界開左自然會有求知求真本能興趣。小朋友所以喪失左這本能，只係家長ignore左而已。
FYI, 觀察所得，親朋好友加自己小朋友都英語為primary language, 但我們冇好似其他人咁様，帶佢上咩英語playgroup.

作者: bennyeva 時間: 14-3-24 11:55 標題: 引用：我有錢的話會去國際想慳錢就學券

原帖由 monmonbbb 於 14-03-22 發表
我有錢的話會去國際
想慳錢就學券

我估錢對樓主來説應該唔係「最重要」的考慮因素（可能只係其中一點），如果供唔起的話，一開始就唔會報國際了吧。既然而家有兩個offer, 應該考慮清楚d係好事

作者: monmonbbb 時間: 14-3-24 14:59

回覆 bennyeva 的帖子

因為我自己都係咁~ 讀緊國際但真係想慳錢但見英文真係教得不錯吾捨得放棄

作者: bennyeva 時間: 14-3-24 15:03 標題: 回覆：monmonbbb 的帖子

你的考慮也是對的，我都係想個囡英文好d,所以都煩惱過，有時…錢係用來買番小朋友個愉快童年同親子時間，唔洗出去補英文班：）

作者: kwan_0128 時間: 14-3-24 16:49

我都有呢個煩惱, 但最終選擇happy school學卷學校
主要唔想咁谷, 想課程全面平均d, 而且太專注英文都唔係咁好, 話晒英文易學過中文
而家中文太差好蝕低, 中文唔係至細浸淫好難學得識

作者: cscsmlkyh 時間: 14-3-27 21:41

bennyeva 發表於 14-3-22 21:39
有同感…如果兩間都係happy school, 而國際嗰度德育都ok, 我會揀國際。但如果國際德育唔ok, 老師無愛心，我 ...

我諗ok, 因為寫到明有bible story time. 但都打算呢幾日係學校附近觀察下！

作者: Potato001 時間: 14-3-27 21:53 標題: 回覆：cscsmlkyh 的帖子

其實好多國際班都有教中文的，只是時間較短，問清楚才決定較好。自己亦可以在家教小朋友中文，始終香港中文人較多，要學中文不難。

作者: cscsmlkyh 時間: 14-3-27 22:02

annayu 發表於 14-3-24 09:52
其實吾使咁頭痕呀！
願意比多d就國際，想省錢就學券。
我好多類似背景的親朋好友，佢地挑學校都係純個人取 ...

我同意唔可能只倚靠學校，坦白講我覺得直到小學完之前，學校同家長都係好重要。上到中學，大概就開始有獨立既一面，當然學校同家長仍要幫助，但已經比小學小。到高中，大學，基本上一定靠自己。
語言係生存工具之一我亦同意，只不過，假如係可以提供到較好既語境，減小適應期，呢個，講白d 係用錢去減低佢有可能會遇見既挫敗，我相信，正正係因為自身經歷，做父母後，更想為小朋友多鋪排。當然過份保護，人生中沒有經歷亦唔係好事，但人生要面對既已經好多，況且，要經歷既事，就係你有幾好預算都好，亦會經過。所以，只不過係能力所及既事情上，為小朋友準備好d 者，反正佢一定會需要遇見。

想當然，佢生在香港，或者佢亦會好似父母咁，返黎佢出生既地方發展，咁中文當然又係考慮之列。之所以因為咁，我先有咁既猶豫，假如可以兩者兼容，我就唔會咁考量，但的確，兩間幼稚園出路完全不一樣，先有咁既問題。

錢，假如係問題，一早就唔會考慮國際，錢只係其中一樣，而唔係最主要既一項

作者: cscsmlkyh 時間: 14-3-27 22:09

monmonbbb 發表於 14-3-24 14:59
回覆 bennyeva 的帖子

因為我自己都係咁~ 讀緊國際但真係想慳錢但見英文真係教得不錯吾捨得放棄

我覺得讀國際一路上都係錢，就係因為計過覺得可以負擔，再加上唔想小朋友轉黎轉去，先想係開始時諗清楚......（我唔係覺得你冇諗清楚，因為當然你做呢個選擇時可以有好多原因）

作者: cscsmlkyh 時間: 14-3-27 22:11

bennyeva 發表於 14-3-24 15:03
你的考慮也是對的，我都係想個囡英文好d,所以都煩惱過，有時…錢係用來買番小朋友個愉快童年同親子時間，唔 ...

其實我係唔主張上補習班既父母....所以假如讀學卷學校，我都唔會出去補英文....vice versa...讀國際唔會去補中文....我會自己教only....

作者: cscsmlkyh 時間: 14-3-27 22:16

kwan_0128 發表於 14-3-24 16:49
我都有呢個煩惱, 但最終選擇happy school學卷學校
主要唔想咁谷, 想課程全面平均d, 而且太專注英文都唔係咁 ...

佢間國際唔係好出名既名校，係出名既happy school, 所以佢間國際都唔係谷既。
中文....佢爸爸話佢自己教都ok...不過我都覺得係傳統學校學個底應該會好d....

但我自己又係另一個sample...雖然都讀到中學...但我既中文程度係長期比人笑既...

作者: cscsmlkyh 時間: 14-3-27 22:20

Potato001 發表於 14-3-27 21:53
其實好多國際班都有教中文的，只是時間較短，問清楚才決定較好。自己亦可以在家教小朋友中文，始終香港中文 ...

一星期好似得40分鐘.....口語相信一定冇問題，怕書寫難，寫慣英文中文相對好難...

作者: monmonbbb 時間: 14-3-27 22:40

吾係喎~小學會讀返主流
宜家日日自己教中文

作者: cscsmlkyh 時間: 14-3-27 23:39

monmonbbb 發表於 14-3-27 22:40
吾係喎~小學會讀返主流
宜家日日自己教中文

讀返主流咁中文真係差得遠喎會，你教佢佢鍾唔鍾意？

作者: bennyeva 時間: 14-3-28 07:07 標題: 回覆：cscsmlkyh 的帖子

咁真係喇，如果你睇左國際係有愛心嘅happy school , 之後上去國際學校有條路上嘅，應該係揀國際好d, 但一揀左國際就唔好同傳統嗰d比，因為中文一定無咁好，而且人地學咩學咩嘅時侯，自己小朋友一定無咁多專長，假如你同你先生都覺得handle 到，我都會揀國際

作者: monmonbbb 時間: 14-3-28 22:50

回覆 cscsmlkyh 的帖子

有時你俾得小朋友擇, 佢都未必實鐘意讀書啦有啲位唯有俾佢知道佢一定要咁做 ITS Compulsory, she /he has no choice
暫時我小朋友啲英文都叫流利完整句子當然GRAMMAR未必啱

作者: monmonbbb 時間: 14-3-28 22:51

不過如果係好名既學券, 當然學券啦

作者: cscsmlkyh 時間: 14-3-29 12:08 標題: 回覆：monmonbbb 的帖子

名氣有，但係係果個辦學團體既新校

作者: saiwinghei 時間: 14-3-29 14:03 標題: 回覆：cscsmlkyh 的帖子

不如你講下邊間學劵，大家可以比多少少 advise 你。

作者: cscsmlkyh 時間: 14-3-29 15:40

荃灣靈糧堂

歡迎光臨教育王國 (/)