教育王國

標題: 發展遲緩同智力有咩關係？係咪即係智力低下？ [打印本頁]

作者: Selena2012 時間: 14-3-19 08:58 標題: 發展遲緩同智力有咩關係？係咪即係智力低下？

我呀囡21個月未識行，一路都有係醫院做物理治療，職業治療。尋日係政府兒童評估中心評估完，醫生話佢各樣能力只有9-12個月，排S位。我知智力評估好似要6歲先可以做，但我尋日冇勇氣問醫生咁我呀囡既智力係咪低下呢。

我一路覺得我呀囡各方面都係發展遲緩，但我以為佢既情況可能會排I位。當醫生話佢能力只係而家應有既一半，我好傷心。

大家知唔知道發展遲緩同智力有咩關係呢？

作者: methy 時間: 14-3-19 09:38 標題: 回覆：Selena2012 的帖子

我仔一樣發展慢，歲半先坐穩，2歲半先放手行，小肌（手仔）差不多4歲先握到筆，因為大小肌影響，做唔到應有既反應，會影響智力表現。

我仔4歲了，入左S位一年，日日有物理治療師抽根，職業治療師跟進小肌，加水療，越來越叻，講野係叮一聲，一句句咁表達，智力我覺得足以應付日常生活，但學野明顯係慢少少，但正常小朋友能力都各有不同，我唔會去著意發展慢同智力既關係，盡量幫佢。
歲半時上物理治療，職業治療，上BB游泳班，推拿針灸，3歲就加埋言語治療、上門PST(特殊幼兒工作員），家居訓練。
現在四歲、主要一星期五日返S位，一星期一節社交小組，仲有仍然繼續推拿當全身被動運動。

小朋友細，進步空間可以好大，努力配合治療師訓練，總會有日叮一聲比驚喜你架，加油！

歡迎光臨教育王國 (/)